تعرف على حركات الشريطية وأصحاب معارض السيارات الخبيثة في البيع والشراء

[راعي المجهم]

كان معي فورد 2003 فل كامل وأردت بيعه فجاء واحد شريطي ما يخاف الله

وسامه مني بــ 28 الف ريال بعد الأزمة قلت له زدتها شوي قال والله هذا سعره قلت تم بعتك

المهم قام الرجال قال بجرب السيارة جربها وفرفر فيها بالمعارض وفحصها بعدين

قال والله أسف السيارة ماتصلح لي فيها تفتفة والفرامل ماتمسك بقوة ومدري وشو أعذار بس

قلت الله يسهلك ...... المهم كل ماجاني زبون وقال للبيع قلت نعم بكم سيم قلت بــ 28 الف

قال بالتوفيق وراح .... جاء واحد ثاني وقلتله نفس الكلام قال بالتوفيق وراح

قابلت بعدها واحد من الزملاء شريطي قلتله السالفة قعد يضحك هههههههه

قال هذه الحركة عند أهل المعارض والشريطية تسمى ( التعليقة ) سيارتك تسوى 20 الف

يسومها منك بــ 28 الف عشان يعلقك أن قلت له بعتك دور له عذر وهرب

وإذا رفضت البيعة يتعلق برأسك سومته ويتخيل لك أن سيارتك تسوى فوق 28 الف

وبكذا ماراح تبيع تبقى متردد في البيع ,,,,

,,,,,,,,,,,,,,,,,,,,,,,,,,,,,,,,,,,,,,,,,,,,,,

حركة ثانية يسونها في البيع

يستورد سيارة من أمريكا بمبلغ 50 ألف ريال شامله الشحن والمصاريف

ويطلب من المكتب الذي أستوردها له بتسجيل فواتير زايدة الأسعار فيها

مقابل 500 ريال لتغير فواتير التكلفة والمشترى

وإذا جاه زبون قال والله السيارة مكلفتني واصلة للسعودية 80 ألف ريال

وهذه فواتير الشحن والمصاريف والمشترى مختمة من مكتب الأستيراد !!!!!

كم تكسبني بعض الزبائن يستحي وينخدع بالفواتير المزورة ويقول

يله بعطيك 2000 ريال مكسب .....الشريطي يقوله لا تكفى زدها شوي

مو حق تعبي وأنتظار السيارة زدها والله جاني فيها مكسب 3000 ريال

من زبون صامل وممتحني بالتلفون كل يوم يدق علي يبي السيارة

ومن هالأفلام الهندية حتى يقنع الزبون أن مكسبه بسيط ويشتريها !!!

أحذرووووووا يا أخوان

فأسعار السيارات بعد الأزمة متوقع لها نزول أكثر من 50 %

منقووول للفائدة والحذر

[االديحاني]

خلوها تصدي

[راعي المجهم]

حسبنا الله عليهم مايخافون الله

لكن نحمد الله أن هذه الأزمة فضحت الكثير من وكلاء السيارات

وأصحاب المعارض الذين كانوا يمارسون الأستغلال والجشع

على المواطن السعودي طوال السنوات الماضية

والآن سقطت أقنعهتم المختفين خلفها

وأصبح الشعب السعودي واعي ومدرك لما يدور حوله

من مستجدات على الساحة الأقتصادية

[ربع 91]

خلـــــوهـــــا . . . . تصدي

[راعي المجهم]

وخلـــــوهـــــا . . . . تصدي

[العيطلي]

خلوها تصدي

[راعي المجهم]

الشكر لمن شارك برده

وخلوها تصدي

[متيح]

يالذيب اذا سامها منك و يبي يفحص او طلعك من المعارض خذ عربون و اذا هون الله يعوض علية

[وادي غران]

بارك الله بك أخي راعي المجهم على الموضوع الطيب عن ألاعيب الشريطية الذين أغلبهم للأسف يأكلون أموال الناس بالباطل ويوكلون أولادهم وأهلهم الحرام !!

[hani458]

نصيحه لجميع الاخوه لاتدخل السوق الا وانت عارف وش السعر اللي انت حاطه في راسك لسعر السياره
وحسابيا العمر الافتراضي للسياره المكروفه 5 ستوات والغير مكروفه عشر سنوات وتقسم على سعر الشراء وهل السياره استخدام شخصي او مع سائق

[راعي المجهم]

نصيحه لجميع الاخوه لاتدخل السوق الا وانت عارف وش السعر اللي انت حاطه في راسك لسعر السياره
وحسابيا العمر الافتراضي للسياره المكروفه 5 ستوات والغير مكروفه عشر سنوات وتقسم على سعر الشراء وهل السياره استخدام شخصي او مع سائق

نصيحة ثمينة جداً مشكور عليها

[ابو يس]

جزاك الله خير

وخلوها تصدي

[الهدد 2006]

بيع الموتر يالغالى والا لا

لان فى شخص من الجماعه ناوي يشتري موتر ادا انت صامل ارسلنى رقمك جزاك الله خيرا

[Mohammed_S]

والله موضوعك حلو

بس تبي الصدق المفروض لما تشوف هالعينات النصابة طنشها ولا تسوم سيارتك عطها سعرها المعقول واللي بيشتري بيشتري واللي ما يبي الله ما كثر من هالخرد والمواتر بهالديرة وصدقني متى ما الله راد لك النصيب بيجيك ولا تقرب من هالشريطية

وشكرا على الموضوع

[سرحان220]

الله يصلح الحال والاحوال
اذا الانسان انعدمة عنده رقابة الله عزوجل
فتوقع منه فعل مثل هذة الامور
(نسأل الله العافيه والسلامة)

[كهلان]

يعطيكم العافيه على النصائح
وجزاكم الله خير

[راعي المجهم]

الى الامام يا اعضاء مكشات
خلوووووووووووووووووووووووووووووها تصدي ومديلها يعدي

[خن بط]

اولا اشكرك على الموضوع الجيد
ثانيا زي ماقال احد الاخوه لازم تاخذ عربون من اللي يبي يشتري واذا رفض انت الربحان بدل مايمحط بالسياره ويفرفر بها وفي الاخير ضيع وقتك وطلعك من السوق


وفيه سالفه قديمه صارت لي
انا مره كان معي سياره بغيت ابيعها وفيها الدفرنس فيه صوت وجوني ثنين وساموا مني السياره بعد ماعلمتهم عن الدفرنس ووافقت وقالوا نبي نجرب السياره قلت مشينا


وبعد مافرفروا وطلعوا ريحة السياره قالوا نبيك تنزل من قيمة السياره
قلت يعني سومتكم منتم شارين بها
قالوا لاوالله
وهي تقفل معي وقلت خلاص ابي اشوف اخوي في البيت والبيت قريب
قالوا نروح معك
قلت الله يحييكم واروح لمكان بعيد عن المعارض واقوم واوقف السياره واقول لهم يالله انزلوا يالجحلط وبغت تصير هوشه
لاكن الله قدرني عليهم وخليتهم في الشارع يدورون ليموزين
وهذا اقل جزا لهم ولامثالهم من المستلطخين

[رواق]

اولا اشكرك على الموضوع الجيد

ثانيا زي ماقال احد الاخوه لازم تاخذ عربون من اللي يبي يشتري واذا رفض انت الربحان بدل مايمحط بالسياره ويفرفر بها وفي الاخير ضيع وقتك وطلعك من السوق


وفيه سالفه قديمه صارت لي
انا مره كان معي سياره بغيت ابيعها وفيها الدفرنس فيه صوت وجوني ثنين وساموا مني السياره بعد ماعلمتهم عن الدفرنس ووافقت وقالوا نبي نجرب السياره قلت مشينا


وبعد مافرفروا وطلعوا ريحة السياره قالوا نبيك تنزل من قيمة السياره
قلت يعني سومتكم منتم شارين بها
قالوا لاوالله
وهي تقفل معي وقلت خلاص ابي اشوف اخوي في البيت والبيت قريب
قالوا نروح معك
قلت الله يحييكم واروح لمكان بعيد عن المعارض واقوم واوقف السياره واقول لهم يالله انزلوا يالجحلط وبغت تصير هوشه
لاكن الله قدرني عليهم وخليتهم في الشارع يدورون ليموزين

وهذا اقل جزا لهم ولامثالهم من المستلطخين


هههههههههههههههههههه تعجبني

الحركه اللي سويتها فيهم ماينفع معهم الا هي لأنه :

ان لم تكن شريطيا اكلوك الشريطيه

[swaswa]

بيع الموتر يالغالى والا لا

لان فى شخص من الجماعه ناوي يشتري موتر ادا انت صامل ارسلنى رقمك جزاك الله خيرا

الاخ الكريم الهدد 2006
والله انك على نياتك
يالحبيب هذا كبسولة اللى ما فكر غير في نفسة ما ادري وين بيروح من دعا الناس علية يوم القيامة
وقصصة ما تخلص
اجل فورد 2003 قيمتة 20000 الف
يبي الناس يبيعون سياراتهم بخسارة
وعلى فكرة اذا بيثبت انه صادق مفروض يبيعلك واذا ما باع لك معناها انه -----------

[راعي المجهم]

خلوها تصدي غصب مو برضاهم

[SRAAMA]

السلام عليكم ........ انقل لكم معانات احد الزملاء مع الشريطيه

يقول:

كنت مره بالمعارض ابيع لي سياره المهم جاني واحد من الشريطيه وسام مني السياره بسعر زين وعطيته البيعه بدون ما اخذ العربون (وهذه غلطتي) المهم..............الشريطي ركب السياره وقام يجرب السياره وقال لي نبي نكتب المبايعه في معرض واحد من الربع,,,,,قلت ما عندي مشكله !!
المهم قام الرجال يدخل معرض وياخذ حوالي دقيقتين ويطلع ويقول الرجال مهو موجود!
...
...
اخد على هالحال بثلاث معارض

قلت عسى ماشر نكتتب في اي معرض ما فيه مشكله.
الرجال قام يعذرب السياره (تذكرت انه لما يدخل المعرض فيه ناس تطالع السياره من بعيد)

اكتشفت ان الشريطي هذا كان يبيع السياره وانا فيها ,,,,,,,,,,,,,يعني ما عنده فلوس

وقفت السياره وطردته ودعيت عليه و عساه ان شاء الله على دعوتي عليه لاني كنت محتاج بيعه السياره
هاك الحين.......

لكن الحمد لله بعت السياره بعدها بيومين بنفس السعر.

[ابوسعودد]

موضوع مهم وشكرا على الايضاح

[فيضة الجوعي]

الله يهديهم

[مقلع الرمث]

دعوها تصدي وبقوه بعد والله لو بعد سنه خلهم واحد من الشباب امس يقولي تكدس بالميناء حق جده مئات الاف من السيارات والجمارك كل يوم ياخذ محل موقف لسيارات جميل وطقته يقولك المخازن مليانه و السفن مليانه و الرجال متعلق ولا ععقب الخطاب شي

يااما ينزل الاسعار ويصير رجال مودمي ولا خلها تصدي عنده

[Y.Y.Y]

لا تركبه إلا وانت ما خذ منه عربون...

[طارق الحربي]

السالفه اللي ذكرتها قبل لا يكون عندك معرض ولا بعد ؟ :)




بسم الله الرحمن الرحيم

السلام عليكم ورحمة الله وبركاته أخواني المكشاتية

نظراً لعدم معرفة بعض الأخوان بأسعار السيارات المستعملة

مما يجعلهم لقمة سائغة لبعض ضعفاء النفوس عبدة الدرهم والريال

حبيت أن أقدم عمل خالص لوجه الله سبحانه وتعالى ولا أريد مقابل له سواء

الدعاء لوالدي الله يقومه بالسلامة وجميع مرضى المسلمين

وهو حصري وخاص لمنتديات مكشات

فاليوم كنت جالس في المعرض وخطرت على بالي الفكرة

وأخذت سجلات وأوراق المبايعات التي تمت عن طريقنا

ووضعت لكم أسعار البيع

والفكرة هي تسعيرة للسيارات المستعملة في المملكة العربية السعودية

من واقع محاضر ومكاتبات المبايعات التي نكتبها كل يوم في معرضنا لبيع وشراء

السيارات ؟؟؟؟؟؟؟ لن أكتب أسمه حتى لا يقول قائل دعاية لمعرضهم !!!

[الضارم]

http://www.mqataa.com/vb/uploaded/5800_01229275518.png

[التمَاري]

وخلـــــوهـــــا . . . . تصدي

[راعي المجهم]

يا هلا وغلا بالجميييييييع

[راعي المجهم]

يالذيب اذا سامها منك و يبي يفحص او طلعك من المعارض خذ عربون و اذا هون الله يعوض علية

ههههههههه

هذا أفضل حل والله

تشكراتي لك

[راعي المجهم]

والله موضوعك حلو

بس تبي الصدق المفروض لما تشوف هالعينات النصابة طنشها ولا تسوم سيارتك عطها سعرها المعقول واللي بيشتري بيشتري واللي ما يبي الله ما كثر من هالخرد والمواتر بهالديرة وصدقني متى ما الله راد لك النصيب بيجيك ولا تقرب من هالشريطية

وشكرا على الموضوع

أشكرك على مرورك أخوي محمد

وكلامك صحيح جزاك الله خير

[راعي المجهم]

لا تركبه إلا وانت ما خذ منه عربون...


صدقت هذا الحركة تجننهم

نحياتي لك

[راعي المجهم]

جزاك الله خير

وخلوها تصدي

وياك طال عمرك

تحياتي

[عزوز الليل]

خلوها تصدي
المعذرة يامشرف تكرر الرد

[عزوز الليل]

من خـلال تجربتي في البيع والشراء
لاتطلع الا بعربون ولايقل عن 500 ويالله تضبطهم
والبعض يستحي والموضوع مايحتمل
من يستحي هالوقت وآآآآآآعزتي له
على فكرة طايحين بحركة الي هي شغلة السمسرة تلقا واحد في السوق مايعرف شيء عن الموتر لكن عمه في المعرض يتقهوى وموصيه يجيب له سيارة قتلقاه يسحبك من السوق ويوديك للمعرض عند عمه الي يتقهوى وتتفاجئ يالضعيف أن العم إذا ماجازله الموتر تلقاه يأشر بحركات واضحه للسمسار الي هو الزيدي او واحد من عياله الي جابك بحركات يعني اطرده او صرفه إذا الموتر ماعجبه وارجع واقول لاتطلع الا بعربون واغلبهم يعذرب عشان تطرح له من سعر السيارة
موفق ,,,

[al7rman]

خلوها تصدي

[الربع الغالي]

أنا قبل أمس فالمعارض مافيه ولا زبون يشتري
وسألت اليمني وش أخبار السوق قال والله مافيه زباين أبد والأسعار طايحه شوي وقال
رفاضين أصحاب المعارض البيع بخسارة قلت ليش قال مافيه أحد يسوم

خلووووووووووووووووووووووووووووووووها
تصــــــــــــــــــــــــــــــــــــــــــــــــ ـــــــــــــــــــــــــدي

[عشانا]

اللهم اخسف باسعار السيارات كما خسفت بالاسهم

الجشع صفة من صفات اليهود واعتقد انها انتقلت لاكثر التجار عندنا
عندنا العن من اليهود ولكن لابسين جلد اسلامي
حسبي الله عليهم

[راعي المجهم]

أنا قبل أمس فالمعارض مافيه ولا زبون يشتري
وسألت اليمني وش أخبار السوق قال والله مافيه زباين أبد والأسعار طايحه شوي وقال
رفاضين أصحاب المعارض البيع بخسارة قلت ليش قال مافيه أحد يسوم

خلووووووووووووووووووووووووووووووووها
تصــــــــــــــــــــــــــــــــــــــــــــــــ ـــــــــــــــــــــــــدي


مشكووووووور على توضيح الصورة لمن لا يعلم

[الربع الغالي]

وطايحين في حركة بين الأقارب بيع السيارة بينهم وما يبيع فالمعارض
إذا دخل في مجلس يجمعهم جاب طاري سيارته لهم يقول أنا ببيع السيارة
أفضل بكثير من بيع المعارض لو خسرت في سيارتك ماضاعت بخساره ولو شريت أنت عارف صاحبها
وشو من لحيه
نصيحــــــــــــــــــــــــــــــــــــــــــــــ ــه للي يبي النظيف

[صمت النار]

لاحد يشتري سيارات يركب رحول او فرس او كعابي

[راعي المجهم]

هلا وغلا بالجمييييييييييع

[منصور123]

اغلب الشريطيهما يخافون الله وما يستحون

[راعي المجهم]

اغلب الشريطيهما يخافون الله وما يستحون

ممكن الا من رحم الله

[راعي المجهم]

لاحد يشتري سيارات يركب رحول او فرس او كعابي

هههههههههه

بإذن الله راح نركب الي نبي بالسعر الي يخارجنا

[مطارد]

حسبي الله ونعم الوكيل .

[الكروان2009]

خلوها تصدي

[بو خليفه]

كلامك صحيح
لكن اقول واصلوا المقاطعة

[راعي المجهم]

هلا وغلا بالجميع

[YaQot]

وخلوها تصدي

[رحومي]

الله يمحق كل ظالم عن وجه الأرض.

وشكرا.

[ديزل1]

لا اله الا انت سبحانك اني كنت من الظالمين




السلام عليكم ورحمةالله وبركاتة


انتبهوا يا جماعة من الي تبيعهم السيارة ويوقفون سيارتك في المعرض ثم يقولون الفلوس بكرة ثم لين جاء بكرة


جاب لك شيك انتبة منة زين لا يصير ما فية رصيد اشرط على صاحب المعرض ما يطلع السيارة لين تتأكد


من الشيك تصرفة في البنك .


(وبعدين فية نقطة مهمة بعد)


اذا جاء يعطيك الشاري شيك ورفضت قلت جبها نقد بكرة تدخل صاحب المعرض وقال انا (اضمنة ) زي ما صار لي


قلت لصاحب المعرض دامك تضمنة ادفع من فلوس المعرض وهو يجيب لك بكرة الفلوس ( قال ما لي دخل )


الله يحمانا وياكم من كل شر ونصاب


واهم شي العربون لاتطلع بدونة (العربون العربون)




والله يوفق الجميع .

[speed 557]

حسبنا الله عليهم مايخافون الله

[راعي المجهم]

حسبنا الله على كل محتال يسرق فلوس الناس بالباطل

[راعي الهدد 77]

ياخي والله بعض الناس مايخاف الله .. لكن اذا تبي تشري سيارة او تبيع و مالك بالبيع والشرى اقترح انه يكون معك احد المعارف بالمعارض او اهل الخبرة يساعدك بالموضوع .... وعموما جزاك الله خير اخوي راعي المجهم على الموضوع الشيق والمفيد وتقبل تحياتي اخوك (راعي الهدد 77) ....وخلوها تصدي...

[راعي المجهم]

هلا وغلا بالجميع وأنتبهوا من مصاصي الدماء الشريطية

[راعي المجهم]

هلا وغلا بالجميع

[راعي المجهم]

http://www.moq3e.com/f2.html

[راعي المجهم]

يررررررررررررفع

[سحاب1111]

سبحان الله
الا يعلم هائولا انهم ياكلون السحت .
الا يعلمون انه من اسباب منع الدعاء اكل الحرام .
اكب ماكلك تكن مجاب الدعوة .
اللهم اغننا بحلالك عن حرامك . امين .

[NOYEB]

احذروا من الشريطية وعذاريبهم بالسيارة
اذا نويت تبيع بع على واحد تعرفه من اقاربائك او اصدقائك ولو بسعر نازل شوي اريح لك بال من لجة الشريطية وخباثة بعضهم .

شكرا

[بااور]

جزاك الله كل خير
وخلها تصدي وبقوه

[راعي المجهم]

هلا وغلا بالشباب

[قولد]

الله يعطيك العافيه على هذه المعلومات القيمة والله يكفينا شر الغش لان بعض الناس يحسبها شطاره



http://www.mekshat.com/pix/upload02/images96/mk95691_ff.jpg

[راعي المجهم]

صدقت أخوي يحسبونها شطارة

[أمير الليالي]

بارك الله فيك

فعلا للشريطية ألف حيله وحيلة

[راعي المجهم]

بارك الله فيك

فعلا للشريطية ألف حيله وحيلة

صدقت اخي امير الليالي

[عبار درب]

انا ابعطيكم نصيحه من خبره اكتسبتها من الشراء و البيع في معارض السيارات ليس كشريطي و لكن كزبون دائم اشتري سياره و ابيعها لأشتري غيرها لأستخدامي الشخصي لا انكر انني تعرضت لاكثر من عملية نصب استطعت ان اخرج منها بأقل الخسائر و لله الحمد و الأهم خرجت بتجارب غنيه لو لا خوفي من الله لأمتهنت هذه الشغله الغير مجديه الا بالغش و الخداع و الكذب و تسويق سلعتك بالأيمان الكاذبه و العياذ بالله

ندخل للنصيحه اذا كنت ستبيع سياره او تشتري فهناك مواسم ترتفع فيها اسعار السيارات و مواسم تنخفض
*ولكل نوع موسمه فمثلا سيارات العوائل كلجموس و الفانات ترتفع اقيامها مع بداية الدراسه و الاجازات الصيفية و الحج و رمضان وتنخفظ بنهاية هذه المواسم، اما السيارات الصغيره فبلعكس تنخفظ مع بداية الأجازة و ترتفع مع نهايتها
*هناك دعاء لدخول السوق لا يحضرني حاليا المهم ادعو به
* فاتجه الى الساحه قبل صلاة العصر و يفضل خلال الأجازة الأسبوعية واوقف السياره في مكان وسط السوق قدر المستطاع و اقفل السيارة و توجه الى المسجد و صلي العصر
* بعد الصلاة افتح كبوت السيارة وقف جانبها و انتظر رزقك
* اذا حظر زبون فهو اما شريطي نصاب او شريطي ابن حلال او زبون يبحث عن سيارة للأستخدام ، السؤال كيف تفرق بينهم ؟ المهم لديك النصاب لتتقي شره ، سيطلب منك الجميع تشغيل السيارة و يطل في الكبوت و يفحص العادم وغيرها من اساليب الفحص و سياتون للحديث معك هنا تستطيع كشف النصاب فعملية الفحص غالبا تكون تمثيل و ليس فحص دقق كمن يبحث عن سياره يستعملها او يكتسب منها بصدق نيه فاهم شيء عند هذا النوع ان يغشك في الشراء و يغش غيرك في البيع فكن حذر من الشخص الذي يفاوض في السعر قبل الفحص
*من ناحيتك كن صادق مع الناس فأذا كان في السيارة عيب اذكره بشكل واضح و صريح ( والله الرزاق )
*اذا سام زبون سيارتك و اوضحت له عيوبها و طلب فحصها فاطلب ان يفحص السيارة بشكل دقيق و الموافقه على شكلهاالخارجي والداخلي المكشوف ثم اطلب عربون و المكاتبه بينكم و تحديد العيوب التي ذكرتها له و انك ملتزم باعادة العربون اذا ثبت فيها عيب (غير عادي) وهنا اهم نقطه فكل سيارة مستعمله فيها عيوب عادية فخراب زر احد الأبواب عيب و لكن عيب كهذا لا يبطل البيعة و شهد على ذلك ، اعلم ان النصاب سيهرب و المشتري الحقيقي سيفاوض و سيطلب منك تأكيد بعض المعلومات فاذا قبل و دفع العربون و تكاتبتم على الأتفاق دون الحاجة الى معرض فقط مكاتبه على ورق عادي و تشهيد شخص واحد على الأقل و اشترط ان يكون الفحص في ورشة متخصصة وعلى حسابه الشخصي و مثل هذه الورش منتشرة عند معارض السيارات
* اذهب مع المشتري الى اقرب ورشة فجص لا تدعه يختار ورشة اختر انت اي ورشة فان اصر على ورشة معينة فاقبل فأن ادعت الورشة وجود خلل فني يبطل البيعة فاطلب فحصها في ورشة اخرى على حسابك انت فان اتفقت الورش على نفس الخلل فاقبل ببطلان البيعة (و الله الرازق)
*اما اذا ثبتت البيعة فتأكد من وجود بقية المبلغ مع المشتري و في الغالب لن يكون المبلغ المتبقي معه حالا فاتجه الى احد المعارض المشهورة للمكاتبه فان اصر على معرض معين فاطلب احضار بقية المبلغ و موافاتك في المعرض الذي اختاره
هذا ما يخص البيع اما الشراء ففي مشاركة ثانية ان شاء الله

[راعي المجهم]

مشكور على الإضافة الجميلة

[راعي المجهم]

يرفع للفايدة

[هكر نت]

من توكل على الله فهو حسبة

عليك بالدعاء فانه يرد القضاء :


دعاء دخول السوق


- قال الرسول : « من دخل السوق فقال: "لا إله إلا الله وحده لا شريك له، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » وفي رواية: « وبنى له بيتا في الجنة » [ رواه الإمام أحمد والترمذي وابن ماجه والحاكم عن ابن عمر].
ـ بسم الله، اللهم إني أسألك خير هذه السوق، وخير ما فيها، وأعوذ بك من شرها وشر ما فيها، اللهم إني أعوذ بك أن أصيب بها يميناً فاجرةً، أو صفقة خاسرة".

[الدربشي]

بارك الله فيك اخوي على النصيحه

[Riyadh City]

يا أخوان البعض يتهم الشريطية وكأنهم يشترون ويبيعون في الممنوعات ..

أنت كبائع وش يهمك ؟ أهم شي إنك تبيع سيارتك ولكن بالسعر الي في بالك خلاص إذن لا تبيعها

الا بالسعر الي تبيه سواء كان على شريطي والا غيرهـ ..

الحركة الي تقهرني في الشريطية إنهم يطلعونك من السوق ثم يأخذ فرتين بالموتر وبعدها ينزل بكل بجاحه

ويقول الموتر ما صلح لي ,, لكن علاج هالمشكلة هو إنك تاخذ عربون عليه وتقول إن فحصت وصار في الموتر شي ما قلتلك عليه إما إني أشيل قيمته من السيارهـ وإذا ما تبي خلاص يرجع لك عربونك لكن لو فحص وطلع الموتر سليم وهون يروح عليه عربونه وبكذا الشريطي النصاب بينحاش منك ..

أما في الشراء الله يعينك لا صار مرادك مع شريطي ...

تحياتي