Bo Rashed
12/03/2004, 08:22 PM
السلام عليكم ورحمة الله وبركاته
يا جماعه انا اوصي كل واحد بيطلع كشته انه يحرص على الخوي الشقردي اللي ينشد فيه الظهر واللي اذا انت تعبت هو يشتغل واللي اذا عزمت فيه على شي قالك توكلنا على الله وانتبهوا من الكسول ومن مهبطين العزايم.
هالسالفه صارت لي في رحله لمنطقة الزخنونية وهي جنوب العجير ولا تبعد كثيرا عنه، كان معاي 3 من اعز اخوياي ومن احسن الناس اللي طلعت معاهم في رحلات صيد، وكانت طرق الصيد اللي استخدمناها منوعه فمثلا اول ما وصلنا حطينا الغزول (الشبك) وبعد ما خلصنا من الغزول وكانو 4 من نوع ابو ثلاث وجيه (3 طبقات) رحنا حطينا خيط مده فيه 100 ميدار وبعدين ريحنا شوي والمسيان طحنا في الشعم والسبيطي بالحداق على السيف.
صيدنا كان والحمد لله اكثر من ممتاز فالغزل صاد صافي وينم والمد صاد سبيطيه والحداق شعوم وسبيطي ومزيزي وعبينا ثلاجه كامله في هالرحله وطبعا ثلاجه قليل لكن بالنسبه لهالزمن ففي افضل الاحوال تطلع لك بثلاجه، عموما كل شي كان والحمد لله ماشي تمام وما يحتاج الى ان دخلنا يوم الجمعه وجا وقت التحميل عشان نمشي.
اخوياي شافوا في اليوم اللي قبله بعض الدول (قنديل البحر) في الغزل واستكرهوا انهم يقربون منه طبعا بسبب الحكه والتقريص اللي يسببه وخصوصا اذا جاك في اماكن حساسه عذاب ما عمري شفت مثله. المهم اقول للشباب يله دخلنا نشيل الغزول عشان نمشي وانا انتظر ردهم واشوف وجيه الجماعه تغيرت وتقلبت وانا يدق قلبي وخايف على غزولي اللي توني شاريهم، قال اول واحد والله يا بوراشد انا ما اعرف للغزول واحس اني مريض وما اقدر ادخل اشيلهم معاك قلت له طيب انت معذور من اهل الرياض وتوك متعلم على البحر بس شاطر تسمت على الشعوم والسبيطي وكل ما شفت شي قلت (وش ذا) لكن الباقين اللي من صغرهم مع البحر والصيد وش عذرهم.
قال الثاني وهذا المصيبه والمشكله انه اكبرنا وانا شادن فيه الظهر لكن ماش طلع خرطي قلت هاه يا فلان مشينا قال ااااه والله يا بو راشد انا مقدر ادش معاكم قلت خير عسى ما شر قال والله يخوك احس فيني -شحطه- هو قال شحطه يوم نفقع من الضحك قلت وش قال فيني شحطه في بلعومي وما اقدر ادخل وانا اقول في نفسي عذر اقبح من ذنب واقوله الله يلعن ابليسك ما لقيت الا ذا العذر على الاقل جب شي مقبول ما لقيت الا شحطه.
والتفت على اخر واحد من الشباب ونظرتي نظرت واحد فاقد الامل خلاص قلت ها يا بو فلان مشينا ولا مثل اخويانا قال افا عليك قم انا عصاك اللي ما تعصاك والله وينقز مثل الذيب ويبدل وندش للغزل.
عاد خوينا الاخير الشقردي عليه يد ما شاء الله نسميها الكبس اذا مسك شي خلاص والله ونستلم هذا اليوم ما غير تفغيص بالدول عشان نفكه من الغزل وانواع الحكه والتقريص والتحرقص وما رجعت البيت الا يديني تقول محترقه واجلس اسبوع اداويها كريمات وبلاوي ومن يومها مشت على خوينا الشحطه لان كنا ندور له لقب وزين جات منه.
وسلامتكم
وفقكم الله تحياتي
يا جماعه انا اوصي كل واحد بيطلع كشته انه يحرص على الخوي الشقردي اللي ينشد فيه الظهر واللي اذا انت تعبت هو يشتغل واللي اذا عزمت فيه على شي قالك توكلنا على الله وانتبهوا من الكسول ومن مهبطين العزايم.
هالسالفه صارت لي في رحله لمنطقة الزخنونية وهي جنوب العجير ولا تبعد كثيرا عنه، كان معاي 3 من اعز اخوياي ومن احسن الناس اللي طلعت معاهم في رحلات صيد، وكانت طرق الصيد اللي استخدمناها منوعه فمثلا اول ما وصلنا حطينا الغزول (الشبك) وبعد ما خلصنا من الغزول وكانو 4 من نوع ابو ثلاث وجيه (3 طبقات) رحنا حطينا خيط مده فيه 100 ميدار وبعدين ريحنا شوي والمسيان طحنا في الشعم والسبيطي بالحداق على السيف.
صيدنا كان والحمد لله اكثر من ممتاز فالغزل صاد صافي وينم والمد صاد سبيطيه والحداق شعوم وسبيطي ومزيزي وعبينا ثلاجه كامله في هالرحله وطبعا ثلاجه قليل لكن بالنسبه لهالزمن ففي افضل الاحوال تطلع لك بثلاجه، عموما كل شي كان والحمد لله ماشي تمام وما يحتاج الى ان دخلنا يوم الجمعه وجا وقت التحميل عشان نمشي.
اخوياي شافوا في اليوم اللي قبله بعض الدول (قنديل البحر) في الغزل واستكرهوا انهم يقربون منه طبعا بسبب الحكه والتقريص اللي يسببه وخصوصا اذا جاك في اماكن حساسه عذاب ما عمري شفت مثله. المهم اقول للشباب يله دخلنا نشيل الغزول عشان نمشي وانا انتظر ردهم واشوف وجيه الجماعه تغيرت وتقلبت وانا يدق قلبي وخايف على غزولي اللي توني شاريهم، قال اول واحد والله يا بوراشد انا ما اعرف للغزول واحس اني مريض وما اقدر ادخل اشيلهم معاك قلت له طيب انت معذور من اهل الرياض وتوك متعلم على البحر بس شاطر تسمت على الشعوم والسبيطي وكل ما شفت شي قلت (وش ذا) لكن الباقين اللي من صغرهم مع البحر والصيد وش عذرهم.
قال الثاني وهذا المصيبه والمشكله انه اكبرنا وانا شادن فيه الظهر لكن ماش طلع خرطي قلت هاه يا فلان مشينا قال ااااه والله يا بو راشد انا مقدر ادش معاكم قلت خير عسى ما شر قال والله يخوك احس فيني -شحطه- هو قال شحطه يوم نفقع من الضحك قلت وش قال فيني شحطه في بلعومي وما اقدر ادخل وانا اقول في نفسي عذر اقبح من ذنب واقوله الله يلعن ابليسك ما لقيت الا ذا العذر على الاقل جب شي مقبول ما لقيت الا شحطه.
والتفت على اخر واحد من الشباب ونظرتي نظرت واحد فاقد الامل خلاص قلت ها يا بو فلان مشينا ولا مثل اخويانا قال افا عليك قم انا عصاك اللي ما تعصاك والله وينقز مثل الذيب ويبدل وندش للغزل.
عاد خوينا الاخير الشقردي عليه يد ما شاء الله نسميها الكبس اذا مسك شي خلاص والله ونستلم هذا اليوم ما غير تفغيص بالدول عشان نفكه من الغزل وانواع الحكه والتقريص والتحرقص وما رجعت البيت الا يديني تقول محترقه واجلس اسبوع اداويها كريمات وبلاوي ومن يومها مشت على خوينا الشحطه لان كنا ندور له لقب وزين جات منه.
وسلامتكم
وفقكم الله تحياتي