المساعد الشخصي الرقمي

مشاهدة النسخة كاملة : حالة الطقس


بونواف
14/03/2004, 09:06 AM
اخواني النواخذه اصحاب القوارب ..

تعلمون ما اهمية معرفة حالة الطقس قبل الدخول في البحر وذلك لما فيه من اطمئنان لأصحاب القوارب وخاصه اصحاب المسافات البعيده .
فرجاء من لديه مواقع او ارقام تلفونات تبين حالة الطقس ارجو ان يدلي بها لما فيه من فائده تنفع كل البحاره

وشكراً على تعاونكم ......
Dr_daase
14/03/2004, 10:12 AM
بسم الله الرحمن الرحيم

السلام عليكم ورحمة الله وبركاته

تفضل (http://www.arabsgate.com/weather/)
gulfhunter
14/03/2004, 12:00 PM
السلام عليكم ورحمة الله وبركاته:-
أخوي بونواف تلاقي الي تبي على الرابط التالي..........



http://www.pme.gov.sa/
الملثم
14/03/2004, 04:55 PM
مرحبا بونواف

الأخوان ماقصروا لكني بافيدك ببعض المعلومات وليست بالجديدة (تراث الشيبان أهل الخبرة ) وإن شاء الله بتفيدك وبتذكرني لين رحت البحر .

1- لين نزلت البحر وجاء عليك امسيان ( المغرب ) ناظر قرص الشمس إذا كان لونه واحد الحمد لله إما إذا اسفل القرص مضبب دور لك أقرب بندر ( مرسئ ) وخلك قريب منه الله أعلم الليله هواء .

2- لين جاك الليل نفس الطريقة ناظر النجوم كل فترة إذا تغريت الرؤية حاسب من ضربة الهواء .

3- لين دار الجنوبي ( الهواء من جهة الجنوب ) ثم قلب غربي حاسب غالبا بيقلب شمالي وهل الخليج يعرفون وش خطورة الشمالي .

4- لين طاح الشمالي ودار جنوبي لاتخاف عادي حول البحر الهواء بيكسر الموج الشمالي لكن لين قلب غربي أنتبه .

5- شهر 3 و 4 ميلادي لا تنزل البحر وفي الجو غيم لأن ضربة السرايات تأتي فجأة وأهل البحريعرفون وش ضربة السرايات أنصحك أنصحك حاسب في هالشرين من الغيم حتى لو مافيه هواء كلش

6- إذا دار عليك الهواء في البحر لاتقول بامشي على كيفي لا أمش على كيف البحر يعني تسايره وتباريه حتى لو يوديك مكان ماتبيه .

7- لا تمشي على السيف في الهواء مجاور الموج لأن الموج بيقلب طرادك حتى لو كان الطراد كبير لكن من توصل السيف بندر

هذه بعض المعلومات التي يحتاج إليها كل واحد ينزل البحر والله أعلم
gulfhunter
15/03/2004, 07:13 AM
السلام عليكم ورحمة الله وبركاته:-

مشكوار ياالملثم .. معلومات جيده ...

بتكسر رقبة الرجال .. الله يهديك طوال الليل وهو يراقب النجوم.....:D
بونواف
15/03/2004, 09:40 AM
السلام عليكم ورحمة الله وبركاته ..

مشكور كل الشكر للأخوان الي فادوني على هالمعلومات الطيبه والله يعطيكم العافيه وماقصرتو والله يرزقكم بصيد وفير في اقرب طلعة صيد.
Bo Rashed
15/03/2004, 11:29 PM
السلام عليكم ورحمة الله وبركاته
اخوي بو نواف

في رقم مخصص للاستفسار عن الاحوال الجوية يتبع الرئاسه العامه للارصاد وحماية البيئة تقدر تتصل عليهم وتستفسر عن الاحوال الجويه ولكن للاسف لا يحضرني الرقم حاليا
وكثير من اللي اعرفهم مستفيدين من هذا الرقم ويعطيك الاخبار اول باول

وفقكم الله
تحياتي
gulfhunter
16/03/2004, 10:17 AM
السلام عليكم ورحمة الله وبركاته:-

مشكوار يابوراشد انك ذكرتن .......


رقم الأرصاد الجويه اذا ماني غلطان

038836152
بونواف
16/03/2004, 11:09 AM
مشكور اخوي بو راشد ويعطيك العافيه.

وبصراحه متشوقين لمواظيعك الحلوه...؟؟
بونواف
16/03/2004, 11:10 AM
الله يعطيك العافيه اخوي gulfhunter

ومشكور وماقصرت ..