المساعد الشخصي الرقمي

مشاهدة النسخة كاملة : باترول ترتفع حرارته


mogbl
08/01/2009, 10:45 PM
عندي 98 قير تماتيك حرارته فوق الربع لو تمشي عليه طبلونه ما تزيد لكن اليا وقف ترتفع ويقلب المكيف حار وعزمه ضعيف ويتضح بالطلوع غيرت الرديتر وتماتيك المروحة وفحصت الراس بالمخرطة ولاتغير فيه شي
ارجو من الي عنده تجربة او يعرف احد في المدينة او جدة متخصص بمثل هذه الأمور يذكرها مشكورا
bb5599
08/01/2009, 11:41 PM
تحياتي لك اخوي

نفس المشكلة مرت علي وبهذلتني بهذلة ومافيه شيء ماغيرته...لكن توصلت إلى العلاج النهائي بعد رحمة الله بي...

وهو تغيير ليات الثلاجة (ست ليات)قيمة اللي الواحد تقريبا 35- 45 لكن شغل اليد مكلف شوي ...تحياتي لك وصدقني نفس مشكلتك بالضبط لكن انا قير عادي..
عنزي من نجد
09/01/2009, 03:41 AM
وشيك على الديلكو على دربك
ابوحماد
09/01/2009, 06:23 AM
عند المشي بسيارة لا ترتفع حرارة السيارة

وعند الوقوف ترتفع

هذا يا أخي الكريم يدل على هناك وجود مشكلة عندك

1- بسبب نقص الهواء، يلزم التشييك على المروحة

2- كلتش المروحه

3- وسير المروحة
رمثان155
09/01/2009, 06:37 AM
بعد التوكل على الله شف عندك ...مراوح التبريد الأماميه تأكد بأنهن يعملن بطريقه الصحيحه بمعنى انهن يدفعن الهواء لداخل وطريقه الفحص بسيطه جدا أمسك بيدك فاين (كلينيكس)وحطه على المراوح الأماميه أذ أسحبته أرعرف بأنهن يعملن بطريقه الصحيحه وأذا كان العكس قم بأصلاح المراوح .....الكثير منا لا ينظر اليهن وهن سبب كبير للحراره..ارجو بأنى أفدك (من واقع تجربه على باترل 2003)قير تماتيك ....تقبل مرورى..رمثان155
سوبر VTC
09/01/2009, 07:16 AM
اذا كان عزمه ضعيف
اوزن الديلكو لانه يسبب حرارة للمكينة
يدل على ذلك تسمع لقلقلة البلوف اذا دست بالموتر عند اشارة مثلا
تحياتي
الربذي
09/01/2009, 08:11 AM
عند المشي بسيارة لا ترتفع حرارة السيارة



وعند الوقوف ترتفع


هذا يا أخي الكريم يدل على هناك وجود مشكلة عندك


1- بسبب نقص الهواء، يلزم التشييك على المروحة


2- كلتش المروحه


3- وسير المروحة



:good: :good: :good:

كلام ماوراه صراحه

طيب تدري انك تقدر تفك المروحه طبعا الريش فقط ولاالسير تخليه وتسافر ماعندك اي مشكله بس توقف 3دقايق تاصل الحراره اخر شي .
يعني وظيفة المروحه البريد اثناء الوقوف فقط ..................
إبن فيصل
09/01/2009, 08:23 AM
كلام الاخوان الي سبق في محله لأنه من واقع تجربه أكيد لكن أنا أقول شيك على الي قالو عن وحده وحده وإن شاء الله بتحصل الخلل وين ...أما عن تجربتي أقول عندك خلل في ثلاجة المكيف تأكد منها أو ألغي المكيف الحار وإن شاء الله بتنتهي المشكلة.
mogbl
09/01/2009, 08:00 PM
اشكركم جميعا على التفاعل الطيب واسال الله ان يجزيكم عني خيرا و يرزقكم ويوفقكم لما يحب ويرضى




اخوي bb5599المشكله عندي حتي في الشتاء حرارته دايم فوق الربع ماهي مرتبطة بتشغيل المكيف هل هذا الي حصل معك بالضبط
adil33
09/01/2009, 08:42 PM
اذا الرديتر مو من الشركة فيجب تغييره ( الرديتر الالمنيوم الموجود بالمحلات يزيد الحرارة )
ثانيا تاكد من الديلكو
bb5599
12/01/2009, 05:34 PM
هلا اخوي ....المعذرة على التأخر....

نعم في الصيف والشتاء...

واذا اردت مزيدا من الاستفسار 0554441492
تحياتي لك
aooa
12/01/2009, 05:43 PM
من كلامك

يتضح ان السبب في المروحه الكهربائيه

يا تكون ضعيفه او متعطله

وليس هناك مشكله لا في الرديتر او مروحه السياره بحكم انك اذا مشيت ولو تسرع ما ترتفع الحراره
عاشق النداوي
12/01/2009, 06:27 PM
السلام عليكم ... اخوي طيب انت ناضرت البلف يمكن البلف مسدود او مايدخل ماء بالكميه المطلوبه . وباالله التوفيق......