طلب مشورة: منحد على المشترى، برادو والا باثفايندر؟ [الأرشيف]

مشاهدة النسخة كاملة : طلب مشورة: منحد على المشترى، برادو والا باثفايندر؟

العريفي

16/12/2008, 09:36 AM

بسم الله الرحمن الرحيم

السلام عليكم ورحمة الله وبركاته ، وكل عام وانتم بخير..

انا مضطر الآن لشراء سيارة نظرا لتعطل سيارتي القديمة، مع اني كنت مخطط للصيف القادم لعل الأسعار تنزل شوي لكن أمر الله وبه راضين :).

انا امام ميزانية يجب ان لا تتجاوز 130 الف...

انا عيني على سيارت الدفع الرباعي مع العلم ان طلعاتي للبر ماهي كثيرة لكن موسمية بس ابي سيارة تجملني اذا طلعت بها للبر.

اغلب استخدامها داخل المدن وممكن يكون فيها سفرات داخل السعودية..

شفت الباث فايندر وشفت التجهيزات الداخلية وعجبتني وسعرها بحدود 128(تبقى نيسان)

وشفت البرادو وعجبتني لكن الشكل لك عليه، والسيارة مرتفعة شوي خوفتني من القلبات
وغير كذا البرادو مدري لي احس ان الوكيل بخيل بالتجهيزات حتى مثبت سرعة مافيه ومسجل ميه بالميه بضطر لتغييره بواحد (وهذي 1800) وفي المقابل الباث الدركسون فيه تحكم + مثبت سرعة وشاشة متكاملة بمافيها كامير لخلف السيارة

(كانت عندنا باث فايندر موديل 2000 وما بهذلتنا الا مع 2006 بعد ماكرفها السواق وصك العداد 300 الف)بس تصرف بنزين وسمعت ان الموديلات الجديدة احسن في صرف البنزين..

اخوكم في حاجة مشورتكم بعد الله تعالى..

وش تشورون علي...

سؤال إضافي : وش قصة الهيدروليك (لقيت برادو بس قالي بدون هيدروليك) ولا فهمت؟

الله يرحم والديكم عن النار...

بيبسي

16/12/2008, 09:44 AM

اخوي تبي النصيحه عندك البرادو 6 سلندر تماتيك مثبت سرعه او فورتشينر6 سلندر تماتيك تلقاه بـ100الف تزود او تنقص شوي كلها مكينتها وحده وتويوتا تمسك سعرها
ماانصحك بالباث ابدا وخصوصا الجديد

ابوالشباب-1

16/12/2008, 09:55 AM

حياك الله اخوي العريفي راي اخوي البيبسي زين بس ماحب اشربه لان السفن احسن

والله يرزقك الشريه الزينه وان حصل لك برادو تماتيك تراه زين وافضل من الفورتشينر

العريفي

16/12/2008, 10:14 AM

بيض الله وجيهكم... بس البرادو تماتيك مع مثبت غالي لانه يجي مع الفل كامل ...

ليه ماتنصح بالباث الجديد؟ وش المشاكل؟

طيب وشرايكم بموضوع ارتفاع البرادو؟ مايخوف من القلبات؟ لاني احس ادنى هجه بالموتر بيقلب (الله يكفينا الشر)..

استحملو اخوكم ترا مامن خبره... ولكم الأجر بإذن الله :)

الشقردي

16/12/2008, 10:25 AM

ابوريناد1979

16/12/2008, 10:37 AM

مساير الليل

16/12/2008, 11:00 AM

آخوي أنصحك بالباثفندر أفضل تجهيزات أفضل شكل أفضل سعر

آخوي يملك واحد ماشاء الله ماعناء من شي أبد السياره مافيها كلام

أستخر ربك وخذ لك باثفندر وأن شاء الله راح تدعي لي

بدر00

16/12/2008, 11:16 AM

الله يوفقة وانا اخوك بالموتر الطيب وثاني شي الاستخارة والثالثة اذا تبي موتر ومتردد
لاتتردد اقرب محل ايجار سيارات استأجر هالسيارتين وشف الافضل وتوكل على الله
والله يوفقك.....

الربذي

16/12/2008, 11:20 AM

وعليكم السلام شف اخوي انت لازم تضحي بش لشي
عندك الباث راكده وتجهيزات رائعه جدا لكن مافيها ثلاجه ولاهم دفلك
تهربد اسرع من التويوتا وخصوصا اذا انت راعي بر بر سعرها ينزل شوي وقطع غيارها غاليه وغير متوفره بكل محل 00000000000
التويوتا قاسيه وغاليه وتمسك سعرها انما البرادوا والفورتشر فايضا قطع غيرها غير متوفره بكل محلات تويوتا والفورتشنر ماتجي فتحه ولا شاشه ديفي دي ونفقيشن وكميره خلفيه ولا منبه بنشر مثل الباثفيندر

انا معي باث وماشيه الان 320الف كم اكتشفت ان قطع غيارها غاليه اغلى من شقيقها الاكبر السفاري
الامان والتجهيزات من صالح الباثفيندر0000000000

طيب وش رايك بصاروخ نيسان الاكستيرا وخصوصا قير عادي تتحدي جميع السيارات حتى الفي اكس ار8سلندر......................

العريفي

16/12/2008, 11:28 AM

البرادو من ناحية القلبه لا تخاف اذا كانت سواقتك راكده مهوب من هالمهبل.
ويعتمد انت كم بتخلي السيارة معك؟ التايوتا أصبر من النيسان لكن من عيوبه الغلا
والبرادو مطبه لك عليه قاسي شوي لكن اذا حملت يكون كويس

الشقردي ...جزاك الله خير..

انا السيارة تجلس معي من 6 الى 8 سنوات ولله الحمد

بس اللي يقولون لي ابعد عن الباث ماعطوني سبب..

انا بالفعل بالمنتصف بين السيارتين واستنى خيرة رب العالمين ثم مشورتكم

قرم العيال

16/12/2008, 11:34 AM

::

عليك بالأيجار

استاجر وجرب

وشف اي موتر ترتاح له ,,

وانا انصحك بالباث ,,

شكل حليل ووذف ,, ومواصفات ممتازة

اما البرادو مرتفع بالحيل وايضا يمكن يتغير شكله مع الأعوام القادمه مبطي ما تغير

وبالتوفيق

واستخر

::

العريفي

16/12/2008, 11:37 AM

اللي اقدر افيدك فيه هي حاجه وحده وهي ابعد عن البرادو الا اذا كانت سواقتك سواقة شيبان
اثنين من اخواي انقلبوا عليه الله يكفينا وياك الشر والحمدالله كلهم سالمين لكن جتهم اصابات متوسطه
واحد منهم ماشي بتقاطع بحي غرناطه ويجي راعي لومينا مسرع شوي ويضربه مع جنب وانقلب على طول ...
والثاني ماشي على طريق تمير باليل وطلع بوجهه واحد ولاتمالك الموتر وطلع به عند الخط وهجت به وانقلب ,,,
الباثفندر ارسى منه بإذن الله ولكن مدري عن صرفيته للبنزين وتحمله لطعات البر (شكله دلوع شوي)
هذا مالي لدي والله تعالى اعلم
وتقبل مروري

بيض الله وجهك... ايه هذا الي يخوف!.. سواقتي ماهي سواقة شيبان ولاهي متهورة بس اللي عرفته ان البرادو سهلة القلب والآمان اهم مطلب.. الله يحفظ الجميع

آخوي أنصحك بالباثفندر أفضل تجهيزات أفضل شكل أفضل سعر

آخوي يملك واحد ماشاء الله ماعناء من شي أبد السياره مافيها كلام

أستخر ربك وخذ لك باثفندر وأن شاء الله راح تدعي لي

الاستخارة ماعني وعنها ان شاء الله... بس وش رايك في الصرفيه للبنزين؟

الله يوفقة وانا اخوك بالموتر الطيب وثاني شي الاستخارة والثالثة اذا تبي موتر ومتردد
لاتتردد اقرب محل ايجار سيارات استأجر هالسيارتين وشف الافضل وتوكل على الله
والله يوفقك.....

الله يجزاك خير...وانا اخوك مهما كان الايجار يوم وبس لكن خبرة السنين اهم..

وعليكم السلام شف اخوي انت لازم تضحي بش لشي
عندك الباث راكده وتجهيزات رائعه جدا لكن مافيها ثلاجه ولاهم دفلك
تهربد اسرع من التويوتا وخصوصا اذا انت راعي بر بر سعرها ينزل شوي وقطع غيارها غاليه وغير متوفره بكل محل 00000000000
التويوتا قاسيه وغاليه وتمسك سعرها انما البرادوا والفورتشر فايضا قطع غيرها غير متوفره بكل محلات تويوتا والفورتشنر ماتجي فتحه ولا شاشه ديفي دي ونفقيشن وكميره خلفيه ولا منبه بنشر مثل الباثفيندر

انا معي باث وماشيه الان 320الف كم اكتشفت ان قطع غيارها غاليه اغلى من شقيقها الاكبر السفاري
الامان والتجهيزات من صالح الباثفيندر0000000000

طيب وش رايك بصاروخ نيسان الاكستيرا وخصوصا قير عادي تتحدي جميع السيارات حتى الفي اكس ار8سلندر......................

جعلك عمرك طويل وماقصرت...انا وانا اخوك ماني راعي بر الا في المواسم.. واغلب الاستخدام داخل المدينة او رحلات بين المدن..وبالنسبة لنصيحتك الأخيرة فما اعتقد اني لمها خصوصا ان العادي مايناسب المدينة والزحمات...

طيب فيه فرق بين باث 2007 و 2008 و2009؟

لاني لقيت بالمعارض 2007 فل كامل بـ109 الف

alkongrs

16/12/2008, 12:51 PM

مهنااااااااااااا فرق فقط انه مخزن وهذا الي احسبه انا

الربذي

16/12/2008, 01:00 PM

بيض الله وجهك... ايه هذا الي يخوف!.. سواقتي ماهي سواقة شيبان ولاهي متهورة بس اللي عرفته ان البرادو سهلة القلب والآمان اهم مطلب.. الله يحفظ الجميع

الاستخارة ماعني وعنها ان شاء الله... بس وش رايك في الصرفيه للبنزين؟

الله يجزاك خير...وانا اخوك مهما كان الايجار يوم وبس لكن خبرة السنين اهم..

جعلك عمرك طويل وماقصرت...انا وانا اخوك ماني راعي بر الا في المواسم.. واغلب الاستخدام داخل المدينة او رحلات بين المدن..وبالنسبة لنصيحتك الأخيرة فما اعتقد اني لمها خصوصا ان العادي مايناسب المدينة والزحمات...

طيب فيه فرق بين باث 2007 و 2008 و2009؟

لاني لقيت بالمعارض 2007 فل كامل بـ109 الف
ايه اخي الغالي فيه فر ق 2007 مايجي شاشه نفقيشن ولا يجي كميره خلفيه ولايجي دي في دي
طبعا انت تميل اكثر لايش لان الي شاروا عليك ماهم مرافقينك انت الي تبي تسوق وتروح وتجي 000000000

لكن ترا الفورتشنر قاسيه المطاب مره هلكس مصندق ولافيه الا مثبت سرعه وبس واحد شراه وباعه عشان يقول كسر ظهره ...
من ناحيه الركاده الباثفيندر مطابها لينه ................
وبعدين الي موديلها 2007 لاتهمك اصلا قد تتظرر من كثرة الوقوف الا اذا يحركونها كل شهر او شهرين ..

ابوريناد1979

16/12/2008, 02:20 PM

وذا تبي الشور عبرعمرك بمويتر كم شهر يمكن ينزل الجي اكس ار وتاخذه بقيمة هذولي ,,, وان مانزل منتاب خسران شي بعه بحول قيمته

Cyber

16/12/2008, 02:28 PM

اخوي نصيحتي لك الصبر
اللي خلاك تصبر كم سنه ماهي فارقه معك 3 شهور

اصبر وباذن الله توفر فلوسك وخلونا نقاطعهم حتى نشوف اسعار ترضينا

اتمنى التحلي بالصبر اخوي العريفي

وشكرا لك

نمر بن حثلين

16/12/2008, 03:26 PM

مشكلة الياباني طاير بالسما بسبب ارتفاع الين

ومهيب هذي اسعاره الحقيقيه

لذلك اشور عليك تفكر بالامريكي التاهو مثلا
حول ذي الاسعار واوسع واريح

وخصوصا ان استخدامك للبر قليل

واذا تقدر تصبر وتعبر روحك اصبر لحد ما تبان الدعوى فيها تخفيضات ولا ماهنا شي

Magellan

16/12/2008, 03:30 PM

أخوي ماجد العريفي حياك الله في مكشات
وأقول لو تصبر شوي أحسن لك
وتعبر بالإيجار لين نشوف صدى الأزمة المالية العالمية
ولو توسع خياراتك أفضل
لكن كتجهيزات وأكسسوارات ومشي على الطرقات المُعبّدة أشوف الباث فايندر أحسن
لكن البرادو أفضل عملانية وبر

وحيد الدرب

16/12/2008, 03:38 PM

اتوقع بالسعر هذا بتحصل باترول نظيف وممشاه قليل ولك وللزمان ....وربي يوفقك

العريفي

16/12/2008, 10:41 PM

شكرا للجميع وجزاكم الله خير والظاهر اني بتوكل على الله وبروح للباث...

الأخ Magellanالله يسامحك
(http://www.mekshat.com/vb/member.php?u=11979)

شقران نجد

16/12/2008, 10:42 PM

حي الله الخالدي ....

البرادو زين واليوكون والتاهو بعد ما هن شينات

والله يوفقك ومبروك مقدماّ ياولد العم

ابوزياد99

16/12/2008, 11:35 PM

بدل هالمع معه خذ شور اخو ناصح بدل البرادو والباث فندر والامر راجع لك خذ لاند كروزر 2004-2005 ونم ونم لعدة امور 1-كد ومد وشيك 2-ياخذ اكثر ركاب وعفش 3-شخصيه 4-مواصفات بالسعر اللي حطيته بتلاقي 5-قطع غيار مناسب والاهم م ت و ف ر
6- 7- 8- فكر والله يوفقك. %%%%%%%%

ابوسعود.

22/12/2008, 04:16 PM

هلا باهل القويعيه... بانصحك دامك تقول السياره تجلس معك من6 الى 8 سنين ترى الباث زين لان النيسان بشكل عام من خلال تجربه وخبره يكون اكثر من الممتاز اذا اخذته جديد لكن ليس كالتايوتا تاخذه لك وللزمن والبرادوا بشكل خاص انا لا أؤيده لارتفاعه ولغيره...

والسلام...

ابن صقيه

22/12/2008, 04:39 PM

اخوي لا تتعدى الباث ..

شكله ومواصفاته خيالية ..

ومكينته هي الاقوى في فئته .. ( يكفي انها من سنين تحصد جوائز سنوية )

وبعدين شكله توه متغير يعني تضمن ان شاء الله انك إذا شريت موتر ما راح يتغير الا بعد كم سنة ..

أما البرادو فهو جيد ولكن بصراحة مواصفاته أقل من الباثفندر وشكله الموديل الجاي بيتغير ..

وزودن على هذا سعر البرادو غالي مقارنةً بالباثفندر ..

وفقك الله .. ولا تنسى الاستخارة ..

ford

22/12/2008, 04:41 PM

الاخوان ماقصرو وازيد علي قولهم اذا تبي الموتر للبر انصحك البرادو مرتفع ونشيط واسال اللي جربوه اخف من الجي اكس ار بالرمل ومافيه مشاكل كهرب مثل النيسان يعني تكشت وتجي تشغل ما يشتغل الموتر معك ومشاكل كتاوت ودينمو واسلاك كهرب اللي في النيسان ولا تكون في التويوتا والخيار لك

GOLDEN SNIPER

22/12/2008, 05:50 PM

انا افضل البرادو من جميع النواحي خاصة في البر

فهو احسن من الباث الجديد بمراحل .. وبالتوفيق ..

الكاsssر

22/12/2008, 07:44 PM

حياك اخوي العريفي ....
تبي نصيحيتي اذا كنت مو بكثره تتطلع للبر عليك بالباثفندر لانو ارسى من البرادو وافضل بس خذ توماتيك اريحلك ...