تعال وأعرف نوعية الكفرات الي بموترك (الشاحنة الخفيفة / الدفع الرباعي)

[BLAZER 93]

السلام عليكم


حبيت أني أطرح هالموضوع عشان كل واحد يعرف نوعية كفرات موتره والي مو عارف يكتب لي أسمها كامل مثلاً ( LTX A/T 2 MICHELIN ) وراح أرد عليه في أقرب وقت أن شاء الله وش له هي مخصصه وهل هي تصلح للبر ولا أنها حق الشارع ولا حق الأثنين وغيرها من المميزات


وأنا من ناحيتي أفضل اللي حق الأثنين(الشارع المزفلت ولا ماهو مزفلت وتنفع حق البر)بس ماهي حق خطوط طويله بعد ماقريت عنه وأن شاء الله أجربه ويفيدونا باقي الأعضاء اللي مجربين ذي النوعية وكيفيه استخدامها



هذي لسته فيها تصويت وإستفتاء من موقع امريكي بخصوص أفضل كفرات في الأستخدام من الماركات الي في الصورة:


http://www12.0zz0.com/2008/12/28/09/917043613.jpg


(On-/Off-Road ) (الشارع المزفلت / الطرق الوعرة والرمل):
http://www12.0zz0.com/2008/12/28/09/806749330.jpg




(Highway/ All-Season) (الخطوط والطرق الطويله وكل فصول السنة):


كفرات سيارتي فايرستون دستنيشن أل إي من هالنوعية لأن النوعية اللي فوق ماهي متوفره عندنا حتى عند الوكيل سألته قال لي ماهي عندنا
http://www12.0zz0.com/2008/12/28/09/148143597.jpg



اللسته طويله...وهذي بدايتها


سلامي لكم يالغاليين وننتظر مشاركاتكم من خبراتكم

[أبو فهد11]

بس يا عزيز أنا جربت كفرات هانكوك على باث فيندر 2005 جنوط 17 من اروع ما ركبت

في الخط حلوه جدا ولينه وفي البر كذلك وفي النفود أبداع

هذا رأيي

[BLAZER 93]

بس يا عزيز أنا جربت كفرات هانكوك على باث فيندر 2005 جنوط 17 من اروع ما ركبت

في الخط حلوه جدا ولينه وفي البر كذلك وفي النفود أبداع

هذا رأيي


هلا وغلا فيك أخوي أبو فهد والله يبارك لك وبموترك وهذا شي طيب أنك مجربها والأهم هو الأداء عشان الكل يستفيد من تجربتك وياريت لو تعطينا أسم الهانكوك

سلامي لك

[ابوسعودد]

تقرير رائع جدا

[عريدان]

أهم شي يأ إخوه عملية معايرة ضغط و تدوير الاطارات كل 10000 كم على الاقل لأنها تطيل عمر الاطارات 100% وتزيد من تساوي و قوة الإلتصاق وتقلل من إستهلاك الوقود ولو بنسب بسيطه ،وهذا انا مجربه أنا على كل سيارتي وكذلك والصانعين في كتالوج الاستخدام يوصون به. للفائده وترشيد إستهلاك الاطارات والبطاريات

[برق و سحاب]

وانا كفرات سيارتي bfgoodrich وش هي من كفرات .
ولك تحياتي ومشكور على هالموضوع

[BLAZER 93]

تقرير رائع جدا


ياهلا وغلا فيك يا ابوسعود ويشرفني تواجدك ومشاركتك




أهم شي يأ إخوه عملية معايرة ضغط و تدوير الاطارات كل 10000 كم على الاقل لأنها تطيل عمر الاطارات 100% وتزيد من تساوي و قوة الإلتصاق وتقلل من إستهلاك الوقود ولو بنسب بسيطه ،وهذا انا مجربه أنا على كل سيارتي وكذلك والصانعين في كتالوج الاستخدام يوصون به. للفائده وترشيد إستهلاك الاطارات والبطاريات


ياهلا وغلا فيك أخويياعريدان وفعلاً توفر وقود وتقلل المسافة والجهد ...مشكور على النصيحة والتذكير



وانا كفرات سيارتي bfgoodrich وش هي من كفرات .
ولك تحياتي ومشكور على هالموضوع



العفو أخوي وحياك الله أخوي برق و سحاب ولا هنت الله يعافيك عطني اسم الكفرات كامل مثلاً
BFGoodrich's Traction T/A
BFGoodrich's All-Terrain T/A KO


وهذي صورة تبين الأسم كامل
http://www.tirerack.com/images/tires/bfg/bfg_alterr_tako_ci3_l.jpg



في أمان الله

[ابو خالد 1992]

مساك الله بالخير اخوي وشرايك في كفرات الماكسس في الرساوة على الخط و داخل البر من ناحية الليونة خصوصآ بعد ارتفاع سعر الهانكوك بشكل فظيع وابغى رايك بالتفصيل ولايهون الاخوة الاعضاء

[Bader-M]

معلومات قيمة وجدول واضح

الله يعطيك العافية

[بندر خلف]

ربي جابك انا عذبنى البالون ماكسس كل 6 شهور بوالين اربع جدد

وابي كفرات غيرها ترررررفع الموتر على جنط 16 ماحصلت الى شاهين دلوب والواحد قالى على 500 يعني كلهن بـ2000 ريال

ابي غير هالكفرين لانى حالين ناوي اجــرب الشاهين ماتخبر كفرات نفس رفعهن وارخص من سعرهن ولا تتمسح بسرعه

[صنقل]

يعطيك العافية أخوي ..

بس طلب صغير إذا سمحت: ممكن رابط الموقع اللي فيه التصويت لكي تشمل الفائدة

ومشكور على تعاونك :)