ياشباب ابغي وصف روضه المزيرعه في سدير

[همايل برديه]

الله لا يهينكم ابغى وصف دقيق لروضه المزيرعه في سدير للي جاي من الرياض وهل السيارات الصغير تدخل الروضه او لازم جيوب وكم المسافه الاسفلت من الرياض الين الروضه وكم المسافه من الاسفلت الي الروضه يعني الطريق البري واكون لكم من الشاكرين

[رعودي]

شوف طول الله بعمرك
وانت جاي من الرياض مخرج المجمعة رقم 16 تخليه
بعده معبر جمال وبعده مخرج شقراء اعتقد رقمه 17 تنزل معه كأنك رايح لشقراء تمشي مسافة 25 كيلو تقريبا تجي قريه اسمها ( وشي ) تتعداها بـ 5 كيلو تقريبا بعدها تنزلك الضلعان يمين ويتواسى الخط تجي الروضة على يمينك ويسارك وطريقها زين ان شاء الله مايحتاج جيب لكن لو حصل سياره رفيعه عشان تاخذ راحتك في المشي وان شاء الله اكون وصفتها لك
تقبل تحياتي

[المشقر999]

السلام عليكم
وصفك تمام يا رعودي

بس حبيت ابين ان روضة مزيرعه تابعة لمنطقة المجمعة

وشكراً

[abo sal7]

مشكووور على الوصف وانا اشهد انك دلول

[مشلخ الذيب]

السلام عليكم
وصفك تمام يا رعودي

بس حبيت ابين ان روضة مزيرعه تابعة لمنطقة المجمعة

وشكراً


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ندمان]

السلام عليكم
وصفك تمام يا رعودي

بس حبيت ابين ان روضة مزيرعه تابعة لمنطقة المجمعة

وشكراً

قصدك تابعة لمنطقة سدير يالغالي .........

[المجمعه]

شوف طول الله بعمرك
وانت جاي من الرياض مخرج المجمعة رقم 16 تخليه
بعده معبر جمال وبعده مخرج شقراء اعتقد رقمه 17 تنزل معه كأنك رايح لشقراء تمشي مسافة 25 كيلو تقريبا تجي قريه اسمها ( وشي ) تتعداها بـ 5 كيلو تقريبا بعدها تنزلك الضلعان يمين ويتواسى الخط تجي الروضة على يمينك ويسارك وطريقها زين ان شاء الله مايحتاج جيب لكن لو حصل سياره رفيعه عشان تاخذ راحتك في المشي وان شاء الله اكون وصفتها لك
تقبل تحياتي


يعطيك العافيه رعودى

للتوضيح مخرج شقراء رقم 16

[ذرب سدير]

روضة المزيرعة بسدير تنقسم إلى قسمين :
1 ـ روضة المزيرعة الشمالية : بالقرب من بلدة أوشي بسدير .
2 ـ روضة المزيرعة الجنوبية : بالقرب من مدينة جلاجل بسدير .

[المشقر999]

يعطيك العافيه رعودى





للتوضيح مخرج شقراء رقم 16


اسفين على الخطأ ,,,, صادق اخوي ( المجمعه) مخرج 16
وشكرا...

[المشقر999]

قصدك تابعة لمنطقة سدير يالغالي .........


والله يالغالي يا ندمان ما يحتاج ابين اكثر ,, على قولة المثل ,, اهل مكه اعرف بشعابها,,,,

[ذرب سدير]

الظاهر أهل المجمعة يبون كل شي لهم :)

[الكهف1]

مشكورررررررررررررررررررررررر

[الفااااارس]

بسم الله الرحمن الرحيم
السلام عليكم ورحمة الله وبركاتة
حبيت اصحح ان روضة المزيرعه الي معروفة بأنها شعيب المشقر الذي يسيل المجمعة من علاويها المعروفة بأم الشيح إلى ان تصل سد المجمعة وتنزل الى اتنتهي في روضة مطربة والخفيسات فكيف تكون لجلاجل اوحتي سدير مع احترامي للاخوة الذين قالوا انها لسدير وهي مع مخرج 16
وقول البعض ان اهل المجمعه يريدون كل شي لهم غير صحيح ولا ضجر في قول الحق ولو كان مخالف لك
ولو رجع كل من كتب وسأل اباه او من هو اكبر منه لبين ووضح له الصحيح وهي ليست عنصريه
وشكرا.....

[المشقر999]

بارك الله فيك يالفااارس على التوضيح


ولا يصح الا الصحيح

[الضب الصماني]

يا جماعة الخير هدوا اللعب،،، ترىالمجمعة وسدير شئ واحد ،،، والمجمعة هي عاصمة المنطقة والجميع يعترف بهذا،،،والمكان اللي في تمير وبوضة ومبايض (ابعد مكان في سدير عن المجمعة ) يعتبر في المجمعة واللي في المجمعة يعتبر في تمير واللي فيهن اوفي الحوطة او جلاجل او وشي او حرمة او...او...يعتبر في سدير.

[المجمعه]

يا جماعة الخير هدو اللعب

اللى فى المجمعه يعتبر فى سدير

المجمعه جزء لا يتجزأ من سدير .. وهى عاصمة الاقليم

[همايل برديه]

اشكركم على ردكم الوافي وبيض الله وجيهكم ولاهنتوا ونعتمد على الله على وصف اوخونا رعودي

[المشقر999]

وجدتُ سكوتي متجراً فلزمتهُ **إذا لمْ أجدْ ربحاً فلستُ بخاسرِ :no2: :no2:

[طرقي سدير]

خابر ان المجمعه من سدير

بس اشوف في بعض الردود من هو يحاول ان يجعل المجمعه خارج مسمى منطقه سدير

مدري هل هو يعتقد بكلامه هذا ان المجمعه اقدم من باقي مناطق سدير او وش المشكله بالضبط !!!

واذا هو يعتقد كذا فياليت يراجع التاريخ وماله داعي العنصريه

(( وكلنا عيال قريّه وكلن يعرف اخيه ))

[المشقر999]

خابر ان المجمعه من سدير

بس اشوف في بعض الردود من هو يحاول ان يجعل المجمعه خارج مسمى منطقه سدير

مدري هل هو يعتقد بكلامه هذا ان المجمعه اقدم من باقي مناطق سدير او وش المشكله بالضبط !!!

واذا هو يعتقد كذا فياليت يراجع التاريخ وماله داعي العنصريه

(( وكلنا عيال قريّه وكلن يعرف اخيه ))


لا يالحبيب ليس هذا المقصد ما تقول اقدم وما اقدم

لكن لكل قريه او محافظه من سدير شعابها واوديتها هذا المقصود وتكون تابعه لها والمعروف أن شعيب المشقر
والمقصود به ((مزيرعه)) الذي يصب في السد من اكبر اوديه المجمعة


وليس مقصدي العنصريه او التعصب ...

لكن التوضيح واجب....

[ندمان]

أنتم الظاهر مثل أهل تمير يعدون أنفسهم مستقلين عن سدير ولا يتبعون لها
والصحيح أن تمير تابعة لمنطقة سدير

[أبو نوره11]

اخي الكريم لا يوجد منطقة اسمها سدير

صحيح أنا معك سابقاً كانت منطقة سدير وعاصمتها المجمعه
والان بعد التغيير وحصر المناطق الى 13 منطقة على مستوى المملكة
وعدد من المحافظات التابعة للمناطق ومنها محافظة المجمعة التابعة ادارياً لمنطقة الرياض
فلذلك اخي الكريم الموضوع برمته لا دخل لأهل المجمعة فيه

ولنرفع انفسنا عن هذه الامور التي اقل ما يقال عنها أنها منتة ولا فائدة منها الا المشاكل

دمتم بخير

[m1m]

الخريطة موجودة في التوقيع

[المشقر999]

رجاء اللي ما عنده خبره واللي بيتفلسف لايكتب

وشكراً

[الثلجي2]

ههههههههههههههههههههههه
الرجال دخل يبي الوصف وش دخل المجمعة وسدير
وحسب علمي ان مزيرعة ورى جلاجل
أرجو اني أفدتك
أخوك الثلجي