المساعد الشخصي الرقمي

مشاهدة النسخة كاملة : تكفوووون يا أهل الجموووس أخوكم في ورطة



أمير المصفحات
11/01/2009, 09:05 PM
السلام عليكم ورحمة الله وبركاته

وبعد

تحية طيبة للجميع

أخوكم

أمير المصفحات

يا أخوان أنا عندي جمس حوض مصفح موديل 80

الموتر الحمدلله نظيف لكن عندي مشكلةوحدة في الموتر وهي:

الكلتش حق الموتر عندي ثقيل عشان أعشق القير لازم أوقف على الدعسة حق الكلتش عشان يعشق

والله يا أخوان الكلتش حق الموتر جديد وأصلي وشاريه طقم كامل لكن مافي فايدة

فأرجوا منكم مساعدتي إذا كان في حل للمشكلة هذي وإذا في ورشة في الرياض تصلح هالمشكلة ياريت تدلوني عليها

والله يا أخوان بديت أكره الموتر بسبب هالمشكلة

تكفووووون يا ملاك الجموس وأهل الخبرة تكفووون

أخوكم

أمير المصفحات

مروووق
11/01/2009, 11:30 PM
اتذكر كان عندنا هايلكس موديل 84 طلعت ريحه الوالد مع الكلتش

نفس الطريقة. على قولتك لازم يوقف فوقه علشان يدعس و يعشق ههههههههههههههههه

غير الوالد الدزق والكلتش والاصلاح والعلبة وكل مايطري على بالك. ولا حياة لمن تنادي. ماتغير شي

طلعت العلة من الدعسه نفسها ، لانزلت تحت عند الدعسات حق البنزين والكلتش والبريك اكتشفنا ان الدعسه حق الكلتش مرتخيه اللحام حقها من بدي السيارة ولا تنضغط كلها. و لحمناها على 5 ريال وانتهت المشكلة

شيك الدعسه من داخل . ربما تكون نفس المشكله :)

بالتوفيق

كاشت وحداني
11/01/2009, 11:38 PM
صحيح احيانا قاعدة الدعاسه يكون فيها خلل
واحيان السسته تكون شاده
كان الله بعونك

أمير المصفحات
11/01/2009, 11:57 PM
الله يكون بعون الجميع

ومشكورين ماقصرتوا يالنشاما

وإن شاء الله أشوف اللحام والسسته

وبإنتظار باقي الاخوان إن شاء الله يفيدونا زيادة

&أبوخالد&
12/01/2009, 12:06 PM
غير السسته الي سسته اخف من حق بلدها
نفس الطول والعرض بس خليها اخف
انا مسويها على جمس 81
والحمدلله صارت اخف من السيارات الجديده
والشغله ان شاء الله ماتكلف وتقدر تسويها في البيت

أبن الجنوب
12/01/2009, 02:14 PM
اخوي غير الدزق نوع مشط وليس نوع يسمى عصافير اخف لك انا كان عندي بليزر عادي الدزق عليه نوع عصافير وغيرته نوع مشط اخف على الدعسه وحاول الميكانيكي يشد لك واير الكلتش عشان يعشق معك بسهوله........تحياتي

بندر خلف
12/01/2009, 04:10 PM
شيك على سبرنق الكلتش

أمير المصفحات
12/01/2009, 06:38 PM
إن شاء الله أروح بكرة للصناعية وأشتري لي سسته وأركبها في البيت وأجرب وأشوف

عسى خير

أمير المصفحات
13/01/2009, 05:18 PM
يا أخوان والله اليوم غيرت السسته وللأسف ما تغير شي

وش رايكم وش أسوي غير السسته

ما في حل ثاني تكفووون دلوني

وإلا دلوني على ورشة في الصناعية في الرياض تفحص الموتر وتشوف وش المشكلة

تكفوووون طالبكم

طحنون
13/01/2009, 05:48 PM
يالحبيب شغله بسيطه جدا
وهي بعد ماركبت الدزك والكلش الميكانيكي
ماوزن الدعسه ياعني ماوزن الكلش مع الدعسه وهي لها ميزان لو انك بالدمام يسوها لك واحد يماني ولا تاخذ عشر دقائق

ابوفهيدان
13/01/2009, 06:11 PM
اسمع وانا اخوك هاك اكثر من احتمال
1-اللي ركبها لك ماضبطها وتكون ريش الديسك مع الفحمة
2-الدعسه مجيمه ومرات مع دعسة الكلتش يمسك بريك معاك خفيف
3-السبرق يمكن يكون قاسي حيل او انه دابله لك
4-توصيلات الدعسة اللي داخل البدي وشابكة بالقير تفحصها وزيتها يمكن احد منها معووج

أمير المصفحات
13/01/2009, 10:00 PM
اسمع وانا اخوك هاك اكثر من احتمال
1-اللي ركبها لك ماضبطها وتكون ريش الديسك مع الفحمة
2-الدعسه مجيمه ومرات مع دعسة الكلتش يمسك بريك معاك خفيف
3-السبرق يمكن يكون قاسي حيل او انه دابله لك
4-توصيلات الدعسة اللي داخل البدي وشابكة بالقير تفحصها وزيتها يمكن احد منها معووج



أخوي لا هنت والله

أنا اليوم ركبت سسته جديدة ومافادة

ولكن لاحظت ان في قطعة حديد طالعة من القير مباشرة ترج عندي يعني اقدر اهزها بيدي احسها مرتخية هذي وش حلها لايكون لازم افك القير والله يا اخوان لو على فكة القير عندي افكه وانزله عندي في البيت لكن لازم اتأكد أول إذا الخلل منه


وأشكركم على اهتمامكم

ارجوا منكم الرد

وشكرا

أمير المصفحات

بندر خلف
13/01/2009, 10:11 PM
أمير وده فحص كمبيوتر ويطلعلك كل شي فيه وانت تفكك بالبيت وتلعب بالموتر

شيك على سبرنقات الكلتش ووزنيت الكلتش لا يكون داخله هوى

ابوفهيدان
13/01/2009, 10:20 PM
نصيحه وده لميكانيكي وهو يقول لك الحل

أمير المصفحات
13/01/2009, 10:22 PM
والله ما أدري لكن وين أفحصه

faris2006
14/01/2009, 12:32 AM
السلام عليكم
طبعا الجمس الاول مافيه واير كلها عصا(صيخ) من القير الى الدعسه
انا اقولك شيك على الدعسه وتاكد من الجلب البلاستكيه
او من المزانيه وهي عند القير في نهايه العصا(صيخ)

يوجد ما بين القير والشاصيه حديد (ماني متذكر اسمها)هي الي تحول حركه العصا (صيخ)من الدعسه الى الفحمه لها جلب وتشحيم(تشحم)

والمزانيه لها دور

شفر 10
14/01/2009, 07:21 AM
شوف أخوي أمير
أنا عندي جمس شفر 81 قريب من سيارتك

جنني الكلتش

وديته ورشة وجاب لها دسك وعلبة واصلاح وكلفت حول 700 ريال

وكلها خرطي ولا فاد شيء

وديتها ورشة ثانية بالصناعية

قال كل هذه القطع ما تصلح وراح أرميها وخلاني أجيب القطع المناسبة

وصلحت

أهم شيء تأكد من قطع الكلتش إنها هي المناسبة

رحال7
14/01/2009, 07:44 AM
اخى كل انسان لديه موتر امريكى جديد او قديم هو فى ورطه بدرجات عاجل او اجل...فلا تيأس واصبر واحتسب الاجر!

الحمدلله ان موترك ماهو جديد 2009 او 2010 يعنى بأذن الله محلوله...شوف المنتديات الكل يشتكى! مشاكل قيور ليس لها نهايه بعضها تخبط بعد الف كيلو وحساسات من كل صوب واصوات ووووو....مشاكل لا تحصى!


اقول اخى امسك قردك لا يجيك اقرد منه!

اخى مشكلتك بسيطه ان شاء الله وانصحك تبحث عن ميكانيكى معروف وامين فموترك سهل الصيانه وهناك ناس يعرفون كل مشاكله

المهماذا الكلتش سليم فاذهب الى الجانب الاخر وهو القير فقد تكون العله هناك

انا لله وانا اليه راجعون والحمد لله والصلاه والسلام على محمد واله

abofaten
14/01/2009, 08:10 AM
فيه جلبه اعلى الدعسة (بوشنق) غييرها إلى نحاس بدل الحديدمع شوية شحم تطلع زي كلتش الزيت الزيت عن تجربة

ذيب صعافيق
14/01/2009, 09:35 AM
تأكد من الحديدة الي تقول أنه تتحرك (ألملقاط)خلك عند هذه الحديدة وخل واحد يدعس كلتش بتشوف أن نصف الدعسه مايحرك الحديدة حاول تقرب الصيخ النازل من اعلى حتى لا تتحرك هذه الحديدة بحيث يصير مجرد ما يظغط على الكلتش تتحرك الحديدة(تسمى الملقاط)

khalaa2u
14/01/2009, 09:42 AM
مالك الا راشد اليماني بالشرقيه الدمام الخضريه الشخص هذا حاصل على الدكتوراه في الجموس القديمه وحاصل على شهادة الزماله الامريكيه لميكانيكية الجموس القديمه
واذا تبي رقمه ارسل لي على الخاص

أمير المصفحات
14/01/2009, 04:18 PM
مالك الا راشد اليماني بالشرقيه الدمام الخضريه الشخص هذا حاصل على الدكتوراه في الجموس القديمه وحاصل على شهادة الزماله الامريكيه لميكانيكية الجموس القديمه
واذا تبي رقمه ارسل لي على الخاص



والله يا أخوي انا مشاركاتي قليلة ما أقدر ارسلك على الخاص تسوي فيني خير لو ترسلة لي أنت الله لايهينك

وتحياتي للجميع

أمير المصفحات
14/01/2009, 09:16 PM
khalaa2u

يعطيك العافية يالغالي راح اتصل على راشد غذا بأذن الله وأشوف وش يقول وأرد لكم خبر


الشكر لك أخي الكريم وللجميع

أمير المصفحات
16/01/2009, 06:22 PM
أشكر أخوي
تيتشر

على مساعدته لي حيث قام بإرسال رسالة خاصة لي يوجد بها رقم واحد في الصناعية القديمة والرجال شكله خبرة

الله يوفق الجميع

ضحية صمت
16/01/2009, 10:47 PM
خرابك ياعمي في الدعسه حقت الكلتش تأكد منها