لا عاااد تحمي السيااااره !!! [الأرشيف]

مشاهدة النسخة كاملة : لا عاااد تحمي السيااااره !!!

القابوعة

13/01/2009, 09:44 AM

شوف المعلومات الصحيحة مهوب كلام الشيبان

أحد الزملاء رجع من ألمانيا ، فكنت أتكلم معاه عن السيارات الألمانية هناك وطرق القيادة في السيارات ، فقال لي كلام استغربت فعلا منه ، وهو ان الألمانيين ما يحمون سياراتهم في البرد ، ويقول خويي ، إني أشوف الكثير منهم يشيل الثلج من السيارة ثم يشغلها لمدة لا تزيد عن دقيقة ويدعس؟؟؟؟؟؟ ويكمل زميلي كلامه ويقول أنا سيارتي الأكورد مطلعها من الوكالة عام 2003 وإذا حميتها أتركها 30 فقط حتى اضمن دورة الزيت في المكينة ثم أعشق وأمشي؟؟؟؟
كلام خويي لعب في راسي شوي ، قمت قوقلت الموضوع في المواقع الأجنبية ، لقيت الكثير منهم يقولون إن تحمية السيارة يفترض أن لا تتعدى 30 ثانية ، ويقولون إنك اذا طول المدة اللي تحمي فيها موترك فإنك تستهلك مكينة سيارتك؟؟؟
وأنا أنقل لكم هناك بعض الكلام اللي قريته ونبي نتناقش فيه شوي ...

موقع حديث السيارات الشهير cartalk.com (http://cartalk.com/) قرأت فيه التالي وهذا إقتباس من حوار Click and Click:

TOM: Actually, what you've been told is correct, Carolee. Modern cars don't need to be warmed up at all. Nor do older cars.

توم : ما سمعت عنه صحيح ، لا تحتاج إلى تسخين على الإطلاق .

RAY: If your car starts and doesn't stall when you put it in gear, it's ready to go. In fact, the best way to warm it up is by driving it.

راي : إذا اشتغلت السيارة ولم تدقر أو تجيم عند تعشيق الجير ، فهي إذا جاهزة للقيادة ، فأفضل طريقة لتسخين السيارة هي بقيادتها .

TOM: It's best to drive it gently for the first three to five minutes, to allow the oil to fully warm up and thin out. So, you don't want to pull out of the parking lot and immediately floor it on a highway ramp. But driving it gently is an ideal way to warm it up.

توم : من الأفضل قيادة السيارة بهدوء لثلاث إلى خمس دقائق الأولى ، حتى تسمح بتسخين الزيت ، لذا فليس عليك الإنظلاق من الموقع مسرعا إلى الطريق السريع ، لكن القيادة بهدوء هي الطريقة المثالية لتسخين السيارة .

وفي موقع آخر وقعت على شخص يسأل عن المدة المثالية لتسخين السيارة ، فكانت الإجابة الأفضل (حسب تقييم الموقع )

Start, run for 15-20 seconds, put it in gear and go. Drive like an old woman until the temp needle starts to move.

شغل السيارة من 15 إلى 20 ثانية ، وعشق الجير وانطلق ، وسر على الطريق كأنك إمراءة عجوز حتى يصل مؤشر الحرارة إلى الدرجة الطبيعية ثم تحرك بحرية ...

وهذا مقال طويل عن تسخين السيارات في البرد / ويقول بأن السيارات لا تحتاج إلى تسخين أكثر من 30 ثانية باستثناء السيارات القديمة ...

كود :

http://www.motorpoint.com.au/warm-up-the-car.asp (http://www.motorpoint.com.au/warm-up-the-car.asp)

عموما لا شك أن عندنا في السعودية تسخين السيارة يعتبر من الأساسيات في أسلوب المحافظة التقليدي على السيارة ، ولكن الغرب معروف ان عمر سيارتهم أطول بكثير والبرودة عندهم لا تقارن بالرودة عندنا ، ومع ذلك يتعاملون مع سيارتهم بهذه الطريقة ....
أنا شخصيا احمي سيارتي من نص دقيقه الى دقيقه

لكني في المستقبل سأقود سيارتي في الخمس دقائق الأولى كامرأة عجوز .....

منقوووول ..

مربط القعاسي

13/01/2009, 10:19 AM

جساس1

13/01/2009, 10:35 AM

اعتقد ان التحمية ضرورية على الا تقل عن دقيقة واحدة واعجبتني مقولة قراءتها تشبه تحمية السيارة بشخص نائم ايقضته بسرعة وبدون مقدمات امرته بالجري باقصى سرعة

هاوي شمال

13/01/2009, 11:11 AM

موضوع جميل

انا احمي سيارتي من 10 الى 15 دقيقه

الخالدي11

13/01/2009, 11:21 AM

ياعزيزي واحد من الربع كان معله لونكن يحميها يوميا أقل شي 10 دقايق
ويوم جا ذاك اليوم مستعجل شغلها دقيقتين ثم حرك مشى تقريبا 30 كيلو والا الموتر جاه بلى وراح ووداه للمكناكي قال انت ماحميت الموتر قال ايه قال اجل هنا المشكلة ثم صلحه وتوكل على الله

رجل كريم

13/01/2009, 11:28 AM

اقوم بقيادة سيارتي بعد تشغيلها فورا خلال ثانيتين فقط ولكن بسرعة خفيفة اول دقيقتين ثم ترتفع الحرارة بسرعة بسبب تحريك السيارة وبعدها اقودها بشكل اعتيادي علما ان سيارتي موديل 2004 وكالة وقطعت معي 260 الف كم وهي بحالة جيدة جدا ولله الحمد ..
اوافق صاحب الموضوع بنسبة 99%

ابوي انت

13/01/2009, 11:38 AM

بسم الله الرحمن الرحيم
كثير من تكلم في هذا الموضوع ولا كن بدون فائدة لن القناعه كنز لا يفني
هذي قصتي من 11 سنه
انا اسوق السيارة من عمري 12 سنه ونا الحين 31 سنه
اشتريت تقريباً 11 سيارة او 12 سيارة ومن عرفت نفسي مارتاح الى اذا شفت الحرارة على الربع يعني يكون فيها بلف حرارة سواء بالصيف ولا بالشتاء
مع العلم اني ماعمري حميت السيارة اكثر من دقيقه ولا مرة تعطلت معي السيارة او جاء فيها خراب للعلم اي سيارة يكون فيها بلف حرارة كافي لها التحميه نص دقيقه وتمشي عليها شوي شوي ليمن يتحرك الانبير
12 سياره يعني كل سنتين سياره ؟ ما يمديها تتعطل
اسال اللي شراها بعدك تلقاها خبطت على طول
بعدين في الصيف البلف نشيله نبي نبرد السياره وفي الشتاء نغطي الشبك بقصدير و نسخنها و نرجع البلف ان فضينا
احد عندة طريقه للتبريد غير شيلة البلف

الكونترولCONTROL

13/01/2009, 11:49 AM

مع الشكر لصاحب الطرح ... في هذا الخصوص ..... مرت علي تجربتين : 1- شغلت السيارة ( صغيرة قيرعادي) حاولت أمشي مباشرة و لكن سمعت صوت للكلتش و لم تتحرك السيارة من مكانها !! تركت السيارة 5 دقائق حتى
سخنت ,عشقت و مشت و لم أسمع صوت الكلتش مرة أخرى
2- شغلت السيارة ( جيب قير أوتوماتيك ) الفجر و مشيت مباشرة .. بصراحة خوفني القير من شدة رقلته و لكن خفت و هديت السرعة مررررة
و بعد ما مشيت بين 3 و 5 دقائق راحت رجة القير و أسرعت بلا مشكلة
!! لا بد من تسخين السيارة !!

سليمان911

13/01/2009, 11:53 AM

صح لسانك يالكنترول

حتى انا ياطويل العمر شغلت ومشيت كاني مشغل الدبل على الثقيل يالله يلقم القير (تماتيك)

wass1

13/01/2009, 12:11 PM

السلام عليكم ورحمة الله..
نلاحظ على سيارات الموظفين لدينا التابعة للعمل ان من لايقوم بالتسخين المعقول وينطلق مباشرة تتعرض السيارة لأعطال ليست في السيارات الأخرى...كأصوات البلوف ونقص بالزيت و اعطال بسيقان وغوايش القير....

راعي الطلعات

13/01/2009, 12:41 PM

يارجال خرابيط هالاجانب ماتدري وش كابين في رديتراتهم لو تدري وش الروس يكبون في رديرتراتهم ويحمون بعد كان قلة الاملان ماعندهم سالفه

!! لا بد من تسخين السيارة !!

سوسة حطب

13/01/2009, 12:53 PM

صاحب الموضوع كلامه جميل جدا وفي نفس الوقت ردود الأخوان زين بس أني أحمي سيارتي أقل شي 10 دقائق !!! هذه غريبه ( شغل واحد من جيراني شايب ما يقومين من النوم إلا أهو الله يجزاه خير يشغلها تقعد فوق 10دقائق وبعدين يبدى على المرحلة الثانية بدعس البانزين ثم ينزل من الموتر ويحرك رجوله شوي يعني يتمشى وبعدين ينطلق بسلام )

أبو الفهد

13/01/2009, 01:07 PM

لا بد من تسخين السيارة ، ليش بالبرد خاصة أول ما تشغل السيارة تكون سرعة المكينة عالية حتى تحتمي بعد دقائق حتى تحتمي بعدها ترجع سرعة المكينة وهي واقفة إلى معدلها الطبيعي. هل مصانع السيارات وضعت هذا عبث؟

لا يكثر

13/01/2009, 02:14 PM

انا عن نفسي اعتقد ان دقيقتين كافيه للسياره وبالراحه
والعمر ثلاثين ولا اخبر قد حميت سياره من سياراتي اكثر من كذا الا الخرد منهن لانهن يعيين يمشن اصلا اما السيارات الجديده شغل وامش والسياره ما تجلس معي اكثر من سنتين وابيعه (يعني بقريح ) بس مسألة احمي عشر دقايق عز الله ما داومت

كشات السعودية

13/01/2009, 02:18 PM

والله لازم انكـ.... تحمي السيارة لانها تصير ماش مصخنه.... ماهيب طيبه والشيبان واللهـ... ونعم....تستفيد منهم....

ابو سلطان212

13/01/2009, 02:20 PM

أنا من راي الاخوان

لابد من التسخين

الصقر السارح

13/01/2009, 02:22 PM

أتوقع الماء الموضوع في سياراتهم له خصائص معينه والرديتر يكون صغير شف السيارات الامريكية وشلون يعدلونها اذا جت عندنا بعدين معروف ان الحديد اذا احتك مع بعض بدون زيت يقلل من عمر المحرك.

عنيد الجبيل

13/01/2009, 02:33 PM

انا بصراحة
احمي من دقيقة الى دقيقتين والحمد لله ما في مشاكل
وامشي بشويش الين تحتمي صح
بس كني سمعت انها تخرب القزوز في الشتاء

رحال7

13/01/2009, 02:34 PM

ليس لدى وقت لتأكد من الموقع اخى الكريم ولكن بشكل عام قد يكون المتداخلين فى الموضوع الذى بالانجليزى يجهلون هذا الامر وقد يكون هذا شىء يخص سياراتهم واجوائهم..

والله اعلم

ee150

13/01/2009, 02:43 PM

وانا اخوك سيايير الغرب تختلف عن سياييرنا

هم خلقه السياره متعوده على البراد

عشان كذا على طول يمشي

اما انحن مصنعينها لنا عشان الصيف اللي يصلخ السيارات

وحطو رديترات كبر بليس

ولا توقعو ان اجوائنا 6 فصول في اليوم

برد حر مطر غبار كدره غبغبه ضباب إلخ

NISSAN-VTC

13/01/2009, 02:48 PM

بسم الله الرحمن الرحيم

انا معي موتر باترول 93

مدت تصخينه 7 دقايق

لاكن اذا شغلته وخليته دقيقتين امشيه بنمره واحد ميالقم بثنين لازم اوقف وبعدين اقومه بثنين وممشاه يتغير ويقطع ويطلع صوت بالمكينه مادري وشو تقل تنسيم هوا
لاكن اذا خليته سبع دقايق لا يقطع ويلقم سلام سلام ولايطلع به الصوت وجربته اكثر من مره :)

وبعدين انت وش يبييضرك لو شغلته وانت واقف وخليته يصخن لمين يحتمي الزيت

حر المجمعه

13/01/2009, 02:52 PM

اعتقد ان التحمية ضرورية على الا تقل عن دقيقة واحدة

كاسر الأمواج

13/01/2009, 02:59 PM

احسن شي انك تشغل وتحرك بعد ما تشغل المسجل والمكيف وبعدها حرك

وخل عنك كلام الناس انا سيارتي لها ثلاث سنين على هذا النظام وما بها الا العافية...

شاقي القميري

13/01/2009, 03:00 PM

واقعي وعقلاني

13/01/2009, 03:02 PM

غير صحيح اخوي الكريم أنا معاي جيب في كتيب الوكاله يقول يجب تسخين السياره في الشتاء لمدة خمسة عشر دقيقه وبالفعل لو ماحميته مايلقم الثاني تسمعه دقه في القير ولكن انا سمعت بعض السيارات الألمانيه خاصه ذات المواصفات العاليه الفخمه لا تستغرق دقيقتين ولكن لم أقرأها ...
دمت بود

ابوفهد225

13/01/2009, 03:02 PM

فقط للمشاركة

سيارة تويوتا يارس فيها لمبة في الطبلون اذا كان سيارتك باردة تطلع Cool

تجلس دقيقتين وتروح اللمبة ’’ يعني الان امش ,,

وسبق ان كنت في كندا وفي عز الشتاء الواحد اذا طلع حصل سيارتة مغطاة بالثلج ثم يجلس 10 دقائق يطلعها من الثلج ثم يشغل السيارة ويمشي على طول!!

أعتقد ان سياراتهم مخصصة للشيء هذا ,,

تقبل مروري

الكونترولCONTROL

13/01/2009, 04:34 PM

وسبق ان كنت في كندا وفي عز الشتاء الواحد اذا طلع حصل سيارتة مغطاة بالثلج ثم

يجلس 10 دقائق يطلعها من الثلج ثم يشغل السيارة ويمشي على طول!! أعتقد ان سياراتهم مخصصة للشيء هذا ,, تقبل مروري

الذي أعرفه ( أسمع ) أنه في كثيرمن تلك المناطق المتجمدة من العالم اذا وقفت سيارتك لها فيش كهرباء سخان على الرصيف او الجدار الذي أمام الموقف

اذا كنت ستوقفها الى الصباح او الى مدة ساعات طويلة تشبكها في ذلك الفيش و اذا لم تشبكه فعلى المكينة السلام لو تحاول تشغل !!!

قميري 999

13/01/2009, 04:55 PM

السيارات تختلف منها ما يحتاج الى تسخين ومنها ملا يحتاج...

D I K T O O R

13/01/2009, 05:10 PM

بقولك شغله ياللغالي

كلامك صح وكلام خويك صح

لكن برى عندهم السيارات مقاومه للبرد واكبر دليل انك تقول يوخر الثلج ويشغل

عندنا متشتغل السياراه لو فوقها ثلج

حتى لو تشغل سياره عايدي بالبرد يعني درجة الحراره 5 كذا وتمشي تشوفه تناتع

السبب :
موصفات السيارات عندنا عادي لئن ماعندنا برد مثل الدوله اللي ذكرتها

ولو حطو هالميزه بسياراتنا ان اول ماتشغل السياره تحتمي خلال 30 ثانيه كان اغلب السيارات تروح وطي في الصيف

ابراهيم2008

13/01/2009, 05:16 PM

والله ما يأخرني على الدوام الا تحمية السياره
دائم وأسمي تحت الخط الأحمر

ابوريناد1979

13/01/2009, 05:33 PM

ابقول لك ليش الأجانب مايحمون مواترهم ؟
طال عمرك البنزين عندهم 40 ضعف قيمته عندك (اللهم لك الحمد ولايغيرها من نعمه)
يعني يخلي مكينته تخبط ويوظبها كل 3 سنين ارخص له من انه يحمي ويخسر بنزين يوميا

أبو راكان

13/01/2009, 08:01 PM

اذا كانو ما يبونا نسخن سياراتنا ليش حطو جهاز تسخين السيارة اللي اذا شغلتها يجعل المحرك مرتفع صوته وبعد ان تسخن السيارة ينخفض
وتلاحظ بكثره في الامريكي وايضا في الجيب التايوتا وانا معي لاند كروزر أول ما اشغله الصباح في الشتاء تكون المكينه مسرعه وصوتها عالي واذا سخنت انخفض الصوت
حتى ان أبنائي الصغار صارو يعرفون هذا الشيء ويطلبون مني التحرك باخباري بأن صوت المحرك انخفض وانتهاء التسخين
تحياتي للجميع

شنطة عده

13/01/2009, 08:45 PM

السيارات الالمانية الحديثة بشكل عام وبشكل خاص ال بي ام دبليو والمرسيدس لاتحتاج الى تسخين لن محركاتها مصنوعه من سبيكة واحده من الالمنيوم وهي لاتحتاج الى تسخين ابـــداً ....... اما خجمنا الي عندنا
فسخنها واحفظ حلالك يحفظك

ورد الربيع

13/01/2009, 08:58 PM

من عرفنا السيارات وحنا نحمي السيارة ولا شفنا شي طيب يمكن الراديتر ثلج
تمشي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ALOTAIBI

13/01/2009, 09:10 PM

تحيه طيبه للجميع
ومساكم الله بالخير
السيارات الالمانية خاصة المرسيدس فيه ميزة انه ما يغير للسرعة الثانية وهو بارد يبقى على السرعة الاولى حتى يحتمي المحرك ثم يغير .
والشي الثاني جلد البلوف تروح اذا ما حمية الموتر او خليته نص دقيقه وتمشي هذا الشي اذا سلمت المكينه من التخبيط ودايم تحصل مع ناس يشغل ويعطيه دوستين ويحرك
وتقبلوا مروري

حاتم بن محمد

13/01/2009, 09:13 PM

السلام عليكم ورحمة الله وبركاته

بصراحة الموضوع حلووووو جداً جداً

وأنا مع حملة خلوها تصدى واحد متأثر ههههههههه

قصدي مع ( لا لتحميه يعني شغل وانتظر 30 ثانية إلى دقيقة وبعدها أمش وتوكل على الله )

وعندي هاللقصه القصيرة حصلت لي مع بعض الشباب اللي ما يمشي بالسيارة إلى وهو مخلي السيارة تحتمي أقل شي 20 دقيقة

وبصراحة كنت مضطر ما اروح إلى معه وإلا كان ما انتظرته كل هالوقت

المهم قلت خلاص يبن الحلال امش قال لا خل السيارة تحتمي ودار النقاش حتى قال مكتوب في دفتر الوكاله لا تمشي إلا بعد 20 دقيقة قلت في نفسي مو معقول أبد ( خوينا هذا معه شاص 2002 )

انا معي كامري 2004 لم نزلت عند سيارتي على طول فتحت الكتلوج قمت ابحث وتوقعو وش حصلت

واللي معه سيارة تايوتا يفتح الكتلوج وأنت منت صاير ابخص من الوكاله

مكتوب بهذه العبارة ( يمكن إدارة المحرك بعد التشغيل بمدة 20 ثانية )

إلا في حالة الجو التي تحت الصفر فأنتظر بضع دقايق يعني من 3 حتى 9 دقايق

وحط تحت تحت الصفر ثلاث مية خط وخطين زيادة يعني 302 رقم سيارتي أول هاللحين غيرناها

يعني لا تحمي وأمش زي ماهو مكتوب بالكتلوج

مع العلم ان خوينا راعي الشاص خبط موتره مرتين في مدة شهرين تقريباً

وشكراً لطارح الموضوع

السالميه

13/01/2009, 09:18 PM

الحمدلله انا بسيارتي لمبة حراره اونه اخضر اول ماشغل تقعد تقريباً دقيقه وتطفى وبعدين امشيي يعني خلاص حرك.

sohib

13/01/2009, 09:18 PM

اهم شي لاتشحط عليه وهي باردة
انا ماعمري حميتها اشغل وامشي بشويش من عشرين سنه ثلاث سيارات
لاتخبط ولايحزنون

ربيع قرطبه

13/01/2009, 09:43 PM

والله يا عزيزى كل ما حركت بدون تسخين السياره

الا تضرب معى قازقيتات المنفولت ويصير للسياره صوت كل ما دست على البنزين (تكتكه ... تكتكتكتكتك )

فالافضل انك اتحمى السياره لحد ما تحس ان صوت حنة السياره نزل او لاحظت ان امبير الضغط نزل

والتسخين ظرورى للى شايل بلف الحراره اللى فى المكينه

ولك شكرى على موضوعك الجميل

الصمان 2

13/01/2009, 10:02 PM

من الأفضل انك تنتظر من 3 إلى 5 دقائق حتى يسخن زيت المكينة .

أمير المصفحات

13/01/2009, 10:09 PM

والله أنا موتري اشغله وأخليه نص ساعة لين يصب الشكمان مويه وبعدين احرك وأشد عزم من أولها <<<<<<<<< متهور

راعي العشــه

13/01/2009, 11:24 PM

الأولين ماخلو للتالين شي
شيباننا يقولون لاتحرك السياره قبل ماتحميها لان المواصير تتكسر :)
ومسكت القاعده هذي الى يومك :)
موضوع جميل جدا للطرح
تقبلوا احترامي

أبوعزام مهاجر

13/01/2009, 11:41 PM

واذا كان كبليتر!!!!

بن دويش

13/01/2009, 11:48 PM

يجب تحمية السيارة

الكـاسـر

13/01/2009, 11:49 PM

لا ننسى ان بعض دول اوربا تمنع تحمية السيارة ومن يحميها يكون مخالف للقانون ويستحق قسيمه وهم وضعوا هذا النظام حفاظاً على البيئة فقط لا غير

ابوي انت

14/01/2009, 11:45 AM

من شب على شي شاب عليه حتى السيارات

هواوي صيد

14/01/2009, 12:25 PM

في وجهت نظري ان السيارات الامريكية والالمانيه ما تحتاج تحميه

يوم كنت في بريطانيا ما شوف احد يحمي السياره

بالكثير دقيقه وهذا شي لفت انتباهي

..

السيارات اليابانية اتوقع تحتاج تحميه

وجهة نظر

تحياتي

القابوعة

14/01/2009, 12:53 PM

أحيي الأخوان المشاركين في موضوعي هذا
لا عاااد تحمي السيااااره !!!

وبصراحه استفدت كثيرا من الردود التي بصراحه تنم عن خبرة
والتي اتوقع خلاصتها ان الواحد يحمي السيارة ما بين 30 ثانية حتى 90 ثانية (احتياطاً)
هذا ما استنتجته من ردودكم
والله الموفق ،،
وتقبلوا تحيات (( القابوعة ))

حــــرب

14/01/2009, 01:16 PM

بما أن السالفه فيها غرب فيها تقليد أعمى
الغرب وخصوصاً أوربا غالبية سياراتهم وقودها ((ديزل))
يعني لو يبي يسخن كم يبي يتكي بسيارته عشان يسخن السياره
وبعدين يمكن عندهم تقنية للسيارات الديزل لأن درجات الحرارة عندهم منخفظه
وآرائهم الي منسوخه في الموضوع تبقى أراء ووجهة نظر لا أكثر من ذلك
وإذا تبي تشوف التسخين يفيد لو لا
جرب على سياره قديمه شوي
والموضوع هذا تردد كثير بالمنتديات ماني عارف وش الهدف منه
إذا الواحد يطفش أو يتعب من التسخين لايسخن وش عليك من خلق الله ؟؟؟؟؟!!!!
يعني لو كان كلامك ماهو صحيح لأنه ماهو مبني على حقائق مثبته((علمية)) وش ذنب الشباب وسياراتهم ؟
وإذا كنت تحس ان في نظره أو مفهوم خاطئ
أثبت ذلك بالطريقه الصحيحه المناسبه
وفي مثل الحالات الميكانيكية لايتم الإثبات بالآراء أو مثله
ولكن عن طريق دليل علمي ^^^^^^^^

على العموم عند وقوف السياره فتره تجعل الزيت يركد في قاع المكينه عليك أن
تشغل السياره ولا تقوم بأي نشاط للسياره حتى يتسنى للزيت الارتفاع وتغطية الأجزاء التي
تعمل وفق نظرية الاحتكاك ...داخل المكينه ...

أو عند انخفاض درجة الحرارة قد يتجمد ماء الرديتر جزئيا في بعض المناطق
فبوقوفك مدة لاتتجاوز عدة دقائق يكون فيه خير كثير لك
حيث يزول الثلج ويدور الماء في المكينه دورته الطبيعيه .... ولو قمت بقيادة السياره وماء الرديتر متجمد قد تخبط سيارتك وعندها تخسر آلاف الريالات .... وشكراً

book00

14/01/2009, 01:30 PM

للأسف جميع الردود السابقة قال ويقولون وتوقع ويتوقعون ولا تمسك علم يقين

لكن رد الاخ حاتم محمد اشوفه فاصل في التويوتا في موديله لانه نقل كلام الوكالة

الاخ حاتم اكتب لنا رقم الصفحة في الكاتلوج الي فيها المعلومة اذا ماعليك امر

ربيع الشتاء

14/01/2009, 02:37 PM

شكل السالفه على حسب السيارة وماتعودت عليه ...
لاني عندي ماركيز 99 مشى عندي حتى الان 300 الف كيلومتر تقريبا والتسخين عندي مايتعدى دقيقه الى دقيقتين صيف وشتاء والحمدلله زي الفل ولا عمرها قالت لي شي ولله الحمد, بس ماامشي بأقصى سرعة على طوووووووول امشيها اشوي اشوي حتى امسك الخط تكون الحراره طبيعيه او قريبه من الطبيعي.
وبعدين سيارات الشركة عندنا اتحدى واحد يقول انه يحميها وهذه تمشي الى 5 سنوات بدون اي مشاكل ولله الحمد

وواحد من الشباب عنده نفس سيارتي بس متعود يحمي من 10 الى 15 دقيقه صيف وشتا ومره استعجل ولا حماها الا ثلاث دقائق على حسب كلامة واختربت عليه في نفس اليوم.

ابوابراهيم333

14/01/2009, 07:17 PM

الكلام صحيح عندنا الوالد الله يحفظه معه فكتوريا موديل 98 لها معه أكثر من 7سنين دايم اشوفه يدق سلف ويخليها تقريباً دقيقة بعدين يحرك واذا كان في الشتاء يخليها دقيقة ويعطيها دعستين ويحرك والحين السيارة ماشية حدود 400الف والحمدلله ما اشتكت

Bader-M

14/01/2009, 08:03 PM

معاي سيارة لها تسع سنوات و مشيت عليها فوق 450 الف كم

والحمد الله السيارة لا تنقص زيت والمحرك يعمل بانتظام و سلاسة

انا احمي السيارة بين 2- 5 دقيقة على حسب درجة حرارة الجو

تحياتي اليك

محمد الحريقي

14/01/2009, 10:07 PM

وش الخسارة اذا انتظرت 5 دقايق او 10
هذي مشكلتنا نبحث عن الاختصار في كل شئ ولانصبر
اضرب مثل ولو طلعت عن الموضوع شوي مع فارق التشبيه ولا يزعل احد من الحق
الدوام الرسمي للدوائر الحكومية يبدأ من 7.30وحتى 2.30
ولكن الدوام الفعلي يبدأ من 8 وينتهي 2 تقريباً طبعافي بعض الدوائر وليس جميعها
يعني ماكلينه من اوله وآخره طيب ليش؟؟؟؟؟؟؟؟
ليش البعض منا ما يجي للصلاة الا على الاقامة مع وجود وقت طويل بين الاذان والاقامة ناهيك عن اللي مايلحق الصلاة اصلاَ ويكون هذا دأبه ؟؟؟؟؟؟؟؟
ليش البعض اذا كان عنده موعد في مستشفى ما يجي الا بعد الموعد ب5او10دقايق؟؟؟
ليش وليش وليش
المفروض الواحد يعود نفسه ويوطنها على الصبر
وليس العكس!!!
واعود للموضوع مع احترامي لصاحب الموضوع ولجهده
ماذكرت في الموضوع والروابط اللتي وضعتها منقولة وليست عن تجربة
والقول الفصل نجده عند المكانيكي او من لديه خبره في هذا المجال وليس عند صاحب السياره
_وانا اعبر عن رأيي فقط_

حاتم بن محمد

17/01/2009, 08:32 PM

السلام عليكم ورحمة الله وبركاته

اللي معه سيارة تايوتا يشوف الكتلوج صفحة رقم 164 على ما اعتقد ان كل الكتالوجات مثل بعض

وانشاء الله احاول احط صور

عبدالمجيد

17/01/2009, 09:29 PM

انا بصراحه اسخن السياره لمدة كافيه حتى يرتفع الانمبير

الملثم البحري

17/01/2009, 09:38 PM

عن نفسي لااسخن السيارة اكثر من دقيقة واحدة بس

لو شريت سيارة جديده يبي يتغير الوضع

شعال

17/01/2009, 09:47 PM

الف شكر للك على الموضوع وكلامك صحيح
انا معي قير اتوماتيك اخليه اقل من خمس دقايق وبعدين احطه على D بدون ادوس بنزين الين اطلع من الحاره

صاحب الموضوع كلامه جميل جدا وفي نفس الوقت ردود الأخوان زين بس أني أحمي سيارتي أقل شي 10 دقائق !!! هذه غريبه ( شغل واحد من جيراني شايب ما يقومين من النوم إلا أهو الله يجزاه خير يشغلها تقعد فوق 10دقائق وبعدين يبدى على المرحلة الثانية بدعس البانزين ثم ينزل من الموتر ويحرك رجوله شوي يعني يتمشى وبعدين ينطلق بسلام )

هذا متعود على الكربنه
اما ينزل ويحرك رجلينه صراحه حلوه:D

ضغط سحاب

17/01/2009, 09:51 PM

مع زحمة الردودو اقول من واقع تجربة وتحذير بنفس الوقت..

كان عندي كامر سته سلندر تماتيك ومتعود احمي الموتر الا ذاك اليوم..دق علي ابن اختي في حادث وقال تعال اسعفنا المهم شغلت الموتر في البرررررد وهات يا دوس حتى وصلت تقريبا15 كم ومن بكره شفت تحت السيارة بقعت زيت (طلعت من الصوفة بين القير والماكينة)
اخواني التحمية مهمه حتى لوقت بسيط..
لكم تحياتي

alkreze

17/01/2009, 10:01 PM

ياخوان حمو سيارتكم لو 3 داقائق على الاقل

واذا مشيت والموتر بارد وجااك واحد مع لفه واتبي
تدعس ومايمديك لا الزيووت ماوصلت للجميع المحركات
اذا دعست بيكتم الموتر ويمكن يطفي واصدمك اللي جااي مع اللفه

بروق الشام

17/01/2009, 10:26 PM

شمالات نجد

18/01/2009, 12:58 AM

هاليومين جربت تحمية Bmw X5 خلال دقيقة واحدة فقط تحرك امبير الحراره وحين سألت عنه أفادني صاحبه أن السيارات الألمانية تختلف

إذاً السيارات تختلف من واحدة إلى أخرى في التحمية

ولا بد من التحمية عموماً

سلام

رٍسِـــلآنٍ ٱلدُفُــٱع

18/01/2009, 01:21 AM

مكاين الحديد تختلف عن مكاين الالومنيوم <<الالومنيوم يسخن بسرعه ويبرد بسرعه

يعني اذا مكينتك الومينيوم سخنها 4 دقايق وامش وانت مطمن .......... بصراحه الي يسخن اكثر من 8 دقايق يتعب نفسه على الفاضي

ابو كرك

18/01/2009, 01:41 AM

اول ماتمشي بدون تحميه ماتسمع الا تقطيع الموتر وبعدين السيارات بالدول الغربيه الاديتر اقل حجم يعني قبل يدق سويك والحراره ترتفع السياره لابد من التحميه وكثيرا من الاشخاص اللي يمشون بدون تحميه تجدهم يشتكون من اعطال ميكانيكه بالسيارات واذكر انه سنه من السنين وجدت مأ الاديتر مثلج من شدة البروده ( يعني مايحتاج احمي بعد!!!!) وشاكر لكم

القميري هواي

18/01/2009, 09:33 AM

انا ابوي معه فورد ماشاء الله عليه

يشغل ويقعد افل من دقيقه ثم ينطلق على بركة الله

مخاوي الليل.

18/01/2009, 09:43 AM

الااديتر يكون صغير مايحتاج لتحميه حنا عندنا الاديتر كبير علشان يبرد على السياره في الصيف