من يعطينا اخبار فيضة المسعودي و ام القطا

[هاوي البر]

السلام عليكم ورحمة الله وبركاته
من يعطينا علوم فيضة المسعودي وام القطا الي قريبة من ابار الوسيع على طريق الرياض الشرقية والقريبه من سعد
هل فيها ربيع طيب يستاهل العنوه ام لم تربع هذي السنه
وجزاكم الله خير

[ابورغودي]

أنا سألت عنها ناس مروا عليها مرور في إجازة الحج قالوا مافيها شي يسوا ..

[هاوي البر]

جزاك الله خير ابور غودي

[د/فهد]

أنا اليوم مريت عليها ولا فيها شي
الله يرحمنا برحمته

[ابوالوليد 1429]

وانا اخوك مافيها الى الريغة الله يرحمنا برحمته

[طخيمان]

لا والله ما فيها شيء يذكر لأني مريتها قبل اسبوعين وما ربعت

[moon almoon]

السلام للكرام
أنا فيها الأسبوع الماضي وليس فيها شيء يذكر أبدا وماتستاهل العنوة ( أقصد روضة المسعودي )
أكثر مافيها شجر الحرمل
أما شجر الطلح اللي فيها فالجلسة بينها لابأس بها نوعا ما غير أن مايكدر خاطرك هو كثرة الزبايل أعزكم الله
باختصار لاتتعب نفسك فغيرها أجمل منها بكثير

أخوك أبومحمد