لا تقع في الفخ & اليايات الأسترالية & مع الرماية *****

[عبـــد الله]

السلام عليكم ورحمة الله وبركاته...

تحية طيبة للجميع .. مشكلتي مع شركة الرماية و لا أريد لأحبتي في مكشات تكرار المشكلة

بداية شريت يايات أسترالية من نفس الورشة حقت شركة الرماية الموجودة في محطة نفط نهاية الطريق

التخصصي من جهت الشمل ، وبعد مرور حولي شهر لا حظة ميول في السيارة ( جي أكس أر ) من

جهت اليمين ولكني قلت في نفسي يمكن العفش أو الأرض مايلة أو الكفر لم يخطر على بالي الياي وبعد

مرور شهرين قال لي أحد الأخوان وكان يمشي وراي يا فلان السيارة مايلة وبعد ها شفت الكفر داخل من

الأعلى فوراً رحت لورشة الرماية وشافة الباكستاني وقال نعم مايل رح للمحل و أروح للمحل ويقولي

السوداني أول مره تمر علي يدل على أنه خلل صنعي في الياي كلم المدير و أكلم لمدير و أسمه

حامد رقم جوالة :0559234996 ويصرفن

له شوي بالأخير قال أشتر جديد قلته طيب لو مال الجديد بعد ثلاث أشهر قالي : رجعة علينا قلت

هذا جديد بستكراته قالي لا هذا لا :mad: شف شلون الإستغلال

نصيحتي لأخواني ما يركبون أي شيء من عند الرماية إلى معطينه ضمان ست شهور أقل شيء

في النهاية أسف على الإطالة لكن حرصاً على أخواني و أحبتي.

[غاف]

تأكد من وضعية تركيب
الياي احتمال ماركب زين
وترا الباكستاني
الي في الرماية شغلة وسط

[عبـــد الله]

جزاك الله خير اللي ركبة لي الفلبيني قبل ثلاث شهور

والباكستاني شيك وقال الياي مايل

و أنا بنفسي طليت تحت السيارة يوم رفعه بعدين شي طبيع يكون فيه خلل في الصنع بس اللي مو طبيعي اللف والدوران و الرماية شركة غنية عن أنها تخسر سمعتها عشان تبديل ياي بس أكيد ماوصل العلم صاحب الحلال واللعب عند

هالمصريين الله لا يوفقهم.

شاكراً تفاعلك

[أبوراشد]

مشكور على التنبيه

,,,

[ابوعقل]

الله يعينك

هذا هو الجشع

[ford]

الله يهديه ويعين الناس عليه

[المارينز]

ايه مافيه حماية مستهلك ... يحق لهم يلعبون على راحتهم

[أبو عقل 1403]

ايه والله انا مركب عندهم ومن يومه اليايات مع المطب انواع الاصوات
طق طق وديته لهم قالوا مافيه شيئ شكله من الياي الله يعين

[عبـــد الله]

أبو راشد

أبو عقل

المارينز

شكراً على التفاعل

دمتم دائماً بخير

[sameer_1798]

والله أنك خوفتني أنا ناوي أركب عندهم ........ طيب هل يوجد مكان يبيعها غيرهم ؟

أخوي عبدالله عن علم بعض الأخوان بالمنتدى , أن اليايات ليست متساوية بالطول ... الطويل يكون الجهة اللي فيها التانكي إذا أنعكست تكون مايلة السيارة ...
يمكن تكون نفس المشكلة عندك ..الرجاء التأكد من ذلك .

[الصامل1111]

والله أنا مركب ياي استرالي من الرماية والامور ولله الحمد تمام ..

[بنوتميم]

والله لي يمكن شهرين مركب عندهم يا يات ومايل الموتر
من جهه اليمين واللع العالم ان من اليايات وبس والله ما اخليهم لارجع
شكرا لكم يا عبدالله على هاذا التنبيه

[عبـــد الله]

حياك الله أخوي sameer_1798 (http://www.mekshat.com/vb/member.php?u=30962)

وبنسبه لملاحظتك مافهته

لكن إذا كان ياي البلد 6 سنوات ما تغير وشلون الياي الأسترالي يتغير بثلاث أشهر

ثانياً : أنا ما أقولك لا تركب ركب بس خذ منهم ضمان أقل شيء 6 أشهر

متمني لك التوفيق

[big boss]

يازين شد البلد

[عبـــد الله]

حياك الله أخي الصامل 1111 : ومبارك عليك الياي وعساك ما تحتاج تغييره.

[عبـــد الله]

حياك الله أخوي بنو تميم :

والله يعينك وهذي مشكلة واللي يغثك أنه يقول أشتر جديد و إذا مال رجعة و أقوله هذا جديد يقولي لا هذا

غير شف الإستغلال.

[بلاتين]

ايه والله انا مركب عندهم ومن يومه اليايات مع المطب انواع الاصوات
طق طق وديته لهم قالوا مافيه شيئ شكله من الياي الله يعين

اخوي ابو عقل

انت مركب يايات اماميه صحيح ؟؟
اعتقد ان المشكله الى توجها هي طقطقه من الياي الامامي اذا اخذت مطب او نزله وطلعه يتحرك فيها وجه الموتر يطلع لك الصوت .

ياليت تذكر لنا نوع السياره . والمشكله بالتفصيل .

[sameer_1798]

أن اليايات ليست بطول بعض في واحد أطول من الثاني ... والطويل يكون في الجهة اليسرى (جهت التانكي )...
ولابد الواحد يحسب احسابها من البداية يركبها عند واحد فاهم فيها ...
هذا اللي أقصد .
لكن هذه تبين معك من بدري ...
ما أدري أنت متى لاحظت الميلان ؟ وأية جهة المرتفعة عندك ؟

[aziz2727]

سبحان الله
غريبه والله
انا مركبها عندهم من 3 او 4 سنوات عند نفس المحل الي انت مركبها فيه كان الفني فلبيني والحمد لله مضبوطه .
تأكد يمكن وحده مختلفه عن الثانية في المقاس

[ابو عود]

اخوي الغالي انا ركبتها من عندهم وطلعت نفس المشكله

طلع موتري مايل يمين
وارجع للفلبيني قال يمكن البنزين مليان وتانكي المويه مليان قلت اكيد

وبعد كم شهر قلت خل بتاكد
وافضي كل اللي في الموتر ونفس المشكله

وارجعله
يوم فك الياي لقاها متخالفه
اليسار يمين واليمين يسار

يوم عكسها زبطت

والان لها معي حول السنه وتمام التمام
شيك عليها ولا اعكسها

[قرناس ارامكو]

مشكور على التنبيه

[عبـــد الله]

حياك الله مره ثاني أخي حياك الله أخوي sameer_1798 (http://www.mekshat.com/vb/member.php?u=30962) أنا ما أدري وش تقصد

بالتانكي أنا مركب تانكي طول خلف المرتبة الثانية يعني متزن الماء أما بالنسبة لواحد أطول من الثاني

أول مره أسمعه ، و أرجع أقولك الياي مايل موهب قصير مايل حتى تلاحظ الكفر داخل من جهت البادي

من فوق يعني خلل ، كذلك أعيد يوم رفعه الباكستاني عامله قل صحيح مايل ... وبعدين ليش الإستغراب

هذا من صنع البشر وعادي يجي ما يل و أعرف واحد من الشباب معه جي أكس أر ديزل يقول عندي نفس

المشكلة .. كذلك ارجع أقول أنه انا أقول الكلام هذا يعني كل ياياتهم مايله لا لكن أنا كاتب الموضوع هذا

كله من أجل أنكم تحتاطون وما تركبون لين تشرط عليهم يضمنونه لك أقل شيء ست أشهر

[sameer_1798]

أخوي والله مصدقك باللي تقوله واحنا نبي نشوف حل للمشكلة هذه أحد الاسباب يكون غلط في التركيب ..
و التانكي الي أقصده تانكي البانزين الرئيسي هو موجود بالجهة اليسرى .

[محسن اليامي]

أنا مركب ياي استرالي وموتري سوبر سفاري 2003 إذا فضت السياره من بانزين الإحتياطي وهو جهة اليمنى

من السايق

أحس فيه ميلان خفيييييف من الجهه السايق وإذا فولتها صارت السياره متساويه بالضبط

[مستعد للتضحية]

يا شباب الياي يجي للامامي حرف A و حرف B
الجهه اليسرى جهة السايق يركب حرف A وهو اطول بقليل من الياي حرف B للتوازن مع ركب السايق و
الجهه اليسرى يركب حرف B للتتساوى السيارة
وكذلك
نفس الشي مع الياي الخلفي

[مستعد للتضحية]

تصحيح ياي حرف B يركب الجهة اليمنى للسيارة .

[قرناس صلا]

لا تخليهم


لا يصرفوتك


انشب بحلوقهم


وبعد موضوعك هذا ما اظن احد يقرأه ويروح ويشتري منهم يايات


انشر موضوعك هذا فى أكثر من منتدى , خل الناس تعرف منتجهم الخطيرالمقلد الذي ممكن يتسبب بانقلاب سياره
ويسبب كوارث لا سمح الله .


جرب ارفع عليهم قضيه او ادخل محلهم واطلب الشرطه ولا تنسى تكلم او تراسل حماية المستهلك
لان القطعه هذي اللي باعوك اياها ثم رفضوا يقدمون لك خدمه ما بعد البيع
وصيانه ورفضهم للضمان مع علمهم بعد ما بلغتهم بأن القطعه فيها تهديد لحياة اي مواطن يشتريها منهم.


لا تتركهم ,,, لا تتنازل عن حقوقك ببساطه . يمكن تنقذ مواطن بموقفك الايجابي


تقبل تحياتي

[ابن صقيه]

لا تصير حيبب وتمشيها لهم ..

والله لو انا مكانك كان وصلت الموضوع لراعي الرماية بنفسة ..

[بو جريس 73]

اولد مان واقطع

[م.أبوإبراهيم]

بالعادة اليايات مهب طول بعض الطويل يكون يسار جرب بدل الي يمين يسار واليسار يمين وكانك مركب اربع خلهن متعاكسات الي قدام الطويل يمين مثلا والي ورى الطويل يسار وصارت معي نفس المشكلة اكثر من سيارة وحليتهن نفس الي قلتلك

[العنقري]

والله عجيب بعض الناس يغبر اليايات شد البلد والتى تم اختبرها تحت اقسى الظروف بقطع تجاريه( مجردانه سمع ان الناس تركبها)

[الدحمنه]

يعطيك العافية

الله يكون بعونك

يقول المثل ( ما خاب من استشار ولا ندم من استخار )

[مقلع الرمث]

يقول المثل اذا غاب القط العب يافار وهذا جشع التجار ولو عندك حمايه للمستهلك صحيحه يفتحون مثلا بالغرب الرياض وشرقه وجنوبه وشماله محل زي موبايلي وكذا ويحطون لك من الموظفين اللي نشبه بالحلق ولا زين زي هالاالعمايل وعياء يسسد قفل محله عشان يدري ان جيته مره ثانيه او جاه واحد ثاني ولا مشى الضمان مضبوط وقالك مانتحمل يدري ان محله يبي يسكر والمفروض يعطونك ياي مع مبلغ مالي على البزوطه والروحه والجيه ومشكور على التنبيه

[الأكحل]

مشكور اخوي على هالتنبيه
كنت اشاور نفسي أركب ولا لا لكني بعد هالموضوع هوووووووووووووونت (اثر كل الوكلا طبعه واحد ومنهجهم واحد)

[دانكن]

اقلب الياي اللي ورى " اعكسهم " ..

واذا مازانت ورفض يرجعها لك .. ارسل لي بالخاص ..

طبعا ً لازم تكون الفاتورة معكـ :) ..

والياي الاسترالي معروف انه من افضل اليايات للجيوب .. ومجربينه كثير .. :) ..

[سفير الصمان]

ياجماعة ماتلاحظون ان اليايات الاسترالية غالية
وش رايكم نلحقها مع حملة
خلوها تصدي
لين تنزل اسعارها

[ERIC7]

حنا نحمي انفسنا بانفسنا ونقاطعهم ومن على شاكلتهم

[بردوق صندقان]

من انصب الشركات ولي قصه معهم على منفاخ الهواء Arb له بالصيانه اكثر من 8اشهر

[زحلطن]

جزاك الله خير.....