سؤال محرج لتويوتا وخطيرررررر شارك برأيك؟؟؟صور

[وادي عبقر]

بعض هوات سيارات الصالون اللاندكروزر يفضلون موديل على آخر فما الموديل المفضل لديك ؟؟؟
اسمع ان المسألة صارت ربح وخسارة يعني المصنع يريد يصل لاعلى ارباح فيكون هناك اختصار في التكاليف
على حساب الجودة سوف تجد سرعة ومنظر خداع ودعاية للبيع لكن الصيانة مسألة وقت والمتانة اي كلام
أسمع أن 97 لايزال متفوق الى الآن في عدة نواحي :-
1- جمال المظهر
2-المتانة
3-المواصفات
4-الجودة
5-متعة القيادة
6- الحفاظ على السعر
7-سهولة الصيانة
.................................................. .........................الخ


سنستفيد من رايك قبل ما نتورط

http://www.toyota4arab.com/forum/attachment.php?attachmentid=2&stc=1

تم حذف الصورة من قبل مشرف الخيمة لمخالفتها قوانين المنتدى

[Bader-M]

........
شف ياطويل العمر و السلامه
بنسبه للمديلات الاند كورز
92 - 97
هذه يجي الدبل حقه دفرنش
اما
98 - الخ
فهو ياتي عكوس
طبعا
العكوس اقوي و انشط
ولكن لا تتحمل او تصبر مثل الدفرنشات
( ولكن هذا لا يعني ان العكوس ليست عمليه );)
او كثير خربها
وتمتاز ايضا انها
تقلل من استهلاك الوقد
عكس الدفرنش
اعتقد ان هذا اختلاف بين هذه المديلات
والله اعلم
.......
تقبل تحياتي

[وادي عبقر]

بسم الله الرحمن الرحيم


وعليكم السلام ورحمة الله وبركاته

اشكر الاخ طاير بالجنة بعد طول عمر انشاء الله وسلامة وغنامة
كلامك جميل
واضيف الصنعة الاخيرة ماعادها بسناعة السيارات الاوله الجماعة ما يبون يكلفون انفسهم يبون ربح وبيع لقطع الغيار يركب لك شوي فلابر على ماطور سرعة بدون عمر وفرحة سنة او ثنتين اذهب للطرق الصعبة والعقيب بالطايف بالنماص بابها بجيزان واسمع كلام الناس على الموديلات 84و89و94و97وبس
وسلامتك

[ابو ايمن]

الحقيقة ان معظم السيارات

موديلات حتى 97 أفضل بكثير من الجديدات .

وشكرا على الموضوع .

ههههههههه أخوي وادي عبقري .. هذا خوينا . طاير العجة .. ماهو طاير بالجنة .

الله يرزقنا واياكم والمسلمين الجنة ان اشاء الله .

تحياتــــي .

[وادي عبقر]

شكرا يا ابا ايمن الكريم على كلماتك

بالنسبة للاخ طاير بالعجة فانا عارف اسمه لكن من باب ذكر امنيتنا جميعا نسأل الله بكرمه ان يجعلنا من اهلها بعد طول عمر وحسن عمل وسعادة في الدارين

ابدي اسفي للأخ المشرف على الصورة ولقد اخذتها من منتدى تويوتا العرب ومن خلال نظرة سريعة غير فاحصة نزلتها ولم احقق بالخالفات التي بها

[وادي عبقر]

شكرا يا ابا ايمن الكريم على كلماتك

بالنسبة للاخ طاير بالعجة فانا عارف اسمه لكن من باب ذكر امنيتنا جميعا نسأل الله بكرمه ان يجعلنا من اهلها بعد طول عمر وحسن عمل وسعادة في الدارين
أهم شي اني ضحكتك عسى تدوم هالضحكة لك وللجميع الى الجنة
ابدي اسفي للأخ المشرف على الصورة ولقد اخذتها من منتدى تويوتا العرب ومن خلال نظرة سريعة غير فاحصة نزلتها ولم احقق بالخالفات التي بها

[مهيلان]

سلام عليكم
باختصار شديد

من 92 ــ 97 البودي افضل

من 98 ــ 2004 المحركات افضل ,


ودمتم سالمين

[Y&Y_4X4]

تكفون يالربع اسمحولي يبدو اني ماناب متابع زين..

وشي المخالفة بالصورة ؟

الله لا يهينكم،،

[كايين]

والله من ناحية البودي ممكن اذا كان قصدك على القوه اما الجمال الخارجي الجديد افضل بكثييير !!

ومن ناحية المحرك صار 8 سلندر و( هايدروليك ) ومواصفات دلع وراحه داخل

هذا غير استخدام تقنيات اعلى بالنسبه للانظمة
مثل نظام الهزاز
ونظام التحكم بالجر
ونظام الدفع الرباعي الاوتوماتيكي ..

طبعا المواصفات الاعلى تحتاج لصيانه اكثر وهذا شي طبيعي ..

هذا رأيي ويعطيك العافيه .. :)

[وادي عبقر]

الشكر لجميع الاخوة من سبق ومن لحق مهيلان ،واي4*4وكايين

خذوا هالرد المنسوخ من تويوتا العرب للمشارك اسد



الأخ راعي الصالون اشكرك كثيرا على شرحك الجميل وبعد قراءة موضوعك قررت أن أجرب بنفسي كلامك واحد معه صالون فكس آر 3 يعني كامل 97 أخذناه وسقناه ومشينا فيه لسرعة يمكن
165وما شاء الله
مريح قوي متماسك راسي جميل من الداخل والخارج يعني مسكت
بعدين ذهبنا واستأجرنا واحد 2002 ماشي قريب من 50000وضننا بنحصل شيى افضل بكثير ولكن سبحان الله وجدنا الفرق تقول تسوق هونادي اول الملحوضات طبلون غير انيق ابواب كذلك
لما مشينا شعرنا بتوازن غير مطمن مشيناها قرابة 600كم
جربنا الدبل معقول ولافرق مع السبعة ويكن السبعة ادفع
المشي على التراب جميل المشي على الاسفلت غير جميل ما تجرأنا نزيد على 130تشعر كان الموتر ريشة في مهب الريح
وهنا عرفنا ليش السبعة اغلى بل لوقررت اشتري افكر بالسبعة لو وجدت زين
واما ما تفضلت من كثرت الفكس آر فذهبنا لسوق الرياض ما وجدنا على كلامك فكس ار كامل يكون اعداد محدودة يمكن واحد اواثنين باسعار خيالية 1002الف 95الف بينما الجكس اقل والمطور كذلك اشكرك ثانيا والاهم الاصلح للمسلمين ولا عليك من من يصنعون هالسيارات همهم الفلوس بس ولوكيل لو يجيه صيني سوى له دعايه حتى يحطه فوق الجبل وشوف عند وكيل دير وش يقول عليها .

اما يوم اقول مواصفات متكامل تحصل 97واقل ونش وهزاز الخ متوفر ونضيف وسعر في اليد
لكن من 98 ما تحصل يكون 8سرندل وتحصله غالي وغير مطمن في البيع والاستخدام

[الشقردي]

معليش المقارنة غير عادلة يا وادي عبقر ؟؟؟

شلون تقارن 97 استخدام شخصي مع سيارة أجار 2002 ؟؟؟؟
أعتقد انه من الطبيعي يكون الـ2002 غير مطمئن عند السرعة لانه ممكن يكون مقلوب ولا مصدم.وتلقى أكثر من يد لاعبه فيه لعب !!!
عموما انا ما جربت الـ97 بس معي 98 VXR2 ما أشوف اللي تقول من عدم رساوته على الخط أما الطبلون والامور الشكلية فيه أذواق وتختلف باختلاف الناس ولولا اختلاف الاذواق لبارت السلع
وكل(ن) له وجهة نظر

واسلم وسلم

[وادي عبقر]

شكرا يا اخ شقردي والشكر موصول للجميع

قالوا يمدح السوق من ربح فيه والصالون قد لايتأثر مع اختلاف الايدي اعرف واحد عنده صالون ماشي فوق 450اف وماشاء الله وهذي هدية للجميع وينك يا اخ طاير بالعجة

http://www.shammel.net/vb/attachment.php?attachmentid=2997&stc=1

[رياض الجزيرة]

السلام عليكم ورحمة الله وبركاته
اخوي وادي عبقرانا عندي vxr2002 والحمد لله ماشي معي زي الحلاوة وراسي في الخط وتحس ان معك سيارة في البران والطعوس وغير ذا جربته مره ووصلت حول 180كم في الساعة والله صراحه راسي وثابت ولا تحس انك تمشي هالسرعه بالعكس تحس انك ماشي 110 او 120 هذي مجرد معلومة مجرب ومستخدم للــ 2002 وسلامتكم .
محبكم/ رياض الجزيرة

[جميل جمال]

اللاند الجديد ما عليه كلام يا جماعه ..

اما عن كلام اخوي وادي عبقر انه جرب الجديد وهو حق اجار وقارنه بقديم استخدام شخصي فاقول مثل ما قال الشقردي انها مقارنه غير عادله لانه سيارة الاجار سايقها ناس كثير واحتمال انه يكون مصدوم او مقلوب احتمال كبير ...

[وادي عبقر]

شكرا لاخواننا شقردي ورياض الجزيرة وجميل جمال ولمن سبقهم

اختلاف الراي لايفسد للود قضية

هل تعلمون في هالايام محصل 89 فكس ماشي 170الف يقول بكم ودفع له كم
؟
؟
؟
؟
؟يقول ب 55ألف
ودفع له واحد قال لي بنفسه وهو ثقة 50الف

واحد آخر عنده واحد 2001 بكم
؟
؟
ب60الف

واحد 97 فل كامل

بكم

:
؟
؟
ب95الف

وها الأسعار مالهن اسبوعين

[ذيب البر]

انا معي واحد موديل 93 الحمد لله ماشي تمام وافضله على الجديد


وقبل سنتين شريت واحد نظيف مره موديل 97 من شايب خارج الرياض وصراحه ما كان

لي فيه حاجه بس اعجبتني نظافته وكنت اتوقع اخوي يبيه لاني خابره يدور المهم ما اطول

عليك شريته من الشايب ب 81000 الف وجيت عليه للرياض ودخلت في المعارض بعد ما تاكدت

ان اخوي مايبيه ما تصدق وشلون الناس تجمعوا عليه شوي ويطقوني وساموه سومات مختلفه

بعدين رحت وقفته في معرض اسمه المنار عند واحد شايب يومين اوثلاثه الا هو يدق علي يقول

فيه واحد شراي ب 92000 الف ابيع انا ما صدقت قلت ايه بع مريته من بكره وعطاني الشيك

بصراحه ما كنت متخيل انه يجيب ذا السعر بعدها عرفت ان الناس يحبون القديم

من 92 الى 97

تحيااااااااااااااااااااااااااااااااااااتي

[وادي عبقر]

أشكر الأخ ذيب ومن سبق والمهم وين الطيب