المساعد الشخصي الرقمي

مشاهدة النسخة كاملة : .. مســــاكيــن يا أهل البايثفندر 2006 _ 2009 ..


..سوالف ليل..
05/01/2009, 08:01 PM
السلام عليكم ورحمه الله وبركاته ..


الحقيقة أني من المتابعين لموقع مكشات بشكل يومي تقريبا صحيح أني ما أشارك ولكن أكتفي بالقراءة فقط



المهم ماودي أطول عليكم ..


بصراحة أرثي لحال ملاك البايثفندر الشكل الجديد ( 2006 - 2009 )


ما شفت أحد تكلم عنه مميزاته .. عيــوبه .. مواصفات .. جودته.. الخ



هل يستحق الشراء؟!


هل سعره مناسب ؟!


مع العلم أني بحثت في المنتدى كله ومالقيت موضوع واحد يتكلم عن الباث الجديد فلماذا ؟ :(


ياليت من جربه أو سمع عن أحد قريب منه جربه يفيدنا ( لأني أفكر أني أشتريه )



ولكم مني أجزل الشكر وأطيب التحايا ..

أخوكم / ..سوالف ليل..
القناص
05/01/2009, 08:52 PM
لا
لا
لا
يضيق صدرك
http://www.mekshat.com/vb/showthread.php?t=156827

فيه
بس دور وتلقى
بدوي جنوبي
05/01/2009, 08:59 PM
عليكم السلام ورحمة الله وبركاته

ما يحتاج تبحث كثير السيارة ما شاء الله
عزمها قوي جدااا وراسيه علي الخط وخاصة في المنعطفات علي سرعات عاليه
لا يوجد به عيوب او مشاكل مصنعيه من اول موديل نزل 2006
صرف معقول للبنزين ،،، يتسع الي 7 اشخاص بحجم متوسط
لاحظت عليه بعد قيادتة ان الزاويه اليسري للسائق ضيقه قليلا

هذا ما لدي
بالتوفيق ان شاء الله
عبدالله.999
05/01/2009, 08:59 PM
الحين تقول مساكين ياهل الباثفايندر
بعدين تقول ابغا اشتري واحدوالله غرائب وعجائب
في المنتدى
مساير الليل
05/01/2009, 09:35 PM
السيارة مافيها كلام أخوي معه واحد يمدحه بس عيبه الوحيد أنه طاامن شوي والحمد لله رفعناااه ولاعاد يرده شي
التمَاري
05/01/2009, 09:38 PM
العنوان عكس المضمون
الجندي2005
05/01/2009, 10:03 PM
العنوان يحتاج إعادة نظر ،،،،،،،،،،،،،،،،،،،،،،،،،،،،،
الصمان 2
05/01/2009, 10:08 PM
توقعت ان فيه مشكلة في هذين الموديلين بقولك ( مساكين )

ثم تطلب الافاده منهم لكي تشترية !


.
هبوب الرس
05/01/2009, 10:14 PM
انا اشوووف بالعكس العنوان والمضمووون متشابهاااان

الرجل يرغب بالشراء وهو يرثي اصحاب الباث اللي ما ينزلووون مواضيع يمدحونه او يسبوونه

ورجال لقى مبتغااااه من الردود وااااضح انه شوق الاخوان بالرد عليه




بس يضل الاول واقصد الشكل ارغب وافضل واحسن

وهذي وجهة نظر

بس بعض الاحياااان تجبرنا الموديلات على الجديد
..سوالف ليل..
05/01/2009, 11:56 PM
لا
لا
لا
يضيق صدرك
http://www.mekshat.com/vb/showthread.php?t=156827

فيه
بس دور وتلقى


الله لا يهينك أخوي القناص على تفاعلك ولكن أخي الكريم .. الرابط لملاك البايثفندر الشكل القديم 2005


ويمكن مافيه الا واحد تطرق بالسؤال عنه ..


جزيت خيرا
..سوالف ليل..
05/01/2009, 11:59 PM
عليكم السلام ورحمة الله وبركاته

ما يحتاج تبحث كثير السيارة ما شاء الله
عزمها قوي جدااا وراسيه علي الخط وخاصة في المنعطفات علي سرعات عاليه
لا يوجد به عيوب او مشاكل مصنعيه من اول موديل نزل 2006
صرف معقول للبنزين ،،، يتسع الي 7 اشخاص بحجم متوسط
لاحظت عليه بعد قيادتة ان الزاويه اليسري للسائق ضيقه قليلا

هذا ما لدي
بالتوفيق ان شاء الله





الحقيقة أشكرك أخوي بدوي جنوبي لأن عطيتني هالدافع لشراء السيارة ..!!


وأهم نقطة أنه لايوجد بها عيوب مصنعيه ..وهذا مانبحث عنه


أجزل الشكر والعرفان لك
راعي هوى
05/01/2009, 11:59 PM
عنوانك هوالمضمون شديتنا للموضوع ووصلت لمبتغاك صح عليك:good: :D
الموتر حلو عزم وومشى وركاده والصراحه نازل شوي ارفعه وتمتع

والله يكتب اللي فيه الخير
..سوالف ليل..
06/01/2009, 12:01 AM
السيارة مافيها كلام أخوي معه واحد يمدحه بس عيبه الوحيد أنه طاامن شوي والحمد لله رفعناااه ولاعاد يرده شي


ماشاء الله عليه الله يعطيه من خيره ويكفيه شرهـ اللهم آمين فعلا فيه نزول شوي بس الحمد لله مو ذاك العيب


المصتعصي ..


لك أعذب التحايا أخوي مساير الليل
..سوالف ليل..
06/01/2009, 12:11 AM
الحين تقول مساكين ياهل الباثفايندر
بعدين تقول ابغا اشتري واحدوالله غرائب وعجائب
في المنتدى



إذا لم تعرف ما تقرأ فقل خيرا والا فأصمت !!






العنوان يحتاج إعادة نظر ،،،،،،،،،،،،،،،،،،،،،،،،،،،،،






توقعت ان فيه مشكلة في هذين الموديلين بقولك ( مساكين )

ثم تطلب الافاده منهم لكي تشترية !




الأخوان أصحاب الردود تدرون وش يطري علي يوم شفت ردودكم المثل اللي يقول


مع الخيل ياشقراء ..


والحقيقة أن عقولكم خاوية .. تقرون آخر رد وتنجرون وراهـ ..


توضيح :

لست هنا أطلب رأيكم في عنواني وأنما المبتغى واضح من كلامي ..
..سوالف ليل..
06/01/2009, 12:14 AM
انا اشوووف بالعكس العنوان والمضمووون متشابهاااان

الرجل يرغب بالشراء وهو يرثي اصحاب الباث اللي ما ينزلووون مواضيع يمدحونه او يسبوونه

ورجال لقى مبتغااااه من الردود وااااضح انه شوق الاخوان بالرد عليه




بس يضل الاول واقصد الشكل ارغب وافضل واحسن

وهذي وجهة نظر

بس بعض الاحياااان تجبرنا الموديلات على الجديد



أشكر لك الإطراء أخوي الرساوي وأيضا وفرت علي الشرح لأصحاب الرؤؤس الخاوية


أما للباث الشكل القديم له مميزات كلنا يعرفها وكذلك العيوب ويبقى الانجراف وراء كل ماهو جديد

هو سمتنا
..سوالف ليل..
06/01/2009, 12:18 AM
عنوانك هوالمضمون شديتنا للموضوع ووصلت لمبتغاك صح عليك:good: :D
الموتر حلو عزم وومشى وركاده والصراحه نازل شوي ارفعه وتمتع

والله يكتب اللي فيه الخير



الله يخليك أخوي راعي هوى .. وعلى قولتهم شورك وهدايه الله
abuud
06/01/2009, 02:10 AM
اخوي انت داخل تسأل او داخل تقيم عقول الناس هداك الله كل الاخوان فيهم الخير وعقولهم توزن بلد وأسف على الاطالة
الربذي
06/01/2009, 09:02 AM
نعوذ بالله يااخوان
قال رسول الله صلى الله عليه وسلم من كان يومن بالله واليوم الاخر فل يقل خير او يصمت ..........اعجب من البعض يتعب نفسه بالكتابه ليكتب كلام غير لائق يعني كانه يبحث عن سئية

مااجمل ان تبيت ولاتشيل لاي احد ضغينه او حقد ولايشيل عليك احد ضغينه او حقدا ولاتصيرون مثل الساحات يكتب موضوع او استفسار يقلب الموضوع قواميس من الشتم والسباب..
اخوي كلامك صحيح وموضوعك ذكي فعلا حتى انا الاحظ ذلك بل من اشتراه لايفكر ببيعه انا ابحث عن مستعمل فل كامل لم اجد باكثر من موقع وحتى المعارض 000000000
ودخلت اسواق ومنتديات كثيره لم اجد مبتغاي ..........
واهم شي انه خلي من العيوب التصنيعية ............
شق هذا يفيدك.............


تم حذف الرابط
المشرف
الكابتن
06/01/2009, 09:37 AM
[quote=..سوالف ليل..;2313637]..


والحقيقة أن عقولكم خاوية .. تقرون آخر رد وتنجرون وراهـ ..:no2: :no2: :no2: :no2:
ابوسعودد
06/01/2009, 09:50 AM
السياره قويه ومختلفه عن الموديلات الاولى بتميز التكييف الخلفي والمرتبه الاضافيه واتساعه وكبر حجم المكينه
NATLUS
06/01/2009, 10:01 AM
السلام عليكم ورحمة الله وبركاته

السياره ماجربتها كثير لكن احس ان تانكي البنزين صغير شوي هل انواع النيسان الاخرى مشابهه له ماادري يمكن الي جربو النوع القديم او الباترول الجديد يقدرون يضيفون لنا معلومه

وشكرا
صقر باهله
06/01/2009, 10:20 AM
السلام عليكم

الموتر مع اخوي من اول دفعه في الـ 2006

ماشاء الله عليه موتر بكل معنى الكلمه

بس فيه شي يقلق بصراحه وخصوصا للناس اللي ماتحب قروشة اللمبات في الطبلون

وهي ان لمبة الكفرات تشتغل بعد تغيير الكفرات او تركيب الاستبنه

واعتقد حلها توديه للوكاله ويسسون له اعادة ضبط

بس بكم والله مدري

اتمنى اني افدتك يالغالي
الربذي
06/01/2009, 10:34 AM
السلام عليكم

الموتر مع اخوي من اول دفعه في الـ 2006

ماشاء الله عليه موتر بكل معنى الكلمه

بس فيه شي يقلق بصراحه وخصوصا للناس اللي ماتحب قروشة اللمبات في الطبلون

وهي ان لمبة الكفرات تشتغل بعد تغيير الكفرات او تركيب الاستبنه

واعتقد حلها توديه للوكاله ويسسون له اعادة ضبط

بس بكم والله مدري

اتمنى اني افدتك يالغالي

وعليكم السلام طبيعي لان الاستبنه مافيها حساس
طيب اخوي ابي اسالك كم هي ماشيه وكيفها بالنفود لاني مااعرف احد استعملها 0
ابن صقيه
06/01/2009, 11:23 AM
أدخل هالرابط وبتعرف ان السيارة مهب طبيعية ..

وأنا أحد ملاكها ..



تم حذف الرابط
المشرف
..سوالف ليل..
06/01/2009, 04:17 PM
اخوي انت داخل تسأل او داخل تقيم عقول الناس هداك الله كل الاخوان فيهم الخير وعقولهم توزن بلد وأسف على الاطالة



أخي abuud أنا من سأل وطلبت المشوره ولم أدخل هنا لتقييم عقول الناس أبدا من رد علي بالحسنى كنت

مثله .. ومن أساء الأدب فجزاءه العقاب .

ليكن في علمك لم أطلب من أحد تقييم كتابتي ونقدها أبدا إنما كان موضوعي مختصر وواضح المراد
..سوالف ليل..
06/01/2009, 04:19 PM
نعوذ بالله يااخوان
قال رسول الله صلى الله عليه وسلم من كان يومن بالله واليوم الاخر فل يقل خير او يصمت ..........اعجب من البعض يتعب نفسه بالكتابه ليكتب كلام غير لائق يعني كانه يبحث عن سئية

مااجمل ان تبيت ولاتشيل لاي احد ضغينه او حقد ولايشيل عليك احد ضغينه او حقدا ولاتصيرون مثل الساحات يكتب موضوع او استفسار يقلب الموضوع قواميس من الشتم والسباب..
اخوي كلامك صحيح وموضوعك ذكي فعلا حتى انا الاحظ ذلك بل من اشتراه لايفكر ببيعه انا ابحث عن مستعمل فل كامل لم اجد باكثر من موقع وحتى المعارض 000000000
ودخلت اسواق ومنتديات كثيره لم اجد مبتغاي ..........
واهم شي انه خلي من العيوب التصنيعية ............
شق هذا يفيدك.......http://www.assayyarat.com/forums/sho...21179#poststop (http://www.assayyarat.com/forums/showthread.php?p=1421179#poststop)........


الحقيقة كلام موزون أشكرك عليه وعلى المعلومات اللي عطيتنا إياها لك جزيل الشكر

أخوي الربذي
..سوالف ليل..
06/01/2009, 04:20 PM
والحقيقة أن عقولكم خاوية .. تقرون آخر رد وتنجرون وراهـ ..:no2: :no2: :no2: :no2:

كيف الحال الكابتن
..سوالف ليل..
06/01/2009, 04:21 PM
السلام عليكم ورحمة الله وبركاته

السياره ماجربتها كثير لكن احس ان تانكي البنزين صغير شوي هل انواع النيسان الاخرى مشابهه له ماادري يمكن الي جربو النوع القديم او الباترول الجديد يقدرون يضيفون لنا معلومه

وشكرا


وعليكم السلام ورحمه الله ..

مشكلة التانكي بسيطه أمرها بس أهم شيء لايكون فيه عيوب مصنعيه لك الشكر اخوي على المشاركة
..سوالف ليل..
06/01/2009, 04:24 PM
السلام عليكم

الموتر مع اخوي من اول دفعه في الـ 2006

ماشاء الله عليه موتر بكل معنى الكلمه

بس فيه شي يقلق بصراحه وخصوصا للناس اللي ماتحب قروشة اللمبات في الطبلون

وهي ان لمبة الكفرات تشتغل بعد تغيير الكفرات او تركيب الاستبنه

واعتقد حلها توديه للوكاله ويسسون له اعادة ضبط

بس بكم والله مدري

اتمنى اني افدتك يالغالي




صحيح كلامك أخوي صقر نفس السؤال تبادر لذهني يوم شفت اللمبة في سيارة أخوي الارمادا .. سألته شلون حلها قل عبي الكفر هواء لين تطفي يقول أنا مجربها ..


قلت اذا كذا بسيط أمرها ..


فعلا كثرة اللمبات مقلقة في الطابلون !!
..سوالف ليل..
06/01/2009, 04:26 PM
أدخل هالرابط وبتعرف ان السيارة مهب طبيعية ..

وأنا أحد ملاكها ..


جزاك الله خير أخي ابن صقيه وياليت لو تزودنا بمعلومات من تجربتك الشخصية ونظرتك لها وكذلك سعر


القطع .. الخ


ولك من الشكر أجزله ..
mmsmm
06/01/2009, 04:29 PM
والله مع واحد من ربعي وباعه
تدري ليش لانه خبببط
لان مسامير الثلاجه طاحن بالمكنه وخبط
وصلحه بالوكاله ما طلع البعد 3 اشهر
وعلى طول باعه
هذا اللي صار
تحياتي
..سوالف ليل..
06/01/2009, 04:35 PM
والله مع واحد من ربعي وباعه
تدري ليش لانه خبببط
لان مسامير الثلاجه طاحن بالمكنه وخبط
وصلحه بالوكاله ما طلع البعد 3 اشهر
وعلى طول باعه
هذا اللي صار
تحياتي

ياليت أخوي تقول لنا كم كان موديل خويك اللي كان معه وهل كان استخدامه عنيف والا كان يداري عليه


لأن البعض يكسر السيارة ويقول فيها عيوب والعيب منه هو ..


ضروري تفيدنا
NATLUS
06/01/2009, 05:59 PM
ياليت أخوي تقول لنا كم كان موديل خويك اللي كان معه وهل كان استخدامه عنيف والا كان يداري عليه


لأن البعض يكسر السيارة ويقول فيها عيوب والعيب منه هو ..


ضروري تفيدنا

فيه حالات تعتبر شاذه مانقدر نحكم على السياره من خلالها يعني اذكر لك مثال شخص طلع كابرس كان موديله 90 او 91 الشكل القديم المهم وهو طالع من الوكاله ورايح للبيت خبط القير معه هذي حاله شاذه ولو تسأل احد عن الكابرس القديم بيقول لك هذا الموتر