استفسار عن الباترول

[faisal_al_vtc]

السلام عليكم ورحمة الله وبركاته.............

كيف الحال ...

ندخل في الموضوع انا طبعن هذي اول مشاركه (جديد في المنتدى)

طبعا لاحظت عيوب كثيره عن الباترول تطير العقل من حيث الوكيل وغيره

وشباب انا كنت ناوي اشتريه ودخلت وقعدت اتصفح يوم دخلت هنا طلعت عيوب عن الوكيل :eek: تطير العقل

الي يقول ما فيه قطع غيار (يعني لو يخرب شيء في السيارة ورحت الوكيل ما احصل شيء وارمي سيارتي)

اجل على كلامكم لو مافيه باترول ابرك

وفيه الي يقول خراباتها واجد الخ...............

شيء يكره الواحد في الباترول مع انها سيارة من افضل السيرات في نضري

واتمنى تفيدوني عن باترول 2009 اتمنى ما يكون فيه شيء


وعذروني اذا كان اسلوبي هجومي لاني ما صدقت الي قدامي مكتوب

وياليت تعلموني الوكيل المناسب من جميع النواحي (السعر , يخاف ربه ما يتلاعب واجد, الخ..........) .:rolleyes:

[stewrd]

ياخي الباترول سياره غنيه عن التعريف بالقوه ولو لاحظت ان معظم القنوص في ساحل المملكه ما يقنصون الا بالباترول على كل حال اما من ناحية اعطاله فعليه مكينه تتحمل مثل التايوتا 100 مره انا سيارتي باترول والله اختلط الماء مع الزيت مدة اربع ايام ولا صار لها شي هذا من فضل الله ثم تحمل المحرك اما من ناحية قطع الغيار انا ما واجهت الشي ذا كل قطعه متوفره واما العيوب اللي فيه فهي من الوكيل مثل غلا قطع الغيار بشكل مو طبيعي
وايظا من العيوب اللي اواجهها في انه كثير الهربده لاكن كسياره قوه وعزم ما اعتقد في اقوى منها سياره ولك جزيل الشكر

[ابوسعد]

اسمع يالحبيب والله انا كنت ابي اشتري vxrوقلت خليني اسئل ولد عمي هو خبير خبرا قالي خذلك فتك والله احسبه سياره امريكيه وش الفتك هذا قالي خذللك سوبر سفاري وانسى قلتله ليش افضل قالي دفرنس قدام وكل مسمار فيه ياباني وبعدين لا تكثر هرج تراى ادوس فبطنك ايه ترى ولد عمي هذا احسن واحد يلعب كيرم وكلنا نخاف منه فقصرت الشر وخذيته والله ونعم الراي الان ماامشي مشوار الاوانا ادعيله مع العلم اني اداوم من الخبر الى الخفجي يومياً والطريق طويل لكن والله مااحس بالخط ماشاء الله 180هذي وانت تسولف بالجوال بعدين مافيه صرفيه في البنزين والبر مايحتاج اقولك انت مع الوحش واسمع اذا ماخذيتلك فتك تراي بعلم ملك الكيرم وانت حر وسلام

[مقلع الرمث]

ياخي اللي مايعرف للصقر يشويه وانصحك لا تقرب الباترول

وليس كل كلام عن الباترول صحيح فمشاكله بسيطه وتنعد بالاصابع

اول مشكله

كتاوت الطرنبه وهذا معروف من كثر الشباب الله يجزاهم كل خير حطو مواضيع عنه

المسامير اللي بالثلاجه خاصه للفتك سمعنا انه تطيح ولا شفت احد بعيني لكن فيه حل انك تلحمها ب 150 ريال

او تفكها وتحلتها هناك

هذي مشاكله اما قطع غيار ومدري ايش الوكيل عندنا عنده مشكله باااسعااار قطع الغيار زايده اشوي فقط

علما بان الباترول مايطلب حاجه ابداااا الا اذا خربت فيه شي

والسلام عليكم

[غريب حبيب]

ودي أفيدك لكن مشتريه من شهر فقط وماشاء الله رائع وقيادته أروع من ال الاندكروزر بكثير

بس أتوقع قطع الغيار غالية