المساعد الشخصي الرقمي

مشاهدة النسخة كاملة : ياقروم مكشات وين ازين الفياض ربيع بالصمان


ماجد 2003
03/01/2009, 04:55 PM
ياربعنا ياقروم منتدانا الغالي انا ودي اروح للصمان وكثر الحديث والجدل حول ربيع الصمان
فيه ناس تقول ان ربيعها جيد وتمدح وفيه ناس تقول العكس وتذم

فاللي عنده علم ثبات وماشيا الارض بنفسه فلا يبخل علينا بالعلوم والوصف وان حصلت الاحداثيات مهيب شينه وما طايله منا الدعا الطيب انشاء الله
ابوعبدالله678
03/01/2009, 05:16 PM
اخوي فياض الصمان مليانه من المطر ليلة الخميس ما اظن انك بتشوف شي
ماجد 2003
04/01/2009, 04:37 PM
بارك الله فيك ابو عبدالله وبيض الله وجهك

لكني ناوي علي الخميس والجمعة الجايه ان كانا من الحيين
sosososo
04/01/2009, 04:46 PM
في روضة بربك دغيم و روضة رضيان
جاء فيها مطر يوم الخميس الساعة 8 مساء الى الجمعة .......
يوم مشينا 8صباح ومازال المطر
علي عبد الله
04/01/2009, 04:48 PM
المعترضة وشقران ربيعها طيب جدا .
ماجد 2003
05/01/2009, 07:45 AM
الاخ sososo
كل الشكر علي مرورك الكريم
واعتقد ان دغيم مدهوله دائما من كثرة الناس



الاخ علي عبدالله
كل التقدير
وان شاء الله امرها بس
هل تقصد شقران اللي حول هجريات
اما المعترضه فلا اعلم عنها شي
علي عبد الله
05/01/2009, 07:56 AM
[quote=ماجد 2003;2310146]
الاخ sososo




كل الشكر علي مرورك الكريم
واعتقد ان دغيم مدهوله دائما من كثرة الناس



الاخ علي عبدالله
كل التقدير
وان شاء الله امرها بس
هل تقصد شقران اللي حول هجريات


اما المعترضه فلا اعلم عنها شي


اقصد طال عمرك وعمر اعضاء مكشات شقران اللي حول المعترضة
وتوجد حولها فياض صغيرة ربيعها طيب انا جيتها الاسبوع قبل الماضي اي قبل
المطره الاخيرة واكيد زادتها جمالا. وفقك الله ورجعك الى اهلك سالما غانما بالربيع الطيب والصحبة الطيبة
فدعاني الدمام
05/01/2009, 09:32 AM
سو بحث في مكشات عن فيضة سقراط
فهذه الفيضة من اكتشافي حيث لايوجد إحداثيات لها في القارمن وهي تختلف عن فيضة الشملول الأقرع لأن الشملول الأقرع أنا جيتها ومكانها يختلف عن فيضتي واحداثياتها موجودة في القارمن وإما فيضتي فليس لها حتى رسمة في القارمن
تحياتي لك
شايم النوايف
05/01/2009, 10:07 AM
مشكور يعطيك العافية
tmdmgm
05/01/2009, 10:39 AM
بربك دغيم روعة
فيضة قاعد حلوة
الحاصبيات مهيب شينة خصوصا بعد مطرت هالسبوع
وموفق يالحبيب
ماجد 2003
06/01/2009, 09:11 AM
الاخ علي عبدالله
كل الشكر
انا ما اعرف المعترضه / ممكن تدلني


فدعاني الدمام
شكرا علي مرورك
فيضة سقراط وين هي فيه




الكاسر ياسر


كل التقدير


الله يوفق الجميع
ابو عبدالله 911
06/01/2009, 09:34 AM
الروثية والبخراء (جنان)
هواي البر
06/01/2009, 09:53 AM
اقول يالقرووم

الله لايهينكم ابغي احسن الفياض في الصمان من طريق التنهات ؟؟

لاني ناويه الخميس والجمعه نسير عليها !! ان شاء الله

وان معها احداثيتها ماتقصرون
باترول99
06/01/2009, 12:05 PM
حبيبي ,,
خذ العلم على شي جيته بنفسي قبل كم يوم, قبل المطر بيوم جيت حسنا السبق وهي ربيعها يعني مو ذاك الزود ومن كثر الكشاته فيها منظرها سيئ, حولها تقريبا 3 الى 4 كيلو جنوب منها ردايفها ممتازة جدا ولااحد يجيها ونظيفة ومن افضل ماشفت ..
ام قرين غير نظيفه وغبره وربيعها لك عليه
تمش يمين ويسار الفياض المعروفه بتلقى شي يشرح الصدر محد جاه ,,
وبالتوفيق ..
وادي الرمة
06/01/2009, 02:26 PM
جزاكم الله خير خدمتوا الرجال وخدمتونا :)
سعود محمد
06/01/2009, 03:59 PM
ياخوان فياض منوخ حلوه ومافيها احد يعني لحالك بتجلس فيها
الخادم
06/01/2009, 04:18 PM
اخوي لفيت فياض الصمان
احسنهن البخراء
و شوري عليك ابعد عن المعروفات لسبيبين
1- كثر المرتادين مما يسبب و ساختهم
2- الازعاج من المرور و الموجودين
ماجد 2003
06/01/2009, 04:18 PM
الاخ سعود محمد
بيض الله وجهك
لاكن مانعرف موقعها



الاخ وادي الرمه
ماهي غريبه علي اعضاء منتدانا العزيز
وهذي الهقوه فيهم



الاخ باترول 99


عزا الله ان كلامك في محله 100%


الاخ هواي البر( هاوي البر)
حاول تتطلع على الموضوع كامل بتلقي اجابه لسؤالك


الاخ ابو عبدالله 911
بيض الله وجهك ورحم الله والدينا ووالديك من النار



الاخ سعود محمد


جزاك الله خير ومشكور



الاخ / الخادم


يخدمونك حور الجنه ان شاء الله تعالي
بوسلطان *****
06/01/2009, 08:00 PM
لمن سئل عن موقع أو احداثيه
خبراء رديفة البخراء
N 27 15.020


E 046 37.341
وشعارنا هو اترك المكان أفضل مما كان ليذكرك الزمان
برق الربيع
06/01/2009, 09:22 PM
انا رحت فيا ض ام المصران

والله على مستوى وصورنا فديو

والله قمت المتعه
ماجد 2003
07/01/2009, 08:14 AM
الاخ حمسة قناد
يعطيك العافيه علي التجاوب
والله يجزاك خير

الاخ برق الربيع
بيض الله وجهك علي العلوم الطيبه
هواي البر
07/01/2009, 08:59 AM
اخوي الخادم
بالنسبة البخراء وين طريقها معه من عند التنهاة !!

لان اريد افضل الفياض الصمان الي من عند طريق التنهات !!!
ماجد 2003
10/01/2009, 08:59 AM
السلام ليكم ورحمة الله وبركاته
انا يا اخوان اخذت لفة في الصمان وهي كالتالي ( الصلعا ــ دحل ابالهول ــ حسنه ــ البخراء ــ الحاج ــ دغيم ــ شقران )
واحب اقول لكلا من اخواني بيض الله وجيههم
الاخ علي عبدالله
عز الله ان ازين الفياض اللي جيناها وارفعها روض واشرحها صدر واطيبها ربيع هي ( شقران )لاكن ياخوي المعترضة ما لقيتها لابالخارطة حقت الشلاش ولا بخرايط القارمن 76


الاخوان


الخادم
ابو عبدالله911
حمسة قناد


كلامكم في محله وعزالله ان البخرا ازين الفياض اللي حولها
ثم بعدها الحاج واللي حولها



ولاكن اذا انا ابرتبها
1/ شقران 2/البخرا 3/ الحاج