الدبل الخفي في الجموس معقول يا جماعة!!

[مفتش الريضان]

أحبتي مرتادي منتدى مكشات

كنت اليوم في إحدى الصالات ونويت اشتري جمس حوض غمارة ونص وسألت البائع عما إذا كان بالسيارة دبل فأفادني بنعم ولكنه أعطاني معلومة غريبة بأن هذا الدبل لا يوجد له مفتاح بالطبلون وإنما يعمل أتوماتيكيا عن طريق حساسات في الأسفل. صراحة استغربت من هذه المعلومة وحبيت أسألكم عنها وهل يختلف هذا النوع عن الدبل المستمر؟ .المعلومات الخاصة بهذه السيارة (لجمس حوض دينالي غمارة ونص موديل 2004) واستغربت أيضا من حركة موجودة بالسيارة وهي أن الكفرات الخلفية تلف مع الدركسون عكس اتجاه الكفرات الأماية عن طريق زر اختياري ولا أعلم عن مدى الجانب العملي وجانب السلامة لهذه الميزة خصوصا وإني اقشر في استخدام السيارة بالبر..... أفيدوني بارك الله فيكم

[سطام vip]

من ناحية الدبل التلقائي او الاتوماتيك هذا معروف في الدنيالي

وصراحه انا اشوفها اغبى حركه وغير فعاله دام فيها حساسات

ودامك راعي كرف للموتر ابعد عنه وخذ لك الي اقل من الدنيالي

دبل ازرار مع انها قلق ويا زين الدبل العادي وبس

والله يسهل امرك ويوفقك ويكتب لك الي فيه الخير

[بـلـيـهـان 1]

نعم صحيح و هاذي الخاصيه موجوده في الاسكاليد و الدينالي و يشتغل تلقائيا و لا بعد سرعه 80 ينفصل تلقائيا

[Dead]

مثل ماقالوا الأخوان هذا النظام يسمى دفع رباعي دائم ومافيه دبل ثقيل

بالنسبة للكفرات الخلفية فهذي تجي على وانيت الدينالي .

[heart7080]

السلام عليكم ورحمة الله وبركاتة
اخي الفاضل الجمس كل ماطور نفس خرب والدبل الي تتكلم عنة غير عملي ولا ينفع لاهل البر وخراباتة كثير يعني مرة يشتغل وعشر لا وذا غرز تغريزة اعتيادية ما يجمل لان كل ماشديت عليه يفصل .
اذا نويت علا الغمارة ونص خذ العادي ابو دبل زر ممتاز جدا ولاكن كن محتاط من الفيوز الي في الدبل لانة احياناً يلذع ومحل تركيبة فوق الدبل تقريبا والشباب ياخذون واحد جديد مع العدة للظرورة واقرب كهربائي يعلمك طريقة تركيبه. وسأل الله لك التوفيق
وسيارة ممتازة وقوية جدا وسأل مجرب

[سيف الظفير]

يالذيب الجمس اللي ينومس تلقاه في معرض المنار في النسيم

في الشارع الرئيسي ليت عندي له صور


بسب طالب فيه غااااالي


2500 موديل 2006 ابيض حوض دفرنسين رفارف ماشي 13000 كيلو فقط

والدبل يدوي

ريحه المصنع فيه للحين وغير مكرووف ومركب عليه جنط امريكي نيكل اصلي من السليماني

وكفرات بالون ومدبل مساعداته وسست خلفيه


تسوقه كنك تسوق سوبر جديد

[راع الحيزى]

لايضحكون عليك يالغلي مافيه شي اسمه دبل خفي !!!
الدينالي يعتبر من سيارات الدفع الرباعي المستمر بتوزيع قوة 60 الى 40 لصالح المحور(الدفرنس) الخلفي

وهو دائم على طول علشان يعطي الموتر ثبات في المنعطفات....والتقنية هذي موجودة عند بعض مصنعي السيارات افخمة مثل البي ام والمرسيدس.
وللمعلومية ياغالي ترى مافيه شي ابداسمه البدل شغال الى سرعة كذا وبعدين يفصل ...لاتصدق هالكلام

خلاصة الكلام ان الدينالي مايعتبر سيارة دبل لكن الدفع الرباعي هذا ينفع في الرملة الخقيفة الى المتوسطة طبعا مع تنسيم الكفرات......اما للطعوس ماينفع وخطوصا اذا كان سوبربان او يوكون

تحياتي للجميع

[aooa]

انا جربت هذا النوع من الدفع الرباعي المستمر في سياره راف فور من تويوتا

والحقيقه انه ممتاز جدا وما خليت عليه مكان ولا طعس ولا بر ولا شفت منه اي مشكله ابدا وراسي عند الانعطاف في المنحنيات الصعبه لانه دفع رباعي مستمر ويفصل عند سرعة 80 كيلو

لكن اللي جربته تويوتا وهي معروفه بجودتها

اما الامريكي ما اعرف عنه شيء ..........

[gmoooos]

اخوووي بالنسبه للدينالي ترى قوي جداا مكينته 6200 لتر و400 حصان او اكثر
ام الدبل مااقدر افيدك
لكن خاصية الدوران للكفراات الخلفيه جدا جميله تفيد في الصعود للجباال والاماكن الوعره جدا

[مفتش الريضان]

شكرا يا أخوان والله إنكم شقردية بل وسوبر شقرديه الله يخليكم لاهلكم وللمنتدى


صحيح الدينالي ما أعتقد إنه سيارة بر والدبل الأرضي بالتأكيد أفضل


المشكلة اللي اعطاني هالمعلومة هو شريطي :D



ابي اروح بكرة لمعرض المنار واشوف اللي قال عنه أخونا سيف الظفير يمكن الله يكتب لي فيه نصيب تحياتي لكم يالشقردية

[راعي الركيات]

بالتوفيق يامفتش الريضان وعقبال ماتلقي الي يرضيك :)

[الربذي]

السلام عليكم ورحمة الله وبركاتة
اخي الفاضل الجمس كل ماطور نفس خرب والدبل الي تتكلم عنة غير عملي ولا ينفع لاهل البر وخراباتة كثير يعني مرة يشتغل وعشر لا وذا غرز تغريزة اعتيادية ما يجمل لان كل ماشديت عليه يفصل .
اذا نويت علا الغمارة ونص خذ العادي ابو دبل زر ممتاز جدا ولاكن كن محتاط من الفيوز الي في الدبل لانة احياناً يلذع ومحل تركيبة فوق الدبل تقريبا والشباب ياخذون واحد جديد مع العدة للظرورة واقرب كهربائي يعلمك طريقة تركيبه. وسأل الله لك التوفيق
وسيارة ممتازة وقوية جدا وسأل مجرب

نفس الكلام واحد طلع دينالي 2009 قبل كم اسبوع وشويش اشويش عليه يقول تصدقون حتى العائله مانركبها فيه
وممشانا من 80 وتحت وانا واقف عند الاشاره وامشي الا الموتر مايمشي واعشق الدبل ويمشي بس ثقيل وعند الاشاره الثانيه احرجني وهو مامشى الا بحدود 500كم فقط وراح الوكاله وقالو القير يبي توظيب هههههههههههههههههههههههههههههههههههه وهو مامشى الا 500كم فقط
دينالي اي كلام وخاه عنك بس واذا تبي موتر شف حقين الرحلات الامريكان وغيرهم مايخرجون عن تويوتا والرنج اشه انه سياره

[الربذي]

http://www.doraan.com/up/uploads/thumbs/09-fd26f043fd.jpg (http://www.doraan.com/up/uploads/images/09-fd26f043fd.jpg)


قف ....stop ... امامك جمس متعطل

ولا وش به حاطن التحذيرات يابعدي

[gmoooos]

سلامتك يالغالي وش بغيت؟؟؟؟

[yfd]

غريبه الدينالي ..

[yfd]

الدينالي فخم جداا ومهو حق بران ..
ولاااااا

[راعي البحري]

نفس الكلام واحد طلع دينالي 2009 قبل كم اسبوع وشويش اشويش عليه يقول تصدقون حتى العائله مانركبها فيه
وممشانا من 80 وتحت وانا واقف عند الاشاره وامشي الا الموتر مايمشي واعشق الدبل ويمشي بس ثقيل وعند الاشاره الثانيه احرجني وهو مامشى الا بحدود 500كم فقط وراح الوكاله وقالو القير يبي توظيب هههههههههههههههههههههههههههههههههههه وهو مامشى الا 500كم فقط
دينالي اي كلام وخاه عنك بس واذا تبي موتر شف حقين الرحلات الامريكان وغيرهم مايخرجون عن تويوتا والرنج اشه انه سياره

أرنب نط جب لي خط
وشلون دينالي ويعشق الدبل
الدبل مشبوك على طول مثله مثل اللكزس والفي اكس آر
http://up1.mlfnt.net/images/f4bxl1gydi3spwx24pt.gif

[Magellan]

أرنب نط جب لي خط
وشلون دينالي ويعشق الدبل
الدبل مشبوك على طول مثله مثل اللكزس والفي اكس آر
http://up1.mlfnt.net/images/f4bxl1gydi3spwx24pt.gif


صدقت ياراعي البحري
للأسف المصداقية معدومة بمشاركة الأخ اللي فوق
لكن معذور كرهه للأمريكي، مع إنه معه باثفيندر مكسر إستخدام أمريكي..
..
لكن الإنسان خصيم نفسه ،وكل كلمة محسوبة عليه
والكذب خصلة تنقص بالرجال

[راعي البحري]

الدينالي أقوي سيارة في فئته واللي ماجرب غير اللي يسمع وكالة يقولون وللمعلومية الرنج واللكزس والدينالي الدبل مشبـــــــــــــــــــــــــــــــــــــــــــــــ ـــــــــــــــــــــــــــــــــــــــوك

http://up1.mlfnt.net/images/vmlvjugwit0umayyrwvp.jpg
http://up1.mlfnt.net/images/0yo3gl12hyf6mx46cn7.jpg

[راعي البحري]

للرفع للمصداقية