%%% سيارتي السفاري انسرقت 3 مرات%%%فزعتكم يالربع بالحل والرأي%%%

[برق بن رعد]

السلام عليكم يا اخوان

والله شي يقهر ان تتعرض سيارتك لـ3 مرات:mad: سرق في اقل من شهر
السيارة سفاري 93
السرقة تكون بفتح السيارة واخذ ما في داخلها
لكن الحمد لله ما فيها غير العزبة والباقي انزله في الشقة
والسرقة تكون وقت الظهر الاوله والثالثة يوم الثلاثاء
والثانية يوم الاحد

طبعا الثالثة صارت اليوم شفتها وانا طالع اصلي العصر:mad: :mad:

وقالي عامل يشتغل في محل تحت الشقة وهو يسكر المحل انه شاف ولد عمره في حدود 16 سنة :eek: عند باب السيارة ويظهر من كلام العامل ان معه مفتاح يحاول به فتح الباب
والله لوطاح بيدي اخخخخخ
شكلي راح اشتغل بحث حتى اصيده:j
وش الحل يالربع ويا اهل الشور :confused:

والله شي يقهر تشوف سيارتك تفتح بشكل متواصل
وخايف اطلع يوم وما احصلها

هل ينفع تركيب الانذار او تغيير المفاتيح
انتظر نصيحتكم

[النائب]

حط كمرة مراقبة وحط له طعم وتصيد له

[faisal_al_vtc]

والله يالغالي فيه برنامج كتب عنه موضوع واحد من الشباب الله يجزاهم خير تقدر تستفيد منه

ومن ناحية المفتاح فهو موجود مفتاح يفتح السيارات القديمه الحل انك تغير القفل وتحط قفل متطور عشان المفتاح حقه ما يفتح سيارتك

الله يعينك اذا كسر القزاز

ومناحيه الولد صيده وخذ المفتاح وتفاهم معه الله يصلحه

تقبل مروري

[faisal_al_vtc]

حط كمرة مراقبة وحط له طعم وتصيد له


:no: لا يا ياشباب تراه مراهق ومالها داعي يمكنه محتاج انا افضل انك تتفاهم معه وتراه صغير اما اذا كان شنب وده اقرب قسم والله يهديه على اية حال

ومن ناحيه 3 مرات تراه شافها سهله قام يجرب المفتاح :D

وتمنى لك التوفيق

[رٍسِـــلآنٍ ٱلدُفُــٱع]

حط له طعم مثل ما قالو الاخوان <<< ذكرتوني في السمك

وقبل ماتروح تنام افصل واير البوجي الي يطلع من المجنيت < ويروح الى الديلكو وهو واير واحد فقط واحلق شنبي اذا اشتقلت السياره ...... واذا تبي تشغلها اشبك الواير من جديد فقط

[ابويوسف وسلوم]

ابلغ الدوريات الامنيه

[ابوغريب2006]

غير القفل بحق جمس ونم مرتاح:o :o

[المنبسط]

السلام عليكم
اولا/ الله يهديه
ثانيا/ حط لك فاصل كهربا للسيارة بحيث اللي يفتح السيارة ما يقدر يشغلها وسعره جدا مناسب في حدود (50) خمسون ريال تقريبا بس دور مكان ممتاز تحطه فيه.
ثالثا/ كان عندي ددسن 93 ومركب له قفول كابرس ومن أحلى ما يكون لأن قفول نيسان القديم رديه جدا.
اتمنى اني افدتك بشي ولك فائق الود.
اخوك المنبسط

[ملاعب الريح]

خل لمبة السقف تشتغل ولا تسكر الباب مظبوط وسبر له لين تسمع صوت ولا تشوف له من دريشه:)



ملاعبــ

[Cyber]

تبي نصيحتي

غير دقمة الباب لان النيسان القديم كله سهل تفتحه في اي مفتاح نيسان

وشي ثاني
خل السياره فاضيه وخل دقمة الباب مفتوحه

والله يعينك

[ابوعقل]

الله يعينك ان شاء الله

وشف الأعضاء عطوك حلول ممتازه

وعلى كلامهم غير قفل الباب

والله يهديه

اقول

انت شاري السياره مستعله؟؟؟؟؟

يمكن كانت سيارتهم وعنده سبير

[aassem34]

حط له فاصل تحت المرتبه اذا بغى يشغله ما يقدر الى اذا شغل الفاصل ولا تخلي به شي نزل كل شي

[ذيب الداهية]

والله الاخوان ما قصرو جابو الحلول كالها
لكن اذا كالها مفادة مالك الا تجيب سكورتي

[المارينز]

حط لوحه على قزازه الباب

اكتب فيها :

السيارة مافيه شي يستاهل السرقه ... لا تتعب نفسك


ياخي والله من جد شي يقهر .. لا واغلب السرقات الا كل السرقات تجي بعز القايله يعني وقت الظهر ؟؟؟

انا كسروا سيارتي وسرقوا اللي فيها .. ولد عمي سرقوا سيارته بكبرها .. ورفيقي سرقوا سيارته ثلاث مرات

كلها وقت الظهر !!!

لا وكلهم اعماره ماتتجاوز 18 سنه

هذولي شكلهم عصابه الله لايوفقهم وين ماوجهوا

[برق بن رعد]

حط كمرة مراقبة وحط له طعم وتصيد له

والله جاء في بالي هالحل
وقتها من القهر

[برق بن رعد]

والله يالغالي فيه برنامج كتب عنه موضوع واحد من الشباب الله يجزاهم خير تقدر تستفيد منه

ومن ناحية المفتاح فهو موجود مفتاح يفتح السيارات القديمه الحل انك تغير القفل وتحط قفل متطور عشان المفتاح حقه ما يفتح سيارتك

الله يعينك اذا كسر القزاز

ومناحيه الولد صيده وخذ المفتاح وتفاهم معه الله يصلحه

تقبل مروري

والله انك صادق وهذا اللي حاصل

واحد من الشباب معه مفتاح سدرك وجرب على السيار وفتحها وشغلها بعد عشان كذا تركيب الفاصل مهم جداً

[برق بن رعد]

حط له طعم مثل ما قالو الاخوان <<< ذكرتوني في السمك

وقبل ماتروح تنام افصل واير البوجي الي يطلع من المجنيت < ويروح الى الديلكو وهو واير واحد فقط واحلق شنبي اذا اشتقلت السياره ...... واذا تبي تشغلها اشبك الواير من جديد فقط

ماقصر على الشور

وانا مركب فاصل من اول ما شريت السيارة

[برق بن رعد]

ابلغ الدوريات الامنيه


عندهم خبر ويقولون امسكه وكلمنا:confused: نجيك نستلمه:(

[برق بن رعد]

غير القفل بحق جمس ونم مرتاح:o :o

الله يجزاك خير على النصيحة

وهذا اللي انا ناوي عليه
من اللي يركبه هل هي الورش او محلات المفاتيح

[برق بن رعد]

السلام عليكم
اولا/ الله يهديه
ثانيا/ حط لك فاصل كهربا للسيارة بحيث اللي يفتح السيارة ما يقدر يشغلها وسعره جدا مناسب في حدود (50) خمسون ريال تقريبا بس دور مكان ممتاز تحطه فيه.
ثالثا/ كان عندي ددسن 93 ومركب له قفول كابرس ومن أحلى ما يكون لأن قفول نيسان القديم رديه جدا.
اتمنى اني افدتك بشي ولك فائق الود.
اخوك المنبسط

الله يجزاك خير اخوي على النصيحة
والفاصل مركبه من اول ما شريت السيارة خوفا من كذا

[برق بن رعد]

تبي نصيحتي

غير دقمة الباب لان النيسان القديم كله سهل تفتحه في اي مفتاح نيسان

وشي ثاني
خل السياره فاضيه وخل دقمة الباب مفتوحه

والله يعينك

والله انك صادق وهذا اللي صاير مفتاح سدرك وددسن فتحوا سيارتي والسدرك شغلها

والحل على كلامك تغيير الدقمة
بس من اللي يغيرها

[برق بن رعد]

الله يعينك ان شاء الله

وشف الأعضاء عطوك حلول ممتازه

وعلى كلامهم غير قفل الباب

والله يهديه

اقول

انت شاري السياره مستعله؟؟؟؟؟

يمكن كانت سيارتهم وعنده سبير

السيارة مستعملة بس من منطقة ثانية

بس القديم ردي

الله يجزاك خير على المشاركة

[برق بن رعد]

حط له فاصل تحت المرتبه اذا بغى يشغله ما يقدر الى اذا شغل الفاصل ولا تخلي به شي نزل كل شي

مركب فيها الفاصل
الله يجزاك خير على المشاركة

[برق بن رعد]

خل لمبة السقف تشتغل ولا تسكر الباب مظبوط وسبر له لين تسمع صوت ولا تشوف له من دريشه:)



ملاعبــ
والله انك صادق

حط لوحه على قزازه الباب

اكتب فيها :

السيارة مافيه شي يستاهل السرقه ... لا تتعب نفسك


ياخي والله من جد شي يقهر .. لا واغلب السرقات الا كل السرقات تجي بعز القايله يعني وقت الظهر ؟؟؟

انا كسروا سيارتي وسرقوا اللي فيها .. ولد عمي سرقوا سيارته بكبرها .. ورفيقي سرقوا سيارته ثلاث مرات

كلها وقت الظهر !!!

لا وكلهم اعماره ماتتجاوز 18 سنه

هذولي شكلهم عصابه الله لايوفقهم وين ماوجهوا

والله اني كنت ناوي اكتب ورقة بس خفت انبه غيره
الله يجزاكم خير على المشاركة

والنصيحة انا ركبت الانذار وراح اغير الدقمة
والله ييسر الامور

ويعطيكم الف عافية

[بواردي الدلم]

غير قفول البيبان بقفول كابرس موديل قديم وخلاص

أو

تعلم تشريك السياره ولغمها وخله يجي يفتح الباب عشان تلقاه بالسطح هو ومفتاحه ههههههههه

وفيه طريقه ثالثه بعد حط حباله حقة ثعول وخلها محل الرجول اعزك الله وخله يركب ويفلها هههههههههههههه

الحل الرابع حط لك باكستاني في وسط الغماره وعطه خمسين ريال وماعليك بيصيده لك

الحل الخامس ظلل الموتر تظليله كاتمه ونم بالسياره وخله يجي ينقز وصده

فيه مليون حل بس انتقيت لك هالخمسه

تقبل مروري

[al360f]

بواردي حلولك حلوه هههههههههه

الله يهديهم المراهقين طاحو بسرقة السيارات

وهذا كله بسبب عدم تربيتهم تربيه صالحه وغياب الرقيب

[viv999]

انا انسرقت سيارتي بالرياض وشفت لو حة الي سرقني سيارته يارس .....
المهم قلت للشرطه رقم لوحة الي سرق سيارتي لاانه هرب الظهر
اقسم بالله موجود لدى الشرطه رقم سيارة الي سرقني
لكنهم لم يقبضوا عليه
والصرااحه الرياض

[viv999]

انا انسرقت سيارتي بالرياض وشفت لو حة الي سرقني سيارته يارس .....
المهم قلت للشرطه رقم لوحة الي سرق سيارتي لاانه هرب الظهر
اقسم بالله موجود لدى الشرطه رقم سيارة الي سرقني
لكنهم لم يقبضوا عليه
والصرااحه الرياض اكثر الي اعرفهم سرقوا
الرياض مو مثل اول والسبب...
تحياتي

[فهد بن مشبب العاصمي]

اخي مع اني مااحب اسيء الظن لكن ماتاكدت من عامل المحل من اللي يسرق بالضبط .. لأنه ممكن يصير هو يدري متى تدخل ومتى تطلع .. وفيه اقتراح تحط كهرب 220 اول بقفل السواق وانت اركب من يمين :) .. لكن فكرة انك تضلل الموتر وتجلس داخله خياليه جدا جدا والله يهدي من يتعرض للموتر

[مروووق]

فيه حل بسيط و عملي جداً . ركب لك الحساس حق الاهتزاز ، قيمته يمكن 30 ريال . بمجرد حدوث اهتزازات بالسيارة يشتغل. و طال عمرك اشبكه مع الهرن
مجرد ماتتحرك السيارة او تجيها اي ضربه يشتغل الهرن يدق و انزل له بالعجرا ههههههههههه
تحياتي

[شفر 10]

شوف وأنا خيك الحل من أمرين
1- غير أقفال الباب أمريكي والله لو يطق ما يفتحه
2- الولد لازم تمسكه لأنه راح يحاول يفتحها بطريقة ثانية "يكسر القزاز يستخدم ليور ويعدم الباب ... الخ"
حاول تترصد له وامسكه وهنا امسك أعصابك و تتبلغ الشرطة وتخليه يعترف بكل سرقاته ويبصم على عدم الاعتداء عليك وغيرك "ودور قسم شرطة كويس"

[ابو شهد جدة]

شوف وأنا خيك الحل من أمرين
1- غير أقفال الباب أمريكي والله لو يطق ما يفتحه
2- الولد لازم تمسكه لأنه راح يحاول يفتحها بطريقة ثانية "يكسر القزاز يستخدم ليور ويعدم الباب ... الخ"
حاول تترصد له وامسكه وهنا امسك أعصابك و تتبلغ الشرطة وتخليه يعترف بكل سرقاته ويبصم على عدم الاعتداء عليك وغيرك "ودور قسم شرطة كويس"


قرأت كل الردود وهذا اتوقعه انسب رد.

بس عجبتني ( دور قسم شرطه كويس ) :j

[طويل العمر]

شف لقيتها لك...
اللي ينقز السيارات عين على زر القفل اللي من داخل يحترية يرتفع وعين على الشارع لاحد يشوفه :j

افرض انه يوم دخل المفتاح يبي ينقز لقى ورقة صغيرة من ورا القزازة مغطية زرار القفل مكتوب عليها ....

(تم ابلاغ الشرطة بسرقة هذه السيارة وتم اخذ البصمات).

[zedan2001]

عليك بالصدقة .. الصدقة ,, الصدقة ,, وتنتهي مشكلتك ,,

[الكـاسـر]

شف يا طويل العمر والسلامة اشترلك محول كهرب من 12 فولت الى 220 فولت وسلك له الى القفل حق الباب وخل معك مفتاح اللي فيه ربل اسود عشان يصير عازل عن الكهرب واذا سمعت صوت ززد ززد وانت بالشقه اطلع تلقى الضحية عند باب سيارتك

[ابوناصرالبدراني]

غير القفل بحق جمس ونم مرتاح:o :o
كلامك صحيح 100%:good:

[سرحان220]

اعانك الله

[إعصار]

دقمة الباب ..

جرس أنذار ..


فاصل كهرب ..


ولاتنسى شي ثمين في السيارة ..

[برق بن رعد]

غير قفول البيبان بقفول كابرس موديل قديم وخلاص

أو

تعلم تشريك السياره ولغمها وخله يجي يفتح الباب عشان تلقاه بالسطح هو ومفتاحه ههههههههه

وفيه طريقه ثالثه بعد حط حباله حقة ثعول وخلها محل الرجول اعزك الله وخله يركب ويفلها هههههههههههههه

الحل الرابع حط لك باكستاني في وسط الغماره وعطه خمسين ريال وماعليك بيصيده لك

الحل الخامس ظلل الموتر تظليله كاتمه ونم بالسياره وخله يجي ينقز وصده

فيه مليون حل بس انتقيت لك هالخمسه

تقبل مروري


بواردي حلولك حلوه هههههههههه

الله يهديهم المراهقين طاحو بسرقة السيارات

وهذا كله بسبب عدم تربيتهم تربيه صالحه وغياب الرقيب


انا انسرقت سيارتي بالرياض وشفت لو حة الي سرقني سيارته يارس .....
المهم قلت للشرطه رقم لوحة الي سرق سيارتي لاانه هرب الظهر
اقسم بالله موجود لدى الشرطه رقم سيارة الي سرقني
لكنهم لم يقبضوا عليه
والصرااحه الرياض


انا انسرقت سيارتي بالرياض وشفت لو حة الي سرقني سيارته يارس .....
المهم قلت للشرطه رقم لوحة الي سرق سيارتي لاانه هرب الظهر
اقسم بالله موجود لدى الشرطه رقم سيارة الي سرقني
لكنهم لم يقبضوا عليه
والصرااحه الرياض اكثر الي اعرفهم سرقوا
الرياض مو مثل اول والسبب...
تحياتي


اخي مع اني مااحب اسيء الظن لكن ماتاكدت من عامل المحل من اللي يسرق بالضبط .. لأنه ممكن يصير هو يدري متى تدخل ومتى تطلع .. وفيه اقتراح تحط كهرب 220 اول بقفل السواق وانت اركب من يمين :) .. لكن فكرة انك تضلل الموتر وتجلس داخله خياليه جدا جدا والله يهدي من يتعرض للموتر


فيه حل بسيط و عملي جداً . ركب لك الحساس حق الاهتزاز ، قيمته يمكن 30 ريال . بمجرد حدوث اهتزازات بالسيارة يشتغل. و طال عمرك اشبكه مع الهرن
مجرد ماتتحرك السيارة او تجيها اي ضربه يشتغل الهرن يدق و انزل له بالعجرا ههههههههههه
تحياتي


شوف وأنا خيك الحل من أمرين
1- غير أقفال الباب أمريكي والله لو يطق ما يفتحه
2- الولد لازم تمسكه لأنه راح يحاول يفتحها بطريقة ثانية "يكسر القزاز يستخدم ليور ويعدم الباب ... الخ"
حاول تترصد له وامسكه وهنا امسك أعصابك و تتبلغ الشرطة وتخليه يعترف بكل سرقاته ويبصم على عدم الاعتداء عليك وغيرك "ودور قسم شرطة كويس"


قرأت كل الردود وهذا اتوقعه انسب رد.

بس عجبتني ( دور قسم شرطه كويس ) :j


شف لقيتها لك...
اللي ينقز السيارات عين على زر القفل اللي من داخل يحترية يرتفع وعين على الشارع لاحد يشوفه :j

افرض انه يوم دخل المفتاح يبي ينقز لقى ورقة صغيرة من ورا القزازة مغطية زرار القفل مكتوب عليها ....

(تم ابلاغ الشرطة بسرقة هذه السيارة وتم اخذ البصمات).






عليك بالصدقة .. الصدقة ,, الصدقة ,, وتنتهي مشكلتك ,,






شف يا طويل العمر والسلامة اشترلك محول كهرب من 12 فولت الى 220 فولت وسلك له الى القفل حق الباب وخل معك مفتاح اللي فيه ربل اسود عشان يصير عازل عن الكهرب واذا سمعت صوت ززد ززد وانت بالشقه اطلع تلقى الضحية عند باب سيارتك


كلامك صحيح 100%:good:


اعانك الله


دقمة الباب ..

جرس أنذار ..


فاصل كهرب ..


ولاتنسى شي ثمين في السيارة ..

يسعدني ويسرني ان اشكر جميع اخواني الذين تفاعلوي معي بأقتراحاتهم وأرائهم حول مشكلتي وأسأل الله الكريم ان يجعل ذلك في ميزان حسناتهم


الخطوات اللتي قمت بها مرتبه
1- تركيب فاصل ( من اول ما شريت السيارة)
2-تركيب انذار وجعله حساس
3-تغيير دقمة اقفال الابواب بدقمة أمريكي جمس
4- تم الترصد للولد يوم الاحد من قبل عامل باكستاني وهندي يعملون في محلات في نفس الشارع وتم القبض عليه من قبلي واتضح انه مراهق ويدرس في ثانوية تحفيظ القرآن
وتم تهديده وتنبيهه لانه انكر والرابكة باديه عليه
الله يهديه مع ان شكله ما يحري بالسرقة

[ابوهتان2007]

أعتقد الحل الأمثل لحل المشكله هو تغير أقفال الباب بى القفال الخاصه
بالسيارات لأمريكى الكابرس والجموس 85الى90 بس فى نوع يجى القفل
طويل ونوع قصير النوع الأول هو الى يركب بحكم تجربه سابقه مع الباترول 93
وتمت محاولت السرقه تقريبن ثلاثه مرات ولم تفلح والحمدلله

[برق بن رعد]

أعتقد الحل الأمثل لحل المشكله هو تغير أقفال الباب بى القفال الخاصه
بالسيارات لأمريكى الكابرس والجموس 85الى90 بس فى نوع يجى القفل
طويل ونوع قصير النوع الأول هو الى يركب بحكم تجربه سابقه مع الباترول 93
وتمت محاولت السرقه تقريبن ثلاثه مرات ولم تفلح والحمدلله
الله يعطيك العافية وما قصرت