المساعد الشخصي الرقمي

مشاهدة النسخة كاملة : الفزعة يالربع .. ما الحل لعلاج تشهب الشمعات الأمامية والكشافات أيضاً ؟


بن نويشر
16/03/2004, 10:56 AM
الحقيقة سيارتي تعرضت من فترة لرياح رملية على طريق الرياض الدمام السريع مما سبب تشهب الشمعات الأمامية والكشافات وضعف النور .

فهل من علاج جذري يعيد للشمعات بريقها ولمعانها ؟ وجزاكم الله خير .
الملثم
16/03/2004, 11:16 AM
مرحبا أخوي سنيدي

عندنا واحد يرجع الشمعات مثل ما كانت :good:

المهم شفته وش يسوي:D بس إذا كانت الشمعات بلاستك مثل الكامري وكشافات الجي وهلم مجرا

شف الله يسلمك :cool:

تنقع ورق الشامي في ماء تعرف ورق الشامي ( الورق الخشن اللي يستخدم للصنفرة ) لين يلين :good:

وتحك الشمعة بتشوف الشمعة تنظف شوي شوي وكل شوي تغمس ورق الشامي في الماي وتكرر

وبعدين طول الله عمرك تحك الشمعة بباليس ( معجون التلميع ) أنا شفته يحك الليت بقراندر ( مكينه ) اللي من قدامها قطن مثل الصحن . يستخدمونه حق تلميع السيارات .

يعني إذا بتحكه بيدك يمكن السالفة يمكن تطول شوي بس ما أظن تزيد عن نص الساعن

وإن شاء الله بتعود مثل أول

أما إذا الشمعات جزاز ما أعرف لها حل
ريع الدياب
16/03/2004, 11:17 AM
بسم الله الرحمن الرحيم
السلام عليكم ورحمة الله وبركاته

سيارتى لاندكروزر 96 ضعفت شمعاتها وكشافاتها من الرياح الرملية والزمن
رحت لكهربائى سيارات فى صناعية الخبر وبدل الشمعات بألمانية قوية (100 أو 200 شمعة)
ووصلها بمقوى (Booster) مع بطارية السيارة حتى تتحمل الزيادة فى قوة الشمعات
وكلفنى ذلك 200 ريال
أنوار السيارة الآن ولله الحمد ممتازة