طرمبة الشروكي خربت ...البديل يالنشامى ومن يصلحها

[hightech]

السلام عليكم ياهل مكشات وشلون كلن باسمة والمشكلة باختصار قراند شيروكي 8سرندل

98 قام يتفتف ويقطع ويكتم قلت ياولد الموتر يبيله ميكانيكي محترف منهو اقرب واحد

حولي طلع الفلبيني نستور شارع بندر قمت ودقيت سلف وشوي شوي اللين وصلته

قوه يانستور قال الله يقويك على طول الرجال جاب له مثل عيار الهواء وشبكه في

المكينه وقال الطرمبة خربانة ظغطها ضعيف وقال رح للعمودي وجب وحده

اصليه قلت دوره غيرها يانستور الاصليه حول الاف وميتين وتركيب 250 ريال

ماتستاهل على موتر قديم هو بنفسه لو ابيعه ماجاب عشرة الاف ريال

والمهم ان الرجال مصمل على الاصليه ويقول مايركب على شي

غير الاصليه وكلم السوداني في محل العمودي علشان يوصيه علي

والصراحة بديت اشك ان فيه تعامل بينهم لتصريف القطع حتى لو هي

مهيب خربانة والفلبني متأكد انه نصاب ولكن السوداني بس شاك ;)

واخيرا الاخوة والخبراء في مكشات مانستغني من رايكم في تركيب طرمبة

حتى لو حقت دباب المهم شي يمشي الحال ومشكورين مقدما ولا عدمناكم...

[2008]

السلام عليكم
خذ الرقم هذا ودق عليه
ياخوي هذا واحد سعودي متخصص في الشروكي يقدر يرهم لك طرمبة في اكس أر علي الشروكي بحوالي 400 ريال وأحسن لك من القديمة اللي دايم تخرب
أسمه عبدالله الهويشل ورقمه
0504441451 وشغل يده بعد رخيص الله يوفقك

[hightech]

جزاك اللة خير يا 2008

ماشاء اللة تبارك اللة سعودي بعد يعني سمنا في دقيقنا

ان شاء اللة سيتم الاتصال به عصرا .....

شاكر لك سرعة الرد

[صدى الآهات]

السلام عليكم
خذ الرقم هذا ودق عليه
ياخوي هذا واحد سعودي متخصص في الشروكي يقدر يرهم لك طرمبة في اكس أر علي الشروكي بحوالي 400 ريال وأحسن لك من القديمة اللي دايم تخرب
أسمه عبدالله الهويشل ورقمه
0504441451 وشغل يده بعد رخيص الله يوفقك


وين موقعه بارك الله فيك

[2008]

في جنوب الرياض قريب من سوق الغنم

[hightech]

السلام عليكم
خذ الرقم هذا ودق عليه
ياخوي هذا واحد سعودي متخصص في الشروكي يقدر يرهم لك طرمبة في اكس أر علي الشروكي بحوالي 400 ريال وأحسن لك من القديمة اللي دايم تخرب
أسمه عبدالله الهويشل ورقمه
0504441451 وشغل يده بعد رخيص الله يوفقك

اشكرك اخوي 2008 وهذا ماحصل فقد تم الاتصال بالاخ ابوفهد واعطاني وصف

لاستراحتة وبالمناسبة الوصف لاخي صدي الاهات وانت متجه جنوب كأنك راح لتشليح

الحاير تجيك اشارة الدار البيضاء تاف يسار ويكون وجهك شمال مع ثالث اشارة يمين

بيجيك مطعم ديرتي على اليمين رح على طول تجيك محطه على اليمين بتل اللين يجيك

محل الغاز على اليسار قبل الغاز لف يسار ومن ثم يمين بتكون الاستراحة على اليمين .

نرجع على الاخ ابوفهد وهي اني قابلته وجرب السيارة وقال لي اترك السيارة وبكرة

بيرد على .....

[دايت]

زي ماقاالوا لك الشباب عليك بابو فهد الهاشل..

وحل مشكلتك بسيط ان شاءالله..

انا خربت عندي الطرمبة امس وركب لي حقت في اكس آر..

ماتشوف شر..

::)

[hightech]

السلام عليكم

اخيرا تم بحمداللة تصليح السيارة عند ابوفهد الهاشل او الهويشل وسأذكر

ماتم تصليحة لربما من يقراء الموضوع يكون يعاني من نفس المشاكل في

سيارته

اولا تم تغيير طرمبة الى طرمبة اصليه ولكن مستعملة مع الضمان لمدة سنة

قالها وهو يضحك ماء شاء اللة علية

ثانيا تم الغاء كلتشات الدفرنس لابارك اللة فيها وقمت افرفر في الشوارع ماني مصدق

اني تخلصت من هالصوت المزعج مع اني سبق وغيرتها عند يماني وفلبيني في شهر

واحد ولا فاد ....

اشكر الاخوة 2008 وصدى الاهات ودايت على المشاركة وجزاهم اللة كل خير