التاهو 2009

[التاهو]

اليوم طلعت للبر بعد ماكمل التاهو تقريبا 5500 كيلو وقلت اجرب دبلاته وممشاه بالبر

الصراحه ما اعجبني ,,, غرز مرتين ونشب وما طلع الا بزر شوي وحرارة القير تعدت 114

حتى بعد ما نسمت له لو ما احافظ على سرعة معينه ما ادري به الا وهو يقول هذا مكاني

الصراحه انصدمت بقوة

[ابوعقل]

الله يعطيك خيره ويكفيك شره

بس لازم تنسم الكفرات 20 او 15

سؤال

كم مقاس الجنط 17 او 20

[التاهو]

المقاس 17 وتراني راعي بر وقبله معي بليزر

الغريب حرارة القير اللي ارتفعت للضعف تقريبا

[Magellan]

اكيد القير يحتر لأنك زار عليه شوي
وعشان ترتاح من حرارة القير وتحافظ عليه أكثر
فيه محلات يركبون مبرد إضافي وشغل مضمون بحدود 250 ريال
عند ترايستار وورشة المصيف بشارع ابن سينا عند حكيم البلوشي بالرياض

[قرناس صلا]

الله يبارك له فيه


معليش سؤال مكرر نسمت الكفرات ؟؟ وكم؟؟

[التاهو]

اكيد القير يحتر لأنك زار عليه شوي
وعشان ترتاح من حرارة القير وتحافظ عليه أكثر
فيه محلات يركبون مبرد إضافي وشغل مضمون بحدود 250 ريال
عند ترايستار وورشة المصيف بشارع ابن سينا عند حكيم البلوشي بالرياض


السيارة على الضمان وما خذها اجار منتهي بالتملك واخاف يضيع الضمان

[المخاطر]

الله يعينك

[التاهو]

الله يبارك له فيه


معليش سؤال مكرر نسمت الكفرات ؟؟ وكم؟؟


امامي خلفي 20

[قرناس صلا]

غريبه , 20 المفروض ما يرده شي حتى بدون دبل

الله يعينك , وده الوكاله وعلى الضمان يفحصون الدبل والقير

[التاهو]

غريبه , 20 المفروض ما يرده شي حتى بدون دبل

الله يعينك , وده الوكاله وعلى الضمان يفحصون الدبل والقير


الدبل شغال وشغلته صح لكن اللي صدمني انه يمشي ومن مجرد ما ارفع رجلي ابمشي بهداوة يبرك

والشي الثاني انا عرف ان المنطقه غراز بس توقعت انه بياخذها وهو يدبي


الكفرات عرضها ماهو مقنعني

[مطارد]

متأكد ان الدبل شغال ؟

[التاهو]

متأكد ان الدبل شغال ؟

ايوالله متاكد ,,, حتى لفيت الدركسون عشان اتاكد من حفر الكفر

والله وهو منطلق تقل الرمل نافورة من تحت الكفر

[ابوعقل]

الكفرات عرضها ماهو مقنعني



اخوي معه واحد 2008

واشوف كفراته عريضه ماشاء الله <<<<<<ماينحت الحلال الا راعيه :D

[عبدالله العبدالله]

و الله مع واحد من العيال 2008 يوكن فل كامل سعودي جنوط 20

مره بس غرز بس المكان الي فيه بصراحه يستاهل التغريز ههههه

كفراته من الوكاله عرضها مشااااااااااااااااااااااااااااااااء الله

[أبو أديب التميمي]

غير اليابان لا تدور

[Ibrahim.O]

^
^
^
رجعنا طير ياللي !!

وش دخل اليابان في السالفه ؟

المهم اخوي صاحب الموضوع ترى السيارة مو كل شيء في الرمل

انا معي اخو موترك ( سييرا 2008 غماره ) وانسم الكفرات 15 وامشي ( بدون دبل )

واهم شيء في الرمل وزنية الموتر يعني تعرف متى تدعس ومتى تفك الدعسه

واذا شبكت الدبل والله مايردني شيء

بخصوص حرارة القير قد تكون مرتفعه لان الموتر جديد واذا استمرت معك لازم تراجع الوكاله

لان اقصى حد طبيعي للحرارة هو 95

واكرر

مره ثانية نسم الكفرات على 15 واشبك الخفيف ( مهوب شرط ) ونزل القير على D2 والله يحفظك :)

[مشعاب2]

اذكر مرة كان معنا تاهو 2003

طلعنا فيه للديسة

والله يا جينا مع اماكن غراز قشرا بكل ماللكمة من معنى

والله ولا غرزنا ابدا

والثانية في شرما على البحر

يوكون واحد من العيال محجر كفراته الاخ 45

المهم كان مغرز وناشب

يوم وصلناهم طلعناهم بالتاهو سلام سلام

[صنقل]

ركب كفرات أعرض وأرفع وبتزين أموره إن شاء الله :)

[ساري 111]

الأمريكي كله مايمشي إلاباالدبل الثقيل !!

طبعاً اذا دخلت النفود حط الثقيل ونزل القير لنمره رقم 2 (في هالحال راح يقوم الموتر بنمره رقم 2 دون المرور بنمره 1) لذالك الموتر راح يكون خفيف وماراح تحس انه بالثقيل
طبعاً اذا هو بـ 2 وجاء غراز قوي اوطلوع نفود وضعف الموتر راح يرد من نفسه لـ 1 وشف كيف العزم اللي يعطيك

وااحب احذرك من شي لاتحط القير بـ d ابداً خصوصاً بالخفيف الخفيف استخدم معه نمره رقم واحد بس وراح يمد معك الى 70 كم وهو مرتاح

ونص ممشى الموتر على السواق والله اني اذكر ادخل النفود والكفرات بهن 40 ويمشي احسن من ممشى الجيوب .. بس اذا بغيت توقف وقف بمكان صح

الخلاصه
راح لنفود ونزل هواء الكفرات الى 15 وشغل الدبل الثقيل ونزل القير لنمره رقم 2 واذا مااعجبك وبيض وجهك تراي ماعندي سالفه .. انتظر ردك

[H I T L E R]

غررريبه و الله

[ابوعبدالله 2]

اخوي ساري عين العقل ماشاء الله نعم اخوي هذه الطريقه الصحيحه في الرمل ولا غير ذالك

[التاهو]

أولاً السلام عليكم ورحمة الله وبركاته

بصراحة ما توقعت التجاوب هذا ولكن إذا دل على شي فوالله انه دليل على ترابط الاعضاء واهتمامهم

انا نزلت الموضوع لان الموتر جديد 2009 وبنفس الوقت خبرتي بالتطعيس كانت على البليزر قير عايدي

ويمكن الخلل فيني انا ,,, ليه لا !!

لي رجعة ان شاء الله للرد على كل مشاركة


محبكم

[التاهو]

الله يعينك

الله يعين الجميع ,,,شكرا لمرورك

[التاهو]

اخوي معه واحد 2008




واشوف كفراته عريضه ماشاء الله <<<<<<ماينحت الحلال الا راعيه :D



مشاء الله ههههههههههههههههههههههههههههههه

فعلا كفرات التاهو اللي معه ماهي عريضه لكن بالتنسيم تضبط نوعا ما

[حمد الذكي]

امامي خلفي 20
ما بعد نسمت
التنسيم 10 ولا 5

[التاهو]

و الله مع واحد من العيال 2008 يوكن فل كامل سعودي جنوط 20

مره بس غرز بس المكان الي فيه بصراحه يستاهل التغريز ههههه

كفراته من الوكاله عرضها مشااااااااااااااااااااااااااااااااء الله


التغريز بالرباضات شي وارد وطبيعي يالغالي

[التاهو]

غير اليابان لا تدور


أولا شكرا لمرورك ثانيا يالغالي الموضوع ماهو للمقارنه ولو بنقارن ترى كل سلعة فيها ميزة وفيها عيب

أنا من عشاق الامريكي والموضوع الهدف منه اولا استفسار وثانيا وضع تكنيك خاص في التعامل مع ناقل الحركة الاتوما تيكي في البر في حالة نفوذ او رباضه او ارض ممطورة ,,, انا راعي بر ومتعود على البليزر طلعتي الاخيرة خلتني اعيد التفكير في مستوى قدراتي وسواقتي ومعرفتي بالتعامل مع السيارة ومع البر


تحياتي لك

[RASHED1384]

ياراعي التاهو الله يعطيك من خيره ويعديك شره نصيحه اذا دخلت به في الرمل قبل كل شي نسم الكفرات 15 وشغل الدبل على الخفيف وانتبه تحطه على الاوتوماتك لانه يفصل ويشبك اكثرمن مره خله على الخفيف احسن

[التاهو]

^
^
^
رجعنا طير ياللي !!

وش دخل اليابان في السالفه ؟

المهم اخوي صاحب الموضوع ترى السيارة مو كل شيء في الرمل

انا معي اخو موترك ( سييرا 2008 غماره ) وانسم الكفرات 15 وامشي ( بدون دبل )

واهم شيء في الرمل وزنية الموتر يعني تعرف متى تدعس ومتى تفك الدعسه

واذا شبكت الدبل والله مايردني شيء

بخصوص حرارة القير قد تكون مرتفعه لان الموتر جديد واذا استمرت معك لازم تراجع الوكاله

لان اقصى حد طبيعي للحرارة هو 95

واكرر

مره ثانية نسم الكفرات على 15 واشبك الخفيف ( مهوب شرط ) ونزل القير على D2 والله يحفظك :)


فعلاً صدقت السيارة ماهي كل شي بالبر والكلام على السواق وهذا اللي صدمني بالموتر لكن راجعت حساباتي ولقيت ان مهارت السائق في مسايسة الموتر والرمل مهمه وممكن تنجيه من مواقف خطيره بعد مشية الله وممكن تجيب له الغايبة ,,, الموتر قوي وبصراحة غرز في رباضه ونسمت له وشال عمره وطلع لكن لا تنسى الوزن ومع ذلك شال نفسه انا كنت على وضع الاتو بالنسبه للدبل وما ادري هل من الافضل وقت الدخول اخليه على الاتو او احطه على الخفيف وهذي نقطه بعد لاني مدري عن ثباته وهل ممكن يفصل او لا اما عن القير فكان في وضع الدي ولاحظت انه يلقم نمر يحاول يرتاح لانه ست تعاشيق وهذا اللي فاجئني حسيت انه هو يتحكم فيني ماهو انا اللي اتحكم فيه على الرغم اني كنت اقدر احول ناقل الحركة الى وضع التحكم باليد مانوال يعني واتحكم بالتغييرات بنفسي وهذي غلطه تنحسب علي بالنسبة لحرارة القير كنت اتابعها من الطبلون لكن ما ظهر دخان او تغيير في وضعه وبمجرد انطلاقه على الرمل انخفضت حرارته وحرارة الموتر لاني ما شلت رجلي عنه وهو مغرز وكان يحفر بالارض ويتقدم على خفيف حتى طلع وحتى حرارة الموتر ارتفعت شي بسيط فوق النصف ولما انطلق رجعت لوضعها في الوسط وحرارة القير بدت تنخفظ بعد


شاكر لك مرورك

[التاهو]

اذكر مرة كان معنا تاهو 2003

طلعنا فيه للديسة

والله يا جينا مع اماكن غراز قشرا بكل ماللكمة من معنى

والله ولا غرزنا ابدا

والثانية في شرما على البحر

يوكون واحد من العيال محجر كفراته الاخ 45

المهم كان مغرز وناشب

يوم وصلناهم طلعناهم بالتاهو سلام سلام


التنسيم مهم جدا والجميع تقريبا مجمعين على ان افضل درجة هي 15 للرمال ,,, ايام موتر الاول كانت الكفرات شاهين وعريضه وكنت انسم على عشرين وكانت توفي بالغرض والموتر ما كنت احنه لانه قديم وكنت ما ادخل الا وانا كني صقر منفلت موتري الحالي ما اكذب عليك دخلت البر ونا ادبي فيه تعرف باقي جديد واحنه في الدعسه وهذا بعد غلط ينحسب علي


كاني عليمي والله قمت اراجع خطواتي خطوة خطوة لان فيه خطا حصل في مكان ما وماهو عيب اراجع واسال غيري


اشكر لك مرورك يالغالي

[التاهو]

ركب كفرات أعرض وأرفع وبتزين أموره إن شاء الله :)


تركيب كفرات اعرض بنفس موصفات الموجوده اللي جت معاه هو الان اول خطوة راح انفذها

الترفيع ما اعتقد له لزوم لان ارتفاع الموتر كافي فقط وقت الدخول في الرمل تحتاج تشيل الربله الامامية اللي

تحت الصدام الامامي حتى ما يجيها شي وتنكسر


شاكر لمرورك يالغالي

[Ibrahim.O]

فعلاً صدقت السيارة ماهي كل شي بالبر والكلام على السواق وهذا اللي صدمني بالموتر لكن راجعت حساباتي ولقيت ان مهارت السائق في مسايسة الموتر والرمل مهمه وممكن تنجيه من مواقف خطيره بعد مشية الله وممكن تجيب له الغايبة ,,, الموتر قوي وبصراحة غرز في رباضه ونسمت له وشال عمره وطلع لكن لا تنسى الوزن ومع ذلك شال نفسه انا كنت على وضع الاتو بالنسبه للدبل وما ادري هل من الافضل وقت الدخول اخليه على الاتو او احطه على الخفيف وهذي نقطه بعد لاني مدري عن ثباته وهل ممكن يفصل او لا اما عن القير فكان في وضع الدي ولاحظت انه يلقم نمر يحاول يرتاح لانه ست تعاشيق وهذا اللي فاجئني حسيت انه هو يتحكم فيني ماهو انا اللي اتحكم فيه على الرغم اني كنت اقدر احول ناقل الحركة الى وضع التحكم باليد مانوال يعني واتحكم بالتغييرات بنفسي وهذي غلطه تنحسب علي بالنسبة لحرارة القير كنت اتابعها من الطبلون لكن ما ظهر دخان او تغيير في وضعه وبمجرد انطلاقه على الرمل انخفضت حرارته وحرارة الموتر لاني ما شلت رجلي عنه وهو مغرز وكان يحفر بالارض ويتقدم على خفيف حتى طلع وحتى حرارة الموتر ارتفعت شي بسيط فوق النصف ولما انطلق رجعت لوضعها في الوسط وحرارة القير بدت تنخفظ بعد


شاكر لك مرورك

نصيحه لاتقرب للدبل الاوتو بتاتا

الاوتو يعدم الدبل عليك وبس

لك على الخفيف و الثقيل فقط

[faris2006]

السلام عليكم
انا عندي تاهو 2007 ورحت به الى الدهناء من عند الصمان حطيته على الاتو ماتك ودخلت ما فيه احسن منه
اول مادخلت كان الهواء 25 وبدون دبل ثم نزله مضطر في خبه ونسمت الى 15 وعشقت الدبلوماشاءالله مشاء زي الحلوه
اما حرارة القير ما نظرتها

[التاهو]

الأمريكي كله مايمشي إلاباالدبل الثقيل !!

طبعاً اذا دخلت النفود حط الثقيل ونزل القير لنمره رقم 2 (في هالحال راح يقوم الموتر بنمره رقم 2 دون المرور بنمره 1) لذالك الموتر راح يكون خفيف وماراح تحس انه بالثقيل
طبعاً اذا هو بـ 2 وجاء غراز قوي اوطلوع نفود وضعف الموتر راح يرد من نفسه لـ 1 وشف كيف العزم اللي يعطيك

وااحب احذرك من شي لاتحط القير بـ d ابداً خصوصاً بالخفيف الخفيف استخدم معه نمره رقم واحد بس وراح يمد معك الى 70 كم وهو مرتاح

ونص ممشى الموتر على السواق والله اني اذكر ادخل النفود والكفرات بهن 40 ويمشي احسن من ممشى الجيوب .. بس اذا بغيت توقف وقف بمكان صح

الخلاصه
راح لنفود ونزل هواء الكفرات الى 15 وشغل الدبل الثقيل ونزل القير لنمره رقم 2 واذا مااعجبك وبيض وجهك تراي ماعندي سالفه .. انتظر ردك



أشكلر لك مشاركتك يالغالي واعتقد ان شبك الثقيل على طول بيتعب الموتر مثل ما حصل معي

وابشر انا بجربها ورد منك

لازال يوجد خلل يمكن فيني وهو الارجح


:)

[لن أمل من العطاء]

السواق دوره مهم


انا معي 99 اكبر انواع المحركات وافضل انواع الجير وكه ذلك اغرز في ادنى تغريزه لاني وبصراحة لا اعرف للصحراء ابدا اما في الجبال فانا وماشاء الله محترف جدا

شريت ميتسوبيشي ونيت مثل النمله 6 سلندر وايضا غرزت

الان عندي عقده نفسيه من الصحراء
يمكن اغرز بارجولي

اشكرك على اختيارك للتاهو


اخوك

لن امل من العطاء

رأيك في التوقيع
يخوف صح

[أبن مصاول]

أنا جربت يوكون 2006 ويوكون دينالي 2007 أشهد بالله شهادة حق أنهن السيارات اللي تزبن وبدون تنسيم كفر بل كلهم اطلعبهم لنفود غزيرة وهن على ضغط 35 ولو أبي احطهن على 15 ما يحتاج دبل والمكينه جديده و8 سلندر!!

أنا مجرب أكثر انواع السيارات الأمريكيه وخاصة السسيرا والله ياني أقطع عليها اماكن في أطراف الربع الخالي ما تتصورون كيف غزارتها ولكم اكبر مثال ان سيارات ارامكو كلها Gm ولم نعاني مما تتحدثون عنه!!!!!!!!!

أبن مصاول

[راعي هوى]

ياخوي نسم وتنسم :) الصعداء يازين ماخترت وربي يرزقك من خيره ويكافيك شره

[أبونواف42]

السلام عليكم اخوي اتمنا انك لا تيأس انا كان مع يوكون 2003 ممتاز وبعته لظروف خاصة وبعدين الحمد لله شريت 2008 الحقيقه ممتاز طبعآ جنط 20 الحقيقه الجنوط صح عريضه بس قاسيه على السيارة يعني لو بتدخل النفود وتنسم مثلآ 15 بتصير الجنط على الأرض يعني ادنى حصاة بتكسر الجنط وبعدين بيصير طامن الله يعينك على اللحية تنعدم , فاقمت يوم جاء الشتاء رحت للغرابي وأشتري جنط 17 نضيف وركبت عليه بالون ماكسس ماشاء الله تبارك الله الصراحه فرق كبيييييير عن اول ماتحس بالمطبات وراحة وارتفع الموتر وصار شكله خطيييير بس بوه عيب وهو انه ثقل شوي يعني المفروض أخذ جنط 16 أفضل حسب كلام واحد من العيال راعي طيور معوه سفاري قد ركب 17 وبعديين غيره 16 يقول فررررق كبير
فا انصحك انك تغير الجنط 16 وتركب كفرات اعرض أو بالون انت وأختيارك وتخليهن للبر ولين جا الصيف رجع حكت الوكالة وخل ال 16 للشتاء وهذي الطريقة جربته وممتازة جدآ هذي تجربتب وأتمنا ان تستفيدون منه والسلام عليكم
أخوك ابونواف

[ابو فهد 1]

مرحبا اخوي

اخبارك انشاء الله بخير

انت يوم تدخل النفود شبكت الدبل الخفيف

((طيب انت فصلت مانع الانزلاق )) هذا الاهم لو انت مافصلت المانع الانزلاق هو المشكلة

لانة اذا دعست بطلعة نفود تحس ان الموتر يمسك ويكون ثقيل

مادري انت متاكد انك شابك الدبل الخفيف والا اوتو يعني فرار الدبل الاولى والا الثانية



انتظر ردك

والسلام عليكم

[ابونواف]

ابوفهد1

مانع الانزلاق يفصل اتوماتيك مع الدبل ماعدا الأوتو

وللتذكير قير التاهو 2009 يتحول للعادي وهوطبعاً أفضل في البر

وأنت يخوي تحتاج للتدريب على السيارة لأنها أكبر من البليزر وتحتاج قيادة غير
أتوقع هذا اللي حصل لك
ولا السيارة جبارة ماشاء الله
أنا معي يوكون 2009 ماشاء الله تبارك الرحمن قوية صح ان القير كان فيه مشكلة وغيروه لكن ما اهضم حق السيارة القوية بامكاناتها

[التاهو]

غررريبه و الله


ما الغريب الا الشيطان

السيارة على الدي والدبل على الاتو والرمل جامد والمنطقه غراز وهذي غلطه المفروض التنسيم كل الكفرات 20 او 15 والقير اخليه على وضع التبديل اليدوي واخليه ما بين الواحد والثاني والدبل المفروض على الخفيف بدون اوتو أما التنسيم كان على 30 وبعض الكفرات على 25 وهذي غلطه بعد ومع ذلكشال نفسه وطلع بعد ما تعبني وتعبته

اعتقد اني بديت اضع يدي على الاخطاء اللي ارتكبتها

شاكر لك مرورك يالغالي

[التاهو]

اخوي ساري عين العقل ماشاء الله نعم اخوي هذه الطريقه الصحيحه في الرمل ولا غير ذالك



يا هلا بك واشكر مرورك

[التاهو]

ما بعد نسمت
التنسيم 10 ولا 5


هههههههههههههههههههههههه


لا والله بعد :D

[التاهو]

ياراعي التاهو الله يعطيك من خيره ويعديك شره نصيحه اذا دخلت به في الرمل قبل كل شي نسم الكفرات 15 وشغل الدبل على الخفيف وانتبه تحطه على الاوتوماتك لانه يفصل ويشبك اكثرمن مره خله على الخفيف احسن


امين والله يجزاك خير

كلامك سليم يالغالي وابشر

[التاهو]

السلام عليكم
انا عندي تاهو 2007 ورحت به الى الدهناء من عند الصمان حطيته على الاتو ماتك ودخلت ما فيه احسن منه
اول مادخلت كان الهواء 25 وبدون دبل ثم نزله مضطر في خبه ونسمت الى 15 وعشقت الدبلوماشاءالله مشاء زي الحلوه
اما حرارة القير ما نظرتها


التنسيم مهم جدا ويريح الموتر ومن واقع تجربه في البليزر لكن الموتر جديد وغرني انه جديد وكلامك سليم يالغالي واشكرك على اضائتك

[التاهو]

السواق دوره مهم


انا معي 99 اكبر انواع المحركات وافضل انواع الجير وكه ذلك اغرز في ادنى تغريزه لاني وبصراحة لا اعرف للصحراء ابدا اما في الجبال فانا وماشاء الله محترف جدا

شريت ميتسوبيشي ونيت مثل النمله 6 سلندر وايضا غرزت

الان عندي عقده نفسيه من الصحراء
يمكن اغرز بارجولي

اشكرك على اختيارك للتاهو


اخوك

لن امل من العطاء

رأيك في التوقيع
يخوف صح



انت خبره في الامريكي مشاء الله عليك وانا من متابعينك يا صبي غامد من بداية دخولي للمنتدى

الموتر تاهو 2009 دبل واحتاج نصائحك وخبرتك وتنبيهاتك

باالنسبه لارتفاع حرارة القير هل لها حل ؟؟؟ وبالمناسبه من بعد التغريزة الى الان لم الحظ اي شي غير طبيعي على القيرعلى العكس وضعه طبيعي جدا

ولكن سؤالي للمستقبل

اتمنى انك ما تبخل بها

[التاهو]

أنا جربت يوكون 2006 ويوكون دينالي 2007 أشهد بالله شهادة حق أنهن السيارات اللي تزبن وبدون تنسيم كفر بل كلهم اطلعبهم لنفود غزيرة وهن على ضغط 35 ولو أبي احطهن على 15 ما يحتاج دبل والمكينه جديده و8 سلندر!!

أنا مجرب أكثر انواع السيارات الأمريكيه وخاصة السسيرا والله ياني أقطع عليها اماكن في أطراف الربع الخالي ما تتصورون كيف غزارتها ولكم اكبر مثال ان سيارات ارامكو كلها Gm ولم نعاني مما تتحدثون عنه!!!!!!!!!

أبن مصاول


انا محترف بالقير العادي

القير الاتو كانت اول تجربه لي وانا ما اعيب السيارة بقدر ما ابحث عن اخطائي

ومنك اتعلم :)

[التاهو]

ياخوي نسم وتنسم :) الصعداء يازين ماخترت وربي يرزقك من خيره ويكافيك شره


هههههههههههههههههههههههههههه

الله يسعدك مثل ما ضحكتني


ااامين والله يجزاك خير

[gmc vortec]

والله يالغالي معنا يوكن وونيت
كلها بالنفود ماشاء الله خاصه الونيت
انسم وامشي واشبك الدبل للحاجه والقير العادي يطربك
وبالتوفيق ان شاء الله

[ابوعقل]

التاهو

انا رحت الوكاله وشفت كفرات التاهو 2009 صغيره

تختلف عن كفرات التاهو 2008 اعرض

مريت وكالت الخبر التوكيلات

[ملاهد]

لاحظ انك في الشتاء لو في الصيف مشكله اكبر

[مطاربروق]

80% من السواقه في الرمال من السواق انا اعرف واحد يتمشي في رمال الثمامه بكورلا ويمر من جنب جيوب مغرزه
ولكن التاهو من السيارات القويه في الرمال اخو ي افحص سيارتك يمكن يكون فيها شى والله يعينك :d

[ford]

اخوي الله يبارك لك في الموتر ويعطيك خيره ويكفيك شره والاخوان ماشاء الله ماخلو شي بس حبيت اذكرك لك عدة نقاط خذها في عين الاعتبار وبالذات في الامريكي لاتتهاون في التنسيم لازم تنسم قبل ماتدخل باذات ان موترك طامن افصل مانع الانزلاق شغل ادبل الخفيف والقير علي اثين ولا يهمك اللي يقولك القير فيه خاصية العادي والتماتيك حط القير علي 2 واترك عنك خرابيط الوكاله وحاول ترفع الموتر اذا انت ناويه للبر ترا ارتفاعه مايصلح الا للديره

[التاهو]

السلام عليكم اخوي اتمنا انك لا تيأس انا كان مع يوكون 2003 ممتاز وبعته لظروف خاصة وبعدين الحمد لله شريت 2008 الحقيقه ممتاز طبعآ جنط 20 الحقيقه الجنوط صح عريضه بس قاسيه على السيارة يعني لو بتدخل النفود وتنسم مثلآ 15 بتصير الجنط على الأرض يعني ادنى حصاة بتكسر الجنط وبعدين بيصير طامن الله يعينك على اللحية تنعدم , فاقمت يوم جاء الشتاء رحت للغرابي وأشتري جنط 17 نضيف وركبت عليه بالون ماكسس ماشاء الله تبارك الله الصراحه فرق كبيييييير عن اول ماتحس بالمطبات وراحة وارتفع الموتر وصار شكله خطيييير بس بوه عيب وهو انه ثقل شوي يعني المفروض أخذ جنط 16 أفضل حسب كلام واحد من العيال راعي طيور معوه سفاري قد ركب 17 وبعديين غيره 16 يقول فررررق كبير
فا انصحك انك تغير الجنط 16 وتركب كفرات اعرض أو بالون انت وأختيارك وتخليهن للبر ولين جا الصيف رجع حكت الوكالة وخل ال 16 للشتاء وهذي الطريقة جربته وممتازة جدآ هذي تجربتب وأتمنا ان تستفيدون منه والسلام عليكم
أخوك ابونواف

وعليكم السلام يا هلا بك ابو نواف

مقاس الجنط 17 وفعلا التنسيم ظروري والغلط اللي ارتكبته ما نسمت صح كنت اعتقد انه عشرين لكن كان مختلف في الكفرات نصيحتك بجنط 16 حلوة لكن جنط 17 يوفي لو كنت نسمت له صح وكفرات التاهو 2009 ماهي بذاك العرض ,,, انا ما انكر ان بدايت موضوعي كانت ضد السيارة ولكن بعد كلام الاخوان عساني لا اخلا ولا اعدم منهم اكتشفت ان الخطا كان فيني انا على الرغم من خبرتي بالتطعيس الا اني ارتكبت اخطاء ماكان يجب ارتكبها اولا اعتمد على ان الموتر قوي وجديد وبيمشي ونسمت الكفر لكن بدون تركيز على وزن الهواء والشي الثاني اني ما تعاملت كما يجب مع الوضع يعني كنت في رمل غراااااااز بمعنى غرااااااااز واعتمد على الموتر بالخروج وخرج ما قصر لكن بعد ما فحط لين قال بس وهذا خطا وخطا كبير جدا الامر كان يحتاج مسايس يعني تنسيم ودوس للبنزين برفق وحكمة ماهو على مهل ولا بالمطامر اللي يهلهل السيارة


اشكر لك مرورك

[التاهو]

مرحبا اخوي

اخبارك انشاء الله بخير

انت يوم تدخل النفود شبكت الدبل الخفيف

((طيب انت فصلت مانع الانزلاق )) هذا الاهم لو انت مافصلت المانع الانزلاق هو المشكلة

لانة اذا دعست بطلعة نفود تحس ان الموتر يمسك ويكون ثقيل

مادري انت متاكد انك شابك الدبل الخفيف والا اوتو يعني فرار الدبل الاولى والا الثانية



انتظر ردك

والسلام عليكم


ما نع الانزلاق لا والله ما فصلته والدبل كان على الاتو ماكان مثبت على الخفيف والقير كان على الدي

وبالمناسبه قير التاهو 2009 يختلف ترى مافيه 3 و 2 و1

فيه D , M

الدي يمشي تماتيك ويعشق 6 نمر يخلصها وهو حول المية وعشرين تقريبا واحيانا احسه لقم تعاشيقه كلها قبل يوصلها

بالنسبة للوضع M فهو يعني manual يعني يدوي وفيه انت اللي تقوم بالتغيير بنفسك وفيه ميزة انك انت ونت ماشي عليه مثلا من الصفر وبديت تتسارع فقط اضغط على اشارة الزائد في القير وهو يلقم النمر اللي بعدها ولا يتجاوزها لين انت تلقمه النمره اللي بعدها بنفسك ميزته ان مسكت بريك وهديت السرعه هو يرجع النمر لحاله تلقائيا على الرغم ان عندك مؤشر السالب على عصى القير لارجاع النمره السابقه لو بغيت هو مفيد في الطلوع لو انخفظ معدل السرعه تقدر ترده بنفسك نمره ويشيل عزمه من جديد


انتظر ردك يالغالي

[التاهو]

ابوفهد1

مانع الانزلاق يفصل اتوماتيك مع الدبل ماعدا الأوتو

وللتذكير قير التاهو 2009 يتحول للعادي وهوطبعاً أفضل في البر

وأنت يخوي تحتاج للتدريب على السيارة لأنها أكبر من البليزر وتحتاج قيادة غير
أتوقع هذا اللي حصل لك
ولا السيارة جبارة ماشاء الله
أنا معي يوكون 2009 ماشاء الله تبارك الرحمن قوية صح ان القير كان فيه مشكلة وغيروه لكن ما اهضم حق السيارة القوية بامكاناتها


أقول مشاء الله تبارك الرحمن لا قوة الا بالله


القير والمكينه والمعدات كلها واحده يالتاهو واليكون ونا خذيت التاهو لان شكله جاز لي فقط

وانا اشهد ان الي صنع مكينته وقيره من نسل شيطان ماهو من نسل انس

التاهو جبار جبار جبار وعلى غشامتي في التعامل معاه وعلى ثقله شال نفسه من التغريزة والله اني لحسيته

يحفر بالرمل واحسه يزحف على بطنه من التغريزة وشال نفسه وخرج

شاكر ومقدر مرورك يابو نواف

[التاهو]

والله يالغالي معنا يوكن وونيت
كلها بالنفود ماشاء الله خاصه الونيت
انسم وامشي واشبك الدبل للحاجه والقير العادي يطربك
وبالتوفيق ان شاء الله


انشهد التنسيم بعد مشيئة الله واختيار الوضع المناسب للدبل والقير وقبلها توفيق الله ومشيئته والامور تزين بحول الكريم


الله يوفقك ويسعدك

وتكفى لا تقطعنا من توجيه او ارشاد والله ما نستغني يالغالي لا منك ولا من كل اخواني اللي ما قصروا معي بالردود

[التاهو]

التاهو

انا رحت الوكاله وشفت كفرات التاهو 2009 صغيره

تختلف عن كفرات التاهو 2008 اعرض

مريت وكالت الخبر التوكيلات


اللي قهرني يوم غرزت معي المعزبه وخابرتني زين لكن يوم طبيت والله ما تشوف الا انواع الحراج والتريقه

مصخرتني :(

اقول الكفرات ترى ماهي عريضه واحاول افهمها ولكن تفهم مين

بقلبها حره من الصبح وطلعتها ما قصرت :p

الكفرات يالغالي فعلا ماهي عريضه ولا اعتقد انها صممت للرمل ولو بتنسم مثل ما تفضل واحد من اخواني هنا يبغالك تخليها على 10 ولا 5 بعد


اشكر لك مرورك يالغالي

[التاهو]

لاحظ انك في الشتاء لو في الصيف مشكله اكبر


ترى ما فهمت قصدك يالغالي من ناحية المشكلة اكبر

قصدك على الحرارة ؟؟؟؟؟؟؟

[التاهو]

80% من السواقه في الرمال من السواق انا اعرف واحد يتمشي في رمال الثمامه بكورلا ويمر من جنب جيوب مغرزه
ولكن التاهو من السيارات القويه في الرمال اخو ي افحص سيارتك يمكن يكون فيها شى والله يعينك :d


البلا برجليني وغشامتي طال عمرك لانها اول مره اطعس بقير تماتيك في حياتي

ومانزلت الموضوع الا عشان اقدر بمساعدتك احدد باي مكان اخطيت وكيف اتلافا الخطا


تسلم على مرورك يالغالي

[YaMaTo]

اخوي التاهو

لا تشيل هم
الارتباك والخوف على الموتر يخليك توسوس

حرارة القير عادي مادامك داعس للموتر ولو لاحظت انها تنزل الحرارة اول ما يمشي مشي عادي

انا قد وصلت الحرارة 110 وانا في صعود وطريق مزفلت ومن يوم انتهى الصعود رجعت للمعدل الطبيعي

انتبه تمشي على الدبل الثقيل بسرعة اكثر من 40كم
وزي ما ذكرو الشباب التنسيم قبل الدخول هو السر يعني مهو بعد التغريزة:d

والشي الاهم هو انك تفصل مانع الانزلاق (الزر اللي تحت المكيف على اليمين ) من يوم تشبك الدبل لانه ما يفصل اتوماتيك الا مع الدبل الثقيل

ايضا من المهم انك تداري عليه لو غرزت لان صداماته كلها كبس من يوم تلمس الرمل تتفكك من اي ضغط سواء قدام او ورا وكثير تفككت صداماتهم من التغريز

انا عندي 2008 جنط 20
الهوا قبل النفود احطه18
وافصل التراكشن واتندح انا وياه على كيفي بالدبل الخفيف

الموتر جربته في مناطق كثير من النفود الكبير الى الصما في الجنوب واللي تعتبر من اوعر العقبات المعبدة
وما خليت فيه مكان

وعز الله انه موتر
بس لاتنسى تشيك عليه اول بأول

النقطة الاخيره
اذا انت نويت تكشت مكشات للنفود انصحك تفك الصاجة الامامية (الدقن)
وهي مسمارين والباقي كبس عشان ما يعيق الحركة

تحياتي