حبايبي الحقو الخبر اكيد $$$$

[ربع 91]

السلام عليكم ورحمة الله وبركاته

اول شي الموضوع منقول للامانه انا شفت الموضوع في احد المنتديات وقلت لازم احطه في منتدى مكشات



حبيت أنقل لكم هذا الخبر العاجل والصحيح



ترى يلي عنده سيارة يبي يبيعها يعجل قبل شهر 2 / 1430



لأنه بعد هذا التاريخ راح تنزل أسعار السيارات ما يقارب ال40 %



وذلك في جميع الشركات الموجودة في التقرير في الاسفل



ومع الأسف أنه شركة مرسيدس مع هذة الشركات التي حققت خسائر في السنوات الماضية



والسبب غلاء المعيشة وارتفاع السلع لذلك سوف تضطر الشركات لإنقاص الاسعار 40%



وهذا تقرير للشركات وخسائرها



أزمة عالمية تعصف بكبرى


شركات السيارات في العالم



في أمريكا:



يسجل قطاع صناعة السيارات الأميركي أكبر انكماش له منذ 26 عاما في ظل الأزمة المالية الراهنة التي تضرب أميركا والعالم



وفي أوروبا:



يعترف رئيس اتحاد صناعة السيارات الأوروبي إن منتجي السيارات يواجهون اليوم زبائن أكثر ترددا في الشراء ويدعو إلى استعادة ثقة المستهلكين



وفي اليابان:



تنخفض الأرباح وتغلق بعض الشركات مصانعها في سابقة لم تحدث منذ سنوات في صناعة السيارات اليابانية



جولة إخبارية على أهم وأكبر منتجي السيارات حول العالم


أعلنت شركة تويوتا اليابانية تراجع مبيعاتها بنسبة 23% وتوقعت هبوطا حادا في أرباحها هذا العام إلى ما دون النصف ليصل إلى أقل مستوى في تسع سنوات جراء تأثير الأزمة المالية (http://www.aljazeera.net/NR/exeres/98AFF91D-83F0-4658-8DD2-16DBDA6F67A9.htm) العالمية السلبي على الطلب وتقليص الائتمان وصعود الين واعترف المتحدث بإسمها هيدياكي هوما بأن ظروف السوق "قاسية جدا"




وكانت تويوتا قد شهدت ثماني سنوات متتالية من نمو الأرباح ولكنها أجبرت على وقف عمل مصانع تابعة لها والاستغناء عن العمالة المؤقتة وقدمت حوافز غير مسبوقة للمشترين للتصدي لهبوط مبيعاتها


قال المدير التنفيذي لشركة جنرال موتورز إن الشركة باتت في حالة مالية صعبة



وجاءت تصريحاته عقب نداءات الاستغاثة التي وجهتها جنرال موتورز بشأن نقص السيولة المالية الحاد الذي قد يهددها بالإفلاس في النصف الأول من العام المقبل



وانخفض سهم الشركة إلى أقل أسعاره في 65 عاما مسجلا 2.76 دولار وهو أقل أسعاره منذ عام 1943م



وقالت الشركة أن شهر أكتوبر هو أضعف شهر لصناعة السيارات منذ انتهاء الحرب العالمية الثانية



وقد حذر مسؤولو جنرال موتورز من أن خزائن الشركة قد تخلو خلال أسابيع من السيولة الضرورية لاستمرار عملياتها


أشار رئيس كرايسلر إلى أن شركته درست خطة لإشهار إفلاسها ضمن بدائل أخرى قبل أن تقرر التقدم بطلب للحصول على مال عام، مضيفا أنها في وضع "ضعيف جدا"



وحذر من أنه بدون مساعدة مالية فورية فإن الشركة قد تفتقر لرأسمال كاف لمواصلة العمل





تراجعت مبيعات شركة فورد بنسبة 30% وقالت شركة فورد إنها قد تخفض إنتاج بعض أنواع سياراتها في الأسابيع القادمة عن طريق تقليص ساعات العمل الإضافية وتعليق العمل في بعض مصانع وهبط سهم فورد 80 %



وقالت الشركة الأميركية إن خسائرها التشغيلية في الربع الثالث من العام الحالي وصلت إلى 2.98 مليار دولار




خفضت أوبل -التي كانت في وقت من الأوقات أكبر شركة لصناعة السيارات بألمانيا– إنتاجها وسرحت بعض عمالها نظرا لعدم إقبال المستهلكين على شراء سياراتها بشكل كاف



وقد طلبت شركة أوبل -بعد أن جثت على ركبتيها من ثقل الخسائر الضخمة التي تتكبدها شركتها الأم الأميركية جنرال موتورز- من الحكومة الألمانية مليار يورو (1.26 مليار دولار) في شكل ضمانات ائتمان لمواجهة أي أزمة سيولة محتملة قد تنشأ نتيجة لنفاد النقد في جنرال موتورز




تراجعت مبيعات هوندا موتور بنسبة 25% في أكتوبر/تشرين الأول مقارنة مع نفس الشهر من العام الماضي وقالت شركة هوندا إن مبيعاتها بالولايات المتحدة انخفضت بـ24% الشهر الماضي




أعلنت شركة بي إم دبليو الألمانية أن مبيعاتها بصفة عامة تراجعت بنسبة 15% في سبتمبر/أيلول



وأن مبيعاتها في الولايات المتحدة الأميركية، وهي أكبر سوق عالمية لها، تراجعت بحوالي 30%




قالت شركة السيارات اليابانية مازدا إن أرباحها في الربع الثالث من العام المالي الحالي حتى 30 سبتمبر/أيلول تراجعت بنسبة 45%



كما أشارت إلى انخفاض الأرباح التشغيلية في الفترة نفسها بنسبة 20%




قالت شركة ديملر إن مبيعاتها انخفضت بنسبة 18.1% إلى 93 ألف سيارة في أكتوبر/تشرين الأول الماضي بالمقارنة مع نفس الشهر من العام الماضي



وأضافت أن مبيعاتها من سيارات مرسيدس بنز انخفضت أكثر من 20% إلى ثمانين ألفا و250 سيارة



وأشارت ديملر إلى أكبر انخفاض كان في أوروبا الغربية والولايات المتحدة




انخفضت مبيعات نيسان بـ36.8% في سبتمبر/أيلول الماضي وقالت نيسان الأسبوع الماضي إنها خفضت إنتاجها من السيارات في مصنعين باليابان بسبب انخفاض المبيعات بالولايات المتحدة. وتعتزم نيسان الاستغناء عن ألف و680 عاملا في إسبانيا بسبب انخفاض الطلب على السيارات




أعلنت شركة فولفو السويدية المملوكة لشركة فورد الأميركية الأربعاء أنها تعتزم الاستغناء عن 3400 من العاملين فيها، معظمهم من مقرها الرئيسي بالسويد بسبب ضعف المبيعات في أوروبا والولايات المتحدة



وأضافت المجموعة أنها بالإضافة إلى ذلك ستلغي عقود نحو سبعمائة مستشار. وقال الرئيس التنفيذي للشركة ستيفن أوديل إن "هذه أوقات عصيبة" بالنسبة لصناعة السيارات بصفة عامة



[




تواجه شركة هيونداي الكورية الجنوبية تراجعا في الطلب بالسوق الأميركية بسبب تأثر المستهلكين الأميركيين بأزمة الرهن العقاري وصعوبة الحصول على القروض المطلوبة



من جانبها انخفضت مبيعات شركة كيا للسيارات في



السوق الأميركية في الشهر الماضي بنسبة 27.8%








السؤال : هل سوف تنخفض أسعار السيارات في المملكة ؟



بالتأكيد نعم , إذا قل الطلب وأضرب شباب الوطن عن الشراء في الفترة الحالية





عشان كذا يلي يبي يركب جديد ينتظر الى شهر 2





ويلي يبي يبيع





يتعجل قبل هذا الشهر





والله وأعلم

اتمنى اني وفقت في نقل الموضوع

[عاشق الرفاليو]

بارك الله فيك مشكور علي النقل المميز انشالله تنخفض اسعار السيارات

[بنزرت]

اتقو الله يا اخوان ولاتخسرو المسلمين
اعرف كثير من الناس باعو سياراتهم عشان مثل هالدعايات
يعني انت حريص على اخوك المسلم البائع
واللا اخوك المسلم المشتري مايهمك وتبي له بالخساره
اذا قلت انا حريص على الاثنين .. فماهو الغرض من هذا كله؟؟
سباحان الله
واللا القصد ارجاف وتخويف للمسلمين بس ؟؟؟؟؟

[مداوي]

مشكور اخوي ماقصرت بارك الله فيك

[arrow]

ترى يلي عنده سيارة يبي يبيعها يعجل قبل شهر 2 / 1430


الساعة كم النزول ؟؟؟

[ابو ساره 999]

والله انك صادق الساعه كم النزول وبعدين فكونا من سوالف الشريطيه يعني اذا انت موترك كامري موديل 2008 تبي تبيعه لي شهر 2 ب 35 اذا الموضوع كذا اجل اي واحد يبي يبيع بعد شهر 2 انا شراي الا اقول _________ كيف الحال

[هاوي3]

خاااااااااااااااااب ظنك يالسنافي .......... بوش دعم شركة السيارات 17 مليار$$$$$$$$$$$$$$$$$

[الاداري]

الصراحه احلم بسياره تكون مديل 2009 او 2010

لذا اتمني ان يكون خبرك صحيح

[عود الليل]

مايصير تقول لاخوانك بيعوا سياراتكم ...........وش هالنصيحه.........تبي تخسرهم

[الربذي]

مايصير تقول لاخوانك بيعوا سياراتكم ...........وش هالنصيحه.........تبي تخسرهم
الله يبشرك بالخير ياوجه الخير ربع 91 وباذن الله تصير ربع 2010لو يبون يعطون سيارات بلاش ماتقول بيعوا سياراتكم تبينا نبيع سيارتنا ونستاجر على امل النزول وهو قادم باذن الله بس خلوهم يستوون زين .
وبعدين حتى وان كان الخبر صحيح راح تخلص السيارت من المعارض لان الشعب باعوا سياراتهم بسبب كلامك بمعنى انك ماتصلح وزيرالااقتصاد ولا تبي كل الشعب مطقم 2009ههههههههه (((يالله من فضلك)))
انا اول واحد يااخوان اتمنى النزوووووووووووووووووووووووووووووووووووووووووول
والله يااخوان حتى اني خسران وفلوسي طارت بسوق الفلس ..................

لكن النززوول قادم لامحاله باذن الله لكنهم يبون كاااااااااش
حتى التقسيط بسعر الكاش شي طيب ..

[المساهر]

الله يجيب اللى فيه الخير للجميع

[11عبدالرحمن11]

اتقو الله يا اخوان ولاتخسرو المسلمين
اعرف كثير من الناس باعو سياراتهم عشان مثل هالدعايات
يعني انت حريص على اخوك المسلم البائع
واللا اخوك المسلم المشتري مايهمك وتبي له بالخساره
اذا قلت انا حريص على الاثنين .. فماهو الغرض من هذا كله؟؟
سباحان الله
واللا القصد ارجاف وتخويف للمسلمين بس ؟؟؟؟؟
:good: :good: :good:

[الجندي2005]

انا ما ادري ليش بعض العالم ما يبي نزول السيارات ،،،،،،،،،،،، يعني حاسدين الناس الخير
انا باذن الله بعد فتره ( بعد النزول )ان شريت سيارة موديل 2009 مثلاُ ماذا يضر الآخرين
يأخي ما نبي سيارات بلاش ولا نبي نشحذ نبي سعرررررررررررررر معقووووووول لا يضر بنا
ولا يضر الغير اما سالفة سيارة 200 الف رياااااااااااااااااال حرااااااااااااااااااااااااااااااااااام

[راعي كبسات]

الازمة عدت خلاص

عوضوا الشركات الامريكة ب 17 مليااااااااار

والله يرزقكم

[الربذي]

الازمة عدت خلاص

عوضوا الشركات الامريكة ب 17 مليااااااااار

والله يرزقكم
اصلا نحن مقاطعين من قبل الازمه والى الان لم تحل واقصد السيارات وحتى لو دفعوا مازالت المخازن والمواني متكدسه لان ماعندهم فلوس بالعكس من صالحنا عشان يصنعون المزيد ويضطرون يمشون الاستوك الي عندهم

قاطعووووووووووووووووووووووووووووووووووووووهم
اصلا الفلوس طالبينهم المصانع يبون كاش لان سياراتهم لم تباع عشان يدفعون الرواتب ويشترون الخام بس هذا يزيدهم ضغط ولاجديد النزول جاي جاي باذن الله 0000000000

[NATLUS]

انا ما ادري ليش بعض العالم ما يبي نزول السيارات ،،،،،،،،،،،، يعني حاسدين الناس الخير
انا باذن الله بعد فتره ( بعد النزول )ان شريت سيارة موديل 2009 مثلاُ ماذا يضر الآخرين
يأخي ما نبي سيارات بلاش ولا نبي نشحذ نبي سعرررررررررررررر معقووووووول لا يضر بنا
ولا يضر الغير اما سالفة سيارة 200 الف رياااااااااااااااااال حرااااااااااااااااااااااااااااااااااام


هذا الي نحذر منه من فتره الان صارو يقولون بيع قبل التاريخ الفلاني ولا بيطيح سعر موترك ويجيك الضعيف الي خسر في مساهمات او اسهم يكملها ويخسر موتره والغيب مايعلمه الا الله


اخوي ابو خالد وين الحسد في الموضوع الله يهدينا ويهديك ان شاءالله الي يشتري ماعليه خوف ينتظر ماهو بخسران شي المشكله في الي يبيع موتره على امل انها تنخفض وهذا الي خايفين منه

وانا اقول العاقل خصيم نفسه واذا خسرت موترك فا لا تلوم الا نفسك لا تقول احد لعب علي انت رجل الله عطاك عقل ولا تشتري سمك في بحر

[ابوعقل]

شف طال عمرك

بيع سيارات لاوالله

لا تبيعون

بس لا تشترون سيارات الفتره الجايه

لين ما تتضح الأمور اكثر

انا عندي تاهو2008

شاريه قبل أخبار نزول السيارات

بس لا ما أروح ابيعه

بس اذا ابي اشتري سياره ثانيه

ابي اصبر 6 شهور

لين تتضح الأمور

والله يكتب اللي فيه الخير للمسلمين


(((خلوها تصدي)))

[ابو الفهدة]

الله يجيب الخير ان شاء الله

[طحنون]

خلوها تصدي

[فهد الخالدي]

هذا الي نحذر منه من فتره الان صارو يقولون بيع قبل التاريخ الفلاني ولا بيطيح سعر موترك ويجيك الضعيف الي خسر في مساهمات او اسهم يكملها ويخسر موتره والغيب مايعلمه الا الله


اخوي ابو خالد وين الحسد في الموضوع الله يهدينا ويهديك ان شاءالله الي يشتري ماعليه خوف ينتظر ماهو بخسران شي المشكله في الي يبيع موتره على امل انها تنخفض وهذا الي خايفين منه

وانا اقول العاقل خصيم نفسه واذا خسرت موترك فا لا تلوم الا نفسك لا تقول احد لعب علي انت رجل الله عطاك عقل ولا تشتري سمك في بحر


تعقيب على كلام الاخوان اللي يقول بيع يعني يبي كل مالكي السيارت يبيعون المستعمل وتتجه للجديد بهذه الطريقه يبي يكون عرض المستعمل اكثر من الطلب وبعدين السعوديه كم فيها من شريطي او معرض بيحتوي كل هالسيارات حتى راعين المعارض انفسهم يبون يبيعون ويتخلصون من الخردة بس قلي من يبي يشتري منهم لا صار الشعب باع سياراته تبي البنقالي والا الهندي يشتري ومع ذلك اذا فرضنا كل الشعب باع سياراته القديمه صار العرض اكثر من الطلب وتكدست السيارات وصار الطلب على الجديد اعلى من العرض وكسبنا بكذا الوكيل وتضرب بنا برفع السعر واللي يقول بيع مدزوز من الوكلاء لسحب المستعمل من السوق وجعله كوم حديد واعادة التصنيع من جديد وبيع الجديد علينا بمبالغ مضاعفه متى يصحى شعب الغفله من نومهم وعاطفتهم حتى ببيع السيارات امسك سيارتك اللي اشتريت وانت مقتنع فيها قبل تشريها وامسك قريشاتك ولا تكون ببغاء تنطق كل ما تسمع
ملاحظه
على فكره اليوم فكيت شاص بريمي 2009فل كامل لله الفضل والمنه باركولي اخواني
ملاحظه اخيره قبل اختم الموضوع الحين اذا نزل بينزل الجديد والقديم يعني تقدر تمسك سياراتك القديمه واذا نزلت السيارات تبيعها وتزود مبلغ بسيط وتشتري الجديد
يعلم الله ما كتبت هذا الكلام الا محبة واخلاص لكم والله اعلم بنيتي
تحياتي للجميع

[ابونواف]

ياشباب خلونا نتكلم بعقلانية
بسبب الأزمة راح تقل عدد السيارات المصنعة من قبل الشركة
يعني راح يقل إنتاجهم .....حلو؟؟
طيب البضاعة قلت عند الوكيل ....حلو؟
إذا ندرت الباضعة تقل سعرها ولا يزيد؟؟؟
طبعا بيزيد
أنا الأسبوع الماضي عند الجميح يقول بتزيد السيارات 10%
وأكيد بسوون حركات نص كم يعني زيادة10% وبعدين بينقصون 20% وهذا الخصم طبيعي من يوم عرفنا الوكالات أن السيارة في أول الموديل تزيد وبعدها تنقص وهذي خطة تسويقية عادية لكن اللي مو عادي أن الناس وبعد ماتنقص السيارة راح تشوف طق العصي ...وراح يضحك أصحاب الوكالات الين ماتنشق بطونهم .

طيب نجي للمعارض ومن تجربة شخصية

عندي كابرس 2002 نظيف ولله الحمد بدون صدمات مكينة وقير
رحت للمعارض ببيعه قالو لي الشريطية شوف بع باي سعر لأنه بيطيح سعره قلت بشوف كم يسوى !!!!
قال لي واحد منهم تبيع بـ 15 الف
طبعا قلت لا وانا وياهم وأدخل داخل المعارض ولا جاب لي من الشريطية الا 18 وأتفقوا علي أنهم ماياخذوهم بأقل من هالسعر

رجعت للبيت وحاط في بالي إن السيارة بخليها اروح وأجي عليها لأن السعر اللي جابته مايستاهل
رحت في يوم للمعارض لأني كنت فاضي وألقى ولد الحلال بيشتري عشان يستعمل وبين معي من طريقة كلامه فحص السيارة وانا وياه وأبيعها ولله الحمد بـ 25 الف ريال دخلت يوم الخميس في حسابي وخلصنا انا وياه اليوم السبت
شوفوا اللعب كيف حسبي الله عليهم
الشريطية الآن يجمعون سيارات بسعر رخيص جداً ويضحكون على العالم وهم اللي يحاولون ينشرون هالأشاعة