قدر الله وقفلنا على المفتاح والسياره تشتغل هل لديكم حل سريع

[شيخ نجد]

السياره باثفاندر قفلنا على المفتاح اليوم الصباح والسيارة تشتغل .. الريموت كان في البيت ولكن تعلمون الريموت لا يعمل اذا كان المفتاح في السويتش .. قدرنا نفتح الكبوت بعد جهد جهيد ونفصل البطاريه .. لكن المفتاح لا زال في السويش والسيارة مقفله والريموت ايضا لك يعمل ..

هل لديكم حل سريع او خبره في هذا المجال ..

[العـربي]

حاول بمفتاح العجل ادخله مع فتحة الباب من فوق ودخلك سيم وافتح الباب

بس انتنبه على البدي

[حــــرب]

حياك الله شيخ نجد ... إذا زر الفتح والإقفال جاي بشكل سطحي ..
فاشفلك صيخ يكون دقيق وصلب .. وحاول إدخاله مع ربلة الباب ..


والله يكون بعونك ... طبعاً الحل هذا ماهو عن خبره لاكن فزعه

[ابو مي]

انا اعرف ان الريموت يفتح حتى لو السيارة شغاله
هل جربت استخدام الريموت
او الباثفاندر يختلف عن باقي السيارات
افضل شي تروح اقرب محل مفاتيح وتجيب عامل

[ناصر H3]

أخوي في حال لم ينفع الريموت ولم تجد عامل يفتح لك بوسيله سهلة إليك ما يلي:
1- لا تحاول تدخل أسيام او ومفتاح مع الباب لأنه ما راح يصلح أبد
لا تحاول تنقز القفل لأنه راح يتعبك بعدين

أفضل وسيلة وبأقل الخسائر أكسر المثلث للباب الخلفي
لأن المثلث شغلته سهلة تركب واحد بـ 70 ريال ولا يؤثر في العزل بشكل مباشر

أسأل مجرب

[هايبر]

بعطيك حل استخدمه في بعض السيارات وهو :
عادتا يجي ربله حول القزاز بشكل مربع من الخارج علاشان تحمي القزاز من حديد الباب .تمسك الجزء التحتي من الربله اللي فوق مقبض الباب عند الطرف التحتي من القزاز وترفعه للاعلا عادتا الجزء التحتي من الربله يجي مفصول لحاله بعدهه بيعطيك مساحه حول 1 سم بين القزاز وطرف الباب من الخارج تجيب كشاف وتناظر من الفتحه لين تشوف سيم يربط بين الدقمه واللزر الداخلي حاول تحركه بمعلاق ملابس و انشاء الله ينفتح العمليه هذي نفس حركة فتح الباب بالمفتاح وبدون اي ضرر على البدي .انا ادري اني دوختكم لكن لو تشوفون العمليه على الطبيعه ما راح تصدقون مدى سهولتها بس تتطبق على نوع من السيارات ونوع ما تقدر تطبقها عليه

[ريف النشاما]

أهااااااا بشر :)

عجبني اللي يقول غكسر القزاز حفاظا على الربلة

[حسين السبيعي]

محل المفاتيح وريح راسك

[زيزوم الاكحل]

بعني السياره وهي شغاله ........

لا كسر المثلث افضل حل والا ودها لمحل مفاتيح او جب راعي المحل

[سهيل تميم]

اكتم الشكمان لين تطفى السياره

وبعدين جبلك من اليمانيه الي بمحلات المفاتيح يشوفونلك حل

[شيخ نجد]

انا اعرف ان الريموت يفتح حتى لو السيارة شغاله
هل جربت استخدام الريموت
او الباثفاندر يختلف عن باقي السيارات
افضل شي تروح اقرب محل مفاتيح وتجيب عامل

الباثفندر لا يعمل الريموت والسيارة شغاله

وشكرا لكم جميعا على تواصلكم وكل الحلول اللي ذكرت جربتها .. باقي كسر مثلث السيارة الخلفي


متابع معكم

سؤال هل تاكهربائي يقدر يفتح الابواب او فتحة السقف من خلال مجموعة الفيوزات اللي في الكبوت

[أبويحيى]

جبت مره راعي مفاتيح(الكلام قديم) باقل من دقيقه فتح الباب

[ابوعقل]

مالك الا تجيب عامل



أفضل وسيلة وبأقل الخسائر أكسر المثلث للباب الخلفي
لأن المثلث شغلته سهلة تركب واحد بـ 70 ريال ولا يؤثر في العزل بشكل مباشر



ناصر

ذكرتني بولد عمي

كان معه كدلك

وقفل على المفتاح وكسر المثلث

وراح يبي يركب واحد طلع قيمته اكثر من 1000 ريال :D

وركب مثلث بلاستك :p

والمشكله قيمة القزازه اللي قدام ارخص بواجد تقريبا نص السعر

[ريف النشاما]

مالك الا تجيب عامل





ناصر

ذكرتني بولد عمي

كان معه كدلك

وقفل على المفتاح وكسر المثلث

وراح يبي يركب واحد طلع قيمته اكثر من 1000 ريال :D

وركب مثلث بلاستك :p

والمشكله قيمة القزازه اللي قدام ارخص بواجد تقريبا نص السعر




:D :D :D

خله على شان ثاني مرة ما ينسى :j

[راعي الطلعات]

اذا تعبت مرره ولا لقيت لك حل

مالك غير انك تجيب لك بوجي وتاخذ منه القطعه البيضاء وترميها على قزاز السياره بس مو كل القزاز :D جرب على المثلث ولا تشتري رخيص وتندم اشتر لك قزقه اصليه من الوكاله علشان راحة البال

طيب ما عندك في البيت مفتاح ثاني اضافي

وفيه طريقه جديده او قديمه فيه علب صغيره لتخزين المفتاح في حال الضياع ذات مغناطيس تضع المفتاح فيها وتضع العلبه في مكان سري مثل موقع تانكي البنزين وغيره

والله الموفق
بس سؤال؟؟؟ هل السياره مازالت شغاله :confused:

[Abu Saad]

والله ياخي غريبة ... وكلامك على متمه طبعا.
النيسان من موديل 86 ونظام القفل انك ماتقدر تقفل باب السائق الا بالمفتاح او الريموت يعني باليد انس! الا ان تكون النافذه مفتوحه وتسكر الباب ثم تقفل او انك تركب السيارة وتقفل باب السايق وتطلع مع الباب الاخر وتقفل .
غير كذا مستحيل الا ان يكون باب السايق عطلان .
الكلام هذا في الدداسن من موديل 86 وطالع ومن باب اولى الجيوب طبعا.
وبالتوفيق.

[شيخ نجد]

اذا تعبت مرره ولا لقيت لك حل

مالك غير انك تجيب لك بوجي وتاخذ منه القطعه البيضاء وترميها على قزاز السياره بس مو كل القزاز :D جرب على المثلث ولا تشتري رخيص وتندم اشتر لك قزقه اصليه من الوكاله علشان راحة البال

طيب ما عندك في البيت مفتاح ثاني اضافي

وفيه طريقه جديده او قديمه فيه علب صغيره لتخزين المفتاح في حال الضياع ذات مغناطيس تضع المفتاح فيها وتضع العلبه في مكان سري مثل موقع تانكي البنزين وغيره

والله الموفق
بس سؤال؟؟؟ هل السياره مازالت شغاله :confused:

السيارة فصلنا البطارية من الكبوت

[مكشاتي كوكتيل]

مالك إلا تكسر المثلث وتركب واحد جديد وتقص لك أربع مفاتيح سبير وتخلي واحد عندك في البيت والثاني تخليه في مكتبك في العمل والثالث تخليه في الإستراحة والرابع تخبيه تحت السيارة :)

[arrow]

بسم الله

اذكر فيه بزر مهبل بواحد من الربع بهالموقع,, وحط موضوع عنه,, يقول انه يجي كل ظهر ويفتح باب السيارة ( باترول ) وياخذ الاغراض اللي بداخل السيارة ويمشي !!!

خل هاك الرجال يدلك على هاك البزر وقله افتح السيارة وخذ اللي بوسطه ... وتنحل مشكلتك ..



مالك إلا تكسر المثلث وتركب واحد جديد وتقص لك أربع مفاتيح سبير وتخلي واحد عندك في البيت والثاني تخليه في مكتبك في العمل والثالث تخليه في الإستراحة والرابع تخبيه تحت السيارة
ولاتنسى حط نسخة معنا بالمنتدى علشان نقدر نساعدك المرة الجاية ....


الله يعينك ........

[مشعاب2]

اكتم الشكمان لين تطفى السياره



وبعدين جبلك من اليمانيه الي بمحلات المفاتيح يشوفونلك حل



من جدك تتكلم انت :eek:

كيف يكتم الشكمان وهو حراتة نارن لاهبه :confused:

[أبودحييم]

اخوي فيه بعض محلات المفاتيح
يفتح لك السيارة بدون ما يخرب الربل
ولا يكسر المثلث ولا شيء

يفتح على ما اذكر بميه او ميتين ريال
إذا أنت بالرياض علمني
أوصفه لك


وشكرا

[mohmjedn]

فتحت موترك والا باقي:d
اتمنى مايكون للحين شغال:(

[مقلع الرمث]

مر ا قرب محل مفاتيح يفتح سيارك بخمسين ريال ولا تخرب الربل ولا حاجه

[bndr]

السلام عليكم

ان كانك ببريدة عندي رقم البرادي حق المفاتيح يطلع معك ب50

[المارينز]

مهوب انت اول ولا اخر واحد يقفل على المفتاح

اللي يضحكون عليك هنا .. تذكر اساميهم بكره بتشوف لهم مواضيع " تكفوووووون الحقوني قفلت على المفتاح "



جب لك عامل

وفيه عمال يفتحونها ومتخصصين في هالمشاكل ومعهم عدتهم من اسياخ وبلاوي

[شروكي ربع]

انا اعرف ان الريموت يفتح حتى لو السيارة شغاله
هل جربت استخدام الريموت
او الباثفاندر يختلف عن باقي السيارات
افضل شي تروح اقرب محل مفاتيح وتجيب عامل


الباث الجديد يبدو أن الريموت تركيب الوكيل هنا ..

لان الريموت يعمل و السيارة تعمل , وهذا لا يكون في حالة التجهيز من المصنع ..

الدعوى استغفال في استغفال ..

[عناد123]

بكل سهول
سكروب + انتل (اريل) الرادو ودخله من الباب واضغط المفتاح

[ملاهد]

المثثثثثثثثثثثثثثثثثثثثثثثلث

[×عاشق الجنة×]

بعض الوكالات تقص لك مفتاح برقم الشاص فلعلك تسأل
لا تستعجل بكسر شيء ما دام السياره طافيه وفي مكان آمن
كسر المثلث الخلفي وإن كان مكلف إلا أنه أفضل من الحلول ذات التأثير السلبي لاحقا كطريقة المفك والسكروب وغيرها .
عموماً دعواتنا لك بحل عاجل
دمت بخير

[SE.3500]

اذا أنت بالرياض
في واحد يقال له العيدان يفتح لك السيارة بدقيقة وحدة وهو مشهور بالشغلات هذي
خلك على طريق أحمد بن حنبل بحي الران وأنت متجه شرقا قبل ما تجيك اشارة عبدالله بن عباس ب300متر يجيك المحل على اليمين اظن لوحته زرقاء
والله يعينك

[ادفرنس]

السلام عليكم الله يعينك حاول بلباب الخلفي اسهل

[بدوي جنوبي]

فاشفلك صيخ يكون دقيق وصلب .. وحاول إدخاله مع ربلة الباب ..




http://www.mekshat.com/pix/upload02/images94/mk32037_444.jpg

هذا هو الصيخ اللي تقصد وهو نحاسي قوي ومرن في نفس الوقت
لا يجرح البوية ولا يقطع الربل ،،، تجده غالبا عند محلات التلحيم
ورخيص جدااا ،،،

لا تضعه داخل السيارة ،، حاول ان تربطة بالشاص في مكان مخفي
تحياتي

[مكشاتي كوكتيل]

ياشباب ترا الدعوى مزوح يعني مانضحك على الرجال لكن نبي نلطف الأجواء ونعنشها شوي.

[عبدالله.999]

أقلك شغله ماعندك مفاتيح احتياطيه

[مروووق]

انا مافهمت السيارة شغالة او لا ؟

بس دامك قدرت تفتح الكبوت ، افصل الفيوز الرئيسي ، اعتقد العادة في النيسان يكون لونه برتقالي او احمر واعتقد مكتوب عليه Ign او شي كذا، و تطفي السيارة . الى ان تقرر تبي تكسر الزجاجه المثلث ولا تجيب لك عامل من محل مفاتيح

وخبري اذا ماني غلطان ، جميع السيارات الي تجي شنطه خلفية مثل الباثفايندر والبليزر واللانكروزر ممكن تفتح الشنطة الخلفية بطريقة بسيطة. تدخل سكروب او سلك من تحت عند الصدام الى الماكينة حقت المفتاح حق الشنطة او السلك الي يوصل لها الكهرباء وتفتح معك الشنطة زي الحلاوه. ماجربت هالطريقة ؟

[ERIC7]

احس الحراميه في المنتدى طلعوا واجد
الحلول عند الشباب كثيره لاكن انا ابوصيك على شي مهما كان خيارك
ابتعد عن سالفة السكروب والسيم لان تغيير الربل واعادة وزنه تجيب الهم هذا اذا ظبط معك
فبالنسبة لي ما اكسر المثلث الا اكسر القزاز الامامي ولا افتح الباب بالسكروب والسيم
طبعا اتكلم عن المواتر النظيفة

[Magellan]

هذي ميزة تنسيم الدرايش يجي وقتها الحين
الحمدلله على كثر تعاقب المواتر بإختلاف أنواعها معي فلازم أنسم للدريشة صيفا أو شتاء
حتى تتهوى ولوصار مثل ظرفك مانبلش

[VXR.2007]

اذكر اخوي كان يدوم في الرياض يتردد الي الدوام يومي يبعد عن الرياض 85 كيلو وقفل الباب السياره في الدوام وهي شغاله والمكيف بعد شغال ثم داوم وطلع من الدوام 2 الظهر وهو مايدري ان السياره شغاله ثم تفاجا ان السياره شغاله ومايدري وش يسوي ثم واحد فزع معه قال امش للبيت خارج الرياض 85 كيلو وجاب مفتاح سبير وثم جاء للرياض وكان السياره شغاله يعني من الصبح الساعه 7 لين الساعه 6 قبل المغرب في اوقات الصيف بس والله مشووووورررا نوع السياره ماكسيما

[مروووق]

احس الحراميه في المنتدى طلعوا واجد



الله يسامحك

[زميل الكل]

انا اقول اتصل على حقين الزجاج وشف ارخص وحدة واكسرها وريح راسك .

[فهد325]

لو السيارة تشتغل دخل سيم اريل الدايموند (حق الكنود) من فوق باب السيارة واضغط على زر الدريشة حتى تفتح لك .

بما انك طفيت السيارة جب لك سكروب طويل وسطل حتى ترقى فوقه على شان تشوف الباب من فوق وبشويش دخل السكروب بين الباب والسيارة من فوق وانتبه للربل لان الرابل غالباً يكون ما سك بالباب يعني دخل السكروب بين السيارة والربل ليس بين الربل والباب واعفط الباب شوي ودخل لك سيم معلاق ملابس حق المغاسل لانه سهل يتعفط بسهولة الا اطرافه لازم بزرادية عفطه لين يركب على قفل الباب واذا كان قفل الباب صعب اشبك البطارية وحاول بالزر الكهربائي اللي يفتح جميع الابواب ....

الله يكون في عونك

[سوسة حطب]

شباب أفا ما فيه أحد عنده فكرة سريعة وفينا من أخترع تانكي إضافي وفيه من ولف كذا شغله ما فيه أحد وحتى أنا معكم
أخوي كم مديله

[جيبي جايزلي]

السلام عليكم ورحمه الله وبركاته
نسيان المفتاح او ضياعه امر وارد وانصح الجميع يكون معه مفتاح اسبير داخل البوك (المحفظه)وصناعه المفتاح من نوع المنيوم اخف من بطاقه الاحوال وبكذا لا تشيل هم ضياع المفتاح او التقفيل عليه وبالتوفيق للجميع

[ayaqaz]

عندنا في مكة المكرمة يقوم أصحاب الونشات بفك السيارات المقفله وبدون مبالغة في أقل من دقيقة..


اجرام على اصوله..


يسحب السيارة وطيران يرجع يدورله صيدة جديدة..



حسبي الله على المفترين الظلمة..

[landrover711]

السلام عليكم
هاذي اول مشاركه لي المنتدى وإنشاءالله تكون مفيده
هناك بعض الحركات الخفيفه خاصة للأصحاب الكشتات وهي طبعا حركات أحترازيه ومفيده
1-تقدر تركب سيم (كيبل)اضافي نفس كيبل الكبوت وتربطه على الشاصي من الأمام لتستطيع فك الكبوت من خارج السياره
2- تقدر تحط مفتاح اضافي بأي جزء من السياره حتى في المكينه بعد تركيب الكيبل الأضافي
وتربطه (تيب الكهرباء مع أحد اللأسلاك وهاذي أفضل طريقه عندي الواحد لما يشوفه يحسب أن سلك مقطوع ومصلح ومحد يعرف الى راعي الموتر)
3-للأصحاب السيارات الكهرب تقدر تسوي توصيله وتركب دقمه ثانيه للباب خارج السياره
يعني تحت الرفرف أو بطرف الكبوت من صوب الزجاج الأمامي (تغنيك عن كسر الجام وتخريب الربلات ومضاربة اصحاب محلات المفاتيح)
وسامحونا على الأطاله

[landrover711]

السلام عليكم
هاذي اول مشاركه لي المنتدى وإنشاءالله تكون مفيده
هناك بعض الحركات الخفيفه خاصة للأصحاب الكشتات وهي طبعا حركات أحترازيه ومفيده
1-تقدر تركب سيم (كيبل)اضافي نفس كيبل الكبوت وتربطه على الشاصي من الأمام لتستطيع فك الكبوت من خارج السياره
2- تقدر تحط مفتاح اضافي بأي جزء من السياره حتى في المكينه بعد تركيب الكيبل الأضافي
وتربطه (تيب الكهرباء مع أحد اللأسلاك وهاذي أفضل طريقه عندي الواحد لما يشوفه يحسب أن سلك مقطوع ومصلح ومحد يعرف الى راعي الموتر)
3-للأصحاب السيارات الكهرب تقدر تسوي توصيله وتركب دقمه ثانيه للباب خارج السياره
يعني تحت الرفرف أو بطرف الكبوت من صوب الزجاج الأمامي (تغنيك عن كسر الجام وتخريب الربلات ومضاربة اصحاب محلات المفاتيح)
وسامحونا على الأطاله

[arrow]

السلام عليكم
هاذي اول مشاركه لي المنتدى وإنشاءالله تكون مفيده
هناك بعض الحركات الخفيفه خاصة للأصحاب الكشتات وهي طبعا حركات أحترازيه ومفيده
1-تقدر تركب سيم (كيبل)اضافي نفس كيبل الكبوت وتربطه على الشاصي من الأمام لتستطيع فك الكبوت من خارج السياره
2- تقدر تحط مفتاح اضافي بأي جزء من السياره حتى في المكينه بعد تركيب الكيبل الأضافي
وتربطه (تيب الكهرباء مع أحد اللأسلاك وهاذي أفضل طريقه عندي الواحد لما يشوفه يحسب أن سلك مقطوع ومصلح ومحد يعرف الى راعي الموتر)
3-للأصحاب السيارات الكهرب تقدر تسوي توصيله وتركب دقمه ثانيه للباب خارج السياره
يعني تحت الرفرف أو بطرف الكبوت من صوب الزجاج الأمامي (تغنيك عن كسر الجام وتخريب الربلات ومضاربة اصحاب محلات المفاتيح)
وسامحونا على الأطاله



بسم الله

وعليكم السلام ورحمة الله وبركاته,,,,,,,,,اهلا وسهلا..



افكار مكشاتية رائعة,,,,,, وبداية موفقة ....

حياك الله بين اخوانك وان شاء الله تفيد وتستفيد .......

[المتعب123]

يا اخوي قص لك مفتاح سبير وحطه بالمحفظه هذا الحل الامن مستقبلا وانا مسويها من اكثر من عشر سنين ما يطيح المفتاح السبير من محفظتي

[بنزرت]

اللي انا اعرفه ان السياره اذا كانت شغاله تكون مجموعه الاقفال لا تسمح بالقفل الا من الداخل بعد اغلاق الباب

[landrover711]

اللي انا اعرفه ان السياره اذا كانت شغاله تكون مجموعه الاقفال لا تسمح بالقفل الا من الداخل بعد اغلاق الباب

يصير بعض الأحيان أن تكون (دقمة)الباب عطلانه او معلقه وهي تكون مسئوله عن
1-تفعبل أوتعطيل قفل الأبواب والسياره شغالة
2- تشغيل الأنوار الداخليه للسياره
3- صوت التحذير عند ترك المفتاح على السياره وفتح الأبواب
والله اعلم

[شيخ نجد]

يا اخوي قص لك مفتاح سبير وحطه بالمحفظه هذا الحل الامن مستقبلا وانا مسويها من اكثر من عشر سنين ما يطيح المفتاح السبير من محفظتي
جزاك الله خير

فكره ممتازه

[ولد رغبه]

الله يعينك
بعني الموتر الا كم موديله وكم ماشي
انا اسومه 30 الف

[الوديع]

فكرتها حلوة