أخواني أهل الخبره في الميكانيكا... الله لا يهينكم مشكله تعبتني وبي لها حل...!

[صقرالعرب2007]

السلام عليكم ورحة الله وبركاته,,,

أخواني عندي مشكله في سيارتي وهي من نوع ( ايسوزو جيب ) إذا دعست البنص وردت بنمره من الثالث إلى الثاني أو من الثاني إلى الأول تبدأ تقطع بشكل مزعج سواء بالديره أو البر ( وأزعجتني خصوصاً في النفود ) في هذه الحاله فقط أما ونا أمشي عادي ما فيه أي مشكله والموتر سليم,,, غير كيذه مع نفس المشكله البنزين زادت صرفيته بشكل ملفت للنظر بحيث أنه قبل المشكله يمشيني الربع الأول من التانكي 120 كيلو أما الحين ما يمشيني 80 كيلو...:confused: ولاحظت كثرة انفجار قطرات البنزين في الشكمان (تسمع صوت انفجار ونت ماشي بالخط) هذا يدل على أنه يوجد كميه من البنزين ما احترقت وتنفجر في الشكمان.... هذي وش سببها بالضبط...؟؟؟

# أحب أنبه أن هذي المشاكل الثلاثه جاءت بوقت واحد واحده تلو الأخرى مباشره...

وش تنصحوني فيه أخواني الله لا يهينكم وحبيت أشاوركم وآخذ براي ذوي الخبره منكم:good: قبل ما أشد الرحال للصناعيه :(

أتمنى ألقى رد وجواب شافي منكم لا عدمناكم وجزاكم الله عني كل خير.... :)

[m1m]

1- قد يكون أحد أسلاك البخاخ مقطوع أو لي هواء مفصول .

2- معبي من محطة ما يخاف الله .. !! مخلوط ماء أو ديزل

[ابودعسان]

مشكلتك لها احتمالات كثيره
بس كلها في قطع الأحتراق
-بواجي
-صفايه بنزين
-كويلات
-فلتر هواء
-بخاخات
شيك عليهن وشف وش الخراب منه
والله يعينك

[لن أمل من العطاء]

فقاعات البنزين التي تنفجر في الشكمان
ما لها الا سبب واحد

مشكله في وزن الديلكو
وهواللي يسبب صرفية البنزين وبعض الاحيان الحرارة والعزم

شرح المشكله
هناك خليط من البنزين والهواء داخل كل سلندر طبعا في حالة ضغط السلندر للخليط هذا قد ينفجر قبل ان يعطي البوجي شرارة الانفجار وهذه الحلة يسمع لها قرقعه في المحرك
لكن اذا كان ضغط السلندر قليل وبه تنسيم بعامل الاستهلاك يعني سيارتك لها اكثر من 7 سنوات موديلها قد لا ينفجر الخليط داخل السلندر ويخرج من صمام العادم ونظرا لحرارة الاقزوست والشكمان ينفجر بالخارج وتسمع له انفجار وقد تصاب بالخوف منه انت والمار حولك

ان شاء الله اني قد وفقت لتقديم النصيحة لك والحل ووصف للمشكله


اخوك


لن امل من العطاء

[1000 طين]

أخوي
جرب ادعس على البنزين والسيارة بالفاضي

إذا إنها في البداية مو صافيه ثم تصفي ترا المشكلة قد تكون في البواجي
أو فلتر البنزين

إذا سيارتك ما يصلحلها الا بنزين 95 وانت تعبيها 91 طبيعي يكون فيها مشاكل مثل هذي

وشيك على القير لا يكون فيه مشكلة .

[المميـز]

اتوقع مشكلتك من صفاية البنزين

هي اللي تسبب تقطيع للموتر

[صقرالعرب2007]

أخواني m1m , ابو دعسان , لن أمل من العطاء , 1000 طين , المميز... حرم الله وجيهكم عن النار وجزاكم الله كل خير

أحب أنبه أن المكينه مسوي لها تصفيه قبل سنه ونص ولا كانت موجوده المشاكل هذي قبل أو بعد التصفيه والآن ما أدري وش الحل معها..؟ علماً أن البواجي ما لها أسلاك (مربع الكتروني) ممكن أحد صادفته المشكله و وجد لها حل أو يعرف أحد متخصص في حلها جزاه الله كل خير

أخوي 1000 طين الله لا يهينك ممكن توضح علاقة القير بالمشكله..؟؟

[ابوزياد99]

سيارتك غير بواجيها وفيه عدة انواع كل سعر والدرجه القوة وبتلاقي نوع وسط قبل ماتخسر بواجياسمها بورش بالصناعية اهم شي راسه نحاسي ودقيق كأنه دبوس اوإذا يركب له بواجي مرسدس بعد.وإذا نفع او مانفع راسلني fa_99ad@hotmail.com

[سالم غانم]

السلام عليكم موضوع حلو حبيت اشارك فيه
فيه عندنا مشكله عامه قليل منا يسوى صيانه لسيارته كل فتره مثلن كل خمسين يغير الفلاتر والسيور والزيوت وكل مايتلف فلذالك تكبر علينا المشاكل الصغيره الي نقدر نتفدها وانا صراحه من قائمه الي يقعون في هلمشكله
والله يعين

[وراد البدائع]

انا صار معي مثلك تقريبا وسيارتي vxr ولاحلها الاالجابري صحيح سعرة شوي غالي بس يستاهل وارحم من الوكالة بكثير

[1000 طين]

أنا معي سيارة لومينا 2002

بعض الأحيان إذا ردت نمره تبداء تنتع
طبعاً ما صلحت المشكلة ولا فحصتها

فقلت يمكن القير فيه مشكله عندك إذا رد نمره فيؤثر على المكينة
إما انه ما رد زين أو أي مشكله غيرها