المساعد الشخصي الرقمي

مشاهدة النسخة كاملة : وش تنصحوني فيه من الكفرات للجيب يالربع



موادع 1
10/01/2009, 10:57 PM
الاخوة الاعزاء
السلام عليكم ورحمة الله وبركاته
ودي اغير كفرات الجيب ومحتار وش اختار
شد البلد للسفاري برجستون
ويوم اشتري الموتر مركب له راعيه الاول دنلوب
ودي اغير لكفرات تكون لينة في المطب ومريحة
في بالي هانكوك ودنلوب ويوكوهاما وبرجستون
شورو لي يالربع ابي الكفرات اللينة والمريحة تكفون
ولكم جزيل الشكر

محبكم
ابو نواف

راعي الهدد 77
10/01/2009, 11:06 PM
السلام عليكم

الصراحة اقترح عليك يوكوهاما اخف بالمطب ومريحة ومالها رجة عالخط

انا مركبها عالجمس ومسكت فيه خطوط لين ماقلت بس ولا فيه احلا منها...

تقبل ردي اخوي وارجو اني اكون افدتك

اخوك (راعي الهددد 77).....

...وخلوها تصدي وموديلها يعدي...

موادع 1
11/01/2009, 10:10 PM
السلام عليكم

الصراحة اقترح عليك يوكوهاما اخف بالمطب ومريحة ومالها رجة عالخط

انا مركبها عالجمس ومسكت فيه خطوط لين ماقلت بس ولا فيه احلا منها...

تقبل ردي اخوي وارجو اني اكون افدتك

اخوك (راعي الهددد 77).....

...وخلوها تصدي وموديلها يعدي...

بيض الله وجهك ورحم الله والديك اخوي راعي الهدد:good:
وشاكر لك تزويدنا بتجربتك مع اليوكوهاما:good: :good:
لاعدمتك يالغالي

موادع 1
11/01/2009, 10:11 PM
طيب يا اخوان
ممكن احد يفيدني بميزة الدنلوب
الحقيقة اشوف الناس طايرين به
واكيد فيه ميزة
ولكم جزيييييييييييييييييل الشكر

مكشات عنيزة
11/01/2009, 10:24 PM
انا ياخوك معي باترول 97 ومركب عليه دنلوب , قل كان عليه برجستون ( من فكيته من الوكاله وانا ما اشتري الا برجستون )

لكن الحين ركبت عليه دنلوب , ميزته انه متوسط اللين لا قاسي بالحيل مثل البرجستون ولا هب لين بالحيل مثل الهانكوك وينشق بسرعه

وممشاه بالبر تغير والله , حطه 25 الهواء ولا يردك شي باذن الله بس انا على احطه 30 - 35 وزي العسل بالبر والديره

موادع 1
11/01/2009, 10:40 PM
انا ياخوك معي باترول 97 ومركب عليه دنلوب , قل كان عليه برجستون ( من فكيته من الوكاله وانا ما اشتري الا برجستون )

لكن الحين ركبت عليه دنلوب , ميزته انه متوسط اللين لا قاسي بالحيل مثل البرجستون ولا هب لين بالحيل مثل الهانكوك وينشق بسرعه

وممشاه بالبر تغير والله , حطه 25 الهواء ولا يردك شي باذن الله بس انا على احطه 30 - 35 وزي العسل بالبر والديره

عافاك الله ياذيبان
عز الله ما قصرت وبيض الله وجهك

samfj40
12/01/2009, 12:54 PM
اذا ناوي تحتفظ بالموتر ركب ميشلان لك وللزمان ولن تندم ان شاالله

مفتاح الفرج
12/01/2009, 01:26 PM
اكبر مشكلة .... هي المحل الموثوق

لأن ( الغالب ) ان المحلات تشتري من وارد دبي

فهو مقلد او سيء التخزين


...

EFI.4500
12/01/2009, 02:06 PM
والله انا مجرب دنلوب يكفيك انهن يابانيات لاكن الحين غالياااااات

اخبر اني شريت الواحد ب380 والحين وصلن للواحد طبعا 500
وان كان تبي سلق او مايسمن باللبن فهن ب550 الجديد للحبه لاكن لك وللعمر
وترا تلقا مستعملات بهن نص العمر رخاااااااص

والمشلان عمره طويل ليش؟ لانه يغلب عليه الاسلاك او الاسيام اكثر من المطاط بالعاده
وانا اخبر مايجي اصلي هالحين وهو يجي على مااظن فرنسي وامريكي والماني

بعكس البالون الي يغلب عليه المطاط وعمره اقصر


والدناوووب متوسط وانا مجربه وعمره طويييل بمجرد تركيبك له انسه خذه من ...مع مراعات تاريخ الصناعه للمعلوميه واسف للاطاله

اتمنى اني افدتك وتقبل مروري

موادع 1
12/01/2009, 08:30 PM
يلوموني في مكشات واعضاءه الشقردية
يعلم الله ان كل واحد منكم يبي له صفحة شكر خاصة
ولكن الله يجزاكم خير ويحفظكم من كل مكروه
وشاكر لكم ما ادليتم به من معلومات قيمة

محبكم

ابو نواف

الشاهين2004
13/01/2009, 12:14 AM
انا مركب ميشلان وكل سنتين اغيرهم بحيث اني ابيع القديم عليهم واركب جديد نفس النوع ومرتاح جدا بهالطريقه انسى شي اسمه كفرات

بالون
13/01/2009, 12:19 AM
بــــــــــــــــــــــــــــــــــــــــــــــا لــــــــــــــــــــــــــــــــــــــــــــــون
ونسى البنشر وفكـ عامود الدبل....
بالون بالون

ابو نوره
13/01/2009, 01:14 AM
كم المقاس المطلوب اخوي

aljthab
13/01/2009, 02:44 AM
ارشح الدنالوب لا بالخط ولا بالديرة ولا بالبرمتوسط بين القساوة واللينوالاخ الي يقول هانكوك لين !!! مادلة اللينوقاسي مرةالبالون عمرة قصير مرة ولا يصلح على الربعفي فايرستون ومدري لية مالة شعبية مع انة مرة ممتاز وجربتة ولا نقدت علية بشيلين وخفيف.اللهم انة مع الجنب اشوفة لين مرةشف الدنالوب نقشة البالون يمكن يعجبك ......صراحة عاجبني لكن ماجربتة

دانكن
13/01/2009, 06:27 AM
انحش عن البريجستون قاااسي ..

ركب الدنلوب وانت مغمض .. :) ..

موادع 1
13/01/2009, 06:47 PM
وش الاصلي من الميشلان
لانه يجي عدة صناعات الماني وفرنسي وغيره
مع العلم ان المقاس
275 / 70 / 16
واللي عنده علم عن سعر الميشلان يفيدنا تكفون
وهل اركب بالغرابي او عند وكيله
مع العلم ان الوكيل اغلى وميزة الغرابي
ابو يمن يشترون الكفرات القديمة ويركبون جدد وتدفع الفرق

ولكم جزيييييييييل الشكر