أعطال في (vxr) وش الحل ياأخوان؟

[ناصر العدواني]

السلام عليكم ورحمة الله وبركاته
إخواني العزاء
تعرفون قرب الراتب
ولازم السياره تستخرج حقها منه
عندي مشكلتين في السياره
وياليت لو تفيدوني قبل اروح للورش وينصبون علي
المشكله الأولى/
صوت السياره مرتفع شوي ضغط المكينه فوق الواحد بشخطتين
وأحيان ينزل تحت الواحد ويكون طبيعي
بس أكثر أوقاته مرتفع
المشكله الثانيه/
صوت صرصره لمن ارفع رجلي عن الكلتش
القير عايدي
ولمن ادوس على الكلتش يروح الصوت
ولمن تكون السياره واقفه اجلس اتحايل عليه لحد ما يعشق الأول أو الثاني والريوس كمان

------------------------
أتمنى تفيدوني
واعذروني على الإطاله

[al-nashmi]

اخونا ناصر
السلام عليك

اولا وش موديل موتر؟


ثانيا اذا هو من 98 وطالع
اذ كان اشتغال الموتر سلس ولا يوجد رجه في اشتغال المكينه
شيك فقط على منظم دخول الهواء اللي راكب على الخرطوش اللي جاي من فلتر الهواء

غير كذا انتبه من الورش تراهم نصابين لا يلعبون في موترك( عمرك جيت راعي ورشه وقال ما اعرف مشكلت سيارتك؟؟ كلهم نصابين... جايين عندنا مسوينا معامل تجارب ويتعلمون بساراتنا..

بالنسبه لمشكله القير وصوت الصرصره هذا صوت فحمه الكلتش عادي لا تشيل همه

اما بالنسبه لثقل التعشيق والموتر واقف هذا اعتقد من الكلتش والدسك عندك ظعيف يحتاج تبديل

شيك عليه عند اكثر من ورشه.. واذا ثبت انه الكلتش تعبان غيره وغير معه فحمه الكلتش عشان يروح الصوت الصرصره اللي تسمعه.... بس ترا الصوت بيختفي فتره ويرجه بس تاه عادي لا تشيل همه

اتمنى لك التوفيق...

[ناصر العدواني]

جزاك الله كل خير وانا اخوك
وفعلا الموديل زي ما قلت
الله يعطيك العافيه

[ابوسعد931]

انتبه قبل تفك اي شي وتاكداذا الراتب مشغلك تصدق

[النجم الأول]

الأخ ناصر
المشكله الأولى اللى هي إرتفاع ضغط المكينه :شيك على فلتر الهواء ونظفه إذا كان متسدد . وإذا هو نظيف شيك على الحساس مثل ماقال أخونا النشمي .
المشكله الثانيه : الصوت هذا عادي ويوضح أكثر إذا كان الموتر جاي من مشوار بعيد شوي .كان عندي جي أكس أر الصوت هذاكان فيه جلس سنوات طويله زي الحلاوه لين بعته .
بالنسبه لصعوبة التعشيق نسم للكلتش من العلبه الصغيره بجانب القير وإن شاء الله يضبط .