المساعد الشخصي الرقمي

مشاهدة النسخة كاملة : استشارة في انواع الغزل


Dr_daase
15/03/2004, 03:03 AM
بسم الله الرحمن الرحيم

السلام عليكم ورحمة الله وبركاته

يا أخوان انا ناوي اشتري غزل للصيد و متحير في النوعية انا مجرب النايلون مثل خيوط الصيد من فترة عشر سنوات وكانت جيدة و الآن اسمع يمدحون الخيوط الحرير ارجوا من عندة خبرة يدلي بدلوة مع الشكر الجزيل مقدماً
Bo Rashed
15/03/2004, 03:55 AM
السلام عليكم ورحمة الله وبركاته
اخوي Dr_daase

انصحك بالنيلون لانه خفيف وما يشرب الماي بعكس القطن والحرير اللي يشرب الماي ويثقل عليك بالشيل
واهم شي اذا اخذت نايلون انك تغسله بماي حلو بعد كل مره تخلص منه وما تحطه بالشمس ابدا عشان ما يصير يابس ويتقطع.

وفقك الله
تحياتي
خليجي
16/03/2004, 08:13 PM
اخوي
Dr_daase
بنسبة لغزل انواع وكل نوع له صيدة
بالنسبة لحرير (البريسم) هو من اغلا انواع الغزل وقواها ومايستخدمونه الكنعد
وختيار الغزل يتم علي اي نوع من السمك الي تبي تصيدة

الما النايلوه يتلف البيةه البحريه اواذا انتلف ضاع بالبحر ولا يتحلل بمرور الوقت

وهذي نتيجة لبحاث علمية
الملثم
17/03/2004, 10:32 AM
عليك بالنايلون

ترى حن ممنوع عندنا النايلون وطايحين في البريسم إما القطن يستخدمونها في اليواريف ( الغزول الخاصة في النيسر واليواف )

البريسم جيد لكن مايصيد مثل النايلون ومثل ماقالك بوراشد أثقل

واذا بتاخذ بريسم فيه الأبيض والأخضر الفاتح والأخضر الغامج
وكل واحد له وقت وميزة
( برى بحرى)
17/03/2004, 06:17 PM
بريسم وبس مثل الاسحر بالصيد
Dr_daase
24/03/2004, 12:29 AM
بسم الله الرحمن الرحيم

السلام عليكم ورحمة الله وبركاته

ابو راشد
خليجي
الملثم
بري بحري


جزاكم الله خير على ما قدمتوا ولاكن صراحة زدتوني حيرة بارك الله فيكم هل منكم احد مجرب تجربة عملية
كشات
29/03/2004, 02:29 AM
بسم الله الرحمن الرحيم
السلام عليكم ورحمة الله وبركاته

اخوي Dr_daase
بما انك بالشرقيه

وتبي لك غزل
خذ هالنصيحه ان عجبتك والا ماراح تخسر شي

1- النايلون افضل مثل ماقالو الشباب لانه خفيف في الشيل ومايشرب ما
2-الارتفاع خذ لك 70سم بس لانك ماتبي تصيد حواقيل وسلوس ولو ان البياح دايم فوق بس انه نادر
3-مقاس خيط الغزل 25.مم الا اذا كنت راعي فشوت وفروش فهو ناعم كثير ماتشوفه السمكه بسهوله وسهل الانقطاع والتشقق غير مقاس 30.مم فهو قوي ومايتشقق وتشوفه السمكه اكثر
4- خيط البلد(الثقل) حاول انك تحط الياباني اللي لونه اخضر الثقل داخله مقاس 6او 7 صحيح انه اغلى بس اريح لك من الحبل اللي فيه بلود منفصله
5-لاتخلي الوجه الوسطي للغزل(ابو فتحات صغيره)واسع مره لانه بيعذبك بتفكيك السمك


واخيرا نصيحة اخو لك
انتبه ثم انتبه ثم انتبه للتالي
1- لاتنصب غزلك بايام الهوا لانه بيمتلى تشن (عشب)
2-لاتخليه فتره طويله بالبحر وخصوصا اذا كان بالبحر (صويفه) عشبه خضرا مثل الصوف لانه من الصعب تنضيف الغزل من هالعشبه
3-اذا نصبت غزلك ولقيته ضارب فيه سمك ماتبيه مثل(اللحلاح ,تشيلب الدو,شم,او حتى ثغاليل جلي فيش)شل غزلك على طول وغير مكانه لانك بتسوي واحد من ثنتين
اما انك تكره الغزل وتتركه بالبحر او السيف وبكذا بتخسر غزل او بتخرب البحر
او انك بتتعذب بتفكيك سمك مالك حاجه ولارغبه فيه(عذاب من جد)
4-لاتتاخر في مباراة الغزل وتشييكه او بتلقى السمك اللي صدته خايس وطالعه ريحته وخصوصا بالصيف لو يحصل لك كل ساعه تشيك عليه يكون احسن اما بالشتا فبامكانك تشيك عليه كل مارجع الماء ثبر وقبل ماتسقي (احسن لك من ناحيتين) في السقي الماء مرتفع والجو بارد


ونصيحه لا تترك غزلك بالبحر اذا تعبت او زهقت منه ياما شفنا غزول بالبحر مخربه الارض والا ساحبها (ابوسياف) ومعذبته طول عمره

في النهايه
ارجو لك وللجميع المتعه والفايده
mab1981
05/03/2009, 01:51 PM
5-لاتخلي الوجه الوسطي للغزل(ابو فتحات صغيره)واسع مره لانه بيعذبك بتفكيك السمك



السلام عليكم

رجاء من أهل الخبرة توضيح النقطة اللي فوق لأنني لم أفهمها.. وشكرا
reemix
05/03/2009, 05:51 PM
بسم الله الرحمن الرحيم

النقطه الي ماذكروها الشباب

ممكن بسبب تغير المصطلحات من الشرقيه عن جدة
ما فهمتها

والنقطه هيه في انواع من الشبك من حيث الطبقات
فب ابو وجهه
وابو وجهين
وابو ثلاث الي يسمي عندنا في جدة ( موجه _ بتشديد الجيم وكسر الهاء ) وهو افضلها

واعتقد النقطه الي ما فهمتها اخوي mab1981 من الاخ كشات

كانت تتكلم عن الوجه ( الطبقه ) الثانيه من الشوار ( الغزل) ابو ثلا ث وجيه ( طبقات ) الي يسمى موجه عندنا في جدة .
accentkool
05/03/2009, 08:51 PM
النايلون اعدااااااااااااااااااااااااام للسمك ركز علية وخاصة الموجة

في موضوع انا كتبتة بهذا الخصوص ارجو انك تسير علية راح يفيدك بهذا الخصوص
http://www.mekshat.com/vb/showthread.php?t=193164
mab1981
08/03/2009, 02:27 PM
الاخ reemix
تسلم على التوضيح الشامل

accentkool
مشكور وموضوعك رووعه و ان الله كتب لي خبرة في هالشغلة مستقبلا بكتب نفس موضوعك مع صور لأني من خلال البحث حسيت ان الصور قليلة جدا عندما نتكلم عن الغزول - الشروخ - الألياخ - الشبك - الشراك

بس جاني سؤال نلاحظ انه الغزل له 5-6 اسماء بس ما عرفنا اي اسم لأي منطقة من الجزيرة! اللي يعرف يا ري يفيدنا..
قناص البحر
08/03/2009, 10:12 PM
السلام عليكم ورحمة الله

الشباب ما قصرو في الرد عليك وأظن ما يحتاج نضيف أكثر على كلام الشباب

وعندي شي واحد بس اقوله النايلون ممنوع عندنا ولو تروح عندنا المحل وتقوله ابي نايلون يقعد يصيح علشان ما تسمعك الشرطه وتصيد الرجال خخخخخخخخخ

المهم انا عن نفسي أستخدم الياباني نوع الخيوط من القطن وإثنى عشري
البرنس2008
08/03/2009, 11:22 PM
انصحك نايلون انا استخدمه
وبالنسبة لكلام اخوي كشات كلامه صحيح اذاحطيت الغزل وبعدين نزلتله وشفة فيه عشب غير مكانك لانه اولا يتعبك لماتطلعه وصعب تفكك العشب منه يطفشك انا مجرب ولا تاخذ غير ثلاثة طبقات
mab1981
09/03/2009, 08:29 AM
مشكورين على المشاركات الطيبة

قناص البحر
فعلا حصل معي هالموقف .. رحت للمحل أطلب نايلون و الهندي طالعني بنظظظره بعدين حس اني أسأل على البركة و طلع لي القطن وقال (( هذا بسسس ))
مشـــــــــــــــــكور على تنبيهك يالغالي

البرنس2008
ان شاء الله لو وصلنا عندكم في الصيف بنجرب النايلون.