مصور جديد وطالب فزعه

[ه ر ى 502]

السلام عليكم ورحمة الله وبركاته
اخواني اعضاء منتدى مكشات
<-------- على باله في محاضرة :D
العلم ومالكم بالطوالة البارحة طالة اعماركم شريت لي كميرة من نوع نيكون
ولا عرفت كيف استخدمها لتصوير الحشرات والطيور الصغيرة يعني الاشياء الصغير :confused: ليش شاريها اجل :D فالله لايهينكم لو تعطوني نبذة مختصرة عن الموضوع اكون لكم من الشاكرين والمقدرين

تقبلوا تحياتي

[العين السوداء]

هلا بك اخوي ( ه ر ي 502 )
إذا تبي أمور تفصيليه وتخص كاميرتك بالذات ياليت تعطينا موديلها .... أما بالنسبة للعدسة والتصوير للأشياء الصغيرة فهذي لازم تتوفر عندك عدسة مخصصة لتصوير الأشياء الصغيرة وتسمى هذي العدسة " عدسة تضخيم " أو " عدسة ماكرو " .... تتيح لك إمكانية الحصول على صورة لموضوعك بمقياس 1:1
فيه من النوعيه هذي عدسة لنيكون ممتاااازة جدا ً وموديلها هو :

AF-S VR MICRO NIKKOR 105mm f/2.8G IF-ED

لكن المشكلة في السعر .... حوالي 3500 ريال عند الـ عبدالواحد

لكن فيه طريقة ثانية أرخص ...!!

إذا عندك عدسة مقربة زووم تقدر تركبلها عدسة تكبير close-up
لأن هي أرخص من شراء عدسة تضخيم ماكرو تامة المزايا عيب الفلتر التكبير أو مرشح التكبير أنه مو حاد عند الحواف لكن بالنسية للورود مثلا ً ماتهم الحواف على أي حال .

الفلتر هذا يشبه الفلتر العادي بس أسمك منه شوي حوالي بوصه وحده يحول عدستك الزووم إلى عدسة ماكرو ويتثبت على العدسات النيكون والكانون ومن مميزاته مثلا ً :

1- يحتل حيز قليل بشنطة الكاميرا
2- مايزيد وزنه عن بضع قرامات
3- والأحسن من هذا كله أنه رخيص بالنسبه لعدسة الماكرو .

يسمون هذا الفلتر فلتر كانون المكبر canon close-up صح انه من صنع كانون بس تقدر تلقى نوع منه يتركب على النيكون
لكن أهم شي ..... لا تنسى تاخذ مقاس عدستك اللي بتركب عليها الفلتر هذا يعني لازم تاخذ معك العدسه حقتك عشان تركب عليها الفلتر عند المحل عشان يشوف مقاسها وتراها ماهي غاليه مره يعني الظاهر يتراوح سعرها من 260 إلى 560 ريال يعني ماهي غاليه بالنسبة لعدسة ماكرو كامله اللي بحوالي 3500 ريال .

هذا اللي أعرفه أنا وان شاء الله ينفعونك الشباب اللي هم أعلم مني بهالمسائل
والله يوفقك ...... ولا تبخل علينا بالصور منتظرين إبداعك .

[MOHAMMED..]

مبروك عليك الكامره شوف بالنسبه لتصوير الحشرات مثل ماقال أخوي العين السوداء يبيلك عدسه ماكرو وانا مجرب عدسة السيجما سعرها تقريب 1400 جيده وتعطي الى حوالي 70 % واذا ولابد من تصوير الحشرات ولا تبي تشري العدسه عندك علامة الورده في القائمه تعطيك نسبه بسيطه من تصوير الماكرو اما تصوير الطيور يلزمك عدسه زوم قويه مثل400 بس سعرها غالي تقريب 5000 عند الوكيل وان شاء الله أكون وفقت بتوصيل المعلومه

[ه ر ى 502]

الله يجزاكم خير اخواني
عز الله انكم كفيتوا ووفيتوا
طيف ممكن سؤال بعد بزودها معكم
الحين سرعة فتح الحاجب قالوا تستخدمها عشان الضوء يعني كمية الضوء الداخلة للصورة
وفتحتة العدسه عشان عرض الصورة واسف اذا كنت غلطان بس هذا اللي قريته
طيب وش فايدة iso
وبالمناسبه انا نوع الكاميرا عندي هو
Nikon coolpix p6000
واسف اخواني اذا ازعجتكم
تقبلوا مروري

[الرجم العالي]

طيب وش فايدة iso




لتعويض قلة الإضاءه بالأماكن المظلمه .. ولكن هذا على حساب جودة الصوره فكلما كبر الرقم كلما قلت

جودة الصوره وأصبحت كثيرة التحبب (( النويز )) ..

ومبروك الكاميره قبل كل شئ .. :)

وللتذكير عندما يشكل عليك أمر عندك السيد قوقل فهو سيعطيك معلومات غزيره من هنا وهناك يعني طب

وتخير .. :D مثلاً أكتب (( فائدة iso )) بعدها شاهد النتائج ..:good: <<< كلامي أدناه حتى تجد المعلومه

بشكل أسرع ليس إلا ..

بالتوفيق أخي الكريم وننتظر نتائج العروسه .. :)





.

[ه ر ى 502]

يعطيك العافية اخوي وجعلها في موازين حسناتك
وان شاء الله اخوي تشوف الصور يوم الجمعه باذن الله
شاكر لك اخوي مره اخرى