من البطل اللي يدلني على ...........؟

[A L T A M I M I]

السلام عليكم

الحمد لله توفقت بشراء جيب

( land rover defender )

موديل 91

لكن الجيب بحاجة لبعض القطع



من يدلني على مكان بالصناعية أو بأحد التشاليح المضمونة بالرياض ألقى بها بعض القطع

وهذي صورة لنوعية الجيب



http://katalog-automobilu.cz/img/land-rover-defender-110-pick-up-2-5-td5-1.jpg



وله مني جزيل الشكر

:j

[بو خليفه]

زين مااخترت

فيه محل في الصناعية الاربعين موجود محل قطع غيار اسمه الصعيدي خلفه ورشة لاندروفر موجود عندها قطع وغيره مستخدمه ومضمونه
وأيضاً عندك ورشة الدفع الرباعي شارع العروبة مقابل مستشفى الملك خالد للعيون قبل اشوي موجود محطة بنزين و موجود صالة بيع سيارات عدد السيارات فيها كثيرة

[A L T A M I M I]

تشكر يابو خليفة - فعلا اللاند روفر الديفيندر روعة بكل ماتحمله الكلمة من معنى - ياخي يكفيك ( شاص ويايات ) علاوة على خف وزنه لأن البدي ألمنيوم - هذا غير الـ 8 سلندر !!! شي خيال !

معليش عندي أسئلة أنا ما أعرف إلا صناعية 17 و18 والنسيم وأم الحمام ، وشي صناعية الأربعين ؟ - وفيه سؤال ثاني ، انت تقول : ( قبل اشوي موجود محطة بنزين و موجود صالة بيع سيارات عدد السيارات فيها كثيرة ) << وش قصدك ترى مافهمت شي من هالجملة :d ؟

[ارتست]

من البطل<<< حسيت انك في فصل ثاني ب

شف اخوي انطلق مع الدايري ورح للدرعية مع طريق صلبوخ __ قبل مخرج الدرعية يجيك محطة كل سياراته لاند روفر قديمة
المحطة وانت وجهك شمال تجي قبل مخرج الدرعية يمين

[بو خليفه]

ارتست وصف لك جزاه الله خير
اما الصناعية فهي صناعية الأربعين غرب محطة القطار

اما محل الدفع الرباعي فهو عند شارع العروبة وأنت متجه غرب صناعية العروبة شمالك تواصل حتى يأتيك مطبخ ومحطة وصالة سيارات قبل الجسر ومستشفى الملك خالد للعيون.

[A L T A M I M I]

ارتست : تحمل ياجدّي .. أخوك مدرّس وخلاص تعوّد :d

( بوخليفة - ارتست ) : الله يعطيكم العافية وبإذن الولي إني أبمر هاك المحلات

[monsixnet]

-

مبروك عليك

الله يعطيك من خيره ويكفيك شره ويعينك على اسعارالقطع

ويرزقنا اللى احسن منه

[ابوسعيّد]

السلام عليكم
مبرووووووووووووووووك
الله يعطيك خيره ويكفيك شره
احسن واقوى سياررة دفع رباعي على الاطلاق

[راعي هوى]

ياخوي ممكن نعرف اسعارهم عندكم واذا متوفرات ولا لا اخوك ناويله على واحد بس ماحصلت اللي يسر الخاطر والله يبارك لك فيه

[A L T A M I M I]

-

مبروك عليك

الله يعطيك من خيره ويكفيك شره ويعينك على اسعارالقطع

ويرزقنا اللى احسن منه


الله يرزقنا ويرزقك يابعدي

تدري إني اشتريت اليوم ( رباطات داخلي وخارجي وفحمات ) من التشليح

حقت لاند روفر ديسكفري موديل 98 نظاف وركبت عليه ؟

الرباطات بلاثمية ريال مع إنه بالوكالة بحدود الألفين !! والفحمات بميتين !!

جيب انقليزي 4 × 4 جبار مثل هذا فحماته بميتين ؟ وين تلقاه ؟

أخوي .. كلما حركت مخك شوي حسيت إنك أبعدت عن الوكالة

وكلما أبعدت عن الوكالة تراك بخير

أشوفك بخير

[A L T A M I M I]

الله يجزاك خير يابو سعيّد

راعي هوى : بالمعارض مادري والله - لكن أنا لقيت لي لقطة حكومي مستخدم بالحرس موديله 91 ماشي 46 ألف فقط - مع واحد شاف قطع غياره نار بالوكالة ( مثل أغلب الشعب ) ويبي منه الفكة - أخذته بتسعة وخمس - اليوم حطيت عليه خمسمية ويبي لي فوقه كم ألف ويطلع بعدها موتر جبار يدق للشعبان بصبع بإذن الله .. أشوفك على خير .