يده لافـ....

[الشيرازي]

السلام عليكم كيف الحال
مالكم بالطويله عندي جرو 9 شهور يده اليمنى مكسوره يومنه صغير والحين جبرت على كسرته
لو اوريك اياه ماتقول فيه شيء وركضته يسابق الجراوه الي كبره اللهم يده مايله شوي فوش رايكم اجدعوه
ولا اخليه لان ابوه وامه طيبين بالحيل

[شهاب حايل]

وعليكم السلام والرحمة والله لااخبار تسرك ولله الحمد


اذا كانت امه وابوه طيبات لا تفرط فيه واذا من ناحيه بس الشكل مايضر دامه يفعل لاتسرحه

ويعطيك العافيه

[دنيا بلا معنى]

يعطيك العافيه انا عند واحد من اخوياي سلقه مكسوره يدها لما تمشي ما تاطى عليها ترفعها ونقصبها هي وذيخه ثنين معها كلهن خوات عموما بالقنصه هي الي تطرح لجى الجد تاطى عليها بس بشكل سريع وتصيد قبلهن فا خله ليش تجدعه وشب منه كحد ادنى وتقبل مروري

[ولد عنيزة]

كان أمه وبوه طيبات ومن عرق طيب وأصيل لاتفرط به وإلا عطه واحدن تعرفه وقريب يمكن تحتاجه بعدين
تقبل مروري

[خياله الجدعا]

حي الله قصيمي لق انصحك كانه اصله طيب وده البيطري يكسره وجبره من جديد شكرا بارك الله فيك0

[نفاج]

أحتفظ به أذا أمه وبوه طيبين لا تفرط فيه تحتاجه و اسأل مجرب وأقل شي تستفيد منه حق تشبيه

[راعي جدعان]

انا مع اخوي خيالة الجدعا وكلامه صحيح وانا كد صارت عندي المشكله

والسبب السلقه تلحس الجبس يلين الجبس وهي ماقد جبرت ولمى تجبر يكون العضم مايل

واذا امه وابوه طيبين لا تفرط فيه وانا عندي ذيخ فيه كسرين بمكان واحد وجابر عظم فوق عظم

واخر ماقنصت فيه يوم الخميس اللي راح ولا عندك ازين منه اريحه خمس ايام واطلعه يطربني بالمقناص

بس ازين شئ توديه للبيطري عشان تستفيد منه بالمقناص وبالمهدات

[سلطان العوني]

دام يديه لافه وعايبه

ترا ما فيه فايدة خير شر حتى لو جبرت اذا كبر وتدرب راح تذكر كلامي

[الحرالنداوي]

كلام خيالة الجدعاء صحيح انا صار لسلقه عندي كذا

افضل حل ودها للبيطري وخله يكسرها ويثبتها بعصا او اي شي ثاني وخلها فتره لاتتحرك راح تجبر ان شاء الله

ولاتنسى الحلبه

ترى المسأله بسيطه

[الحرالنداوي]

الاحظ ان فيه ناس مغير تتلفسف على الفاضي ياليت يريحونا المنتدى عافوه الناس بسبتهم

[راعي الهدبا99]

دام يديه لافه وعايبه

ترا ما فيه فايدة خير شر حتى لو جبرت اذا كبر وتدرب راح تذكر كلامي


كلاااااام سلطان صحيح ميه في الميه

[الشيرازي]

الاحظ ان فيه ناس مغير على الفاضي ياليت يريحونا المنتدى عافوه الناس بسبتهم


كلكم على راسي ومشكورين عالمورور
ابو الشباب ابن ادم مايملاء عيته الا التراب وكلام تستفيد منه يا تتلفسف

[مسرح الرعيان]

مالنا شور بعد شور الخوان وانا رايي من رايهم لا تفرط فيه اذا كان من عرق طيب و جعلك تشبع من صيده لي كبر

[قناص جواثا]

حي الله قصيمي لق انصحك كانه اصله طيب وده البيطري يكسره وجبره من جديد شكرا بارك الله فيك0

[عاشق الصمان1]

اذا ماتبيه قلي على رساله خاصه مششكوور

[قرناس شماالي]

خوي مادام ابوه ومه طيبين لاترميه وذ جاء الجد تعلمك الركض
واذ كبرت شبه وتستفيد منه
تقبل مروري\صيادسكاكا

[رماع]

اخواني اذكركم ترا الحجره الطويله لها اضرار على الجراوه

[الصارم1]

بلا فلسفه ولا حاجه امه ابوه ما عليك من ةامه وابوه


دام الي فيه ما يضر فعله خله لا تكسره ولا توديه البيطري



واخوي رماع فهمني كيف الحجره الطويله تضر الجراوه لانه انا عندي سلقه مجريه


ونبغى نستفيد

[@قرناص@]

..دام فعله طيب ماعليك..

والاخوان ماقصرو