اماكن بيع الكاز او القاز

[ابو خالدد]

حبيت اسئل عن مكان بيع القاز بشمال الرياض تعرفون الشتاء دخل والدفايات تشتغل

اعرف محطة بجنوب الرياض لاكنه مشورة والله ياليت الي يعرف يقولنا

[الحقنة]

في شمال الرياض ما اعرف محطة تبيع قاز..:no2:


ولو لقيت لك محطة انتبه تعبي منها لأن أغلب العمالة يضيفون ماء مع القاز ويبيعون في المحطات وهذا اللي يخرب الدفايات..:eek:


لكن اذا تبي محطة القاز حقهم نضيف وما عليه كلام ابشر بسعدك..!!

وبن جبر راعي دفايات القاز اللي يبيع في سوق الزل ما يوصي الا على هالمحطة..:good:


والمحطة موجودة بحي السويدي شارع لبيد بن ربيعة ومشهورة بالقاز

[Raselny]

والله في الشمال الوضع صعب
لكن في محطة مقابل مقبرة النسيم على خط المية (مخرج 15)
وفي محطة بمنفوحة مقابل مقبرة العود

[بدر الجديد]

هل التنر يفي بالغرض يا اخوان طبعا لدفايات القاز

[hamdani]

السلام عليكم0يوجد في بعض فروع محطات الدريس لهم في الرياض تقريبا 5محطات يبعون فيه قاز الظاهر ان واحدة منهم التي عند دوار العويضة طريق التخصصي او اسأل اي فرع اقرب لك فهم سيدلونك0والسلام