عندي مشكله بسيارتي ماحد عرف حلها حتى الوكاله

[ابومدى]

اخواني اعضاء وزوار مكشات السلام عليكم ورحمة الله وبركاته
عندي مشكله بسيارتي.
وهي نوع جراند شيروكي ثمان سيلندر.

موديل:96

المشكله انه يطفي من يوم اعشق القير D واذا كان الموتر N مايطفي وشغال ولا فيه تقطيع ابد

الين اعشقه بنمره يبدأ يقطع ويطلع له صوت صرقعه وانفجار مع الشكمان اذا زريت عليه ومشيت ثم يطفي

وديته للورشه وغير منظم الهواء ولا فاد حتى الوكاله ماتدري وضايعين ابو هنود.

البنزين فول وطرمبة البنزين مافيها مشكله تضخ والبواجي اوكي؟

يالربع اللي عنده حل يشير علي

انا من سكان الجبيل الصناعيه

اذا احد يعرف واحد والا ورشه بالجبيل فاهم يدلني

وجزاكم الله خير

[Magellan]

والله حسب مايظهر لي مشكلتك عويصة
لكن هل شيكت على ضغط البلوف في مكينتك
لأنه قد يكون هناك ضعف بسلندر من السلندرات فيحدث ضعف في الإحتراق وعدم التوازن فيطفي أو ترج المكينة..
وعندها تحتاج لتوضيب مكينة
طبعا بعض الأحيان الصرقعه من الشكمان يكون بسبب عمود الكرنك قد يحتاج لفك مكينة وخرط

اللي أقدر ألخصه لك إذا كان ماعندك مشكلة كهربائية فخلك حول المكينة وحواليها

[أبو دعث]

اخوي ابو مدى سلامات وانشاء الله راح يكون السبب الجنزير داخل المكينه(التايمنق)

[ابوعابد2500]

برسلك على وحد مجنون مكانيكا وفحص كمبيوتر والشغلات المعقده

شيك الرقم على الخاص

[الوسمي44]

حسب وصفك للمشكلة خلك حول البنزين وماهو مرتبط به وستد ضالتك وركز على طرنبة البنزين مع تمناياتي لك بالتوفيق في حل المشكلة

[الوسمي44]

حسب وصفك للمشكلة خلك حول البنزين وماهو مرتبط به وستجد ضالتك وركز على طرنبة البنزين مع تمناياتي لك بالتوفيق في حل المشكلة

[الوعد البراري]

ياشباب الامر سهل خاصة في الشروكي يحتاج بلف
يابعدي امرك سهل ركب بلف حرارة لابد ان تكون الحرارة النص
جرب وتدعيلي إن شاء الله إذا كان فية بلف سابق غيرة قيمتة على ما اعتقد 45 ريال

[ابومدى]

ضغط المكينه ممتاز ولا فيها رجه وصافيه الا اذا عشقته طلع بلاه

اما اذا الموتر واقف ماعندك اجمل من صفاوته ولا تقطيع ولا تدخين ولارجه

اخر ورشه يقول مشكلتك كهرب واجزم انها كهرب بس ماندري وين

مشكورين اخواني على تعاونكم والله يسهل ويكتب اللي فيه خيره

[aljde40]

فيه حساس مغناطيس يكون راكب على الحذاف وطالع منه سلك جاي من تح علبة الفرامل رايح جهة البخاخات شيك عليه وباذن الله تنجل المشكلة .

[كاشت وحداني]

خويي عنده قراند شيروكي
وكان يطفى على سرعة 100
ووداه ورشة وقالوا له بليتين قير وهو سلك كانه سلك الفرامل حق السيكل . وغيره ب1200 ريال .
وضبط معاه .
مدري المشكله حولها ولا لا .

[شبيه اللول]

انصحك تتصل بمركز البخاخات بالدمام وسوف تجد الحل بإذن الله والرقم 038374014

[لن أمل من العطاء]

خويي عنده قراند شيروكي
وكان يطفى على سرعة 100
ووداه ورشة وقالوا له بليتين قير وهو سلك كانه سلك الفرامل حق السيكل . وغيره ب1200 ريال .
وضبط معاه .
مدري المشكله حولها ولا لا .


هذا الكلام
المشكله متعلقة بشيئ يكون له تأثير بين القير والمحرك

فيه ثلاث انواع من التوصيل بين القير والمحرك

1- عن طريق بلف الهواء (ضغط هواء) بين المحرك والقير مثل اغلب السيارات الاوروبيه

2- عن طريق الواير او سلك

3- عن طريق الكهرباء وحساس يكون عند اللهاث

ومن الواضح من رد اخونا انه عندك واير او سلك قوي موصل ببن المكينه والقير اذن هنا المشكله

لو كانت المشكله من الكرنك او الحذاف او الديلكو او حساس الهواء او بلف الحرارة و... و.... ستظهر المشكله بدون ان تعشق القير اقصد لو بدعس على البنزين بتظر وهذا تقول انت لا يصير الا عند التشيق فقط

ان شاء الله اكون قدر افيدك ولو بشيء قليل

المهندس موجود ويحلها وهو مغمض لكنه في جده وانت تقول انك بالجبيل

اخوك


لن امل من العطاء

[البجيدي]

والله خبرتي بالسيارات اليابانيه

[مب لازم]

اللي اعرفه ان الشروكي يطلع كتابه في الطبلون تبين الخلل اللي في السيارة !!

لاني اذكر مره كان فيه تفتفه واذا رفعت رجلي عن البنزين طفى على طول وطلعت كتابه بعد فتره ليست ببعيده
واول ما وديتها شاف الكتابه وقال لازم تصفي المكينه !!

[قرناس صلا]

الغالي كان عندي مثله 97
ومره عبيت بنزين من احد المحطات بنزين مخلوط بمويه أو ديزل والله أعلم
وصار الموتر يقطع ويطفي ويشتغل وما وصلت جده الا بالمشقه
المهم غيرت طرنبه البزين اللي داخل خزان البزين وتعدل الوضع

ومره كانت تطفى فى ال D وغيرت حساس القير ومشا الحال

أرجو ان أكون أفدك

وللمعلوميه بعتها لكثر عطالها

[مروووق]

الصراحه حصلت للوالد . اول مايعشقها تطفي . بس في سيارة تختلف كلياً.
في مرسيدس بنز موديل 82

وطلعت العلة من الهوز حق الهواء الي من الكبريتر الى القير. يجي فيه ساعه صغيرة برتقاليه تركب بالقير. كان احيانا مايعشق ولا يلقم مره وحده. واحيانا اذا عشق يطفي على طول
بدل الساعة ولا انتهت المشكلة. ولما بدل الهوز ضبط الوضع

الله يكون في عونك

[لن أمل من العطاء]

الصراحه حصلت للوالد . اول مايعشقها تطفي . بس في سيارة تختلف كلياً.
في مرسيدس بنز موديل 82

وطلعت العلة من الهوز حق الهواء الي من الكبريتر الى القير. يجي فيه ساعه صغيرة برتقاليه تركب بالقير. كان احيانا مايعشق ولا يلقم مره وحده. واحيانا اذا عشق يطفي على طول
بدل الساعة ولا انتهت المشكلة. ولما بدل الهوز ضبط الوضع

الله يكون في عونك


انظر الى ردي رقم 12

مشابه تماما لما ذكرت
في المرسيدس بلف الهوء للقير وموصل بالمحرك بأنبوب

فعلا انت مرووووووووق

[بني حنيفة]

اخوي مافي إلا الفحص بالكمبيوتر احسن....

[مروووق]

اعتذر اني ماقرأت الردود كلها . درعمت و جاوبت على طول :)

[الوعد البراري]

بشر عساك ركبت بلف وراحت المشكلة

[ABUAZIZ]

الله يعينك

ويشقي موترك قصدي يصلح

متعاطف معك اخوي لاني مريت بمعاناه قريبه من معاناتك

تدري المشكله وين ..... في الموتر كله بعه بس واشتر لك تيوتا تنسى الخرابات باذن الله واسال مجرب ولا تسأل دكتور

[راع الكرم]

اتوقع المشكلة في كهرباء القير او الكتاوت والله اعلم

[نوماس1]

اعتقد ان الشكمان عندك مسكر الدبه الصغيره القدامية

[ركود1]

فلتر هواء صغير تحت غطاء البخاخ قيمته 75 ريال

[mmgarni]

اخوي هذا الديلكو شيك علية وعطنا خبر