صور الفقع من منطقة حول الرياض أو قريبة منها ...

[.أبو عبدالله.]

بسم الله الرحمن الرحيم

السلام عليكم ورحمة الله وبركاته

أنا جايب لكم الآن صور الفقع وهو من منطقة حول الرياض أو قريبة من الرياض

ولكن أعذروني لعدم ذكر المنطقة ...


1

http://www.rofof.com/img2/1ibpms10.jpg (http://www.rofof.com/)



2


http://www.rofof.com/img2/1psaiq10.jpg (http://www.rofof.com/)


تحياتي أبو عبدالله

[moon.15.502]

مشكور على الصور الرائعه

ويليت تحدد المكان

[كفاش]

الله يهنيك به

والله ينفع به

[عنبري]

الله يجزاط خير
لكن وين لقطه فيه

[المسرع]

مشكور على الصور الرائعه

[الكنق 511]

ياليت تقول الموقع لاني بسابقك عليه ههههههههههههههههه
مشكور علي الصور

[.أبو عبدالله.]

ياليت تقول الموقع لاني بسابقك عليه ههههههههههههههههه
مشكور علي الصور


ههههههه

أصلا إذا رحت مب لاقي شيء

تخيل أنا .. أنا وأعوذ بالله من كلمة أنا :D

أمر بمكان فيه فقع ولا أمشطه مستحيييل .. :no2:

لازم نجني كل الفقع ..

وأشكر البقية على مرورهم الجميل ..

[عبد الله m]

الفقع مفيد جدا خاصة للعيون
يعطيك العافية علي هذة الصور

[صمان1]

اللهم انزل علينا الغيث ولاتجعلنا من القانطين

[عاشق الكمأ]

سلم لي على بعض النشاما اللي يعطيك الاحداثيه لمكان الفقع والربيع
ماهوب بس الوصف ,,الناس ماهيب سوا .

[بحر الموده]

طيب متعب نفسك وجي تكتب ليه

[ابو سمر]

مشكور وما قصرت الله يعافيك ..

[المعبي1]

الله يجزاك خير
لن تؤمن حتى تحب لاخيك ماتحبه لنفسك

الله يبارك لك فيها ولعلها انشاءالله صحه وعافيه

[نجم حفرالباطن]

ماشاء الله وش زين صورة الفقع تسر الناظرين

[السفيررر]

ههههههههههههههههههههههههه

[ابوحماد]

الله يبشرك بالخير يابوعبدالله
وأن شاء الله نبي ناخذ الشايب يوسع صدرة
ونحصل مثل رزقك
وعليك بالف عافيه

[سيف الشمال 1]

عيب عليك ماتعلم المكان
الخير واجد والفقع بكل مكان محد يبي يحسدك

[عاشق المزون]

ماادري ليش الاخوان يزعلون اذا احد نزل مكان فية ربيع او فقع ولا حط احداثيات يااخوان والله المفروض الاحداثيات تحذف من جميع المشاركات قبل الايميل ورقم الجوال تخيلو قراطيس ماكدونالدز في الصمان !!!!! ولا الشباب الى وقفونا عن مفرق الشحمة ويسالون عن شعيب العصلان !!!! قصدهم شعيب الأعصل قلنا وين سمعتوه فية قالو مكشات ههههههههه الله يعطيك العافية ومشكور

[الخادم]

ما شاء الله
الله يرزقكم

[ابوحماد]

عيب عليك ماتعلم المكان
الخير واجد والفقع بكل مكان محد يبي يحسدك

:D :D

دام على قولك الخير واجد و الفقع في كل مكان

يالله البركه فيك أنت

لا تعيب على الناس و العيب ....

[yahla6]

ههههههه

أصلا إذا رحت مب لاقي شيء

تخيل أنا .. أنا وأعوذ بالله من كلمة أنا :D

أمر بمكان فيه فقع ولا أمشطه مستحيييل .. :no2:

لازم نجني كل الفقع ..

وأشكر البقية على مرورهم الجميل ..

طيب اذا انا مب لاقي شي..ليه ماذكرت المكان؟؟ اعوذ بالله من الحسد

[ضاااري]

سلم لي على بعض النشاما اللي يعطيك الاحداثيه لمكان الفقع والربيع
ماهوب بس الوصف ,,الناس ماهيب سوا .


اعجبني الرد
قوي جداًًًًًًًاً

[ناجز]

مشاء الله الله يهنيك به

[النجايب]

ماعليك منهم
لا تعلمهم خلهم يدورون

[السفاري سابقا]

السلام عليكم وجعله بصحة وعافية

الله العالم انه حول الحفنة ;) او بالمناطق اللي فوق روضة الخفس خاصة وانك منزل تقرير عن رحلة الخميس لروضة الخفس :d

[سيف الشمال 1]

:D :D

دام على قولك الخير واجد و الفقع في كل مكان

يالله البركه فيك أنت

لا تعيب على الناس و العيب ....


اررررررررحب ياخوي فيه ناس ماتعرف ولاتدل ووالبعض معه اجازة يوم ول يومين
الله رحمنا بالمطر والخير وهذا مايبي رحمة الله تنزل ولايبي يعلم
احسن شي لاينزل الموضوع ويحط الصور ذكرى بارشيفه الخاص:)

[أبوالطيب]

أظن لو احتفظت بالصور لنفسك أفضل من عرضها دون ذكر المكان

[صقر العثمور]

تسلم ابو عبدالله ويعطيك العافيه ولاتنسانا من الفقع ههههههههههه

[رياضي999]

مع اللاسف انت رجل سامج أجل لماذا تتعب نفسك .لو مابغيت احد يستفيد منه أجل أصمت.

[خلوي]

مع اللاسف انت رجل سامج أجل لماذا تتعب نفسك .لو مابغيت احد يستفيد منه أجل أصمت.
رياضي وين الروح الرياضية, ردك يدل على شخصيتك , أصلاً عيب عليك اتعلم بمكان صيدك وهذا معترف به دولياً, الي يقول ان في راسه عطاس وكفوا يروح ويطلع المكان, ماينتضر ان الناس تتصدق عليه وتقوله عن أماكن صيدها, وشرايكم بعد يروح ويلقط لكم الفقع بنفسه, الحسد والله في قلوبكم مهب في قلبه المسكين, مستانس يحسبكم بتفرحون بالصور الي حطها مادرى انه حمس كبودكم وحرقهااا, انا اقول انك كفوا الي ماحددت المكان وعيني عليك بارده......

[قرم العيال]

ما شاء الله

والله اني مشتهي فقيعات يالربع

ودي ألقط بيدي ,,

[9ابريل]

الله يعطيك العافيه على التقرير والزبيدي الطيب ياربي لك الحمد هسنه شبعنا بدري من الفقع

[شريدان جونيور]

رياضي وين الروح الرياضية, ردك يدل على شخصيتك , أصلاً عيب عليك اتعلم بمكان صيدك وهذا معترف به دولياً, الي يقول ان في راسه عطاس وكفوا يروح ويطلع المكان, ماينتضر ان الناس تتصدق عليه وتقوله عن أماكن صيدها, وشرايكم بعد يروح ويلقط لكم الفقع بنفسه, الحسد والله في قلوبكم مهب في قلبه المسكين, مستانس يحسبكم بتفرحون بالصور الي حطها مادرى انه حمس كبودكم وحرقهااا, انا اقول انك كفوا الي ماحددت المكان وعيني عليك بارده......

كفو

هذا الكلام

ومشكور على الصور يبوعبدالله

[مخاوي الذيب]

ارسل لي المكان على الخاص ولا اعلم احد

[abnbtota]

السلام عليكم
الله يبارك فيك على الصور الطيبه
والحمدلله بشائر الخير كثيرة وموسم مميز وهذا تأكيد:D
http://www.gulflobby.com/upload/get-1-2009-gulflobby_com_5y5e8xfm.jpg (http://www.gulflobby.com/upload)

[.أبو عبدالله.]

اللهم لك الحمد

الحين إذا ماحطيت الموقع هذا مب من حقي ..؟؟؟!!!

من حقي أنا إني ما أحط الموقع يعني أتعب وأروح أدور وأنت جالس في حضن ...

ياناس عيب هالكلام

والي يقول حسد أنا أقوله أن هذا من حقي

إلا الحسد أنك تقول ليش ماعلمتنا .. لأنك ودك وبه ولاتريده لغيرك

وأنت يالحبيب يالي قلبك مطهر من الحسد حط نفسك في نفس مكاني

وشف النتايج بنفسك والواحد يتكلم بعين الواقع مب كلام بس ...

وأشكر البقية من كل قلبي على مرورهم وتشرفيهم للموضوع وأقلوهم سلامي لكم يالنشاما

الي يعرفون يقدرون المواقف بأي طريقة يتعاملون معها ..

[محمد2]

يقول الرسول صلى الله عليه وسلم:"والله لايؤمن أحدكم حتى يحب لأخيه مايحب لنفسه" وهي أريحية يتمتع بها النبلاء من الناس..

أرى أنه ماله داعي تنزل موضوعك مادامك شاح بإخبار اخوانك بالمكان..وأطلب من الاشراف أن تكون هذه سياسة مكشات..

[عشانا]

ياجماعة الخير ليش القيل والقال الفقع المغربي مالي السوق
كرتون فلين 150 ريال
اما الي لايذكر اسم المكان الذي يتواجد به الفقع هم فئة من الناس معروفه ومتاصل هذا الفعل فيهم

[no fear 78]

يا خوي الله يهديك ( لا يدخل احدكم الجن حتى يحب لأخيه ما يحبه لنفسه) ما بخلص هو الخير موجود بفضل الله لا تبخل على خوانك يكفيك دعوه من واحد منهم الله يجزيك خير تكفي او لا

[لمع السحاب]

يابو عبدالله
رح الله يهنيك ويبارك فيك و يسرررررر امرك و تاكله بالعافية
ونستك العافية
ما عليك كله كلام منقهرين وش فيها اذا ما حطيت المكان لكن ان شاء الله بتلقطون الفقع في كل البراري اللي حول الرياض و القصيم و سدير والزلفي والشمال و في البحر بعد

[joooon11]

السلام عليكم


ترى من العيب أن تضع الصور ولا تضع الموقع:


-لان الارض ملك الله عز وجل.


-والنبي صلى الله عليه وسلم يقول ((احب لاخيك ما تحب لنفسك))


-والفقع مليان في السوق فما الفائدة من وضع الصور دون الموقع.


-وانت كمن يعزم واحد على العشاء ولا يدله الوصف.


وفي النهاية ارجوا اغلاق الموضوع لعدم الفائدة منه


وتقبلو تحياتي
ابو علي

[فهد1415]

يعني وش الفائده
توريني صورته كلنا عارفيه

نفسي اعرف تفكير هالعالم؟؟؟؟؟

[nasser04]

ماادري ليش الاخوان يزعلون اذا احد نزل مكان فية ربيع او فقع ولا حط احداثيات يااخوان والله المفروض الاحداثيات تحذف من جميع المشاركات قبل الايميل ورقم الجوال تخيلو قراطيس ماكدونالدز في الصمان !!!!! ولا الشباب الى وقفونا عن مفرق الشحمة ويسالون عن شعيب العصلان !!!! قصدهم شعيب الأعصل قلنا وين سمعتوه فية قالو مكشات ههههههههه الله يعطيك العافية ومشكور
كذلك كنتم من قبل فمن الله عليكم

[fawazakeel]

هذا احسن رد




السلام عليكم


ترى من العيب أن تضع الصور ولا تضع الموقع:


-لان الارض ملك الله عز وجل.


-والنبي صلى الله عليه وسلم يقول ((احب لاخيك ما تحب لنفسك))


-والفقع مليان في السوق فما الفائدة من وضع الصور دون الموقع.


-وانت كمن يعزم واحد على العشاء ولا يدله الوصف.


وفي النهاية ارجوا اغلاق الموضوع لعدم الفائدة منه


وتقبلو تحياتي
ابو علي

[نجد 1]

الله يعطيك العافيه

[اسير الغربة 1]

السلام عليكم

ترى من العيب أن تضع الصور ولا تضع الموقع:

-لان الارض ملك الله عز وجل.

-والنبي صلى الله عليه وسلم يقول ((احب لاخيك ما تحب لنفسك))

-والفقع مليان في السوق فما الفائدة من وضع الصور دون الموقع.

-وانت كمن يعزم واحد على العشاء ولا يدله الوصف.

وفي النهاية ارجوا اغلاق الموضوع لعدم الفائدة منه

وتقبلو تحياتي
ابو علي

[مخاوي الليل99]

تراه مهوب من حلالك وبكيفك
مزعجنا بالصور الله يهديك

[ابوسليم]

ياابو عبد الله / الله يرحم والديك علمني المكان ولك علي ماالقط اكثر من اربع حبات

[البركة]

السلام عليكم
ابو عبدالله عليك بالعافيه ومشكور على الموضوع
والله يبشرك بالخير
ومن حقك ماتذكر الموقع

[الفكتر]

الله يجزاك خير
وجميع اعضاء مكشات
واشكروه يزدكم

[ذيب جلدية]

مشكور على الصور الرائعه

[ابوحماد]

اللهم لك الحمد



الحين إذا ماحطيت الموقع هذا مب من حقي ..؟؟؟!!!


من حقي أنا إني ما أحط الموقع يعني أتعب وأروح أدور وأنت جالس في حضن ...


ياناس عيب هالكلام


والي يقول حسد أنا أقوله أن هذا من حقي


إلا الحسد أنك تقول ليش ماعلمتنا .. لأنك ودك وبه ولاتريده لغيرك


وأنت يالحبيب يالي قلبك مطهر من الحسد حط نفسك في نفس مكاني


وشف النتايج بنفسك والواحد يتكلم بعين الواقع مب كلام بس ...


وأشكر البقية من كل قلبي على مرورهم وتشرفيهم للموضوع وأقلوهم سلامي لكم يالنشاما



الي يعرفون يقدرون المواقف بأي طريقة يتعاملون معها ..



لا يهمك يابو عبدالله من هرج فيك

في ذمتي أهو اول واحد لو يحصل مكان فيه فقع مستحيل يخبر أحد

وثاني شي يربع من لا وده بتعب و البحث عن الفقع

عنده السوق الفقع المغربي زبيدي على كيفك 5 كيلو 400 ريال

تغنيك عن الناس و التعب

[خن بط]

طيب

وش يمنعك من ذكر المكان

سؤال يبحث عن اجابه صادقه

[abnbtota]

السلام عليكم
الى جميع السائلين عن موقع الفقع ..
اقدر اقول لكم انه بالبر:D

[اسير الغربة 1]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

الرازق بالسماء والحاااااااااااااااسد ؟؟؟؟؟؟؟؟؟؟؟؟؟؟؟؟؟؟

:D :) ;)

[ابراهيم2008]

مشكور اخوي على الصور
وين المكان لازم تعلمنا

[ترفيد]

مشكور علي الصور الجميله

[الكار]

وش مصور فقع حتىبدون ما يطلع الأرض الي حوله(ياخي مانبي نعرف مكانك)
نبي نستمتع بالربيع و الا كلنا نعرف الزبيدي(يعني مانحتاج صور)
والمشاركة مالها أي فايدة يعني بس تبي تقهر الشباب



...

[راعي اليتامى]

الله المستعان

ليه حاط الموضوع مادام ماتبي تذكر في وين مكانه

همسة : حب لغيرك ماتحب لنفسك....

[الشاقي]

ابوعبد الله
تستاهل اللي لقيته و عساه بالعافية واللي يبي الفقع يدوره انت ما شبكت الأرض عن الناس علشان يشرهون عليك
اللي يتشره ماعليك منه انت تعبت الين حصلت على نتيجة تعبك
اما اللي يبي يتبطح وينتظر تجيه الإحداثية علشان يروح يلقطه عنك هذا لا يرضي احد ابد

[أخت مبارك]

ماشاء الله لونه يجنن
يعطيكم العافيه

[احمد العران]

ما شاء الله