تكفى وترى تكفى تهز المكشاتيه لا تفشلوني

[الضامي 2007]

السلام عليكم ورحمة الله وبركاته

اعزائي وأخواني المكشاتيه السلام عليكم ورحمة الله وبركاته

أبي شوركم با الباجيرو الفل كامل الي مكينته 3800 واحد عارضه للبيع موديله 2008 ماشي 15000 فقط والموتر نظيف جداً انا شفته

طبعاً قيمته جديد 132500 والكثير مدحوه من خلال التجربه ولكنه كلام مجالس

سؤالي يا وجيه الخير هل هو موتر لك وللزمن ؟

هل هو موتر ينغزى فيه ؟

هل هو مريح ؟

هل فيه عيوب غير غلاء قطع الغيار ؟

وبالنسبه لخلوها تصدي فا الموتر مستعمل ؟

أرجو الرد لمن لديه خبره بهذا الموظوع الرجاء ثم الرجاء لا تبخلون علي

الموتر مسيوم 110000 ريال

تحياتي لكم

[أبوالمثنى]

ربما لو تصبر طقيت لك 2010 فل كامل بقيمته ...؟

[ابو شهد جدة]

السلام عليكم ورحمة الله وبركاته

اعزائي وأخواني المكشاتيه السلام عليكم ورحمة الله وبركاته

أبي شوركم با الباجيرو الفل كامل الي مكينته 3800 واحد عارضه للبيع موديله 2008 ماشي 15000 فقط والموتر نظيف جداً انا شفته

طبعاً قيمته جديد 132500 والكثير مدحوه من خلال التجربه ولكنه كلام مجالس

سؤالي يا وجيه الخير هل هو موتر لك وللزمن ؟
هو لك وللزمن وسيارة تعتمد عليها في اشد الظروف.
هل هو موتر ينغزى فيه ؟
ما عليك الا تعشق وتمشي.
هل هو مريح ؟
بالنسبه لفأته يعتبر مريح.
هل فيه عيوب غير غلاء قطع الغيار ؟
لا وبالنسبه للقطعه عمرها طويل وتنسى متى غيرتها.
وبالنسبه لخلوها تصدي فا الموتر مستعمل ؟
اذا محتاج توكل على الله
أرجو الرد لمن لديه خبره بهذا الموظوع الرجاء ثم الرجاء لا تبخلون علي
حياك معنا في رابطة ملاك الباجيرو
الموتر مسيوم 110000 ريال
غااااااااااااااااااااااااااااااااااااااااااااااااا ااااااااااااااااااااالي لأن سعره جديد ب 120 الف ريال.
تحياتي لكم

للمعلوميه توجد عروض على موديلات 2008 وسعر الباجيرو 3800cc فل كامل ، قبل الخصم 130 والآن بـ 120 الف.

[عبد الله راشد]

اخوي بالنسبة للباجيرو بصراحة انا سقت الفل كامل في الشركة عندنا ماجربته في البر جربته في الدايري يعني في الديرة في الرياض بصراحة ما هنا زود عزم تحس انه ما يعطيك حيله لا دعست له تحس انه ثقيل مرررررررررررررررررررررررررررة تدعس ولا ما تدعس يقول منيب ماشي ولا سقته الامرتين تقريبا فياليت تسال عن هالنقطة اصحاب الخبرة عشان تشوف
ولا هو من ناحيه قوي قوي محركات كانه ياباني ياباني لان كان عندي ونيت مستبيشي والله اني امشيبه المكينه خالطه الماء والزيت واروح واجي عليه ولا جيمت مكينته بس يوم جيت اوضبه عرفت ان الله حق كلف اكثر من 10000 عشرة الاف ريال
والله يكتب لك اللي فيه خير وصالح
ومن وجه نظري البرادو افخم منه من جو مهوب ذااك الزود من وجه نظري لاني ركبت البرادو وركبت الباجيرو عندي البرادو افخم
وموفق يارب ... واسف على الاطاله

[ابو شهد جدة]

88

88

88

اخوي عبد الله راشد

اعتقد ان السيارة الي عندكم في الشركة مكينتها 3000cc

[عبد الله راشد]

88

88

88

اخوي عبد الله راشد

اعتقد ان السيارة الي عندكم في الشركة مكينتها 3000cc
والله ماني منأكد من المكينة بس اللي عندنا فل كامل ولا ادري ولا دققت في السيارة كثير بس هي فل كامل
والله يكتب اللي فيه خير وصالح

[Magellan]

اخوي بالنسبة للباجيرو بصراحة انا سقت الفل كامل في الشركة
.
.
أكيد شركة الكهرب

[ابو الشباب3]

اخوي نصيحه ابعد عنه لانه ليس موتر لك ولزمن ثانين اصبر لك كم شهر بتاخذ ان شاء الله احسن منه نوع ولك ولزمن بنف السعر الي معروض عليك مستعمل بتاخذ جديد وفوق هذا وذاك انت مخير استخر واطلب الله الخيره الله يوفقك لما فيه خير

[منصور ع]

حسب ماسمعت ان قطع غياره غاليه وتاكد من محلات قطع الغيار احسن لك
بعدين المبلغ اللي معك يجيب لك سيارة تويوتا والا نيسان واعتقد انه في فرق بين الشركتين وشركة متسوبيشي
ابحث ولا تستعجل
والله يوفقك بالسيارة الطيبة ان شاء الله

[ابوسعودد]

الله الله بصلاة الاستخاره

[الضامي 2007]

جزاكم الله خير بس ابي افادته من المجربين

ودمتم

[الجندي2005]

السلام عليكم ورحمة الله وبركاته


وبالنسبه لخلوها تصدي فا الموتر مستعمل ؟

تحياتي لكم

اخوي الضامي : حبيت احيي فيك هالروووووووووووووووووح ،،،،،

عساك على القووووووووووووووووووووة ،،،،،،،،،،،،،،،

[القبقب]

سؤالي يا وجيه الخير هل هو موتر لك وللزمن ؟

نعم

هل هو موتر ينغزى فيه ؟

نعم

هل هو مريح ؟

نعم

هل فيه عيوب غير غلاء قطع الغيار ؟

لا
........................................... من واقع تجربة ..............................وأهم شىء يكون الباجيرو 3800cc

[ابن الضمين]

انا اقترح عليك ما دامك بتوصل 110 انك تتشوف لاندكروزر 2004 او 2005 او2006 وبتلقى واحسن من الباجيرو على كل حال

يعني لوهو ب 60 ممكن اما بحول اسعار السيارات المحترمه لا والف لا

واللي عقله براسه يعرف خلاصه
الكلام هذا انصح به نفسي لو كنت مكانك والله اعلم وبعدين ترى 110 مبلغ يجيب الزين وانا اخوك

[ذيب الاطوى]

انا عندي باجيرو ربع 2006 ماكينته 3800 قير عادي ستاندر
صراحه روعه في الديره كأنك تسوق كامري وخفيف ونشيط وعزمه طياره
وفي البر والنفود والتطعيس نادر ماتحتاج للدبل مايرده شي ولا يستهلك بنزين

عيبه الوحيد بالنسبه لي مانع الانزلاق يقعد يطرطر عليك في النفود وله زر تفصله بس يرجع يشتغل اتوماتيك اذا تعدت السرعه 80
النظام له فوائد كثيره مستحيل يزلق الموتر يعني يزحف في البر وبسبب هذا النظام تشوف سيارات ميتسوبسي دايم تفوز بالراليات العالمية
الكثير يراها ميزه بس انا بالنسبه لي عيب لأن احنا مستخدمين عاديين

مايطلب الموتر قطع غيار كثيره واذا حطيت فيه قطعه تعمر ضعفي قطع غيار السيارات الاخرى يعني قيمتها فيها واشتريت فحمات اماميه اصليه كاله بمبلغ 215 ريال
والسير مثلا يقول لك في الوكاله في حدود 400 ريال بينما تجد نفس السير عند الشايع في الريل (متخصص سيور)بمبلغ 80 ريال ويقول الوكاله تأمن من عندي السيور بالكميات
طبعا لأن الوكاله لها عقود صيانه مع كثير قطاعات الدوله ولاهمها عملاؤها من الأفراد
انا سألت عن مساعدات الباجيرو في الوكاله قالي 500 ريال بينما في الكويت بحدود 180 ريال يعني مشكلتنا( وكيل يتبع سياسات غبيه )
ويقولون الوكاله بدأت تتحسن وتدرس الاسعار من جديد

وسبق واشتريت ربع باترول
واشوف الباجيرو احسن واخف واقل صرف بنزين

[ابو شهد جدة]

توكل على الله

ونصيحتي اسأل المجلاب ولا تسأل من يتناقل كلام المجالس

وخلك من الناس الي( مثل ما قالو قلنا )

[arrow]

بسم الله

انا ماجربت الباجيرو لكني بغيت اخذه قبل 6 اشهر وسالت عنه وسويت مقارنة مع الجيوب اللي بقيمته ...

واشوف انك حرام تحط 110000 بباجيرو مستعمل ....
ممكن تزيد 10000 وتاخذ جديد ومضمون وعلى رجلك اريح لبالك ......
ومن وجهة نظري ان البرادو عملي اكثر وهذا اللي يهمني شخصيا .....

[الموالي]

صراحه انا الي اعرفه عن الباجيرو انه نشييييييييييييييييييط وبه عزم مب صاحي
لكن انا ما جربته انا اسمع من الي معهم وطلعنا عليه مره الصراحه ان الموتر يستاهل

[محمد العبدالسلام]

اسمع يا الغالي فيه نقطه مهمه جداً ارجو انك ما تغفل عنها الا وهي السيارة الشعبية ووالله مالها ثمن توفر قطع الغيار فانت يا اخي بتشري سيارة تطوف بها الارض وخاصة بالسعودية وهنا يجب عليك ان تنظر الى توفر قطع الغيار والمعروف عن ميتسو بيشي عدم توفر القطع الا بأماكن معينه ووالله ان هالشئ ضروري واسأل مجرب فالسيارات مثل الباجيروا هل تتوقع تجد قطع غيارها في هجر او قرى بعيده
انا مره كنت بالصمان وانكسر علي اسطب الاشارة الامامي والله اني لقيته بـ (قرية العليا ) ولما سألته عن قطع ثانيه قال كل شئ موجود هذا بالنسبه لللاندكروزر ولم ارى اي قطعه او لوحه تدل على توفر قطع الباجيرو والشئ الثاني هو(الغربه ) بين الناس وخاصة اصحاب البر فغالب اصحاب البر سيارتهم محصوره بين جمس او هاي لوكس او ددسن او باترول او لاندكروزر واكيد بتحتاج لهم وعساك ما تحتاج لهم ووالله ان هالشئ عانيت معه بسبب السيارة اللي بالتوقيع وانت الحكم ...
اخوك نجـ أبن ـد

[الضامي 2007]

للمعلوميه توجد عروض على موديلات 2008 وسعر الباجيرو 3800cc فل كامل ، قبل الخصم 130 والآن بـ 120 الف.


تسلم لي ابو شهد بس انا كلمة الوكاله الاسبوع الي راح قالي الفل ب 132500

تحياتي

[ابو شهد جدة]

تسلم لي ابو شهد بس انا كلمة الوكاله الاسبوع الي راح قالي الفل ب 132500

تحياتي


الكاش ب 120 الف

[الضامي 2007]

انا اقترح عليك ما دامك بتوصل 110 انك تتشوف لاندكروزر 2004 او 2005 او2006
والله حرام 110000 ومستعمل
وبتلقى واحسن من الباجيرو على كل حال

يعني لوهو ب 60 ممكن اما بحول اسعار السيارات المحترمه !!!!!!!! تراه ياباني يا باني
لا والف لا

واللي عقله براسه يعرف خلاصه
الكلام هذا انصح به نفسي لو كنت مكانك والله اعلم وبعدين ترى 110 مبلغ يجيب الزين وانا اخوك

والله حرام

[لن أمل من العطاء]

يا عزيزي

جميع سيارات ميتسوبيشي يعتمد عليها بعد الله

من ناحية الجودة والعملانية وعدم طلبها لقطع الغيار فهي الاولى يابانيا وياتي بعدها الهوندا والتويوتا والنيسان والسوبارو
قيمة الفحمات الامامية 220 ريال قيمة فحمات الهايلوكس بدون دبل 200 ريال

عندي ونيت ال 200 فخم جدا جدا

جاري شرى له واحد جديد وهو خبير بالسيارات ومن غير ما اسأله تأكدت انه اشترى شيء واثق منه


نقطه اخيره

فيه ناس عندهم هونداي وكيا ولم تطلب قطع غيار لمدة 5 سنوات

ليه

الاستعمال الصحيح للسيارة له دور


يعني لو الشخص غير مبالي لو تجيب له كتر بلر يتعطل عليه

[الضامي 2007]

اسمع يا الغالي فيه نقطه مهمه جداً ارجو انك ما تغفل عنها الا وهي السيارة الشعبية ووالله مالها ثمن توفر قطع الغيار فانت يا اخي بتشري سيارة تطوف بها الارض وخاصة بالسعودية وهنا يجب عليك ان تنظر الى توفر قطع الغيار والمعروف عن ميتسو بيشي عدم توفر القطع الا بأماكن معينه ووالله ان هالشئ ضروري واسأل مجرب فالسيارات مثل الباجيروا هل تتوقع تجد قطع غيارها في هجر او قرى بعيده
انا مره كنت بالصمان وانكسر علي اسطب الاشارة الامامي والله اني لقيته بـ (قرية العليا ) ولما سألته عن قطع ثانيه قال كل شئ موجود هذا بالنسبه لللاندكروزر ولم ارى اي قطعه او لوحه تدل على توفر قطع الباجيرو والشئ الثاني هو(الغربه ) بين الناس وخاصة اصحاب البر فغالب اصحاب البر سيارتهم محصوره بين جمس او هاي لوكس او ددسن او باترول او لاندكروزر واكيد بتحتاج لهم وعساك ما تحتاج لهم ووالله ان هالشئ عانيت معه بسبب السيارة اللي بالتوقيع وانت الحكم ...
اخوك نجـ أبن ـد

اخوي ابن نجد تسلم لي حبيبي ولا يهونون الربع
انا شفت الموتر والله ثم والله انها سياره فوق الخيال اما من ناحية عدم توفر القطع انا اتفق معك وبقوه لكن اليس من الظلم ان تشتري سياره ب 110000 ماشيه مابين 150 الى 200 الف ولا سيارة بر و سفر يعني مكدوده والتايوتا الجديد اعتباراً من 2004 ما هو مثل اول الا عطال والاعطال مصنعيه اما من استخدم الباجيرو لم يذكر عيب مصنعي انما ذكر غلا وانا من وجهة نظري وكلامك على متمه ان غلا القطع اذا يكون اصلي افضل من المجمع وهذه تحت مسمى الجدوى بمعنى لو قصت هذي القطعه بمثيلاتها من القطع الاخرى
ومع العلم ان التايوتا ليس برخيص ولكن افضل من الممتسوبيشي معك بالقطع فقط اما مواصفات فوجدت الباجيرو افضل

تقبل تحياتي

[عاشق البترول]

الله يذكركم بالشهاده
الباجيرو له ذكريات قديمه لي كان عندي موديل 97 لونه اشهب
ماخليت بر بالكويت الا وجيته ولا مكان بالصمان الا وجيته
وراح مع الي راحو :) انا اشهد انه موتر من واقع تجربه زيت وفلتر ورح للي تبيه
ومايطلب ولا شي غير الفلتر والبانزين
واسف على الاطاله

[BoJaber]

السلام عليكم ورحمة الله وبركاتة،

أخوي الضامي،

وصلتني رسالتك ، ولاكن للأسف لا يمكنني الرد عليك من خلال المنتدى.

أرسلي بريدك على الخاص.

أخوك راشد

[ابن الضمين]

والله حرام

ليه ليه ليه يالضامي تضيف زياده على ردي وتسويها اقتباس

والله ما ابغى اسيء بك الظن ولكن ما دامك سويتها تعتبر مدلس والتدليس امره خطير وما يسويه الا ................


ما هي وجهة نظر الاداره انا اطالب بشطبه

[راعي الهدد 77]

الصراحه ما انصحك فيه؟؟وصدق اخوي ابن الضمين خذلك تويوتا افضل بمليون مرة واريح بالخط والبر والمدينة بس لا تعدا 2007

[الضامي 2007]

ليه ليه ليه يالضامي تضيف زياده على ردي وتسويها اقتباس

والله ما ابغى اسيء بك الظن ولكن ما دامك سويتها تعتبر مدلس والتدليس امره خطير وما يسويه الا ................


ما هي وجهة نظر الاداره انا اطالب بشطبه

شطب مره وحده الله يرحم حالك افهم قصدي اول ( والله حرام ) اقصد فيها 2004 مستعمل 110000

بعكس الجديد اجل تدليس ومدلس :confused:

[ابن الضمين]

شطب مره وحده الله يرحم حالك افهم قصدي اول ( والله حرام ) اقصد فيها 2004 مستعمل 110000

بعكس الجديد اجل تدليس ومدلس :confused:
ما اختلفنا نقبل رايك ونحترمه
لكن ليه تغير في ردي اللي يشوفه يقول كذا انا كتبته
لو غيرت الالوان
او علقت بدون ما تزيد في ردي
يكون معقول اما انك تغير في الرد وتعلق عليه بها الطريقه
تصير دلست كلامي وغيرت معناه
وبعدين ترى السياره با جيرو لو انك تعرف عنها ما اعرفه عرفت انه ما تستاهل 110 الف وهي مستعمله

وافهم انا اقصد شطب التغيير اللي سويته الله يرحم حالنا وحالك

[بو خليفه]

الباجيرو ممتاز

لكن السعر غالي بالنسبة لي تحت المائة ألف معقول

[ابو شهد جدة]

الف مبروك اخوي الضامي والله يعطيك من خيرها ويكفيك شرها.

[الضامي 2007]

المشاركة الأصلية كتبت بواسطة ابن الضمين http://75.126.184.24/~mekshat/vb/images/buttons/viewpost.gif (http://75.126.184.24/~mekshat/vb/showthread.php?p=2297983#post2297983)
انا اقترح عليك ما دامك بتوصل 110 انك تتشوف لاندكروزر 2004 او 2005 او2006
والله حرام 110000 ومستعمل
وبتلقى واحسن من الباجيرو على كل حال

يعني لوهو ب 60 ممكن اما بحول اسعار السيارات المحترمه !!!!!!!! تراه ياباني يا باني
لا والف لا

واللي عقله براسه يعرف خلاصه
الكلام هذا انصح به نفسي لو كنت مكانك والله اعلم وبعدين ترى 110 مبلغ يجيب الزين وانا اخوك

انا اسف جداً توي افهم كلامك والله ثم والله ما كان قصدي توقعت انه بيوضح ان معدل وياحبيبي تراي حلفت لك بالله اني ما اقصد الا بالعكس شاكر ومقدر مرورك ومشاركتك موضوعي ويا ابن الضمين هذي بوسه على راسك من فوق وراح ارسلك الاعتذار على الخاص بعد بس رجاءً امسحها في وجهي والله ما دريت واعيدها الف مررره انت اخوي
تحياتي يا بعدي ويا اخوان الي بالاحمر هو اضافتي على اقتباس حبيبينا ابن الضمين