وش رايكم بالأفلانش .. بجميع موديلاته !! للمجربين فقط !!

[m1m]

السلام عليكم ورحمة الله وبركاته ..


الحقيقة في راسي أفلانش .. أغرتني أسعاره نازله عن السابق 2002 إلى 2006.. وبغيت أشتري واحد ..

القوة 6100 دبل ..

فما أدري وش رايكم فيه ؟؟

http://uaesm.maktoob.com/vb/attachments/42577d1166601248-ext_gallery15.jpg

[H5N1]

لاتشاور
خذه وأنت مغمض ..

[m1m]

تعرف عن صرفيته للبنزين ..؟؟

[الجندي2005]

موديل 2006 ،،،،،،،،،،،،،،،،،،،، كذا و لا انا غلطااااااااااااااااااااااااااااااااان

[m1m]

الجندي .. وشو ؟؟

[الجندي2005]

( الحقيقة في راسي أفلانش .. أغرتني أسعاره نازله عن السابق 2002 إلى 2006.. وبغيت أشتري واحد )

كلامك هذا ما فهمته تقصد فيه موديل 2006 جديد ،،،،،،،،،،،،،،،،،،،،،،،

[هاي لكزز]

ما شاء الله عليك اخوي يدك على الجرح ونا ادور لي موتر يكون
مركبه مريح + عملي + صندوق
بــــس اسعاره بحدود كــم
وياليت الشباااب يقولون لنا عن تجاربهم او اي معلومه تفيد

بس اتوقع انه طويل شوي كنك تسوق يوكون Xl وغير موريح في المدينه
> تدري لو سعره في المنال و دبله مضمون وسيارة جلد راح اسوي معك رابطـــه افلانش < ادري ما خليت شي ^_*

[m1m]

هلا جندي أن شاء تترقى عريف :)

أي نعم أقصد من موديل 2002 حتى 2006

----------------------------

هلا هاي لكزز

الطول ما من طول .. والشكل حليو ..

وأسعار 2002 تبدأ بـ 36 الف ريال ويصل بعضها للـ 40 ..

وتطلع مع طلوع الموديل ..

ما نزل في الخليج على ما أظن إلا من 2006أو 2007

[شعيب المسمى]

اشوف انه موتر ديره ووجهه طامن بالحيل عليك بالسييرا وان تسان خبرت لنا واحد عطنا خبر (سييرا) غمارة

[جمس الشمال]

لي صديق
ذبحه العمار
وتوه جايب فلانش
وناوي يبيعها موديلها 2002
لونين ..رصاصي فاتح ورصاصي غامق بس ورده ورد ه ماشالله
فتحه وجلد ودبل وكفراتها جديده وصيانه شاملة
والأهم من هذا كله ماهي ماشية الا 50 الف .. يعني لؤطه

الي يبي يسوم السياره وجازم يرسلي مسج ع الخاص ارسل رقم خويي له

[m1m]

شعيب المسمى ..

ما أشوف فرق بينهم .. كأنها التاهو واليوكن :)


-------------------------------

جمس الشمال ..

هل عليه ضمان .. والا هو جايبة ..

50 الف ميل = 80 الف كم .. يعني ممشى زين ..

كم حده ؟

[جمس الشمال]

والله ياخوي الي اعرفه انه هو جايبه باختيار منه من امريكيا
لاكن عليها ضمان ماعليها ماعندي علم بالشي هذا
بس بصراحه السياره انت لو تشوفها غير تقول اخت الجديده
ومادري اذاكان حاط لها حده بس اتوقع سعرها بسعر الي بالسوق
مايبي اكثر لانه مو شريطي

[شعيب المسمى]

شعيب المسمى ..

ما أشوف فرق بينهم .. كأنها التاهو واليوكن :)




فرق السماء عن الارض يابعدي على الموديلات 2000-2006

الافلانش طامن بالحيل وفئته مستقله عن GMC

والحوض نوعين وانت خابر سييرا اللي هو الجمس وسلفرادو اللي هو الشفر

والصور اللي حاطهن لموديلات 2007-2008

:D

[m1m]

جمس الشمال شف خويك وعطنا خبر ..


شعيب المسمى ..

طمان الوجه يحل ..لكن وش الفروق الجوهرية

والصور للـ 2002-2003

وهذي صورة 2002 معروض للبيع

http://www.jeddahboys.com/upload/get-1189370415.jpg

[كاشت المدن]

اخوي بالنسبه للافلانش اول ما صدر عام 2002
ولا جا للسعوديه من الوكاله الاعام 2007 يعني اللي قبل كله مستخدم من امريكا
واستخدامه وطوله وخراباته نفس الجمس
وقطع الغيار مكينه وقير ودفرنس نفس الجمس مايفرق مسمار
واما البدي وعضلاته (مساعدات + ياي +...الخ) فتختلف
والمكاين جاء مكينتين 5300 و 8100
وارتفاعه نفس ارتفاع اليوكن والتاهو والجمس
ويجي ثلاث انواع 4*4 وz71 و نورث فيس (فئه خاصه)
طبعا كلامي كله عن موديلات من 2002 الى 2006
وكلامي من تجربه شخصيه للافلانش
وبالنسبه للصوره اللي انت حاطها حقت 2007اللي في اول الموضوع
واي تفاصيل اكثر انا جاهز

[m1m]

الف شكر كاشت المدن

وش رايك في استخدمات الـ 4×4 والحرارة

وش أكثر أعطال مشهورة ؟؟

[سيف الظفير]

يالربع مكاين الافلانـــــــــــــش 5300




ولا فيها لا 8100 ولا 6100


لأن 8100 مخصصة للسوبربان2500 وانقطعت من عام 2006

والـ 6100 مخصصة للسوبربان فئة 2500

[كاشت المدن]

بالنسبه للاستخدام مايحتاج موتر ماعليه اي كلام يعيبه كبر حجمه بالنسبه للمدينه
واما في البر فميزته انه يشيل حمل واشخاص
وبالنسبه للحراره مراوح 2002 مروحه وحده ميكانيكيه
واذا كنت بالصيف بعز الحر والزحمه والمكيف شغال ترتفع حرارته فلازم تركبله مروحه اضافيه
اما 2003 وفوق جاء مروحتين كهربائيه مافيه اي مشكله بالحراره حتى مع شبكة الدبل مسافات طويله

واعطاله زي الجمس
طرمبة البنزين وعلاجها رهمله حقت 430 وكثير من الورش يسونها

و2003 وفوق(لان 2002 يختلف طبلونه) خراب عدادت الطبلون وذكر لها اكثر من حل بهذا المنتدى

*وبالنسبه للدفرنسين يجي ثلاث انوع مسمى ب 4*4 و Z71 والفرق ان الثاني يجي عضلاته رياضيه
والنوع الثالث نورث فيس ياتي بعضلات استراليه وطبلون ومراتب مختلفه
والنوع الاول ينزل مع الحمل واجد اما النوعين الثانيه تنزل شي بسيط خصوصا انه ياي مو سست

[m1m]

سيف الظفير ..

حياك الله .


أنا حصلت واحد في المعارض وقالوا 6100 .. وما دققت عليه ..


-----------------------------------

يعطيك العافية كاشت المدن ..

طيب الثلاثة أنواع وش أفضلها ..
طبعا من الواضح أن 4×4 أقل مستوى . لكن الثنين الباقية وش الأفضل

[راعي العشــه]

بصراحه نظره ومركب بس ماودك يفتح فمه :)

[Dead]

عندي 2004 z71 حجم 1500 ولله الحمد ماشكيت منه

الأفالانش طوله طول السوبر بالضبط لأن شاصيه شاصي سوبر ويجي نوعين 1500 و 2500 الأول مكينته 5300 والثاني 8100 بس مدري من أي موديل نزل بمكينة 6000 لحجم 2500

قطع غياره نفس اخوانه السوبر واليوكن ولايختلف عنهم بشي

ميزة الأفالنش عن غيره إنه يصلح لراعي العايله اللي مايبي يشري سيارتين لأنه يجمع بين الوانيت والجيب بنفس الوقت ... وسع المقاعد الخلفية ممتاز والتكييف الخلفي يوجد فيه و مايوجد بالسييرا والسلفرادو ... وفيه ميزة إن الجام الخلفية تنفتح بالكامل ويصير التحميل بكامل البدي حتى المقعد الخلفي ....

عيب الأفالنش الرؤية الخلفية لأن البدي مرتفع وحله إنك تركب حساسات خلفية أو كاميرا لأن السيارة الصغيره ماتبين لاصارت لازقه وراك ...

أنا مستخدم الأمريكي من سنين ولله الحمد ما شكيت منه وكل صيانته اسويها بالبيت لذلك ممكن اللي يصلح لي ما يصلح لك بس أنا بعطيك نصيحه لا نويت على السيارة

أولاً حاول كثر ما تقدر إنك تشري مخمل ولا تفكر بالجلد ترى الجلد متعب بالصيف وبالشتا والمخمل أريح مية مرة من الجلد خصوصا إن الجلد الأمريكي موهذاك الزود

ثانيا لا تاخذ موتر عليه جنوط كبار حاول إنك تاخذ موتر بجنوطه الأصليات ... لأن الجنوط الكبيرة تتعب الدفرنس وتبدا المشاكل

ثالثا لاجيت تاخذ سيارة من المعارض اطلب ورقة التايتل وتأكد من صحة العداد وإن السيارة ماهي من المناطق الباردة ... وتقدر اتفحص زوايا المكينة وتحت الأبواب والرفارف عن الصدأ

رابعاً افحص كل شي بالسيارة .. شغل الراديو ونزل الجامات وشغل المكيف وشغل الدبل وشيك على العدادات كلهن شغالات وسق السيارة شوفها هاديه ولا فيها أصوات عند اللفات ... وافتح غطا البدي شف الفرشه السوده موجوده ولا لا وتأكد من قفل باب البدي الخلفي يقفل ولا لا وشف تبديلات القير ناعمه ولا خشنه

بالنسبة للموديل أنا أنصحك انك تاخذ من موديل 2005 وفوق لأنه صار مراوح كهرب واذا ما حصل خذ 2004 ... وترا تركيب مراوح الكهرب بسيطه ... وترا حرارته ثابته تحت النص بشوي صيف وشتا

وحاول إنك تاخذ Z71 ولا تغرك اللزقه على الجنب تأكد إن الموتر فعلا Z71 عن طريق الكود ... والأكواد تلقاها بالدرج دور على كود Z71 وهذا كود قفل الدفرنس G80 لازم يكون موجود بكل z71

إذا أخذت لك افالنش بدل المساعديات على طول ... لأن غالبا المساعديات اللي تجي مستهلكه وهذا شفته بأغلب السيارات وارد أمريكا ... كذلك بدل زيت المكينة والقير وشحم السيارة لأن في أماكن تحتاج تشحيم موجوده بالكتالوج .

وأولاً وآخرا لا تنسى الإستخارة

عذراً على الإطالة والرد غير المنظم والله يرزقك بالسيارة اللي ترضيك .

[Y A S S E R]

مكرررررررررررر

[Y A S S E R]

عفوآ

هنا

سيارة أفالانش شيفروليه الجديدة والفريدة Avalanche (http://www.mekshat.com/vb/showthread.php?t=126011)

[هاي لكزز]

ياليت بقية الاعضاء يتفاعلون حتى تتكون صوره واضحه لراغبي افلانش
ونا وواحد منهم

[عبدالله الضويان]

الله يعطيك العافيه
والله شكل الموتر دخل مزاجي

[بو جريس 73]

اخي المحترم من استعمال احد الزملاء مدة سنتين قال لي ان يصرف بنزين+ الدبل لك عليه لازم تشيك عليه دايمن لأنه تماتيك يعني ليس عصاة دقم+قرقعته كثيره واللحين باعه واستعمل وانيت فورد اف 150 قمارتين حوض صغير ويمدحه حيل حيل فرق بالبنزين وانعم والدبل تمام التمام علما بان زميلي عطلة نهاية الأسبوع مسافر كشته او عمره اوصيد
وتقبل مروي وشكرا

[m1m]

Dead الف شكر لك .. وما قصرت .. على هذا التقرير الجيد

الاخوة الكرام .. شكرا لكم جميعا

zxs-73 أيضا لك الشكر لكن أي نوع من الافلانش كان معاه .. 8100 هو الواضح بسبب صرفية البنزين

[بو جريس 73]

موديل 2004علما بأن لايوجد افلانش 8100

[fox1]

معي افلنش 2002 الحمدلله سالك معي اطلع كل اسبوع للبر مريحني يضف كل اغراضي ولا اشيل هم تنزيل العزبه اغراضي كثيره طق القفل الخلفي للصندوق ونسا وفيه على جوانب الصندوق درجين ممكن تستخدمها للثلج تحط المشروبات والاشيا الي تبغاها بارده تحفضها زي الكولر حق الثلج ولها تصريف للما اسفل اذا ذاب الثلج وغطا حق الصندوق لايدخله مويه ولااتربه ايضن له تصريف للماء وسافرتبه جده مشالله موريح وماتمل سواقته علمن هي السياره الوحيده استخدمه في كل وقت... تحياتي للجميع

[العبرود1]

اخوي جمس الشمال ارغب بشراء سيارتك خويك وهذل رقم جوالي
ماقدرت ارل لك على الخاص لان مشاركتي اقل من 50 مشاركه