صرصره مزعجه والحل ياجماعه

[قرموع]

تحيه طيبه ..سيارتي فيها صوت صرصره داخل البر والمطبات لكن على الزفلت ما يطلع شي بس اي مطب خفيف يطلع صوت مزعج عند الكفرات ناس قالو رش السياره من تحت ديزل ويروح الصوت ورشيت ولا راح وناس قالو لا تدقق في الشتأ كل السيارات تطلع فيها اصوت وانا اعتقد كلام مهو سليم ارجو من اخواني المكشاتيه ان يعطوني الحل بدون ذهابي للوكاله وشكرا واسف على الاطاله(السياره اف جي)

[أبوعمر1]

أخي قرموع


إن كانك مركب يايات استرالية فكهن وجرب لآن عندي


صوت زي كذا وما فيه ورشة إلا رحت لها ولكن دون جدوى


ولكن أحد ابناء العم في ورشته لما مريت عليه قال هذا


طبيعي فك الياي ويروح الصوت وفعلاً لما دققت من جهت


الياي وجدت الكلام 100% يعني عند ما اطلع لمطب صناعي أو بايكة السيارة أو النفود يطلع الصوت . . ..


ويمكن باقي الإخوان يفيدونك



والسلام عليكم

[ولد الشقحاء2]

تحيه طيبه /
نعم في الشتاء تطلع صرصره بسيطه ولاكن لا يمنع ذلك من الفحص شحم السيارة و شيك على جلد البودي وعلى
جلد المقصات .

[altheeeb79]

لاتدقق واجد بالشتاء لان الجلد والربلات تكون قاسيه بالبرد0 أما إذا كان الصوت من زمان أيام القيظ فهذا يمكن يكون موضوع ثاني0

[قرموع]

الف شكر لك وما قصرت يعطيك مليون عافيه اخويaltheee79

[قرموع]

يا جعلك تسلم اخويaboomar907

[قرموع]

ولد الشقحاء ما قصرت والف شكراخوي

[سالم غانم]

هذا طال عمرك دور حفرة بنشر ونزل تحت و خل واحد يهز السياره وخذ معك علبه تزيت اتوقع الجلد بس مع الهز راح تبين لك الاصوات من وين بضبط واذا كنت تحب الفك والتركيب جايز يكون شي من القطع الي في السياره متحلله مساميره فك وركب وانشاء الله تروح الاصوات كلها شويت متابعه خمس دقائق ماتضر وباتوفيق انشاء الله اتمنا اني افدتك

[سالم غانم]

.........................

[شقران نجد]

حي الله اخوي قرموع .......

اعتقد والعلم عند الله انها من الكبوت .....

على كل حال افتح الكبوت وانا اخوك بتلاقي ربلتين على الجنب الايمن ربله وعلى الجنب الايسر ربله وهم على شكل دائري لوزنية الكبوت شف الصرصره من اي جهه وسوي وزنيه للربله اللي في تلك الجهه والوزنيه بيدك يعني تلف الربله فقط اما ترفعها شوي او تنزلها شوي,,,,,,,,

هذي تصير اذا ضربت لك مطب قوي او ضربت في الموتر جلد لا تستعجل وترش الموتر من تحت الرش وانا اخوك افضل شي يكون في المناطق الساحليه علشان الرطوبه ,,,,,,,

تقبل تحيات اخوك شقران

[سهم قيادي]

انا كنت تطلع عندي اصوات في الشتاء ولما تسخن السياره مع المشاوير
تروح يمكن من البرد هل الاصوات كانت موجوده عندك من ايام الصيف ماكل مطب طايح في
حفره

[قرموع]

الله يعطيكم العافيه كلن بسمه والله انكم ما قصرتو وبيض الله وجيهكم

[مشغول]

هلا اخوي قرموع

اذا كان الصوت من جهة الكفرات الخلفية ...جرب الحركة هذي

اسحب الجلنط (البريك) نصف سحبه وخذ لك لفة جرب المطبات اذا طلع الصوت يعني ما عندي حل واذا ما طلع الصوت فالسيارة تحتاج وزن وشد الجلنط .
والله يوفقك

[قرموع]

يسلم راسك وماقصرت اخوي مشغول والله يعطيك الف عافيه يا ذيب

[القوانين]

السلام عليكم
اخوي قرموع
يخوي الحل التالي
تروح للسوافي هذي ورشه شفت شلون وتخلي واحد عندهم اسمه حجب يشد الموتر من جهه الصرصره
ولا لك هم شي بسيط بس انتبه ترى محلهم في مهب خل عليك البجما الداخليه والقبوع
تحياتي
:j

[ابوفرايديز]

اخوي قرموع ان كان الصوت من الياي خله يفكه ويركب ربلات فوق الياي وربلات تحت الياي علشان الاحتكاك يكون بالربل مو باياي اي بالحديد هذي نقطه الثانيه شف كراسي الكنداسه وشكرا