مناداة لاهل اللاندكروزر

[ابو كلام]

صباح الخيرات ياشبابحقيقة عندي مشكله عجزت القى لها حل المشكله لما اشغل السيارة الصباح يطلع كربون اسود وخطر يطفي لازم ادعس على البنزيم واذا احتر الموتر تروح الدخنه امس زادت معي المشكله يالله اشتغل بعد عناء دام ربع ساعه على العموم الموتر Vxr 94 كلبليتر تم تغير الاتي:1. اسلاك بواجي.2. صفايه بنزيم.3. بواجي.4. واخير كلبليتر وكاله جديد.ما العمل وش اسوي هل فيه شخص يعرف للشغلات هذه علما بأنه تم زيارة اكثر من ميكانيكي ولم تحل المشكله تنحل وقتي ثم ترجع اضافه انه تم زيارة حقيت الكلبليترات في الصناعيه القديمه وللاسف ما صار اي شي.فيه واحد من الشباب قال غير وجيهه الثلاجه ولا اعلم رجاء افيدونا وشكرا لكم ،،،

[عاشق الأطلال]

اخوي يمكن عندك الأبنص زايد ويشرق الموتر اذا وقفته

كم ضغط الأبنص إذا صرت واقف ؟؟

[ابو كلام]

اشكرك على سرعه تجاوبك لكن ما اتوقع لان الابنص اقل من واحد يعني والموتر شغال المكينه مرتاحه

[hani458]

مر على الوكاله وخلهم يفحصونها ويعلمونك وش المشكله ولهوب شرط تصلحها عندهم

[ابو كلام]

مر على الوكاله وخلهم يفحصونها ويعلمونك وش المشكله ولهوب شرط تصلحها عندهم

الله يجزاك خير لكن احنا مسوين مقاطعه خلها تصدي ولا وش رايك

[الرسام]

ابوكلام
عادة لما تشغل السيارة يكون ظغط المكنيتة نازل كنها بتطفى فالموتر" يشرق" اي تدخل كمية بانزين ولا يتم حرقها بالشكل الكافي لذلك يطلع دخان اسود والحل ترفع ظغط المكينه عند التشغيل فقط عن طريق 1- تركيب شفاط وهذا انا ما انصح فيه 2- دبل دبلتين نص الدعسه قبل ما تشغل السياره 3- ترفع ظغط المكينة على طول وهذا ايظا ما انصح فيه واخيرا لا توسوس الموتر ليس 2009 دامه ما يحرق زيت ولا يهرب ماء رديتر توكل على الله

[ابو كلام]

[quote=الرسام;2289666]ابوكلام
اشكرك لكن المشكله وضعه ما هو طبيعي ابدا بمعنى اذا كان الموتر بارد يالله يشتغل واذا اشتغل يبدا يترتر مرررره الين ادبل له بنزين خفيف ثمن يسلك

[البيد]

وده ورشة البازعي طريق خريص ترا هم ممتا زين ولا انت خسران شئ

[al-nashmi]

[quote=الرسام;2289666]ابوكلام
اشكرك لكن المشكله وضعه ما هو طبيعي ابدا بمعنى اذا كان الموتر بارد يالله يشتغل واذا اشتغل يبدا يترتر مرررره الين ادبل له بنزين خفيف ثمن يسلك

أخي الكريم

شيك على تماتيك تشغيل الصباح
وهو بلف احيانا هواء واحيانا ملف كهرباء

وهذا عمله يقوم بتوازن اشتغال المكينه وهي بارده ( اي يرفع من سرعه دوران المحرك) حتى تسخن المكينه

لعل المشكله منه وتنحل ان شاء الله...

وتحيتي لك

[Magellan]

صباح الخيرات ياشبابحقيقة عندي مشكله عجزت القى لها حل المشكله لما اشغل السيارة الصباح يطلع كربون اسود وخطر يطفي لازم ادعس على البنزيم واذا احتر الموتر تروح الدخنه

حياك الله أخوي أبوكلام
وإن شاء الله تلقى المفيد
والصراحة مداخلتي هي بالإسراع لحل المشكلة لأن فيها سبب لتلوث البيئة وهي الأدخنة السوداء من العادم
ياليت كل واحد منا ينتبه لهذه النقطة وإن فيه إيذاء للآخرين وللبيئة ، المعدومة عندنا للأسف

.
موفق خير

[راعي المعنَى]

اخوي انا معاي 94 مثلك وانا ماتجية هالحالة ويبقى الموتر مهو صافي طول هكاليوم الا اذا غيرت طريقتي في تشغيلة الصباح يعني لا تخلي لك كل يوم طريقة في التشغيل مرة تدعس بنزين مرتين ومرة ماتدعس

حاول تكون لك طريقة واحدة وانصحك دعسة بسيطة الصباح قبل التشغيل اذا طفي كرر العملية لين يشتغل واذا اشتغل لا تغيرها

ارجو اني اكون افدتك والمعذرة على الاطالة

[ab.zayed]

اخوي ابو كلام الشي هذا طبيعي لا تلعب بالسياره ومن صالح السياره اذا كانت بارده علشان ما تشرم البلف والحركه هذي من الكلبليتر وهي طبيعيه من المصنع والبنزيم 91 اكثر دخان من 95السيارات القديمه كان فيها شفاط اذا سحبته تقعد السياره تترتر ودخن وسيارك بدون شفاط بس اذا شغلت بالبرد الكلبليتر يقوم بعمل الشفاط لين تحتمي ةيرجع وتنقطع الدخنه والترتره وكان عندي مثل سيارك فاكه وكاله فيه نفس الشغله ارجو من الله اني افدتك

[ابو كلام]

اشكرك على تفاعلك مع المشكله

[ابو كلام]

[quote=Magellan;2290280]حياك الله أخوي أبوكلام
وإن شاء الله تلقى المفيد
والصراحة مداخلتي هي بالإسراع لحل المشكلة لأن فيها سبب لتلوث البيئة وهي الأدخنة السوداء من العادم
ياليت كل واحد منا ينتبه لهذه النقطة وإن فيه إيذاء للآخرين وللبيئة ، المعدومة عندنا للأسف
شكرا لك على محافضتك للبيئه؟؟؟؟؟

[ابو كلام]

[quote=راعي المعنَى;2291680]اخوي انا معاي 94 مثلك وانا ماتجية هالحالة ويبقى الموتر مهو صافي طول هكاليوم الا اذا غيرت طريقتي في تشغيلة الصباح يعني لا تخلي لك كل يوم طريقة في التشغيل مرة تدعس بنزين مرتين ومرة ماتدعس

حاول تكون لك طريقة واحدة وانصحك دعسة بسيطة الصباح قبل التشغيل اذا طفي كرر العملية لين يشتغل واذا اشتغل لا تغيرها


<b><font size="3">ارجو اني اكون افدتك والمعذرة على الاطالة

[ابو كلام]

اخوي ابو كلام الشي هذا طبيعي لا تلعب بالسياره ومن صالح السياره اذا كانت بارده علشان ما تشرم البلف والحركه هذي من الكلبليتر وهي طبيعيه من المصنع والبنزيم 91 اكثر دخان من 95السيارات القديمه كان فيها شفاط اذا سحبته تقعد السياره تترتر ودخن وسيارك بدون شفاط بس اذا شغلت بالبرد الكلبليتر يقوم بعمل الشفاط لين تحتمي ةيرجع وتنقطع الدخنه والترتره وكان عندي مثل سيارك فاكه وكاله فيه نفس الشغله ارجو من الله اني افدتك

الله يجزاك الف خير والف شكر لك على هذا الاطراء الذي ريحني والشكر موصول للاعضاء الذي شاركوا معي في هذا المنتدى العريق والذي اعتدنا من هذه الخيمه التفاعل مع الاعضاء وتعاملهم بعضهم للبعض كاالاخوان والف شكر لكم جميعا..