المساعد الشخصي الرقمي

مشاهدة النسخة كاملة : سوال عن كفرات الاند ؟؟؟ عاجلاااااااااااااا


العبقري
15/03/2004, 01:52 PM
السلام عليكم ورحمة الله وبركاته

حيالله الربع ...

ابيكم تعطوني يالربع العلم الي يجمد علي الشارب :

وش افضل انواع كفرات الجيب الاند كروزر 96.....

من حيث القوه والتحمل والسعر ...

والله لايحرمكم الاجر ...
الدبل الثقيل
15/03/2004, 04:06 PM
دنلوب
العيد
15/03/2004, 06:59 PM
اخوي الدنلوب ازعجني وقريت مواضيع الشباب ولقيتهم ينصحون باليوكوهاما ومركبها الحين لي شهرين وما عليها خلاف لكن تحملها للحصى اضعف من الدنلوب والبرجستون ولعل الشباب يفيدونك اكثر
العبقري
15/03/2004, 10:16 PM
الله يبيض وجيهكم ..

لكن ماعلمتونا بالسعر .؟؟

ولازلنا ننتظر بقية الشقرديه ..
الدبل الثقيل
15/03/2004, 10:49 PM
دنلوب مقاس 275 / 70 / 16 عند وكيله ب 325 ريال ويمكن زاد شويه...
تويو ب 345 ريال ... ميشلان ب 518 ريال ... هنكوك ب 260 ريال
العبقري
16/03/2004, 01:28 PM
ماقصرت اخوي الدبل الثقيل ..

لكن ما ادري وش افضل دنلوب او تويو ؟؟

من حيث تحمل الكفر والبطانيج ...
الدبل الثقيل
16/03/2004, 01:55 PM
والله يالخو دنلوب وتويو حول بعضها ... لكن في الأول يجب انك تحافظ على ضغط الهوا .. وما تنقز ارصفه عاليه .. واذا كنت في مكان وعر تزود الهوا يعني اذا كان عيار الكفر الطبيعي 35 تخليه 40 عشان يصير الكفر صلب وماينشق بسهوله ...
اما ان كانك تروح اماكن بها مطانيج ومطبات وحصى فالأفضل من رأيي انك تغير الجنط الى نحيف وتركب كفرات دنلوب او يوكوهاما مقاس 235 / 85 / 16 لأن الكفر العريض يفكفك السيارة وما يتحمل الوعر مثل النحيف ... فالنحيف افضل وبتحس ان السيارة صارت اخف بكثير...
لكن اصبر شويه يردون باقي الشباب ... وترى كلامي مجرد رأي شخصي مُعرض للخطأ.. وجزاك الله خير.
العبقري
16/03/2004, 04:31 PM
حقيقه اخي الكريم الدبل الثقيل اني معجب بك كل هالمعلومات واخيرا تقول

لكن اصبر شويه يردون باقي الشباب ... وترى كلامي مجرد رأي شخصي مُعرض للخطأ.

حقيقه قمة التواضع بورك فيك وزادك الله علما وفهما ..


طيب ماعطيتنا رايك في تويو ؟؟

اما بالنسبه للجنط حق كفري فهو مقاس 16.... يعني عريض ..
الدبل الثقيل
17/03/2004, 12:29 AM
تويو يمدحونه ... والمنتشر بين الناس الدنلوب
لكن انا جربت تويو مقاس 245/75/16 على جمس 97 نمشيبه خطوط بس والبر قليل الصراحه ماشفنا منه خلاف ونقشته نفس نقشة العريض 275/70/16 لكن الفرق ان حمولة كفر الجمس اعلى.
اما الميشلان كثير يمدحونه ويقولون انه يكد لكنه غالي وضربته قويه.. اما البرجستون لاتقربه انا مجربه بس يبنشر واذا ضرب عليك وانصلخ يعدم السياره ويطير الجلود والرفرف
والهنكوك رخيص ويكد وممتاز للرمل لكنه لين زياده ومايتحمل الحصى..
وانتظر الى الأسبوع الجاي عشان باقي الشباب يرجعون من الطلعات ويعطونك العلم اللي يجمد على الشارب... ترى كل تأخيره فيها خيره لاتستعجل...
تركي عبدالله
17/03/2004, 04:43 AM
السلام عليكم ورحمة الله وبركاته أخــــــــــــــي الـــعــــــبــقــــــري اول شــي ابي افـــــهـــــم تــبـــــي تــســتخـــدمــــه فــــــي مـــقــــنـــاص او طــــرق شـــف كــــــفـــــر مــــيــــشــــلان تــــره احــــــــســــن كــــــــفـــرعـــريــض لــنـــه 10كـــانـــدس بــس تـــراء مـــطـــبــه قـــاســي شــــــوي بــــــــس يــتحــــمـــــل الـــحـــراره واذ كـــنــت راعــي قــنــص اوصـــيك ان تركـــب جـــنــوط خـــاصــــه وتــــركــب كــــــفـــــرات هــنــكـــوك كـــوري صـــيــني مــقــاس 900 بـــلـــــون وســـلامـــتـــــكــــم
العبقري
17/03/2004, 11:00 PM
نشكر الاخوين الدبل الثقيل وتركي بن عبد الله علي المشاركه ....

وبالنسبه للكفر اريد للبر والشارع ..
العبقري
20/03/2004, 01:30 PM
؟؟؟؟؟؟؟:(
مشغول
20/03/2004, 02:51 PM
هلا بالعبقري


انا جربت الدنلوب ممتاز بس يطلع صوت ونه

وجربت التويو ممتاز وسألت عنه في الغرابي كم مركز كفرات كلهم يقولون ركب تويو

والحمد لله ركبت تويو له الان سنة ماشيء مافيه مشاكل ولا صوت .

السعر 310 ريال
العبقري
20/03/2004, 10:03 PM
مشكور اخوي مشغول وماقصرت ..

لكن ما ادري عن تحمل كفرات تويو اليابانيه لحرارة الخط والشارع ؟

شاكرين لكم ..
مشغول
21/03/2004, 02:22 PM
الله أعلم

وبعدين تراى الكفرات مافيها فرق واجد توكل على الله وخذ اللي ترتاح له نفسك