ارجوا دخول اهل الخبرة بشركة هونداي .. ولايهونون بقية الأعضاء

[GOLDEN SNIPER]

السلام عليكم ..

ياهلاومسهلا بالشباب .. حبيت اسأل اهل الخبرة بالهونداي وخاصة الاكسنت ..

ابي اعرف الله يسلمكم الفرق بين الاكسنت الشكل الجديد يعني من 2006 الى 2009

والشكل القديم من موديل 2005 الى 2003 طبعا غير الشكل ابي جميع الفروقات

المكينة , والمواصفات الداخلية , والسيارة بشكل عام

وخااصة قوة المكينة ابي اعرف الجديدة كم Cc <<<(لتر) ؟ وكم حصان والقديمة نفس الشي ..


ويعطيكم الف عافية .. :)

[محمد بن سعيد]

والله انا توني شاري اكسنت للبيت موديل 2009 والأشياء اللي زادوها حطو فيها مسجل فيه بلوتوث مع اني شاري ستاندر قير تماتيك وإن شاء الله الشباب يفيدونك بالباقي

[GOLDEN SNIPER]

يعطيك العافة اخوي ع المشاركة الطيبة

وننتظر البقية ..

[المودع 2008]

اخووووي من 2003 الى 2005 مافيه فرق الا المسجل
بس ينصحون ب 2005 يقولن افضل موديل للأكسنت مكينه وقير
حقت كررررف

[GOLDEN SNIPER]

فاهم اخوي بس انا اسأل الفرق بين الشكل القديم والجديد

يعني الفرق بين موديل 2008 و2005 ؟؟

[sts2003]

السلام عليكم ورحمة الله وبركاته
الاكسنت من 2003 الى 2006 نفس الشئ ما فيه تغير الا المسجل والمواصفات طبعا كلها قير عادي والمكينة 4 سلندر وسعة المحرك 1300 سي سي ، والمكينة مزعجة في السفر
لكن السيارة والشهادة لله اذا بتحافظ عليها بتعيش معك 6 سنوات زي التمام ولا تدخل ورشه.

اما الاكسنت من 2007 الى 2009 الي تغير عن الموديلات السابقة هو التالي :
1- يتوفر نوعين هما فقط القير العادي و القير الاوتومتيك.
2-المكينة 1400 سي سي .لكلا النوعين
3-المسجل سي دي فقط.
4-تغير شكل المراتب وهي اريح من الموديلات السابقة نسبيا.
5- صوت المكينة عند السفر منخفض جدا عن الموديلات 2006 ودون ، وخاصة في القير الاوتومتيك. اما العادي ما جربتها.
هذا اللي موجود عندي ، ارجو اني قدرت افيدك.

طبعا انا املك اكسنت 2003 على يدي والحمدلله والشكر ما دخلتها ورشه ولكن بشرط الاستخدام النظيف. الزيت في وقته ، ما اشد عليها ، التسخين الجيد الخ......

لكن انصحك بتاجيل شراء اي سيارة في الوقت الحالي ، بسبب توقع نزول كبير في الاسعار