مشكلة بالربع الباترول

[طير شوى]

السلام عليكم:
ياشباب عندي مشكلتين:
(1)- مشكلة موتري اذا كان بارد ما يلقم القير بواحد واثنين.
(2)-اذاعشقت بواحد وثم اثنين اسمع طقة .
:confused: ويليت تعلموني وش المشكلة؟؟؟؟؟؟؟؟؟

[m1m]

المشكلة واحدة عندك وليست 2

أعتقد والله أعلم أن إصلاح الكلتش تعبان .. إذا كان سليم شيك على الدسك

[جيبي جايزلي]

اخوى طيرشوى انا عندى جيب باترول ربع نفس اللي تقول اذا السياره بارده صعب تعشق القير واتوقع انها طبيعيه من وجهة نظرى ان التعشيق حركه ميكانيكيه وتحتاج تسخين والدليل على ذلك انى قرات فى كاتلوج سياره بس من نوع قير توماتيك انه ض
ضرورى تسخين السياره ثم تعشق القيروهذى نفس الى عندى ويكون الوضع طبيعى اما اذاالموضوع معك على طول حار بارد هاذى شى ثانى اما الثانى الطقه والله العالم تشحيم العمود وبالتوفيق

[حق الفيتو]

نفس مشكلتي والكلتش توي مغيرة

[خب النقع]

وانا بعد نفس المشكله بس اتوقع عادي لان القير بارد

[ابوسعودد]

اعتقد ان المشكله تكون في الكلتش

[المميـز]

طيب وزيت القير تجاري والا اصلي حق وكاله ؟؟

[shaheenshah]

بالنسبة لصعوبة التعشيق هذي طبيعية وهي بارده السيارة ولو تغير زيت القير يمكن تخف معك شوي
بس الطقة اللي تقول ما ادري عنها

[معدي المرقاب]

يأخي شي طبيعي لازم يسخن زيت القير عط السيارة حقها في التسخين لايقل عن عشر دقائق
لان زيت القير بارد فيصبح ثقيل جرب قبل ان تغير شي.

[khalid1999]

سيارتي وهي باردة كذا بس أذا سخنت طبيعي

[مخطور]

السلام عليكم ورحمة الله وبركاته ،،
المشكلة بسيطة جددددددددددددددددددددددددددا
والسبب في نوع الزيت
ايام الشتاء حط زيت تروس خفيف
ايام الصيف حط زيت تروس ثقيل
ولا عادي خل الخفيف حتى بالصيف اهم شي فيه زيت
هذه المشكلة عندي في جيب لاند كروزر موديل 99 قير عادي
كان مايلقم القير الصباح رحت لمحل عادي لتغيير الزيوت وخليته يغير الزيت وحطيت زيت خفيف وصار مثل الحلالالالاوة
تحياتي للجميع
راح يكلفك تغير الزيت حوالي من 50 الى 70 ريال للمعلومية ،،،،

[joooon11]

السلام عليكم


المشكلة صارت عندي في عدة سيارات :ددسن ,باترول, التيما .


وحلها :
1- لا بد من تغيير زيت القير الى الخفيف رقم :90 وافضلها شركة فوكس.


2- تاكد ان الدزق والكلتش ماهي قديمة (طقم الكلتش ) واذا قديم غيره.


3- لازم تحمي السيارة فترة كافية .


هذا هو الحل الاكيد باذن الله


ابو علي