تكفون ابي العلاج لطيري

[مفسر احلام]

مساكم الله بالخير
ياجماعة انا عندي طير مريض ولاني عارف علته ودتيه الطبيب وقال قلاع انا ادري فيه قلاع بس الطير تهوشه براسه رعشه يرتعش وعينه من يمين دايم يسكرها والطير وده بالاكل بس المشكلة ما يقدر انه ينتف من اللحم بس ما يقدر يبلعه افيدونا الله يجزاكم خير

[عابر المحيط]

هذا فيه اقلاع قوي في الراس عطيته حبوب سبيرتكس

[صاحب نوماس]

اخوي هذا فية قلاع قوي بس تكفى لاتهملة بحيث لاتكبر مشكلتة وتفقدة عطة اسبارتكس وزر خالد العويدي خلة يطلع على الطير افضل


والله يشافية ان شاء الله

[ابوميلاف]

عطه حبتين اسبارتكس يوميا لمدة ثلاثه ايام
وان شاء الله فاله العافيه
وان كان الطير تعبان بالحيل وده المستشفى

تحياتي

[سلطان نجد]

عطه حبتين اسبارتكس يوميا لمدة ثلاثه ايام ووغرز الطير اذا ماعلف والله يشافية ان شاء الله

[مفسر احلام]

الله يجزاكم خير يا اخوان على الردود
اناقاعد اعطيه سبارتكس واليوم هو ثاني يوم له بس انا ماني خابر ان القلاع يسبب رعشة في راس الطير ويخليه مو متوازن اتمنى من الله يكون قلاع ولا غيره وعسى الله يشافي البهيمة يارب

[لعّاب المنايا]

طيب ماينزل من منسره سايل ’’يسعبل’’
وكم له على هالحاله مايقدر يعلف ..
لانه مر علي طير مثل حالته بدأ يسعبل وبعدها مايبي العلف يحاول ينسر ولا ولايقدر يعلف وبعدها راسه بدا مثل عقارب الساعه يرعش ويعكس من اليمين لليسار ..
إذا كان فيه اللي ذكرتلك فترى هذا فايروس قوي وإعزل طيرك عن باقي الطيور لانه معدي ,, لان الطير اللي كان عندي ماكمل 3 أيام ومات ,,

[مفسر احلام]

هلا باخوي لعاب المنايا
الطير ما يسيل من لعابه شي
الطير بس يرتعش راسه صار هزاز
والطير مايلوي راسه لان لو لواه يعني بو رقيبه
والطير ما حاشته صرعه ولا تشنج
الطير يشتهي الاكل بالحيل بس مو قادر يبلع شي لسانه لاف يمين
وان مسك العلف بالغصب يبلعها والعين اليمين بس مسكرها

[روووح]

الله يشفي طيرك هذا اقلاع والظاهر طيرك فيه بعد نقص فيتامين

[مفسر احلام]

هلا باخوي رووح
توقع نقص فيتامين
تنصحني اعطيه فيتامينات

[قنآآص]

اخوي الفيتامينات تقوي مناعت الطير ولاتعالج بس اذ الطير موقادر ياكل ممكن انك تعطيه فيتامينات بالاضافه الى الاكل الخفيف والمفيد مثل كبد الدجاج وذا ماكل ممكن (انك تعطيه حليب السعوديه تحقنه مع فم الطير بس مو كثير يعني شوي) هذي المعلومه مجربه مع صاحب خبره كان طيره فيه فيروس ولا يقبل الاكل فكااان يعطيه حليب مع العلاج والله اعلام وممكن الاخوان يفيدونك اكثر عن هالمعلومه

[بعيد الشوح]

انشاء الله افادوك الاخوان تقبل مروري

[أخو وضحة]

أول شي سلام عليكم
ثاني شي الله يشافي طيرك
وانا اقول مالك الا انك تروح صيدلية الأوادم وتأخذ فلاجيل
يوجد منها شراب وحبوب وأفضلها الشراب بس انه مقطوع من السوق
اذا ما فيه شراب خذ حبوب وتجي قوتها 250 و500 خذ 250 واذا مافيه الا 500 اقسمها نصفين و4 ايام وان شاء الله يرجع طيرك مثل اول ولا تعطيه الا بعد العلف ولو كان بالغصب

[مفسر احلام]

الله يجزاكم كل خير كلن باسمه ولا هنتم على الردود
وعسى الله يشافي الطير وعساكم ماتشوفون مكروه يارب

[راعي شلهوب]

الله يجزاكم كل خير كلن باسمه ولا هنتم على الردود
وعسى الله يشافي الطير وعساكم ماتشوفون مكروه يارب
الله يشافي طيرك يالغالي
هذا و الله العالم الي في طيرك ماهوب قلاع
هاذا صرع واخذ الحكي و لا قصور في احد منن الاخوان

[مفسر احلام]

مرحبا راعي شلهوب الطير ما انصرع الطير بس مافيه توازن ويرتعش راسه ولا هو متوازن

[راعي شلهوب]

مرحبا راعي شلهوب الطير ما انصرع الطير بس مافيه توازن ويرتعش راسه ولا هو متوازن
والله وانا اخوك انا اتكلم من واقع تجربه مر على كذا حاله للصرع
منه الي تجيه صوعه يقلب راسه ويطيح من الوكر ولا يتوازن
ومنها الي راسه يرتعش كنه متسندر يتخبط
وانت دامك تقول راس الطير يرتعش و لا هو متوازن دواه الكي
و ده للعويدي و لا انكانك بالشرقيه ارسلي رقمك وبكلمك و مايسير الا كل خير
وان شاء الله يكون مافيه صرع

[الطبشي]

زر اقرب مركز عندك وخله يفحص الطير .....واقرب مالها القلاع الداخلي عليك با الفيتامين والعلاج...والله يفك عوقه ..

[مفسر احلام]

هلا براعي شلهوب الطير انا كويته ولا في تحسن الطير يعلف طيب وصنيع بالحيل بس الرعشة فيه وانا يا خوك من الكويت