تحدي لكم يا عشاق الباثفاندر

[king_federer]

السلام عليكم ....

انا عندي باثفاندر 2002 مسوي لي مشكلة رافعة ضغطي :mad:

بعض الأحيان السيارة تثقل علي تثقيل غريب و بالذات لما أدخل نفود و اطلع، السيارة تكتم علي و تحس كأن فيه شيء ماسك السيارة!!!!!

فحصت و قالو لي غير الديلكو و غيرته و ما نفع شي معي و ما أحد عرف الحل!!!

أخيرا قررت أروح و أفحص كمبيوتر و قال لي حق الفحص المكينة فيها شي خربان و هو:
34 .knock sensor


طبعا قلته وشو هذا قالي هذا الحساس حق كهرب الكويلات!!!

الأسئلة كالتالي:
1- هل فحص الكمبيوتر بإذن الله مضبوط أو لازم أروح للوكالة أضمن لي؟
2- هل هذا الحساس له دخل بالكتم اللي يكون بالسيارة؟!
3- أنا طابت نفسي من السيارة و ناوي أبيع فهل تنصحون بتصليح الخراب أو أبيع و أريح راسي من الوجع حتى لو طاح السعر؟؟؟؟

تكفون يا راعين الباثفاندر عطونا خبر الله يخليكم ان شاء الله......

[بدوي جنوبي]

عليكم السلام
كيف تقرر الوكاله ان العطل من الديلكو
وبعد التغيير لم تحل المشكله
المفروض ما تطلع السيارة من عندهم حتي يرجعوا الديلكو القديم
طالما انه سليم
وان شاء الله اهل الخبره يفيدوك اكثر
(((((((((((رابطة ملاك الباثفاندر)))))))))))) (http://www.mekshat.com/vb/showthread.php?t=156827)

تحياتي

[king_federer]

شكرا على المرور أخوي و لكن انا لم أذهب بها للوكالة بل للورش و سألت 10 ورش و قالو لي المشكلة بالديلكو وما نفع.

[أخو شيخة]

السلام عليكم ....

انا عندي باثفاندر 2002 مسوي لي مشكلة رافعة ضغطي :mad:

بعض الأحيان السيارة تثقل علي تثقيل غريب و بالذات لما أدخل نفود و اطلع، السيارة تكتم علي و تحس كأن فيه شيء ماسك السيارة!!!!!

فحصت و قالو لي غير الديلكو و غيرته و ما نفع شي معي و ما أحد عرف الحل!!!


أخيرا قررت أروح و أفحص كمبيوتر و قال لي حق الفحص المكينة فيها شي خربان و هو:
34 .knock sensor
طبعا قلته وشو هذا قالي هذا الحساس حق كهرب الكويلات!!!

الأسئلة كالتالي:
1- هل فحص الكمبيوتر بإذن الله مضبوط أو لازم أروح للوكالة أضمن لي؟
2- هل هذا الحساس له دخل بالكتم اللي يكون بالسيارة؟!
3- أنا طابت نفسي من السيارة و ناوي أبيع فهل تنصحون بتصليح الخراب أو أبيع و أريح راسي من الوجع حتى لو طاح السعر؟؟؟؟

تكفون يا راعين الباثفاندر عطونا خبر الله يخليكم ان شاء الله......
ياعزيز بالنسبة لموديل 2002 تعتبر مكينتها صغيره وقوة ضعيفة نوعاً ما فا الموديلات من 2003 وطالع تعتبر أقوى بكثير وخاصة أن قوة المكينه 3500 وهذا شي ممتاز إلى حداً ما أما الكتم فا اتوقع أنه من الصفية حقة البنزين أو الطرمبة وهذا عيب النيسان لكنها شغله سهله بأذن الله وبالتوفيق وأتمنى أني أفدك. تقبل فائق تحياتي

[المارينز]

والله ماعرف عن الباثفندر شي

بس اللي اعرفه ان الكتمه بالموتر تجي من عدة اسباب:

- صفاية البنزين
- فلتر الهوا
- طرمبة الينزين
- تانكي البنزين اذا كان متوسخ

والشباب يفيدونك اكثر

[ولد الدلم]

شف يا حبيبي انا معي مكسيما وأعرف النيسان .....
لازم تفحص بكمبيوتر الوكالة وبيتضح الخراب علطول بإذن الله

[escape_man]

عندك 6 اسلاك موصله بالبواجي من طرف والحساس من طرفها الثاني

امش عليها وحده وحده .. فك وانتبه للموتر .. اذا تغير صوته وبدت مكينته تهتز فمعناته

هالحساس مافيه مشكلة ..

اذا فكيته ولا صار معك شي والمكينة على الرتم الي هي عليه قبل الفك فهذا الحساس عطلان ويحتاح يا اما تنظفه وتحط عليه شوي شحم ثم تركبه ثاني او انه يحتاج تغيير

هذي دايم اسويها بالبيت

[king_federer]

في البداية أشكر جميع المشاركين على الردود و الله يعافيكم....

بالنسبة لي انا استشرت كذا واحد من أصحاب الورش و قالو لي فحص الكمبيوتر حق المحلات ما ينفع و فعلا رحت للوكالة و دخلت السيارة اليوم على ان يتم فحص المكينة و السيارة كاملة للتأكد من جميع المشاكل.

اتمنى ان شاء الله ما تكون المشكلة كبيرة و الله يوفق.

[king_federer]

اخي العزيز بن غييثات...

المشكلة و الطامة الكبرى ان كلام الفلبيني حق فحص الكمبيوتر عكس كلامك تماما!!!
يقول لما يفك الاسلاك واحد واحد و هذا اللي صار معناته الوضع سليم!!! ( هذا اللي صار فعلا )

لابد من وجود حل لحماية الضعيفين معرفيا بالسيارات ( مثلي طبعا :d ) من هذا النصب الكبير.