ممكن بعض المعلومات عن همر H3 [ للمجربين ] [الأرشيف]

مشاهدة النسخة كاملة : ممكن بعض المعلومات عن همر H3 [ للمجربين ]

K 7 E L A N

10/01/2009, 02:24 PM

بسم الله الرحمن الرحيم

السلام عليكم ورحمة الله وبركاتهـ

مسّاكـم الله بالخير جميعاً

اخواني الكرام في منتديات مكشات

عندي واحد من اخوياي يبي يشتري همر h3

وقال لي وش رايك ؟؟

قلت مالي الا الله ثم اعضاء مكشات

وابي اسالكم عنه [ للمجربين فقط ]

1- قوة المكينه ... هل مناسبة لـ ثقل الموتر ؟؟

2 - هل في مشاكل وكثرة الصيانه ؟؟

الله لايهينكمـ وياليت تزودننا عنه اكثر واكثر

في انتضاركـم

والسلام عليكم ورحمة الله وبركاته

D I K T O O R

10/01/2009, 02:28 PM

الـ 2006 وكذا وهالموديلات تلقى سعرها بـ 73 وبهالحدود

K 7 E L A N

10/01/2009, 03:00 PM

مشكور اخوي دكتور

لاكن انا اسال عن المواصفات وليس عن السعر

ولاعدمناك يالذيب

ناصر H3

10/01/2009, 04:13 PM

أخوي أنا راح أنقل لك تجربة 8 أشهر
قبل ما أنقل لك التجربة راح أعطيك معادلة عامة:
إذا ابي أشور عليك راح أسألك وش سيارة اللي تملكها قبل
يعني إذا معك موتر ألماني أول لكزس وتبي تشتري همر فأكيد راح تنتقل من فئة إلى فئة يعني راح تحس بفرق في الراحة مو معناه أن الهمر غير مريح لكن بسبب انك أنتقلت من فئة سيدان إلى فئة سيارة دفع رباعي
لكن إذا سيارتك مو فارهة وبتشتري همر أنا أقول لك الهمر مريح جداً علماً أنه سست وما تصدق أنه سست لما تركب من زود الراحة
نجي للمواصفات:
1- السيارة محركها 5 سلندر وقوة المكينة 3700 سي سي المكينة هذي من 2007 وصاعداً يعني مودل 2006 مكينته 3500 سي سي.
ومع ذلك أداء الكينة جداً مرضي داخل المدينة.
2- بالنسبة للسيارة في السفر لمسافات طويلة يوجد سيارات أفضل منها مثل التاهو- اليوكون .... إلخ
وذلك بسبب أنها مرتفعة (خلوصها عالي) وتصميم السيارة مو أنسيابي يعني لو تلاحظ الزجاج الأمامي واقف مو شكلة أنسيابي.
3- السيارة في البر أداءها فعلاً جبار لأن الهمر الـ H3 يمتلك قدرات فائقة
طبعاً السيارة دفع رباعي مستمر وفيه دبل خفيف ودبل ثقيل إضافةً لنظام التراكشن كنترول وفيه فئة تجي بـ دف لوك (طبعاً في الطعوس الموتر يعتمد على السواق بنسبة كبيرة)
4- التجهيزات الداخلية طبعاً تتفوق همر H3 عن منافسيها في التجهيزات الداخلية حيث تتوفر بنظام شاشة ملاحة (للفل كامل) - وفتحة سقف - ومراتب جلد.(للفل كامل)
5- الصيانة والله رحت علية لمختلف التضاريس يعني أنا بصراحة ما دلعت موتري من شريته ومع ذلك ولله الحمد لم يطلب شي ... عدا صوت صرصرة السست يعني تنظيف وتشحيم
6- الوكيل بدأ يتحسن حيث فتح فرع خاص لصيانة سيارات همر وكاديلاك يعني راح يكون الأمر أفضل من أول

بشكل عام السيارة جداً ممتازة بالنسبة لعشاق سيارة همر

وقريباً راح أطرح تقرير بالصور عن الهمر الـ H3
ان أصبت فمن الله وان أخطأت فمن نفسي والشيطان

رمثان155

10/01/2009, 04:43 PM

والله لا أنصحك بقتناء هذه السياره من واقع تجربه شخصيه ......ان بقيت الدفع الرباعى للبرعندك جيوب اليابان بأنواعها ...وأن أردت الراحه بسفر عندك الفورد اكدبيشن او اكسبلورر...ولك الخيار تقبل مرورى.

K 7 E L A N

10/01/2009, 04:50 PM

وعليكم السلام ورحمة الله وبركته

مشكور اخوي ناصر H3 [ تجربه 1 ]

كفيت ووفيت والله اختصرت علينا مشوار طويل

لاعدمناك يالذيب

والله مدري وش لون اشكرك

الله يوفقكـ ويرزقكـ ماتتمنى في دنياك وآخرتكـ

والسلام عليكم ورحمة الله وبركاته

K 7 E L A N

10/01/2009, 04:56 PM

وعليكم السلام ورحمة الله وبركته

مشكور اخوي رمثان 155 [ تجربه 2 ]

على الجهود المبذوله

الموتر المقصود موب لي لواحد من الزملاء

ولا لوه لي كان ياباني ومضمون ولايحتاج انك تسال

هذا القصد ..!

لاهنت يالذيب

ناصر H3

11/01/2009, 08:31 AM