الفزعة تكفون يأهل الجمس

[مقبل]

السلام عليكم ورحمة الله وبركاته

كل عام وأنتم بخير

دبل الجمس عندي معلق , ما تركت ولا طريقه لفكه ألا وسوّيتها لكن الشكوى لله

موديله 94 حجم مكينته 454 الدبل قير أرضي

تكفون تراني ما أحب أروح للورش إلا وأنا طايب خاطري لأني أحس بالأستلطاخ منهم والشغله اللي ما أعرف لها يصيبني الغبن إذا لعبوا علي فيها :D

[مقبل]

أستدراك
خطأ بالموضوع يأهل الجمس والصحيح

يا أهل الجمس

الألف سقطت سهواً , حتى مايجي واحد نحوي ويحرف الموضوع عن مساره :D

[عاشق المطر]

هلا بك اخوي مقبل,,
من موضوعك حول الدبل هل القير شابك وما يفصل ؟
وهل جربت تفصل القير بعد ما تطفي السياره ؟
واذا تبي ادلك على واحد خبير في الجموس وميكانيكا ماعندي مانع
وهذا جوالي لو بغيت اوصف لك راعي الورشه:
0500255529
ابو حمد

[مقبل]

هلا بك اخوي مقبل,,
من موضوعك حول الدبل هل القير شابك وما يفصل ؟
وهل جربت تفصل القير بعد ما تطفي السياره ؟
واذا تبي ادلك على واحد خبير في الجموس وميكانيكا ماعندي مانع
وهذا جوالي لو بغيت اوصف لك راعي الورشه:
0500255529
ابو حمد

يا بعدي والله يا أبو حمد جعلني ما أخلا من هالوجه

سوف أتصل بك الآن

[وقيان]

جرب ترجع ريوس بقوة شوي وان شاء الله يفصل..

[Magellan]

يمكن ياخوي من زمان ماطلعته بر
وهو ماسكه مع الجمس بالغلط إلا يبي يطلع وحارن:D
ياتطلعني للبر وإلا أخلي الدبل شغال على طول:p

[مقبل]

جرب ترجع ريوس بقوة شوي وان شاء الله يفصل..

يامال العافيه يا وقيان بجرّب أن شاء الله

ولكم دعوه مني في كل الأحوال

[في اكس ار]

هلا مقبل

الله يكون بعونك ويفك دبله بالعافيه :d

ما جربت وانت على مطناج ينفض الموتر وانشاء الله يفك معك

[H I T L E R]

يفيدوونك الشباب