سؤال عن بخاخ مانع الصداء من السنيدي!

[Blazer 91]

أخواني الكرام

اللي عند فكره او سبق ان استخدم بخاخ مانع الصداء(انتاج السنيدي) الذي يرش اسفل السياره يفيدنا عن ميزاته وعيوبه
http://www.mekshat.com/pix/upload02/images92/mk72625_sunidi-1.jpg

يوجد نوعيه اخرى عند اصحاب الزينه ايهم اجود؟

اللي عنده معلومه لايبخل

بارك الله فيكم

[كاشت المدن]

فيه بخاخ عند ساكو اسمه اندر كوت
زي القار يبخ تحت السياره
هل هذا مثله ولا

[Blazer 91]

فيه بخاخ عند ساكو اسمه اندر كوت
زي القار يبخ تحت السياره
هل هذا مثله ولا

شكراً أخي لكريم تجاوبك

اللي في محلات الزينه (والظاهراللي عند ساكو نفس الشئ) سعر الحبه 15 ريال وتقريباً 3 علب تفي بالغرض

اللي عند السنيدي علبتين مع البخاخ بقيمة 90 ريال تكفي للسياره

ولكن سؤالي ايهما افضل
او اللي يعرف نوعيه او طريقه افضل من الثنتين يفيدنا مشكوراً

تحياتي

[Blazer 91]

يرفع للمشاهده

[لن أمل من العطاء]

فيه فرق بين مزيل الصدأ
وبين مغطي الصدأ

بخاخ ام40 يزيل الصدأ بمساعدة الفرشة الحديد والصنفرة

وبعدها يأتي دور مغطي الصدأ او مغطي الحديد وهو اندر كوت من عند ساكو

افضل استخدام لبخاخ اندركوت عندما تكون السيارة جديده او بعد ازلة الصدأ


ان شاء الله معلوماتي صحيحة

[Blazer 91]

فيه فرق بين مزيل الصدأ
وبين مغطي الصدأ

بخاخ ام40 يزيل الصدأ بمساعدة الفرشة الحديد والصنفرة

وبعدها يأتي دور مغطي الصدأ او مغطي الحديد وهو اندر كوت من عند ساكو

افضل استخدام لبخاخ اندركوت عندما تكون السيارة جديده او بعد ازلة الصدأ


ان شاء الله معلوماتي صحيحة

بارك الله فيك وشاكر لك كريم مرورك

انا اتكلم عن العازل (اندركوت)

تحياتي

[Blazer 91]

يرفع للمشاهده

[Blazer 91]

يرفع للمشاهده

[Blazer 91]

آآآآآآآآآآآآآآآآآآآآآخر مره نرفعها

[المارينز]

برفعه عنك هالمره << متابع

[رفيع المقام]

وانا أيضاٌ
برفعه عنك هالمره << متابع

[كبسولة2]

وانا برفعه لك لأني متابع

[قطب 999]

هل يوجد من يزيل الصدا بدون صنفره يعني يرش عليه شي ينزل الصداء

[ابوناصر3]

ياشباب ترى الصدى يبدى ياكل اذا صار فية موية او رطوبة واذا نشف الجو يوقف عن الاكل يعني اذا عزلتة تمام عن الرطوبة او الماء انتهت المشكلة شرط يكون عازل سميك يمنع دخول الرطوبة ودائما تكون مكلفة ازالة القديم واعذرنا على القصور

[الوراد]

للرفع من جديد

انا شريت لي 3 علب ومعهن بخاخ يركب مكان الغطا
غسلت السياره من تحت وتركته يومين تنشف وانتظرت الجو الجاف بحكم اني بالشرقيه ....ودورت لي مغسلة سيارات بستم عشان يرشون هالماده بعد رفع السياره
للاسف ولا مغسله رضو يرشونه
لدرجة اني قلت لهم انا برشه بس عطون لي الهوا وانا بشبكه وارش
ولكن جميعهم رفضو
جبت السياره للبيت وشغلت ضاغط الهوا المنزلي ابو 25 لتر وبديت بالرش
بدا يرش طبقه خفيفه جدا تقل(حثاريب) ولو استمر الحال على كذا كان يمكن يبيلي يومين اخلص رش كامل السياره
وبعد مارشيت قطعه ماتجي له 5 سم وقف الرشاش عن العمل, يطلع منه هوا ولكنه مايطلع الماده ابد
حاولت بعدة طرق ولا فيه فايده
صبيت شوي منه بعلبة بخاخ غسيل بالبنزين كود انه يرش ولا فيه فايده

استنتجت انه
اما يبيله ضغط هوا قوي جدا
او الرشاش اللي يجي معه مايشتغل بشكل زين


حبيت انقل لكم تجربتي للفائده واللي عنده علم بالطريقه او اي مكان يسوونه لايبخل علينا

[المساجدي]

للرفع من جديد

انا شريت لي 3 علب ومعهن بخاخ يركب مكان الغطا
غسلت السياره من تحت وتركته يومين تنشف وانتظرت الجو الجاف بحكم اني بالشرقيه ....ودورت لي مغسلة سيارات بستم عشان يرشون هالماده بعد رفع السياره
للاسف ولا مغسله رضو يرشونه
لدرجة اني قلت لهم انا برشه بس عطون لي الهوا وانا بشبكه وارش
ولكن جميعهم رفضو
جبت السياره للبيت وشغلت ضاغط الهوا المنزلي ابو 25 لتر وبديت بالرش
بدا يرش طبقه خفيفه جدا تقل(حثاريب) ولو استمر الحال على كذا كان يمكن يبيلي يومين اخلص رش كامل السياره
وبعد مارشيت قطعه ماتجي له 5 سم وقف الرشاش عن العمل, يطلع منه هوا ولكنه مايطلع الماده ابد
حاولت بعدة طرق ولا فيه فايده
صبيت شوي منه بعلبة بخاخ غسيل بالبنزين كود انه يرش ولا فيه فايده

استنتجت انه
اما يبيله ضغط هوا قوي جدا
او الرشاش اللي يجي معه مايشتغل بشكل زين


حبيت انقل لكم تجربتي للفائده واللي عنده علم بالطريقه او اي مكان يسوونه لايبخل علينا


اخوي فيه مغسلة بستم في الظهران حي الدانة بقرب جامع الدانة الى على الشارع الرئيسي ترش لك مادة عازلة تحت السيارة بعد مايغسلونها طبعا وشغلهم نظيف ولون المادة العازلة اسود لماع مثل لون الوكاله يعني مش مطفي انا جربتهم قبل سنتين على جيب باترول وماشاء الله بعته ولاراحت مادتهم العازله وسووها لى 200 ريال فقط

[الوراد]

اشكر جزيل الشكر اخوي المساجدي

هل تقصد الشارع العام اللي عليه ماكدونالد والبلديه وفيه كبري مشاة؟
لا هنت اذا امكن تستعين بالخارطه على الرابط التالي

http://wikimapia.org/#lat=26.3324992&lon=50.1458287&z=16&l=0&m=b

[المساجدي]

هلابك اخوي الوارد واسف ع التأخير

نعم بالضبط هذا الشارع الي اقصده

خل البلدية يمينك وماكدونالدز يسارك ورح غرب تجيك المحطة

على اليمين بعد المرور وقبل الجامع يعني المحطة بين المرور والجامع

وبالله عطنا خبر وش صار معك لانني مبطي عنهم

واى خدمات لايردك الا الكيبورد ^_^

[الوراد]

كثر الله خيرك يالمساجدي

بيض الله وجهك على التفاعل

وابشر اول مامرهم ببلغك هنا ان شاء الله

[الوراد]

اخي المساجدي

وجميع الاخوه المهتمين بـ حماية اسفل السياره بماده ماصه للصدمات والضجيج وحمايه من الصدأ

لقد مررت على المحطه المذكوره هذا الصباح واوضحو لي انهم مازالو يقومون بهذا العمل
وبسعر 280 ريال
وياخذ له تقريبا 4 ساعات

نصيحه واقتراح
الافضل ان يتم غسل السياره قبل وضع الماده بيوم او يومين
الافضل اختيار يوم جاف قليل الرطوبه لتفادي تكون الصدأ بين الماده واسفل السياره

ولكم وللأخ المساجدي جزيل الشكر

وهذا موقع محطة البنزين على الويكيمابيا (http://wikimapia.org/#lat=26.3321362&lon=50.1447156&z=19&l=0&m=b)

[محب النياق]

اخوي الوراد

الله يكتبلك الاجر ووالديك ويجزاك خير ماقصرت

[المساجدي]

اخي المساجدي

وجميع الاخوه المهتمين بـ حماية اسفل السياره بماده ماصه للصدمات والضجيج وحمايه من الصدأ

لقد مررت على المحطه المذكوره هذا الصباح واوضحو لي انهم مازالو يقومون بهذا العمل
وبسعر 280 ريال
وياخذ له تقريبا 4 ساعات

نصيحه واقتراح
الافضل ان يتم غسل السياره قبل وضع الماده بيوم او يومين
الافضل اختيار يوم جاف قليل الرطوبه لتفادي تكون الصدأ بين الماده واسفل السياره

ولكم وللأخ المساجدي جزيل الشكر

وهذا موقع محطة البنزين على الويكيمابيا (http://wikimapia.org/#lat=26.3321362&lon=50.1447156&z=19&l=0&m=b)


هلابك والله يالوراد ولا شكر على واجب وانا اخوك

وزين انهم مازالوا يرشون الماده لان شغلهم ممتاز صحيح زادوا السعر 100 ريال لانني

سويتها ب180 ريال على ما اذكر

عموما لاتنسى تنبه عليهم مايرشون الشكمان والقزوزات

وايضا خلهم يرشون حوض الكفرات كاملا حتى يعطيك مظهر الجديد لسيارتك من الجنب ناهيك

عن الحماية من الصدا

[ابوشجاع911]

المساجدي والوراد الله يبيض وجيهكم وجزاكم الله خير

وعندي استفسار هل يمكن معرفة نوعية او ماركة المادة المستخدمة عشان مانطيح بشي تقليد وياليت اللي يعرف محطة او ورشة في الرياض تقدم هذه الخدمة يفيدنا
وللجميع تحياتي