المساعد الشخصي الرقمي

مشاهدة النسخة كاملة : يا أهل اليوكن فزعتكم


جبل حبشي
15/12/2008, 11:50 AM
عندي يوكن 2005دبل في أجازة العيد كنت مسافر للشمال وبعد ساعتين ريحنا في الطريق نصف ساعة وبعد مامشيت حوالي 50كيلومتر فلت القير وأشوف الأزرار حقت القير وألا علي الأوتوato وبعد ذلك وقفت وحولته علي 2H يمشي وبعد مايغير الثالث يفلت القير مرة ثانية ,الدبل الخفيف والثقيل شغال ولافيه أي أنذار علي شاشة المعلومات اللي بالطبلون ,,,
قمت وحطيته علي الأوتوATO ومشي بدون أي مشاكل وأذا حولته ثاني مرة علي 2H رجعت المشكلة ,,مريت الوكالة في حفرالباطن قالوا ما عندنا أخصائي قير مريت ورشة كبيرة معروفة بالحفر وقالي الفلبيني بعد ما طلع علي الموتر أحتمال كبير محتاج أعادة البرمجة ,,,فصلت البطارية لمدة9ساعات ولافيه فايدة ,,,
شوركم علي ياجماعة وش تتوقعون العلة فيه وهل مرة علي أحد ,,الموتر علي الأوتو مافيه أي شي ويمشي زي الحلوة ولافيه ألا صوت ....
عاشق النحم
15/12/2008, 11:54 AM
شيك على حساس القير......المشكلة منه 100% واسألني انا

عمدي ملاحظة...اذا صارت لك مشكلة لا تفصل البطارية لأنك راح تفقد المعلومات الي سجلها الكمبيوتر وعند الفحص يكون ما فيه اي مشاكل بالسيارة وهذا يعقد المشكلة اكثر....
جبل حبشي
15/12/2008, 12:10 PM
شيك على حساس القير......المشكلة منه 100% واسألني انا

عمدي ملاحظة...اذا صارت لك مشكلة لا تفصل البطارية لأنك راح تفقد المعلومات الي سجلها الكمبيوتر وعند الفحص يكون ما فيه اي مشاكل بالسيارة وهذا يعقد المشكلة اكثر....
جزاك الله خير ياعاشق النحم علي التجاوب ,أنا أعتقد أن المشكلة ماهي كبيرة يمكن زي ما قلت حساس القير
لكن هل تغيره صعب وهل هو مكلف,الله يجزاك خير
nosh2020
15/12/2008, 12:19 PM
نفس المشكلة مرت علي بطريق الجنوب ووجدت الحل في ورشة بمدينة الرس ارجو منك الاتصال على جوال0515183296
ابوعقل
15/12/2008, 12:20 PM
السلام عليكم

الله يعطيك خيره ويكفيك شره

اذا انت حاطه على الأوتو تعشيقات القير سليمه؟؟؟

ولا فيه صوت؟؟؟؟؟؟؟
جبل حبشي
15/12/2008, 12:26 PM
السلام عليكم

الله يعطيك خيره ويكفيك شره

اذا انت حاطه على الأوتو تعشيقات القير سليمه؟؟؟

ولا فيه صوت؟؟؟؟؟؟؟
تعشيقاته سليمة ما فيها شي بس علي 2H يقوم يفلت بعد الثالث
وشكرا علي الأهتمام يا أبو عقل
النشمي11
15/12/2008, 02:59 PM
حساس الدبل

القير ما فيه اي مشكله

عموما هي مشكلة في موديلات 2004 و 2005

خله دايم على الأوتو حتى تصلح الحساس
جبل حبشي
15/12/2008, 04:41 PM
حساس الدبل

القير ما فيه اي مشكله

عموما هي مشكلة في موديلات 2004 و 2005

خله دايم على الأوتو حتى تصلح الحساس
النشمي
بارك الله فيك
هل أنت متأكد أنه حساس الدبل ,يعني قد مرة عليك نفس المشكلة وهل يحتاج تنزيل القير أو الدبل وكم التكلفة لتصليح الحساس
والله يجزاك خير .......
عاشق النحم
15/12/2008, 06:29 PM
نفس المشكلة مرينا فيه وطلعت من حساس القير.......!

وبالنسبة لسعر الحساس وتغييره غير مكلف جدا...
جبل حبشي
16/12/2008, 11:56 AM
دخلت الموتر للوكالة اليوم وننتظر تقريرهم ,,أذا أحد عنده معلومة جديدة لا يبخل علينا ,وجزاكم الله خير مقدما,,
alkongrs
16/12/2008, 12:44 PM
حساااااااااااس القير
النشمي11
16/12/2008, 02:20 PM
الحساس متأكد منه

وقلت لك هو عيب في موديلات 2004 و 2005

وكثير من العيال يشتكون منه

وكما قلت لك خله على الاوتو حتى تصلح الحساس

والظاهر قيمة الحساس 800 ريال
المميـز
16/12/2008, 10:02 PM
دخلت الموتر للوكالة اليوم وننتظر تقريرهم ,,أذا أحد عنده معلومة جديدة لا يبخل علينا ,وجزاكم الله خير مقدما,,


بشرنا اخوي وش يصير معك ...



...
جبل حبشي
16/12/2008, 10:47 PM
بشرنا اخوي وش يصير معك ...





...

الوعد معاهم غدا وتتضح الرؤية وأن شاء الله أفيدكم ,,وشكرا علي الأهتمام.......
مداوي الهلي
17/12/2008, 02:05 PM
تكفى وش صار في موترك نفس المشكلة صارت لي وانا الحين في الرياض مدري وش اسوي ياالله الخيرة
جبل حبشي
17/12/2008, 05:31 PM
وعدوني يتصلون اليوم ودقيت عليهم كم مرة ولايردون (العادة) وما قدرت أطلع من العمل ألا الساعة 4العصر وما قدرت أروح لهم ,,
غدا سوف أذهب أليهم ...وعسي خير أن شاء الله وسوف أفيدكم ماذا حصل معي...
جبل حبشي
18/12/2008, 11:49 AM
وعدوني يتصلون اليوم ودقيت عليهم كم مرة ولايردون (العادة) وما قدرت أطلع من العمل ألا الساعة 4العصر وما قدرت أروح لهم ,,
غدا سوف أذهب أليهم ...وعسي خير أن شاء الله وسوف أفيدكم ماذا حصل معي...
يا جماعة
الوكالة قالوا لي أن (موتر) الدبل عطلان وتغيرة بعد الخصم 2900ريال ,قلت لهم طيب تغير الحساس بس بدون الدينمو قالوا ما نضمن أن المشكلة تنتهي ,,قلت الشكوي لله غيروا دينموا الدبل بعد الظهر اليوم يخلص ونشوف عنهم .
سيارات الموديلات الجديدة ورق كل يوم مشكلة ,الله المستعان...
مداوي الهلي
19/12/2008, 06:16 AM
علمك لا يبرد وش صار عليك لأني صلحت سيارتي والمشكلة ما طلعت من الدنمو
جبل حبشي
19/12/2008, 06:35 PM
علمك لا يبرد وش صار عليك لأني صلحت سيارتي والمشكلة ما طلعت من الدنمو
حياك الله يا مداوي الهلي
غيرت الدينموا كامل (2800ريال) وضبط الموتر ,أنا موتر ما يغير بعد الثالث عندما يكون علي 2H
يمكن يختلف الوضع مع مشكلة سيارتك ..