ودي أركب ريموت تشغيل السيارة عن بعد ؟؟؟؟

[تابير]

صبحكم الله بالخير يالمكاشيت الأعزاء
عندي تاهو 2005 ودي أركب ريموت يشغل السيارة عن بعد
السؤال : هل يضر السيارة ووضعه آمن ؟
وبحدود كم أسعاره حتى الواحد يكون على بصيرة يا أخوان اللي عنده معلومة أو مجرب يفيدنا
والله يجزاه ووالديه الجنة

[راجح]

الله يطرح لك فيه البركة ..

ويفدك من لديه خبرهـ بإذن الله ..

[ابو ســــاره]

انا كنت مركبه على باثفيندر الصراحة انه خيال يريحك في تشغيل السيارة في الشتاء حتى لو السيارة في الشارع موقفه ما احد يقدر يصرقها لانها مجرد ما يفتح احد الباب تطفى السيارة ويشتغل الانذار .
افضل نوع موجود في السوق حسب تجربتي اسمه كوبرا وكيله مؤسسة صل في الغرابي ويجي عليه رشعار شركة ساكا ركبه عندهم فيه فلبيني عندهم ممتاز يكلفك حدود 250 ريال

[سوسة حطب]

كتقنية تعتبر جيدة وخصوصا هذه الأيام ولكن يبقى السؤال الذي يشغل كل مواطن من لديه الخبرة في التركيب يعني بالعامية
من يركبه لي ويضمن شغله ما يضر أي شي في السيارة بحكم أن الييوكن من السيارات الإلكترونية والحساسة جدا ولو رحت للغرابي بتحصله كلهم كهربائيين بس وين إللي يضمن شغله مو إذا ركبته وخرب قالك والله العطل مو مني وبدا يصرف

[الجندي2005]

انصحك بدراسة الموضوع جيداً خوفاً من مضاعفات تحصل لاحقاً

وبالتالي يحصل الندم في حين لا ينفع الندم ،،،،،،،،،،،،،،،، ( صارت خطبة )

[راعي المجهم]

أنتبه لا يركبونه لك غلط بعدين يحصل ماس يحرق عليك السيارة كاااااااملة

كثير أنحرقت سيارات بسبب جهاز النشغيل وتركيبه الغلط

[ابو رياف]

نصيحة من مجرب
ركبت بالفكس ار لكي يريحني في الصباح ونصحني واحد انه يدمر السلف ولم استمع له وبعد 6 شهور بدا يدور السلف بوش فاضطريت لتغيير السلف والكهربائي قال من الريموت لانه يعطي شحنه اكبر من المفروض وصولها للسلف وتحياتي

[ابو ســــاره]

صحيح الجهاز له وزن لكهرب السلف افضل شي توزنة على اقل شي بحيث يوصل كهرب بصيط ولا يركبه لك الا كهربائي ممتاز انا استخدمته على باثفيندر 5 سنوات وما شفت الا العافية وكذلك على لاندكروزر قديم

[ناوي نيه]

طيب اذا كان الموتر قير عادي ومايشتغل الا اذا ضغت الكلتش
يركب عليه..؟

[ابو ســــاره]

اذا كان الموتر قير عادي تلقى تحت الكلتش زر تائمين مثل الاندكروزرالفين وثمانية افصل الفيش من الزر واشبك فيه قطعة سلك او سيم وينلغي التائمين انا مسوي هالطريقة .

[راعي الطلعات]

صبحكم الله بالخير يالمكاشيت الأعزاء

عندي تاهو 2005 ودي أركب ريموت يشغل السيارة عن بعد
السؤال : هل يضر السيارة ووضعه آمن ؟
وبحدود كم أسعاره حتى الواحد يكون على بصيرة يا أخوان اللي عنده معلومة أو مجرب يفيدنا

والله يجزاه ووالديه الجنة

:no2:
نصيحه لوجه الله مادام معك تاهو لا تلعب في الكهرب انا كان معي ونيت هايلوكي وركبت ريمت على الاقل يفتح البيبان ويقفلها ولعب في الفيوزات والبطاريه

التاهو كله كهرب في كهرب موزون من الوكاله يعني يمكن يضره اذا اضيف له شي زايد من ناحية الضغط او السحب (اقصد الكهربا للسياره)

هذا والله اعلم

[المميـز]

اذا خرب عليك لاسمح الله

لازم تغير كهرب السيارة كامله

[تابير]

أشكركم يا أخوان على التفاعل مع الموضوع اللي أحس إنه مهم

والريموت بالشتى يريح كثير بدل لا تطلع وتشغل السيارة وتنطر لين تحتر السيارة

ويفيد كذلك للي يستخدمون محول الكهرب اللي على ولاعة السيارة بدل ما يطلع كل

فترة ويشغل السيارة

حتى لا تخنس البطاري وهو جالس في الخيمة يشغلها شوي بعدين يطفي

الصراحة الموضوع أنا متردد فيه كثير بس نشوف الأخوان اللي جربوا أكثر أو

اللي عنده خبره في أمور الكهرباء يفيدنا أكثر ...

أشكركم مرة أخرى على التفاعل والله يكتب اللي فيه الخير

[ابوعقل]

تايبر والله الموتر توه 2005

لا تغامر

واحد من اخوياي

كان عنده جمس 83

ومركبه عليه ويمدحه يشغل ويفتح ويقفل

بس شف كم مديل السياره 83

بس هذا الكلام قبل 6 سنوات

[ابو فارس 055]

تايبر... نصيحه لوجه الله لا تركب على سيارتك اي شي كهرباء اضافي بيعدم عليك الكمبيوتر او الكهرباء ويمكن يصير شي لا تحمد عقباه..

انا سيارتي يوكون 2004 رحت لاشهر كهربائي عندنا في المنطقه ونصحني ماالعب بكهرباء السياره قال لي انا ماني خسران شي بالعكس راح اكسب منك لو ركبته لاكن لاتركبه سيارتك فيها كمبيوتر..

ياخوي اشتر لك فروه بـ 100 ريال هههههههههههههه واذا رحت تشغل السياره البسها وارجع كمل فطورك وتلاقي سيارتك ساخنه على كيف كيفك.

[برق بن رعد]

نصيحة اخو مجرب لا تركبه

انا ركبته من زمان قبل 10 سنوات على كرسيدا 91 وكان في البداية مريح لكن في النهاية اعدم علي كهرباء السيارة والدينمو وخلها على ربك ذيك الايام

نصيحة لا تركب

[تابير]

جزاكم الله خير يا أخوان على التفاعل مع الموضوع وأنا حقيقة أشكر كل المكاشيت اللي أبدوا رايهم وهم ناصحين والله يكتب اللي في الصالح
بس حلوووووة حقت اشتر فروة ب100 ريال والله انها فكرة
ودمتم بصحة وعافية

[سلطان959]

تايبر... نصيحه لوجه الله لا تركب على سيارتك اي شي كهرباء اضافي بيعدم عليك الكمبيوتر او الكهرباء ويمكن يصير شي لا تحمد عقباه..

انا سيارتي يوكون 2004 رحت لاشهر كهربائي عندنا في المنطقه ونصحني ماالعب بكهرباء السياره قال لي انا ماني خسران شي بالعكس راح اكسب منك لو ركبته لاكن لاتركبه سيارتك فيها كمبيوتر..

ياخوي اشتر لك فروه بـ 100 ريال هههههههههههههه واذا رحت تشغل السياره البسها وارجع كمل فطورك وتلاقي سيارتك ساخنه على كيف كيفك.

والله انه جابها

[ضاااري]

ودي ادلي بدلوي في هذا الموضوع ولكن كل الكلام اللي عندي انا سامعه والسمع غير التجربة لهذا افضل الصمت

بالتوفيق

[رحال7]

مفيد لاغراض كثيره ولهذا انصحك تركبه فى الوكاله فقط وركب الريموت الذى يأتى من الوكاله ...وربنا يوفق الجميع

[Avalanche]

نصيحة من مجرب
ركبت بالفكس ار لكي يريحني في الصباح ونصحني واحد انه يدمر السلف ولم استمع له وبعد 6 شهور بدا يدور السلف بوش فاضطريت لتغيير السلف


حصل معي نفس المشكلة
على تاهو موديل 97

[الربع الغالي]

ابد مثل ماقال ابورياف صحيح يحرق السلف