المساعد الشخصي الرقمي

مشاهدة النسخة كاملة : 1-شبت ضفيرة السيارة ، ومن عقبها بدت البطارية تخبط .وش السالفة؟!!!


أبو عوض
17/12/2008, 06:21 PM
السلام عليكم ورحمة الله وبركاته ،،،

حيا الله الشباب جميعا ..

يالربع انا شريت بطارية لموتري جيب 77 وجيت بركبها متحمس في الليل وعكست الاصابع ، ركبت السالب موجب ، والموجب سالب ، وشبت الضفيرة والدينمو مباشرة ،وبعد ما صلحت الظفيرة وشريت دينمو ، بدت البطارية كل يومين تفضى ...

هل احتراق الظفيرة أثر عليها ، وهل تصلح البطارية للاستعمال ولا ؟؟

2 - وين القى بطاريات مستعملة نظيفة في الرياض؟؟؟

وجزاكم الله خير ...
ابو شهد جدة
17/12/2008, 06:31 PM
طيب لمن ركبت البطاريه شغلت السيارة؟

اذا شغلتها فتحمد الله انها خربت البطاريه ما انفجرت عليك.

لان الدينمو اكيد بدأ في الشحن يوم شغلت السيارة.
شامخ ألهيلا
17/12/2008, 07:50 PM
موديل 77

ياخوك هذا مافيه ضفيره

يوجد عندك سلك يفرغ الكهرب اي تهريب للكهرباء

اذا تبي كهربائي شاطر بالرياض يفحصون الظفيره كامله

ومن ناحية بطاريتك ليش تشتري
اشحنها لانها قابله لشحن وجديده وعمرها الافتراضي بااقي عليه
shaheenshah
17/12/2008, 07:57 PM
تهريب في الكهرب او ان الدينمو ما يعبي
الربذي
17/12/2008, 08:40 PM
مافيه حاجها اسمها تهريب كهرب ياخوان مثل ماقال اخونا شاهن شاه الدينمو مايعبي اسالو مجرب يعني كان دقاتك وتوليع النور كله والسياره مطفا الدينمو مايعبي اصلا لو تشتري الف بطاريه كل يومين تفضي عليك صلح الدينمو

وبعدين متاكد انك تقصد موديل77 وشلون شكله
شامخ ألهيلا
18/12/2008, 06:21 PM
اخوني صارت معي في كابرس الي يقول مافيه تهريب كهرباء الدينمو يشحن والبطاريه جديد
ولاكن وجد احد الاسلاك متلامس مع الثاني ويهرب الكهرباء في البطاريه
وجلست فتره اذا وقفت السياره افصل احد الاصابع
حتى اصلحت العطل بدون اغير البطاريه

وسيارت الاخ محترقه يعني الى الان يوجد يبي لها فحص
ابو شهد جدة
18/12/2008, 06:36 PM
ياشباب الله يهديكم


اقرأو الموضوع بتريث.



السلام عليكم ورحمة الله وبركاته ،،،





حيا الله الشباب جميعا ..


يالربع انا شريت بطارية لموتري جيب 77 وجيت بركبها متحمس في الليل.
1- عكست الاصابع ، ركبت السالب موجب ، والموجب سالب ،
غلط. وهذي اساس المشكله.


2- وشبت الضفيرة والدينمو مباشرة
طبيعي لأن الدينمو بيشحن الموجب وانت شابك السالب محل الموجب في البطارية.


3- وبعد ما صلحت الظفيرة وشريت دينمو بدت البطارية كل يومين تفضى ...
لأن الشرائح التي بداخلها احترقت نتيجه عكس الكيابل.


هل احتراق الظفيرة أثر عليها


اكيد لأنك عكست الموجب بالسالب والسالب بالموجب.


وهل تصلح البطارية للاستعمال ولا ؟؟
تنفع في حالة انك تشغل السيارة والبطاريه ساخنة. يعني في الصباح الباكر ماتشتغل معاك بسهوله.


2 - وين القى بطاريات مستعملة نظيفة في الرياض؟؟؟
هذه اهل الرياض بيدلونك ان شاء الله. بس نصيحتي اذا كانت السيارة لأستخدامك انت والعائله او تستخدمها للدوام فعليك بالبطاريه الجديدة.
وجزاكم الله خير ...






ان شاء الله تكون وضحت الصورة للجميع.
samfj40
05/01/2009, 11:42 AM
اذا كان الجيب تويوتا اقترح انك تفحص كتاوت التعبئه لانها قد تكون لاذعه لما شبت الضفيره والكتاوت يوجد فوق السلف تحت الكبوت مباشره وغطاؤه اسودعلى شكل علبه مربعه.
استشاري
05/01/2009, 01:42 PM
حياك الله
شغل السياره و افصل احد اصابع البطاريه, اذا استمرت السياره شغاله معناه الدينمو يشحن.
كلام الاخ سام اف جي 40 سليم تاكد من الكتاوت يمكن ضربت من الالتماس.
بالتوفيق