للأهمية أصحاب الجيوب الباترول لو سمحتو

[السالم 2008]

السلام عليكم ورحمة الله وبركاته .

ابي فزعتكم يالنشاما بمشكلة المسمار اللي في البخاخ الفتك 2008 وأي الورش احسن في فكة لأن الموتر عليه أمان . والوكالة ماراح تفكة أو تحلة أو تفك المسمار .... وش رايكم لأني سمعت انة يخرب المكينة ؟

[ابوفهد225]

وعليكم السلام ورحمة الله وبركاته

اخوي اذا انت في القصيم .. عندك ورشة الشيبان .. والصمعاني ..

شغلهم ممتاز ..

ويسمونه مسمار الثلاجة .. :)

[السالم 2008]

حياك الله اخوي ابو فهد طيب مايأثر على السيارة والمكينة تفك ؟

[أبو مسفر]

حياك الله يالسالم
صراحة انا رحت لورشة الشنيفي في صناعية الدايري في الرياض
عند ابو سليمان
الورشة متخصصة للباترول القديم والجديد
وانا عايرت عنده زيت القير وغلقه لي
وغير البواجي وصمغ مسامير الثلاجة
بالنسبة للاسعار عند الشنيفي
فك الثلاجة مع التصميغ بـ 300 ريال
على دربه غير البواجي بـ50 + 210 قيمة ستة بواجي ( بقول لو تغير البواجي لحالها فقط بـ150 ريال شغل يد )
وعلى دربه غلق زيت القير بـ 50 ريال + 75 قيمة واحد لتر زيت قير
غير صفاية البنزين بـ50 + 25 قيمة الصفاية
المجموع بعد المكاسر = 750 ريال
ويقول كل 120 الف كيلو سو الصيانة هذي


http://www.mekshat.com/vb/showthread.php?t=153587

[سيف الظفير]

اعتقد ان مشكلة المسامير موجودة في الباث فاندر الشكل القديم

[ABO AL-HESH]

اخوي مشكلة المسمار حلوه من موديل 2006 الدفعه الثانيه ..اللغو التفتفه وخلو الضغط اذا دخل الاحمر ياقف واللغو الفصله عند 200 وخلو السياره اذا وصلت 200 تاقف من دون ما تفصل...
وعلى فكره الفني حق الوكاله قالي اذا مشى موترك 70000 تعال نغير لك البواجي ونحط صمع على المسامير بلاش ..طبعاًموتري 2005 ..وتغير البواجي شغل يد 350 والبواجي ب200

[1988]

اخوي السالم حياك الله انا الصراحه زينت المسامير عند ابو صالح التركي بالصناعيه القديمه الصراحه شغل عمله الله لايضره لحم المسامير وغير البواجي ب250 وللمعلوميه الرجال مايشتغل الاباترولات وان كان تبي رقمه 0504118191 والحق ياجماعه الرجال نصوح بالحيل.

[abuud]

ياخوي الموتر جديد لا تلعب فية حرام توه على تغيير البواجي و تغليق زيت القير كل هذي بعد مايمشي فوق 70,000 كيلو

[1988]

للمعلوميه الصيانه المعتاده للفتك بخصوص البواجي كل 100 الف وصفاي البنزين كل 30 الف وفلتر الهوا كل 60الف هذا والله اعلم