المساعد الشخصي الرقمي

مشاهدة النسخة كاملة : 89999 ريال فقط (معقولة)


دكتور شبعان
22/03/2004, 01:40 AM
بسم الله الرحمن الرحيم

كنت ناوي اشتري باثفايندر وتقريبا كدت
ولكن اليوم فقط ( الاحد) نزل اعلان في جريدة الشرق الاوسط
يقول هذا الاعلان ان سيارة الفريلاندر(لاند روفر) فل اتوماتك ( فتحة سقف- مراتب جلد - سي دي - كشافات - حساسات خلفية جنوط ) بمبلغ 89999 ريال فقط

والباثفايندر المشابه لهذه المواصفات بمبلغ 102000 ريال عند الجبر

وش رايكم
على العموم انا مستني الصبح يطلع وبروح الوكالة ( السيف ) ان شاء الله عشان اتأكد وأشوف بعيني:what:
جميل جمال
22/03/2004, 02:53 AM
مهما كان السعر دكتور شعبان ...

يبقى لتوفر قطع الغيار ,, واسعارها ,, ومعرفة الورش للتعامل مع السياره ,, ومسك السعر بعد البيع دور مهم جدا عند التفكير لشرا سياره ..

وايضا مدى قدرة تحمل السياره للظروف المناخيه لدينا .. خصوصا اذا كنت تفكر في شرا سياره جيب .

الباثفندر اثبت قوته لتحمل الظروف الطبيعيه والمناخيه لدينا وما ادل على ذلك من انتشاره في جميع مناطق المملكه وبشكل كبير ..

اذا كان السعر يفرق معك بشكل كبير فلا تاخذ باثفندر فل اوبشن .. لان الفرق بين الفل اوبشن والنص فل فرق بسيط وهو الجلد حسب ما اعتقد واذا كان فيه فرق اخر فهو فرامل بنظام ABS اذا ماكنت غلطان .

عموما الوكيل له دور ايضا ومعروف ان وكالة الحمراني مش بطاله ..

ختاما انا انصحك بالباثفندر خصوصا اذا كنت راعي مكاشيت واجد .. لانه هو اللي بيصبر معك وما راح يخيب ظنك وانت في وسط البر ..

ولك تحياتي .
شايب الصمان
22/03/2004, 05:58 AM
د0 بلا تردد البافيندر لانه معروف عند الجميع وكما ذكر اخونا جميل جمال القطع تحصلها في متناول يدك
ولكن الفريلاندر القطع الوكاله او القاضي 0 وطواريه كثيره0
والله يوفقك ويباركلك 0
دكتور شبعان
22/03/2004, 11:12 AM
مشكورين على المرور والتفاعل

المهم رحت للوكالة واتضح ان الفريلاندر الموجود عندهم نوع واحد : (SE )

جلد - فتحة سقف - توماتك - دبل على طول - سي دي - كشافات امامية - جنوط - حساسات خلفية - من داخل تحس بهيبه عجيبه ( السيت مرتفع واجد )

اما العيوب هي :

الصغر الواضح بالحجم مقارنة مع الباثفايندر ( الشنطة نصف شنطة الباثفايندر )
لا يوجد مثبت سرعة
المكيف مهوب الكتروني ( لزوم الجخ )
لا يوجد ثلاجة ( حتى الرنج روفر مابه ثلاجة)

ويتضح والله اعلم انه يصنف مع الباثفايندر اقل من الفل اوتوماتيك ( فتحة سقف بدون جلد ولا مثبت سرعة)
والباثفايندر بهذه المواصفات سعره 91000 ريال سعودي ( ريال ينطح ريال)
بينما الفريلاندر سعره 89999 ريال ( مهوب قايلين 90000 عشان ما يطلع غالي - والريال اللي نقص تراه لزوم البيبسي يعني مهوب عبث)

فعلى كلامكم ياساتذتي الافاضل وبناء على هذه الفروق يبدو والله اعلم ان الباثفايندر افضل

وشكرا مرة اخرى
:light:
دكتور شبعان
22/03/2004, 11:15 AM
ونسيت انبهكم
للمرة الاخيرة

تران ( الدكتور شبعان )
مهوب ( الدكتور شعبان )

اصلحكم الله
مشغول
22/03/2004, 02:09 PM
حلوه ... د . :D
Bader-M
22/03/2004, 04:52 PM
والله سعر حلو
وممتاز
على فكره
يمكن هذه خطة تسويقيه لهذه السياره الرائعه
حتى تسترجع امجادها السابقه
......
توكل على ربك
وشترها
والله يعطيك خيرها ويكفيك شرها
مقدما
بس اقول
لا تنسى
تاخذنا معك للبر في هذه المناسبه
دكتور شبعان
23/03/2004, 10:41 AM
ولا يهمك يالطاير

لكن مادريتا ..... يوم رحت لهم ماش مواصفاتها مهيب ذيك اللي عليها العلم
ولا تنسى الوكيل اللي ماله فروع الا بالدمام والرياض وجده الله يخلف

ودعواتكم
كايين
27/03/2004, 07:02 AM
بس انصحك اخوي تصبر ترى الباثفايندر بيتغير شكله عام 2005
ريح الخزامى
28/03/2004, 10:35 AM
بسم الله الرحمن الرحيم
السلام عليكم ورحمة الله وبركاته

عليك بالبرادو وانا اخووووك يكفيك انه تووووويوتا

واكبر حجم من الباثفندر وافخم على حسب علمي بعدين الباثفندر احس انه ضيق مع اني ماركبته لا هو ولا البرادوا بس الفرق واضح من حيث الشكل الخارجي واعتقد انه سعر البرادو مقارب لسعر الباثفندر والمواصفات ماتفرق اذا كنت تبي موتر لك وللزمن

هذا شوري والباقي متروك لك وللاخوان

تحياتي للجميع :D
راعي الفزعه
28/03/2004, 10:51 AM
:D انا ارشح لك الباترول او اخوه الثاني الباثفيندر ترها قوية في البر والرمل والطعوس
وقطع غيارها متوفرة في الاسواق وصيانتها رخيصة ...

:good: :good: