المساعد الشخصي الرقمي

مشاهدة النسخة كاملة : سؤال لأصحاب اللاندكروزر Gxr


خيال666
12/01/2009, 03:43 PM
السلام عليكم ورحمة الله وبركاته.....
الموضوع الأول:ـ


أعاني من مشكله في سيارتي اللانكروزر موديل 2000 جي اكس آر وهي:ـ
اذا مشيت فوق 130 كلم احس برجه بسيطة متقطعة تجي في السيارة يصاحبها صوت متقطع


مثال:ـ اذا مشيت 140 كلم يبدأ يطلع صوت ووووو ووووو ووووو ووووو متقطع
وأحس برجه بسيطه تجي وتروح مع الصوت.



الموضوع الثاني:ـ
أبغى أقلب السيارة لموديل 2007 ويمكن أركب خطوط تجارية لأن الأصلي غالي....وش رايكم في الخطوط التجارية ؟؟ لأني سمعت انها تخرب السيارة ولا تقدر تشيلها بعدين؟؟


الموضوع الثالث:ـ
اذا شغلت السيارة وهي بارده أثناء الصباح أسمع شي في الكبوت يطقطق شوي بعدين يختفي
الطقطقه هاذي ماتطلع إلا اذا السيارة بارده (في الصباح)وتقعد يمكن 5 ثواني بس...

تكفون اللي مرت عليه هاذي المشاكل أو يعرف لها ياليت يفيدني...
واللي مو متأكد أو خبرته ماهي بالحيل تكفى لايلخبطني..
العنقري
12/01/2009, 03:54 PM
با لنسبه لرجه فهى من عمود الكردان حق (الدبل) للفحص فكه وسق السياره على السرعات التى اشرت اليها ان اختفت فهى منه وانت مخير بتركيب فصلات للدبل بسعر 500 ريال اوتغيرالعمود00000000
عزوز الليل
12/01/2009, 04:09 PM
بالنسبة للموضوع الأول هذا تسمى حرة وحلها تغيير عمدان وتقريبا التكلفة 1500
وفيه محل ممتاز في صناعية الشفا اسم الورشة العتيبي

بالنسبة للموضوع الثاني أنا بجاوبك بخصوص الخط إذا موترك مافيه رش يعني بوية ماعندك مشكله في التجاري ابدأ لكن إذا فيه رش يمكن يأثر إذا جيت تفكه وحط في بالك إذا جيت تقلب موترك 2007 انه مكلف يا تقلبه ممتاز ولا لاتتعبث به نصيحة يعني تغير كل شيء من وإلى > واحد من الربع غير الخطوط والشمعات والشبك وماغير الازياق طالع الموتر خلفه فيا يكون شغلك شغل عدل ولا انصحك ماتتعبث وموفق أخوي
.أبوعبدالرحمن
12/01/2009, 04:23 PM
بالنسبة الموضوع الاول

شيك على امرين

1/ عامود الدبل
2/ دودة الدركسون وهذا ما حصل معي


الموضوع الثاني

شوري عليك لا تتعبث في شكل الموتر والموتر شكله الحلو بوكالته
والخطوط التجارية تجيك اغمق من الاصلية ومع الشمس تتغير لونها وبعدها تبغض السيارة كلها

والمشكلة انك اذا رحت تغير كل شيء وكالة راح يكلفك


الموضوع الثالث والاخير

اشوف والله اعلم انه طبيعي اذا كانت الطقطقة خفيييييفة
حر المجمعه
12/01/2009, 04:27 PM
شكله دخله مس
هههههههههههههههههه
* الــــفــر قــــد *
12/01/2009, 04:43 PM
الرجة في الدركسون : ناتجة من ميزانية الأطارات أضبط ميزانية أحد الأطارات وتروح المشكلة
الطقطقة : أعتقد ناتجة من التمدد بالحرارة بعد البرودة وفحص مستوى الأيل .
لا تغير الخطوط إلا بالأصلي
والأفضل أن تعطي الخباز خبزه حتى لو أكل نصفه:D
أبو فؤاد
12/01/2009, 04:46 PM
انا عندي لاند كروزر 2009 يوجد خراب في الحساست
جيب الربع
12/01/2009, 09:52 PM
الطقطقه فى السيور المكينه هذا عادى اما الرجه غالب ماتكون فى عمود الدبل
خيال666
13/01/2009, 01:04 AM
إخواني......
العنقري
عزوز الليل
ابو عبدالرحمن الصفيان
حر المجمعة
هام السحايب
ابو فؤاد
جيب الربع
شكراً على الردود التي استفت منها
خيال666
13/01/2009, 01:07 AM
اخوي :ـ جيب الربع
صدقت انا أشهر انك فاهم....ماشاءالله
فعلاً السيور عندي تصرصر بس ماتوقعت ان الطقطقة منها بعد
شكراً
ابومحمد منصور
23/04/2010, 10:05 PM
السلام عليكم ورحمة الله وبركاته
لوسمحتو ياشباب انا معي Gxr فيه حره خاصه إذاتعديت 140 تكون واضحه وفكيت عامود كردان الأمامي ولا تغير شي وفكيت الخلفي ومشيت بالدبل إلى 180 مافيه شئ ابدآ وإذاركبت العامود الخلفي وشديت الموتر بنمره تسمع الحره بقوه مع العلم اني غيرت العامود الخلفي جديد اصلي من الوكاله وتغيرة شي بسيط بس مازالت موجوده وشرايكم علمآ إني لارفعته ودعست كل دواسة البنزين ماتلاحظ شي ابد على الموتر

ملاحظه

للمعلوميه فكيت الدبل والكارونه وغيرت رماناتهن ولا إستفدت وباقي رمانات العكوس
مع العلم إنك تلاحض الحره بالموتر خلف وتمسك عصا الدبل تلاحظ الحره بقوه


ارجو الرد بأسرع وقت :(
ابومحمد منصور
23/04/2010, 10:17 PM
السلام عليكم ورحمة الله وبركاته
انا عندي مشكلة الحره وكل شي سويته ومافيه فايده عيت تروح مادري وش حله وشرايكم ياشباب الصوت يطلع عند 140 ويبتل إلى 190 وعند شد الموتر بنمره وإذا قرب من التفتفه تسمع الحره بقوه وغيرت العامود الخلفي وفكيت العامود الأمامي ومافيه فايده مع العلم اني فكيت العامود الخلفي ومشيت بالأمامي إلى 180 ولا تسمع فيه اي شئ ابد مادري وشرايكم ياشباب
سفاري959
24/04/2010, 08:51 AM
اللي شفته ومن واقع تجربه ان اللاند الجي اكس ار فيه عره من 140 الى 160 انا سقت اكثر من واحد جدد على وقتها اتكلم عن موديلات 2007 وتحت وعجزنا نطلع علتهن
ابومحمد منصور
24/04/2010, 03:11 PM
إنشاء الله إني لقيت العله بس ابي اطبقه على موتري بعدين إذا ثبتت إنها هي المشكله اعلمكم وابي منكم زود بحث بالموضوع
واشكرك ياسفاري 959 على هالمعلومه لاكن أنا موتري ماكان فيه هالصوت وثانينآ معي قبل اسبوع هدد 2007 ومافيه اي صوت نهائي ولك الشكر
بدوي جنوبي
24/04/2010, 07:36 PM
ينقل لقسم الاعطال
عبدالحليم
24/04/2010, 08:03 PM
عمود الدبل يحتاج الى ترصيص
صارت معي
والله اعلم
هين 042
24/04/2010, 11:04 PM
طيب نسيت حااااااجه مهمه وبسيطه جدا ..

ركب فرارات (( فلنجات )) علشان تفصل وتشبك عامود الدبل على كيفك ..

وما تكلفك تقريبا الا 500 ريال بس يالغالي ..

وهذي الصوره

http://www.m5zn.com/uploads/2010/4/24/photo/042410130440ncx4v7ruihs.jpg (http://www.m5zn.com)